甜公館 (佐敦)

今日同男朋友紀念日，食完晚飯諗住食個糖水慶祝下。見佢新開張，環境都幾靚，就諗住試吓。我仲要減緊肥，幾個月先得一次嘅甜品quota就咁浪費咗。我地叫咗一個Tiramisu，自己屋企整仲好食，啲手指餅淋又太淋，硬又硬過我條命，浸咖啡求其掂下就算，男朋友第一次食嘢食到黑面🥹一個唔好食嘅Tiramisu，加一球雪糕，就收$70…跟住叫咗一個栗子甜品，上面係一啲栗子蓉，下面係抹茶雪糕，完全係想像到嘅味道，幅相有粒栗子，但嚟到貨不對板，仲要唔好食。個份量係細過我隻手掌心，咁樣收我$62！我都唔想比差評㗎，你估打咁多字好好玩啊，要200字先有一個差評🤣 唔會再幫襯。男朋友第一次食到咁唔開心 🤣🤣