甜悅

今次同朋友去試下呢間人氣甜品店，無論係顏值定味道都幾高質。🌖可愛QQ雪見·士多啤梨 $45呢個造型真係超治癒，表情可愛，上面粒鮮紅欲滴、晶瑩飽滿嘅大草莓好搶眼。外層麻糬薄薄一層，質感軟糯煙韌，好似雪糕糯米糍嘅輕盈外皮。咬開仲有軟滑香甜嘅爆漿內餡，甜度恰到好處，唔會膩。最重要係顏值滿分，打卡必點！🌖焦糖巴斯克開心果芝士蛋糕配鮮果 $68面層焦糖厚厚一層，帶微微焦香，如果再薄脆少少會更完美。芝士蛋糕入口綿密幼滑，口感輕盈唔會太heavy，仲滲出淡淡嘅開心果堅果香，味道清新不膩，伴隨新鮮水果一齊食更加平衡。🌖榴槤雪糕窩夫 (升級榴槤雪糕) $66雪糕入口有濃郁榴槤味，唔會假假地；雪糕以外仲有香濃嘅榴槤蓉，滿足曬榴槤控。窩夫即烤即上，熱辣辣外脆內軟，配埋冰涼雪糕同香脆粟米片一齊食，口感層次豐富又對比強烈，超級過癮。🌖鮮奶桃膠椰皇燉蛋白配蓮子 $69椰皇燉蛋白一定要趁熱食！滿滿嘅椰子香同滑捋捋嘅蛋白，入口細膩柔順，再加上養生爽滑嘅桃膠同清甜綿密嘅蓮子，最後淋上香濃鮮奶，口感更圓潤。整體味道清香滋潤，真係美味與健康並重。-…查看更多

炎熱夏天，最適合吃甜點，不但補充流失的養份，又能令心情喜悅。下午茶時段，與朋友到旺角花園街〈甜悅〉品嘗甜品，糖水舖提供的甜點包羅萬有，有中式糖水、西式乳酪及雪糕窩夫等，適合一家大小一同享用的甜品/糖水舖。我們點了三款不同的甜品，包括：雙拼中式糖水(紅豆沙和合桃露)、芝麻糊椰皇燉蛋白配花生湯圓芋圓、鮮藍莓火龍果乳酪。離開時，發現門外海報寫著出售雪糕糯米糍，分別有四種口味選擇(豆腐味、芝麻味、開心果我味和D24榴槤味)，我們也外賣一個D24榴槤雪糕糯米糍。熱雙拼中式糖水(紅豆沙和合桃露)～很久沒有吃紅豆沙和合桃露，雙拼中式糖水就能一次過滿足我們二人的欲望。紅豆沙煮至起沙，有陣陣陳皮香味；合桃露煮得香滑呈糊狀，中間有一顆大大的合桃，味道很好。芝麻糊椰皇燉蛋白配花生湯圓芋圓～這款養生甜品，我們都是第一次品嘗，充滿驚喜。芋圓小丸子和花生湯圓，口感QQ煙韌，花生湯圓充滿濃郁花生味。先來一口原味椰皇燉蛋白，蛋白不但香滑，還有椰皇味。濃郁黑芝麻糊倒入椰皇燉蛋白內，黑白配效果很不錯。鮮藍莓火龍果乳酪～藍莓紅色火龍果，賣相吸引，再加入新鮮乳酪，是不錯的甜品之一。朋友鍾情乳酪，一口接一口吃著，很快把這杯乳酪杯吃光了。D24榴槤雪糕糯米糍～D24榴槤味雪糕糯米糍，糯米外皮煙煙韌韌，包著濃香的D24榴槤，還有朱古力粒等，味道很好。…查看更多

芒果雪糕窩夫為即點即製，外層酥脆，內裡鬆軟，搭配新鮮呂宋芒及雪糕，冷熱口感交織榴槤綿綿冰選用貓山王榴槤製作，冰品質地細膩，入口即化，當中還摻有真實榴槤果肉。可額外加配榴槤爆珠增添口感層次芒果糯米糍配雪糕，手搓糯米皮軟糯可口，包裹著冰涼的芒果粒，搭配朱古力味雪糕，形成獨特的溫度對比餐廳環境座位舒適，寬闊，光線充足，好適合一班朋友過嚟食飯聚會，繼續下場吹水，甜品十分高水準，仲有啲中式甜品，選擇十多樣化…查看更多

[旺角好去處•飯後甜品•甜悅]-誠實豆沙包•原個鮮芒果楊枝甘露鮮奶麻糬芋圓楊枝甘露升級版，以鮮奶麻糬取代傳統西米，口感創新。原個芒果每日新鮮人手製作，芋圓地瓜圓煙韌度滿分，椰奶基底包尾。•期間限定出左款可愛到暈的qq雪見係士多啤梨蓉同埋芒果蓉夾心嘅麻糬！外皮非常滑滑溜仲好煙靭添，靚到好似搽咗粉底咁一啲毛孔都冇！入邊個cream cheese 仲好軟綿綿，仲要佢個麻糬係唔係好甜。•荔枝龍眼冰山呢個刨冰系列既人氣之選夏天食冰真係超涼快9粒龍眼排到成個金字塔咁另一邊係甜甜既爆珠刨冰好綿滑 入口就有清新的荔枝味-甜悅 (旺角)旺角花園街11A號地舖-前往方法港鐵E2岀口 步行2分鐘-想知道更多香港影相打卡好去處 記得follow我 💕-#甜品#旺角美食#香港甜品店#旺角#香港甜品#糖水舖#香港探店#旺角甜品店#甜悅#Joyfuldessertlabhk#sweetsoup…查看更多

旺角花園街嘅 甜悅 絕對係甜品控必去既打卡地方📸。環境舒適、甜品質素高，店員態度又加分，難怪吸引咁多人慕名而來。店內座位意外多，空間感十足，但假日人氣爆棚，要排隊等位，唔想等位既朋友就記得早啲到！今次試咗三款甜品，每款都各有特色🍓士多啤梨雪糕窩夫 (開心果味雪糕)窩夫外脆內軟，配上新鮮士多啤梨同藍莓，再加濃郁開心果雪糕，層次感好豐富！開心果雪糕帶點堅果鹹香，食落真係正到爆！🍌香蕉班戟班戟軟綿綿，香蕉天然甜味滲透每層薄餅，甜得嚟唔膩。無論係下午茶定宵夜，呢款都係必試之選，好好味！🥭原個鮮芒果楊枝甘露鮮奶麻糬芋圓用料真誠，足料一個鮮芒果，果肉甜美多汁，但雪得比較冰，鍾意食冰嘅朋友肯定會鍾意！配上楊枝甘露嘅清新奶香，仲有Q彈麻糬同軟糯芋圓，口感豐富。食落既涼爽又滿足，絕對係夏日嘅救星！無論係想同朋友分享，定還是一個人靜靜地享受甜品，依度都是不二之選。甜品控們，快啲約埋成班朋友一齊去食啦，食完保證心情都會好！…查看更多

環境乾淨舒服，座位多，基本上不太需要等很久。他們的甜品選擇超多，不管你喜歡中式糖水還是西式甜品都會找到喜歡的。芒果班戟皮超薄而且很柔軟，裡面有新鮮芒果和忌廉，咬下去超清爽，不會膩。芒果奶凍奶味夠濃，口感滑滑的，芒果味自然不假甜，清清爽爽。雪燕桃膠燉蛋白這個好特別，整體口感細膩又有膠質感，蛋白到一口接一口，感覺吃完皮膚都變好🤣雪糕糯米糍雖然簡單，但雪糕質地幼滑，味道也夠香，唔輸專門賣雪糕的店。整體來說，價錢合理（大概 $30–$60），又近地鐵站，真係逛街完走過去食返碗糖水剛剛好～…查看更多

榴槤水晶珠珠冰水晶珠珠晶瑩剔透，搭配金黃榴槤果肉，像極了珠寶盒裡的寶石，打卡必備。底層碎冰綿密，中層水晶珠珠彈牙，頂層鋪滿榴槤果肉，三重口感一次滿足。榴槤香氣濃烈，果肉香濃綿密，入口即化，香氣在口中久久不散。類似寒天或蒟蒻，口感清爽，與榴槤的濃郁形成絕妙對比。碎冰細緻不粗糙,冰體綿密，吸附椰漿或糖水後更添風味，吃起來不會過於冰冷刺口。- 價格合理，份量足，推薦！…查看更多

女人永遠都有兩個胃經過呢間甜品舖，有齊中西式嘅甜品 仲要多不勝數，可能高達一百款 #台式仙草配雪糕(升級榴槤雪糕)芋圓&小丸子夠煙靭；仙草味夠濃榴槤肉香甜，令人「榴槤」忘返#芒果芭菲杯好似日本餐廳的藝術品自選芒果雪糕，仲有２塊脆脆增加口感打卡同味道都達到滿分#芒果糯米糍外皮煙韌有咬口包住新鮮芒果，啖啖都有芒果口感非常好呢間糖水鋪星期五六開到凌晨一點 啱晒收工又想RELAX食甜品的您甜悅 @joyful_dessertlab_hk📍旺角花園街11A號地舖…查看更多

➲ 旺角 甜悅➳ 原個鮮芒果楊枝甘露鮮奶麻糬芋圓楊枝甘露升級版，以鮮奶麻糬取代傳統西米，口感創新。原個芒果每日新鮮人手製作，芋圓地瓜圓煙韌度滿分，椰奶基底包尾。➳ 焦糖巴斯克開心果芝士蛋糕配鮮果邪惡三重奏！巴斯克蛋糕外層焦香，切開時開心果軟心溶化，意大利開心醬堅果香濃。表面焦糖脆燒，建議搭配莓果，酸爽平衡甜膩。⤵ 旺角花園街11A號地舖…查看更多

天氣太熱諗住入間甜品舖坐下，本身諗住嗌芭菲，但係見到佢售罄，最後就嗌咗椰皇楊枝甘露同埋荔枝龍眼冰。公道講句，荔枝龍眼冰我覺得唔差，荔枝味好濃，同埋冰底有啲椰子味。啲龍眼嘅份量都唔少，味道都算係咁，打卡嚟講都幾靚，呢個價錢我覺得接受到。而椰皇楊枝甘露我就覺得一般，初時我以為係會有燉蛋白喺入面，上枱嘅時候發現冇嗰吓其實有啲愕然，問咗店員佢同我講其他都有燉蛋白，淨係呢個冇。我承認我自己都有錯，我都冇好好睇清楚，但係呢個價錢如果冇燉蛋白淨係楊枝甘露，我覺得好唔抵食。因為個椰皇其實完全得個殼，我筆椰肉筆到手都紅埋，最後都食唔到啲咩肉。覺得自己比$69呢個價錢，好似淨係買咗個殼咁，認真覺得俾人搵笨。坐都唔覺得坐得好舒服，只不過勝在晏晝時間冇俾人趕走。食得唔係幾開心，連相都冇影。…查看更多

🧇人氣旺角甜品店🧈—•—•—•—•—•—#香港 #香港美食 #美食 #打卡餐廳 #美食推介 #香港美食地圖 #香港餐廳 #旺角餐廳 #旺角 #香港甜品 #甜品 #甜品控 #甜品店 #旺角美食 #hongkong #food #mongkok #mongkokfood #mkfood #mkrestaurant #hkfood #sweets #sweetlove #sweettreat#hk #foodie #eat #foodblogger #hkfoodie #munchey_hongkong —•—•—•—•—•—june 2025 夜晚想喺旺角食甜品, 但又冇食開邊間所以就喺OpenRice度, search比較高評分嘅店舖🤩不過, 整體有啲失望, 未必會食第二次🥲—•—•—•—•—•—📝what we ordered:🖤熱生磨芝麻糊 $34 (8/10)芝麻味香濃, 甜度適中, 質地比較杰身😋芝麻湯圓似平時超市買到嗰啲🍧鮮芒果芒果味綿綿冰 $65 (7.5/10)刨冰有打埋啲芒果果泥入去, 唔會好「水」🩶芒果味香濃, 另有芒果肉, 都幾鮮甜🍯但價錢略嫌進取😬🫔D24榴槤班戟 $38 (6.5/10)忌廉太多, 榴槤肉嘅份量可以再多啲 班戟嘅外皮厚度啱啱好 🥭楊枝甘露 $45 (6/10)甜度適中, 但比較稀, 配料唔多🥥凍椰皇楊枝甘露小丸子配芒果雪糕 $69 (5/10)椰皇, 芒果小丸子呢個combination唔係好夾🫩雪糕幾大浸芒果香精味👀芒果味唔濃, 裏面剩係得西米, 冇其他配料🤧小丸子煮得太耐, 黐埋一嚿嚿椰皇生咗少少, 未熟透—•—•—•—•—•—⭐️overall rating: 6.5/10—•—•—•—•—•—甜悅 Joyful Dessert Lab@joyful_dessertlab_hk  📍 旺角旺角花園街四海大廈⏱️12:00 - 00:30…查看更多

用手機點餐好順暢，唔使等好耐就送到，啱晒我呢啲鍾意快靚正嘅懶人。今次叫咗三款甜品，每樣都幾有驚喜！首先係杏仁露椰皇燉蛋白配湯圓芋圓熱辣辣好暖胃😗杏仁露味道好濃郁，椰皇燉蛋白超滑溜，湯圓同芋圓煙韌得嚟唔會太甜，芝麻餡好香，成個配搭好夾，加咗鮮奶麻糬，QQ哋好有嚼勁😍焦糖巴斯克開心果芝士蛋糕🥹芝士蛋糕質地好綿密，焦糖味同開心果味平衡得啱啱好，唔會太膩。加埋曲奇雪糕，冰火交融，口感層次好豐富。香蕉雪糕窩夫🧇窩夫外脆內軟，香蕉香甜，配上豆腐雪糕，味道出奇地夾！成個組合又凍又熱、又脆又軟，食得好過癮。總括來講，三樣甜品都高質，雖然價錢唔算平，但份量同質素都對得住個價。會再encore！😜…查看更多

好耐無出過旺角行街食飯啦！晚餐後經過旺角花園街，發現新開左一間人氣超旺的甜品店，難得可以二人世界，決定食埋個甜品先返去湊仔👦🏻！打開Menu，真係花多眼亂，樣樣都好靚好想食！😋有齊經典糖水、刨冰，快d睇下今次我哋點左咩甜品先！ 🍧人氣之選 - D24榴槤水珠珠冰 $52- 呢款甜品係best seller之一，真係不無原因！香濃榴槤融化配上爆珠，口感爽脆，真的非常特別！綿綿的刨冰底，每一口都超滿足！ 😋💖特式甜品 - 芒果糯米糍配雪糕 $38- 大大嚿芒果肉配上薄薄的糯米糍皮，煙韌好食！再加上一球雪糕，今次我地揀咗綠茶味，一啖雪糕一啖糯米糍咁食，過癮到爆！ 🍡🍦特別推介 - 雪之巴斯克原味 $58- 濃厚芝士蛋糕，外層係糯米皮，頂層再加上一球雪糕。我哋揀咗開心果味+$3，非一般配搭，真係新奇又好食！ 😍🍰大家經過旺角既一定要黎試下呀！…查看更多

甜悦🍮🍧旺角新開既甜品鋪選擇都幾多下☺️甜品多達100款🤩總有一款岩你🫢-蝶豆花富士山奶凍 $42奶凍好滑捋捋 啱晒夏天食下次會試吓其他但座位方面有啲迫唔太好坐🥹 坐位亦唔算好多店員服務態度都幾好…查看更多

旺角有間新開咗一段時間嘅甜品舖 有齊中西式嘅甜品 仲要多達一百款 梗有一款啱你心水‼️星期五六仲要開到凌晨一點 啱晒夜媽媽想搵糖水食嘅大家😍｜椰皇楊枝甘露小丸子配芒果雪糕🥥🥭第一眼已經好吸睛 椰皇上枱自帶儀式感🤭 入口先係楊枝甘露嘅清爽果香 芒果嘅香甜同柚子微微清苦中和得好自然🥹 再加上軟糯小丸子增添咬口 配合冰凍芒果雪糕 層次豐富之餘亦好解膩 夏天食特別舒服☀️ 椰皇本身仲有一層椰子肉 輕輕就已經可以刮到出嚟 味道超濃郁 完全唔會俾楊枝甘露味蓋過🥥｜焦糖巴斯克原味芝士蛋糕配豆腐雪糕🍰表層帶焦糖化嘅微苦香氣 同埋脆脆地嘅口感🤤 切開之後 入面綿滑又厚實 芝士味濃郁但唔會過甜😆 當芝士嘅奶香同焦糖嘅甘香交織時 豆腐雪糕就發揮咗清新嘅平衡作用 入口滑溜帶豆香 令人食完芝士蛋糕之後再嚐一口雪糕 感覺格外輕盈🙂‍↕️｜士多啤梨雪糕窩夫(綠茶雪糕)🧇窩夫即叫即做 所以要等大概15分鐘～ 食落去外脆內軟 啖啖都有烘焙嘅香氣 配埋酸酸甜甜嘅士多啤梨 同少少微苦嘅綠茶雪糕 回甘悠長 令成個組合多咗層對比感 同時又呼應住日式風情🍓💰人均(pp): $60味道(flavour): 🩷🩷🩷🩷CP值 (worthiness): 🩷🩷🩷🩷…查看更多