甜滿屋

這家「甜滿屋」的窩夫真的是視覺與味覺雙重驚喜！木盤端上桌時，金黃窩夫的焦香先鑽進鼻腔，外層烤得微脆、內裡綿軟蓬鬆，咬開還帶著蛋香，撒的脆片又添了層次。頂端的雪糕球是隱藏亮點——奶味濃郁卻不膩，混著細碎餅乾碎，配著旁邊酸甜的士多啤梨剛剛好，淋上他們自家製士多啤梨醬不會過甜，裹著鬆餅吃口感超豐富。店裡的座椅很舒服，木質桌台也讓整個畫面變得溫柔，隨便拍都好好睇～唯一小遺憾是冰淇淋融化有點快，建議上桌就趕緊開吃！如果喜歡更清爽的口味，可以換成雲呢拿雪糕，搭配士多啤梨會更突出果香。整體來說是會想再訪的甜點店，價格也很親民，推薦給喜歡的朋友！…查看更多

真係太好食了！！🥹🥹 同朋友食完飯，上網搵吓大埔有咩甜品舖好食，睇到呢間好似唔錯，點知真係無令我失望！嗌咗一個金寶蘋果，要等15分鐘左右，但係值得的！一送到嚟已經好香，食落外脆內軟，個人鍾意食肉桂，性價比超高！所以真係好推薦大家嚟食😋😋…查看更多

呢閒甜品店其實我都去過幾次！因為佢啲嘢食好食同埋有龍珠公仔睇今次點都要再介紹呢間店因為佢今次出左個《期間限定》開心果心太軟嗌咗個開心果心太軟配曲奇雪糕！等左差唔多15分鐘就焗好！一上枱已經聞到好香開心果味同埋擺設都幾靚𠝹開左個心太軟，試左第一啖好香濃嘅開心果味同埋好好食！臨走前仲問咗個樓面幾時會停唔再出，佢話不定時出同停！希望下次再去再有機會飯食！！！總括嚟講（10分滿分）環境9分食物10分服務8分價錢8分…查看更多

去到都等咗兩台，一路等一路睇餐牌，望住人哋啲甜品好似好吸引咁樣！小店主打似乎係布丁同Apple crumble，因為Apple crumble要等20分鐘所以今次唯有放棄唔食住點知。。。就出哂事《芋圓椰汁紫米露》紫米味好淡🥹芋圓係完全無芋圓味，得啲粉味。同埋個紫米露，西米仲多過紫米。。。好失望其實除咗傳統糖水，全部甜品都起碼要$50，同行嘅朋友都同意布甸係好食嘅，不過味道真係好普通，尤其是其他配料。所以如果唔係咁啱去開，淨係搵到呢間甜品，唔會有下次。…查看更多

自從松記糖水結業後,愈黎愈少出去食甜品了,大埔甜品舖唔多,前排搵到一間新開既,食左幾次之後就再搵下仲有無其他喇,終於再搵到呢間甜滿屋,遠少少但都去試下先,去到唔使排隊可以即入焦糖醬香蕉朱古力味窩夫配雪糕見個個都叫呢個,當然要試下喇,佢即整既,所以要等D時間,賣相好好,香蕉砌得好靚,窩夫+雪糕,一熱一凍,好夾好好味,推介芒果小丸子配芒果雪糕芒果甜,小丸子軟熟好食,配搭埋芒果雪糕,係好食既,係已執既某甜品店既主打甜品,係回憶呀><…查看更多

雖然食飽飯，但係飯後甜品不可少😂因為甜品係放另一個胃叫咗個焦糖窩夫，一道令人難以抗拒的甜點，外層酥脆，內裡鬆軟，搭配濃郁的焦糖醬，口感層次豐富👍。窩夫表面經過烘烤後呈現金黃色澤，焦糖的香甜與窩夫的蛋香完美融合，每一口都充滿幸福感。😍焦糖醬的甜度恰到好處，不會過於膩口，反而帶出窩夫的香氣。若搭配一球雪糕，冷熱交替的口感更是絕妙。整體適合下午茶或飯後享用的甜點，既能滿足甜食愛好者的味蕾，又能帶來愉悅的用餐體驗。👍…查看更多

食完晚飯想食下甜品，就上網睇下附近有無咩甜品鋪頭，見到呢間鋪頭好多款窩夫就決定黎試下！除左窩夫仲有芋圓同沙冰類既甜品，最後叫左個芋圓八寶焦糖布甸＆花生醬煉奶香蕉朱古力窩夫配雪糕。芋圓八寶焦糖布甸🍨焦糖布甸幾香軟滑溜唔會好甜，芋圓煮得岩岩好有咬口得黎唔會好軟淋淋，加埋其他配料，口感豐富！朱古力花生醬煉奶香蕉朱古力窩夫配雪糕🍌原本以為係脆身既窩夫，但呢到既窩夫係相對無咁脆身，但個窩夫好香蛋香味，趁熱既時候加上雪糕一凍一熱更加好食！…查看更多

同朋友聚餐咁岩黎到大埔，食飽周圍行下。好遠就見到甜滿屋出面好多人排隊，好奇之下就決定試下。平時好鍾意抹茶，見到宇治金時就想試下。茶味好濃，入面嘅配料都好足，味道超好，下次會再嗌！另外嗌左芋圓八寶焦糖布甸，焦糖布甸出乎預期好食芋圓超出色，煮得啱啱好，有咬口，又唔會好腍，配料都好足，好抵食! Menu 上面其他都好吸引，中式西式都有，每次出餐窩夫都超級香，下次會再黎試其他！ 環境好舒服，裝修設計都好靚，員工質素都唔錯…查看更多

食完晚飯經過呢間甜品舖，咁啱又想食甜品，見到唔算好多人就行咗入去食。menu入面有好多選擇，窩夫、心太軟、芋圓同中式糖水等等，仲有唔同嘅沙冰特飲嗌咗招牌apple crumble嚟食，雖然要等20分鐘，但好值得等，外脆內軟，鬆脆嘅批面配上肉桂蘋果餡，再夾埋雲呢拿雪糕而且環境優美坐得好舒服，店員都好好態度我冇紙巾問佢哋借，佢哋仲成包借俾我！！…查看更多

今日晏晝踩單車踩咗去大美督，出返去太和附近食晚飯之後就見到間甜品舖，見到應該唔使等好耐我哋就諗住試吓，佢都好快執好咗張枱就俾我哋入去。佢Menu都有唔少選擇，我哋兩個人就叫咗個芒果西米露同埋蜂蜜肉桂香蕉朱古力味窩夫，勁surprise！個芒果西米露好多芒果肉，唔會太甜啱啱好個窩夫勁香，外脆內軟，真係要趁熱食。環境裝修得好靚又舒服，服務態度又好好～下次一定再嚟！想試吓心太軟同埋法式焦糖燉蛋!!!!!!…查看更多

港島人去大西北搵野食處處充滿驚喜😬今次比我搵到哩間高質甜品店💚晚上8點幾門口已經排晒隊 入面坐滿一家大細 十個八個一枱香氣撲鼻可能二人枱快d 等左10分鐘到就有位🙇餐牌上面好多選擇，中式西式或者果汁都有作為Waffle 同Apple crumble控一定要叫齊兩個😬蘋果炒至軟身 加上肉桂粉焗香到爆炸 停唔到口🤤Waffle 雪糕可以自由配搭 我揀咗曲奇💚 Waffle唔係煙韌果種 而係偏向軟熟既質感 加上熱辣辣 好味道🥲份量唔小 加上接近成條香蕉 好抵食👍🏻總結:甜品舖嚟講 佢餐牌上七成都係我鐘意食既野 🤣(Waffle,Apple Crumble,木糠蛋糕,心太軟等等)性價比極高，睇黎唔止滿足我兩個願望🙈我已經睇定下次要食棉花糖製品嘅甜品 🥶 haha推薦！…查看更多

太和驚喜窩夫🤩嚟到太和，住係太和嘅朋友叫我一定要試吓呢間嘅甜品，話係必試！花生醬煉奶香蕉朱古力窩夫配雪糕$63窩夫賣相好吸引，窩夫蛋香味重，配合花生醬同煉奶，味道一流🤤不過要留意嘅係佢地既窩夫質地唔算係特別香脆，我個人就唔太喜歡太脆口嘅窩夫，所以我好鍾意😍另外佢嘅甜品種類繁多，下次一定要再嚟試唔同種類嘅甜品先得～…查看更多

今日跟舅父車岀黎大埔🥰原本2個小朋友想去返岀面停車場個間，但冇開門..佢哋就係等位泊車嘅時候搵下附近有咩甜品店，最緊要係佢哋想坐😂食物朱古力窩夫配雪糕啲香蕉🍌熱咗真係幾香🤫😀🥳🥳不過大家都覺得窩夫唔夠上次個間好食，但都係不過不失可能配方要整脆啲？米奇雪糕船雪糕加餅😂2兄弟堅稱食得晒1份😆舅父就話由得佢喇🥸奇趣船弟弟話呢個好似車😂😂芋泥布甸下面有一層沙冰，有芋泥、芋圓、涼粉、豆等…不過不失其他原本唔諗住我都食嘅..不過佢話有最低消費$35/人，咁我都食啦坐得舒服嘅！我哋係第一枱，坐咗1陣，就full場😊…查看更多

自一間有招牌窩夫的甜品店結業後，有一段時間沒在大埔吃窩夫了。從朋友口中得知大埔有間甜品店有窩夫食，而我們是未試過的。這晚在舊墟吃完晚飯，就來了甜滿屋。雖是星期六晚上，但都不用等位，便能入座。窩夫看似有很多選擇，但由於自己討厭吃香蕉的緣故，所以選擇縮減了一半有多，最後選了紅豆綠茶雪糕窩夫。窩夫賣相與以前那家甜品店的擺盤很相似，窩夫富蛋香味，稍嫌口感不夠外脆內軟。紅豆綿密香甜，綠茶雪糕的綠茶味算濃。金寶蘋果配雲呢拿雪糕，熱焫焫的送上，賣相金黃，金寶蘋果的表層焗得好香脆，牛油味重。內餡的蘋果份量充足，但酸甜度稍稍被牛油味所掩蓋，獨自吃一份會有點膩。欣賞之處是兩份甜品都是熱熱奉上，而不會是暖或已放涼地送上，但味道方面尚有改善空間。…查看更多

呢間小店睇落簡單，但食物實在係驚喜連連！今次食咗款超值豬扒飯，肉質嫩滑肥瘦適中，香煎到啱啱好，啖啖肉咬落去真係juicy到不得了。飯上面撒咗啲脆蔥花，口感同味道層次提升咗唔少。同埋啲青菜？哇，炒得脆翠入味，唔會得個色無個味！佢地啲菜肉同飯嘅比例控制得好好，一路食都唔會覺得膩，口口生津。至於跟餐嘅金黃薯條，外脆內軟，唔會過於油膩，跟啲自家製嘅番茄醬一撈？咪就perfect match啦！手工檸檬茶真係清新提神，飲落去酸甜適中，係呢個夏天裡面嘅一抹清涼。總之如果想覓得一個舒心食堂，呢度絕對值得一試。重點係食物質素同服務態度都正，真係一啲都唔馬虎😊！下次一定要約埋班friend再嚟開開心心食飯🥢🍚🌿。…查看更多