甜悅

營業中

休息中

📍 甜悅食完飯之後當然要食埋甜品，第二個胃黎架嘛🥳行到門口已經勁多人排隊，跟大隊試試佢先😎甜品既種類都算多，中式糖水同西式甜品都有齊，椰皇燉蛋更加係枱枱都叫添！🥥榴槤椰皇燉蛋白配小丸子（凍）（+桃膠） $72滿滿既榴槤肉鋪喺面，榴槤嘅質地好綿密，每啖都食到一絲絲嘅榴槤😌配料有小丸子，口感煙韌，幾Q彈～嚟到戲肉係燉蛋，蛋白香濃而且勁順滑！另外，加左份桃膠，滋補一下🥳 🥣杏仁露椰皇燉蛋白配湯圓芋圓（熱） （芝麻） $64想養生既大家都可以試呢個！熱既椰皇燉蛋白奶味更加重🤩而杏仁露帶有淡淡既堅果香味，配合椰皇既椰香味，味道好夾！而湯圓同芋圓咬落Q彈，值得一讚既係芋圓真係好好食😋咬落會有甜味～🗻雪山奶凍 $42聽到個名咁得意即刻叫返過嚟試吓😍一上枱嘅時候就係一個富士山既造型🤩奶凍既奶味好香，個質地都係有彈性，唔係果啲好結實嘅質地～最出色既係最上面既奶蓋，仲加咗啲紫薯碎同餅乾，令味道冇咁膩⭐️好味指數： 8.6/10

旺角新開甜品店- 甜悅 顧名思義 食完甜品就會令人感到喜悅☺️歌仔都有得唱啦🎶「甜品使我心癢 亦期待你共我愉快分享」⍥ 楊枝甘露椰皇燉蛋 ❙ $52第一次見呢個配搭！見到個燉蛋水汪汪 賣相麻麻地？🫢問過店員原來係為左令燉蛋更滑溜 所以做法有啲唔同的確 食落係幾滑溜輕盈😆我覺得倒啲楊枝甘露落去 食落唔算太融洽但唔難食 芒果份量幾多 好彩甜度唔高😂⍥ 香蕉雪糕窩夫 ❙ $54最愛食waffle😙如果係厚身啲就更開心啦！慶幸烘得外脆內軟 幾香口 雪糕只有雲呢拿味 仲有好大pat cream🤣呢個組合實無死😌！⍥ 火灸芝士蛋糕 ❙ $46史生最愛cheesecake 🤤奶味香濃 幼滑細緻餅底雖然唔脆 但都增添左口感而且唔會好甜 食完氣脷唔會鞋颯颯🥰我地都鍾意！！⍥ 雪山奶凍 ❙ $42又勾起我既日本癮🥲奶凍賣相一百分 打卡冇得輸質地方面 我就鍾意實淨多少少😂用力啲都驚整爛呢座山面頭既「雪山」其實係奶蓋如果鹹多少少去balance下奶凍既甜就更好

旺角最近有一間新開甜品店叫甜悦，每次經過也大排長龍， 甜品款品有好多，有中式和西式，決定一試😁芒果芭菲杯 (芒果雪糕) 🥭🍦$58新鮮芒果芭菲杯，搭配濃郁芒果雪糕，清爽甜蜜😊楊枝甘露 (+桃膠) $53爽滑清甜的楊枝甘露，加入桃膠提升口感，更添嚼勁😛燉雪梨海底椰雪耳 (凍) $38清潤養生的燉雪梨海底椰雪耳，冰涼爽滑，滋潤降火😋芒果班戟 $34新鮮芒果班戟，採用新鮮芒果製作，香甜可口🎇甜悅🎈花園街11A號地舖

旺角性價比高甜品店，木系裝修，乾淨企理。 佢哋有好多種類甜品，普通港式甜品$30幾蚊有交易，窩夫、椰皇燉蛋白都係$60幾，係旺角應該都搵唔到。椰皇燉蛋白 - 蛋白夠滑又實正，有椰水清甜香味。 不過建議大家唔好撈埋個糊一齊食，味道唔太夾，浪費左個燉蛋白。士多啤梨窩夫 - 窩夫即叫即整夠脆，我揀左配曲奇雪糕，同窩夫好夾芒果芭菲 - 無食過，一野俾個女食晒，不過依啲都係正路野，應該無話咩特別好食仲有follow 佢哋社交平台會送三粒糖不甩

店舖入面裝修都唔錯，坐得舒服。用QR code落單，好方便，而且好多選擇，中式定西式甜品都有。楊枝甘露椰皇燉蛋白配芋丸呢款甜品幾特別，椰皇燉蛋都幾好味，燉蛋配埋椰皇入面嘅椰青，都幾夾。另外楊枝甘露係分開上，啲芒果好甜。香蕉芭菲杯（綠茶雪糕）芭菲杯有朱古力脆脆，粟米片、cream同香蕉等，又脆又甜，抺茶雪糕都好味。榴槤西米露榴槤西米露上枱時已經聞到好勁嘅榴槤味，榴槤夾埋椰汁西米露一齊食，好味。雙拼中式糖水（芝麻糊/紅豆沙）佢哋嘅芝麻糊同紅豆沙都好綿，口感好好。

身為甜品控嘅我，見到旺角開咗一間新嘅甜品舖，緊係要入去試吓啦！📍@joyful_dessertlab_hk🍱 鮮奶桃膠椰皇燉蛋白配芋圓👉🏻 原盅椰皇蛋白超滑捋捋 👉🏻椰子肉易刮好腍👉🏻三色芋圓煙靱又大粒👉🏻每一啖都食到桃膠，用料好足👉🏻整組都唔會太甜，好滋潤，正👍🏻🍱 榴槤班戟👉🏻份量好大，有成個拳頭咁大個😍👉🏻班戟皮唔會太厚👉🏻入面嘅榴槤肉好香濃，cream 都唔會太漏👉🏻口感柔滑🍱 焦糖巴斯克芝士蛋糕👉🏻 表面焦糖脆皮令到整體嘅口感勁豐富👉🏻切開係軟心嘅但未至於流心，亦唔係硬實實嗰種，好creamy 👉🏻周圍仲灑咗開心果碎 夾埋蛋糕食仲有有啲鹹香👉🏻但個蛋糕就唔係好覺有開心果味🙈🍱 香蕉雪糕窩夫👉🏻窩夫外脆內軟，仲要係熱辣辣嘅👉🏻再加埋焦糖香蕉嘅襯托，口感好豐富📍 甜悅 (旺角)旺角花園街11A號地舖#探店 #旺角美食 #旺角 #甜品 #桃膠 #開心果 #窩夫 #榴槤 #班戟 #假日悠閑 #拍拖好去處 #香港媽媽 #blogger #吃喝玩樂 #foodie

旺角甜品店，招牌好搶眼。除左西式甜品，呢到仲有唔少傳統中式甜品，選擇豐富。本來以為餐廳座位不多，原來入面房仲有更多座位。🍡椰皇燉蛋白 配湯圓芋圓 $58燉蛋白幼滑，帶淡淡椰香。湯圓軟糯，可選擇花生/芝麻，芋圓有3色，煙韌但味道偏甜。🧇芒果雪糕窩夫 $56窩夫即叫即製，口感香脆，雪糕有多款口味選擇，例如曲奇、抹茶，仲會有個脆筒，賣相大大加分。芒果新鮮香甜。🍐燉雪梨海底椰雪耳 $38燉雪梨啱晒最近乾燥又空氣差，生津潤肺。燉雪梨清甜，海底椰雪耳燉得軟滑，冰糖量適中。

芭菲味道一般，不夠特別，圖片真係只提供參考，上枱細杯，但係圖好大杯，實物比圖個杯小一半窩夫一般，唔夠脆。職員服務態度差另外上菜速度慢。 。 。首先入去點餐後，見到有follow就可以送糖不甩，當成枱整曬follow，有個職員答左ok㗎，點知遲遲未上，我地再叫人黎，有一位答左ok既員工再答多次話得㗎啦，到最後，另一位好似高級d既員工又話我地冇叫啲員工望我地有冇follow，所以完全冇落單，而家即落單，前前後後叫左5，6次啦！等多10分鐘以上都未黎，明明廚房d人企晒係到，最後起身埋單走人，佢先話整好啦。果刻堅想爆粗。冇下次係咁先啦！

今日去旺角食完飯梗係要食返個甜品啦😋見到呢間甜品小店選擇非常之多❤️由中式糖水去到刨冰奶凍各樣都有🤪仲有可以外賣嘅各種甜點真係好吸引🍰整體味道唔錯而且CP值好高值得一試呢😜⭐️ 杏仁露椰皇燉蛋白配湯圓芋圓 🥥見到真係好豐富🤍椰皇燉蛋白滑溜得來有滿滿椰香🥹配上杏仁露真材實料原汁原味🥜感覺好滋補呢☺️⭐️ 荔枝龍眼冰 🍧刨冰加上荔枝肉感覺消暑好清甜🍬配上粒粒龍眼好新鮮甜度好有層次又有熱帶感覺呢🏝️⭐️ 蓮子陳皮紅豆沙 🫘紅豆煲得夠晒綿密做到起沙既感覺🫶🏻滲出淡淡的蓮子陳皮香好有驚喜🪷

作為一個甜品控發現有新開嘅甜品店，當然唔會錯過，呢間店內有多款系列嘅甜品選擇，有原盅椰皇燉蛋白、西米露、刨冰、中式同特式甜品等等….每款都好想叫嚟試下😳ღ 榴槤西米露一上枱就聞到香噴噴嘅榴槤味，食落每啖都充滿濃郁榴槤香氣，加入Q彈嘅西米，滿滿滋味ღ 楊枝甘露椰皇燉蛋白配芋圓清甜嘅椰皇配上細膩嘅蛋白，加上煙煙韌韌嘅芋圓增添豐富嘅口感，Wow😳再加埋香甜嘅楊枝甘露，口感層次勁豐富ღ 富士山奶凍造型可愛Q版嘅富士山，震揗揗，奶香濃郁，口感滑嫩，既美觀又美味ღ鮮芒果乳酪酸甜嘅芒果與乳酪互相結合，乳香醇厚濃郁，入口細緻滑順

衛生環境欠佳，好幾隻飛飛🪰其中兩隻飛左落碗荔枝龍眼冰化學荔枝味，d荔枝果肉好明顯係罐頭，而且完全無龍眼味，唔知點解個刨冰就有疑似麥皮嘅野…好奇怪。芋圓太甜 同埋我叫凍嘅甜品，芋圓 珍珠都係熱嘅落碗🥲所以碗野又凍又熱個刨冰等咗成20分鐘，隔離兩張枱都遲過我哋到，有人叫芒果刨冰幾分鐘上，坐隔籬一張枱叫同一個荔枝刨冰，佢只係等咗幾分鐘就上🤣儲埋啲單先一次過做，未試過食甜品要等咁耐🤣食完一個先上另一個

前嗰排同靚靚同事係旺角去《甜悅》食甜品🍧，我哋2個心多多咩都想食，揀咗好幾個甜品放肆吓🤭🤭💟熱♨️嘅合桃糊椰皇燉蛋白配湯圓芋圓➰呢個係我心水，合桃糊椰皇燉蛋白經已係我每次on my list,加埋芝麻湯圓仲有芋圓，係冇得輸架🫡蛋白燉得好滑，而合桃糊係另上，所以加多加少由你控制，喜歡食嘅就落多啲！配湯丸芋圓夾埋食，軟軟糯糯，口感十分豐富！💟D24 榴槤雪糕窩夫🧇加配曲奇雪糕➰冇揀錯人陪我食甜品，難得有人唔怕食榴槤，十分正！D24入口香濃，跟香脆窩夫係絕配嚟架👍🏻👍🏻我哋2個食到停唔到😏💟蜜瓜🍈西米露➰香甜蜜瓜，清清哋夾西米露，好清爽！好味，食咗2款比較膩嘅甜品，呢個西米露可以中和一下！💟開心果巴斯克蛋糕🍰➰平時少食cheese cake嘅我，又覺得唔錯喎！唔算話超濃嘅芝士味，開心果亦令個蛋糕提升咗nutty味道！令我食多咗幾啖！呢度中/西式嘅甜品都揾到，下次經過都要番嚟再試吓其他口味！

之前買過幾次班戟外賣今次入埋鋪頭食少數量堂食座位適合人數少聚會職員好nice態度同個朋友掛住傾計唔願走客滿都無趕走我地反而我地唔好意思主動埋單市區好少可不會周圍走嚟走去抹枱趕客🍚鮮奶桃膠椰皇燉蛋白配芋圓椰味好香蛋白好滑桃膠好滋潤🍚西瓜芋圓仙草芋圓 珍珠 仙草好有咬口西瓜清甜解渴🍚香蕉雪糕窩夫焦糖香蕉又脆又軟甜度剛剛好不會太膩甜絲絲喜悅個名改得幾好個個客人甜蜜蜜咁走

最後一日嘅復活節假期當然玩盡佢🙌🏻約朋友食飯傾偈啦，dinner之後去咗一間旺角甜品店，朋友係第一次去，而我已經係第二次啦🫶🏽🌟薑汁燉奶（熱） $36好！夠！薑！薑汁比得好大方，薑嘅辛辣味好重，後勁會食到燉奶嘅甜，質地都幾滑溜，食到底都仲有啲薑汁😝⭐️擂沙湯丸 $26湯丸皮薄到透光，外皮煙靭，咬開芝麻餡係流心狀態，外層花生碎同椰絲都好多，重點係呢個擂沙湯丸係撈咗黑糖，黑糖味幾突出，夾埋芝麻湯圓比較少見，唔算有驚喜，但係都冇違和感👍🏻🌟芒果紫米露 $38紫米煲到爆花但保留咬口，另外有一細樽椰奶俾客人自行調配👍🏻佢獲得甜品界最高評語：唔係好甜🤣芒果用咗呂宋芒，切片狀啖啖肉，芒果好甜😚平衡返紫米嘅甜膩⭐️焦糖巴斯克芝士蛋糕 $44表面焦糖脆片敲落有「咔」一聲，燒過嘅芝士蛋糕質地比較較軟滑，芝士味好濃，食完個餘韻好強勁😳

今日同朋友去旺角見到開咗間新甜品鋪就決定試吓！鋪頭唔算好大，但裝修簡潔，坐得幾舒服。我哋叫咗三樣嘢～鮮奶桃膠椰皇燉蛋白配芋圓（凍）原盅椰皇上枱，賣相幾精緻～燉蛋白幾滑，椰香味幾自然，唔會太甜，配埋鮮奶幾夾。桃膠份量適中，咬落去有啲膠質感，養顏feel。芋圓幾煙韌！不過凍食嘅關係，椰皇肉比較難刮～如果熱食可能會更香～焦糖巴斯克蛋糕呢個蛋糕焦糖味突出，不過蛋糕體本身都偏甜，所以整體都有啲甜～雪山奶凍造型幾得意，真係似座富士山，打卡幾靚。奶凍本身唔算好實，質地偏軟滑，面頭嘅奶蓋帶少少鹹味，平衡返甜度～