甘味處鎌倉 (希慎廣場)

甘味處鎌倉 (希慎廣場店)銅鑼灣超人氣日本過江龍，主打手作茶飲、刨冰同鎌倉蕨餅✨ 係日本過嚟香港開店，想食正宗抹茶甜品一定要試！🍵 宇治金時刨冰選用日本直送天然水製冰，質地綿滑入口即化，夏天食超消暑！抹茶香濃帶微苦，配埋紅豆泥＋白玉丸子，甜度剛剛好。份量大，建議2-3個人share！追加$15一份鎌倉原味蕨餅鎌倉必食招牌！晶瑩剔透，口感煙韌軟糯，外層香噴噴黃豆粉，食落帶水潤感～甜而不膩，超滿足🥰❣️…查看更多

一進店裡，小朋友們看到那色彩繽紛的🍧✨刨冰，興奮不已！我們點了一份 牛奶刨冰給小朋友，大人則選擇了 黃豆粉刨冰，兩種口味都非常清爽，特別適合這個天氣。接著，每人還點了一杯飲品，選擇了：- 朱古力蕨餅- 芒果乳酪蕨餅- 牛奶草莓蕨餅- 黃豆粉蕨餅每一杯飲品都非常好味，既能解渴又有豐富的口感，搭配蕨餅更是完美！最後，我們還外帶了兩盒蕨餅，口味包括椰子、綠茶、原味和黃豆粉。這次下午茶不僅讓小朋友開心，也讓我們大人回味無窮！…查看更多

在香港也可以品嚐日式鎌倉蕨餅！鍾意煙煙韌韌口感的我即刻約左閨蜜一齊去試！蕨餅有四種口味選擇，包括：黃豆粉、抹茶粉、黑芝麻和椰子！本人都係鍾意傳統嘅黃豆粉蕨餅配上黑蜜，香甜的口味加上口感軟糯蕨餅，味道一絕！抹茶蕨餅即用了淺川園抹茶粉，微甘的味道令蕨餅不會太甜，抹茶控必試！這裏的飲品大部份都用了蕨餅做底，個人推介草莓朱古力奶蕨餅，滿滿的草莓果肉配上招牌蕨餅，加入朱古力奶和奶油，口感豐富，味道濃郁，非常好飲！💕黃豆鮮奶黑蜜蕨餅是店舖限定款，滿滿的豆粉配上黑蜜，上面灑了一些脆片，下次可以叫少甜，健康又更加美味！正所謂來都來了！當然要試埋佢地自家製黑糖黃豆粉刨冰！用日本天然水製作，再淋上黑糖漿再加上滿滿的黃豆粉和黃豆粉蕨餅，切到成座山咁高，超級滿足！超級開心🩵…查看更多

甘味處鐮倉銅鑼灣分店環境好有日式風味，舖頭位於希慎廣場地庫URBANHOOD，裝修簡約乾淨，帶有微微日式禪意，空間不算大但坐得舒服，仲有露台區可以曬太陽，氣氛悠閒舒服，非常適合慢慢品嘗甜品。佢嘅招牌抹茶蕨餅煙韌有咬口，用日本直送嘅蕨粉製作，配上香濃嘅黃豆粉同自家黑蜜，抹茶蕨餅茶味濃郁但不會苦澀，甜度適中，帶纖細層次感，入口滑順又有濃濃日本風。朱古力咖啡蕨餅係另一款創新口味，朱古力香濃帶少少苦味，配合咖啡的微酸苦味，兩者中和得好好，蕨餅依然保持煙韌口感，整體味道偏向香濃成熟，啱啲喜歡苦甜巧克力與咖啡滋味嘅人食。…查看更多

呢間店有蕃茄味嘅刨冰，聽落好創新。為咗唔中伏，嗌咗個比較經典嘅抹茶味(,,・ω・,,)#### 1. 西尾抹茶刨冰 🌕🌕🌕- **價格**：$88- **食評**：刨冰外觀望落綠色清新，但實際味道令我有啲失望。首先，刨冰的質感相當粗糙，冇細膩的口感。刨冰完全冇任何配料，配料要再額外加錢，令到成個刨冰食落去好似飲緊水。對於呢個價位黎講，性價比唔算高。另外，刨冰都冇抹茶嘅甘甜味，對於鍾意抹茶甜品嘅人黎講，可能會覺得失望(ㅅ˘ㅂ˘)### 總結整體而言，西尾抹茶刨冰雖然外觀吸引，但口感同味道都未能令人滿意，明白間店嘅招牌係蕨餅，下次可能會試吓蕨餅飲料，可能會有驚喜( • ̀ω•́ )…查看更多

鍾意食日本菜既我地，見到超軟糯蕨餅配上抹茶，忍唔住要黎試下，呢間全日本有超過50間分店，招牌名物"鎌倉蕨餅"，係香港都食到日本鎌倉風味，同朋友share可以試多D唔同口味，好豐富大滿足！最推介鎌倉蕨餅，淺川園抹茶拿鐵蕨餅同宇治金時刨冰，一定要黎試下呀！❣️🍡鎌倉蕨餅 (原味/抹茶/黑芝麻) 5件 $68超推介！一打開大量黃豆粉/抹茶粉/黑芝麻，蕨餅非常軟糯，一拎起可以拉到超長！粒粒超大粒，配上唔同口味既粉好好味，原味好香黃豆粉味，最好味，抹茶味用上淺川園粉，比較苦澀，而黑芝麻好有驚喜，超香！有D似軟糯版湯圓，好食！唔加黑蜜已經好夠味🍧宇治金時刨冰 $98刨冰質感幼細，選用日本直送天然水製成純冰，抹茶味濃，啖啖都有抹茶味，大大碟好滿足，伴有紅豆，白玉同蕨餅，黎緊天氣熱就非常岩食，好味🍹淺川園抹茶拿鐵蕨餅 S $48同朋友飲左4杯飲品，最鍾意呢杯！抹茶拿鐵帶點抹茶苦瀝味，最底既蕨餅增加左口感，帶點甜，平衡成杯飲品既甜度，好好飲，下次會叫M，兩個人share岩岩好🍹櫻花抹茶拿鐵蕨餅 S $48春季限定！抹茶拿鐵同上一杯一樣，底部櫻花色好靚，同樣有蕨餅，味道相對清甜D🍹荔枝蕨餅梳打 S $45梳打配蕨餅非常之夾！好適合夏天飲，底部除左蕨餅仲有果肉好味🍹伯爵紅茶檸檬蕨餅特飲 S $53期間限定，用左瀨戶內海著名檸檬配伯爵紅茶，茶底香再加上檸檬雪葩，係好輕盈既飲品，夏天飲好解渴…查看更多

🚩又一間日本過江龍 但究竟是龍還是蟲？🚩📍 甘味處鎌倉日本過江龍餐廳開到成行成市，因為日本之名每次這樣的新餐飯開幕時都會吸引一大班人，但質素卻沒有因為來自日本的關係而變得穩定地好，令人驚喜的很多，同時令人吃驚的也不少。今次這間過江龍主要做刨冰和茶飲，位於銅鑼灣希慎商場地鐵站那層。恰巧稍前介紹過另一間冰店Shari Shari，就看看它是否更為特別和出色。🍴西尾抹茶冰 ($88)首先同Shari Shari一樣，份量夠大，兩個人食通常剛好。冰粒跟Shari Shari對我來說相若，同樣大小適中，入口舒服。抹茶醬茶味算濃，唯獨是稍為過甜，減些甜度會更好。另外就是抹茶醬塗抹得不夠平均，某些冰「太白」完全不夠味，某些冰又因為集中太多醬而太甜，這一點明顯輸蝕。冰面亦有灑上不少黃豆粉，為刨冰添上多一層口感。這個冰可以另外加錢配蕨餅，一份十二元有三小件。店內告示版稱，所有蕨餅都在落單後才開始製作。果然沒有令我失望，是全店最出色的食品。可能由於新鮮製作的緣固，蕨餅十分煙韌有咬口，配上刨冰亦非常合適，絕對推介大家加配。…查看更多

每次經過都係好長龍，一係就冇人排隊，因為已經賣晒！今日朝早咁啱去銅鑼灣工作，碰碰運氣睇吓咁早有冇！大約11:45去到見到冇龍，心諗唔通又賣晒？去到得返一盒大同埋一盒細嘅原味蕨餅，抹茶都售罄了。我買咗一盒細嘅原味 加$10配咗黑蜜。蕨餅透明啫喱狀，灑上滿滿嘅黃豆粉。口感軟滑，少少煙靭，唔會好滯。黃豆粉香濃，但又唔會搞到好乾身。蕨餅本身已經帶微甜味道，所以我支黑蜜最終都用唔上幾多，其實唔需要黑蜜，我都已經覺得好夠味。除非好喜歡吃甜，否則不用買。另外進食時唔好吸氣，好容易濁親。下次試吓其他味道先。🥰…查看更多

上次朋友帶左我黎呢間人氣抹茶甜品店，呢間甜品店喺沙田同銅鑼灣都有分店，上次喺屯門店食咗幾款抹茶嘅甜品都好正。今次過嚟試吓其他甜品先。草莓牛奶🥛呢杯嘢飲真係好正，見到底下好足料有好多草莓果蓉，搭配埋鮮奶，飲晒成杯都幾飽。芒果乳酪蕨餅🥭睇個名以為係蕨餅，點知原來係飲品嚟，滿滿嘅芒果果肉，再加上幼滑嘅乳酪，搭配埋煙靭蕨餅，味道口感層次好豐富。生檸檬刨冰🍋、生草莓刨冰🍧天氣凍冰冰更加想食刨冰，刨冰份量都幾多，檸檬味食落幾開胃又唔會太酸。🔔想知更多美食資訊，快d follow我啦🔔📍 甘味處鎌倉 (屯門市廣場1期) (屯門)屯門屯順街1號屯門市廣場1期1樓1268號舖分店：甘味處鎌倉 (沙田)沙田沙田正街18-19號新城市廣場一期4樓410號舖甘味處鎌倉 (希慎廣場) (銅鑼灣)銅鑼灣軒尼詩道500號希慎廣場URBANHOOD B1樓B101A號舖…查看更多

抹茶和蕨饼任何一个单独拎出来都不算出奇，但能把两者结合起来做成抹茶蕨饼饮料，就足够从城中一众抹茶甜品店中轻松领先了。·抹茶狂热分子我本人种草了一段时间的日本过江龙甜品，主打蕨饼/饮品/刨冰的多边形战士，还有季节限定。·🍵浅川园抹茶蕨饼🍵浅川园抹茶拿铁蕨饼糖度和冰度都是固定的，不过喝起来就是微甜的糖度刚刚好，冰块也化得很慢（制冰机真不戳）。·抹茶拿铁有令人愉悦的分层，抹茶味很浓醇。蕨饼有麻糬的弹糯，但更加轻盈滑溜，也不糊嗓子，顺着喉咙落下有幽幽抹茶香。·🥤和栗焙茶拿铁蕨饼🥤生姜柚子蕨饼梳打两款很秋天的季节限定，焙茶风味也很正，栗子奶油甜度克制，融进焙茶拿铁里更加顺滑，也是化进了心里去。·生姜柚子这款有点像微甜的蜂蜜柚子茶，不过姜汁融入微妙的辛辣，气泡水又带来活泼的口感，瞬间上了大分。·🍨抹茶蕨饼配柚子雪糕雪糕口味选择了清爽的柚子sorbet，但说实话和糯叽叽的蕨饼并没有擦出很惊喜的火花。…查看更多

未去到日本 就唯有食住日本嘢先🍽️🍽️🍽️今次為大家介紹既係 - 甘味處鎌倉 🍵甘味處鎌倉分別係銅鑼灣同屯門有分店銅鑼灣分店係位於銅鑼灣軒尼詩道500號希慎廣場URBANHOOD B1樓B101A號舖屯門分店係位於屯門屯順街1號屯門市廣場1期1樓1268號舖餐廳主打食日本甜品為主🍧🍡成日環境同裝修都好日系食物個方面 佢哋有我大愛嘅蕨餅🍡蕨餅食落煙煙韌韌 😆而且佢味道偏甜咬超有口感好岩夏天食不得不提個伯爵紅茶檸檬蕨餅特飲🍹佢個檸味好出好正配埋蕨餅好似飲緊廢水咁有咬口有興趣既朋友仔記得bookmark 定❤️Price : $50-$100/p.pEnvironment (10 is chill): 7/10Yummy (10 is delicious): 7/10…查看更多

九月中但係仍然炎熱，趁住週末行街經過嘆下刨冰chill下。 🍵宇治金時刨冰刨冰份量都唔少，2個人食都好足夠， 刨冰做得好細緻，好似雪花咁輕盈，入口溶化，非常清爽。冰以新鮮嘅生牛奶口做基底，口感滑順，淋滿抹茶糖漿，中間加入配料，包括紅豆同白玉等等，幾有日本地道風味，有啲似我之前喺日本食過嘅。 🍋抹茶檸檬蕨餅結合咗濃郁嘅抹茶同清新嘅檸檬 ，飲落帶有苦澀回甘，同時微微酸味，唔會越飲越淡。底部細細粒嘅蕨餅煙韌軟糯，有咬口。 …查看更多

都踏入9月都仲有成30℃🥵🥵熱到真係受不了，一杯清涼解渴嘅飲品絕對係消暑嘅最佳選擇，位於銅鑼灣嘅日式甜品店甘味處鎌倉提供咗好多創意甜品，真係好值得大家去試下！鎌倉原味蕨餅呢款蕨餅軟綿綿，仲有濃濃嘅黃豆粉香味，層次感好豐富，食落真係超迷人～整體口感清新爽口，回甘又悠長，真係唔錯呀！😝期間限定可爾必思紫陽花蕨餅可爾必思有啲似益力多，酸酸甜甜，加上紫陽花蕨餅，食落去有種荔枝味，特別得不得了！草莓牛奶呢杯飲品將鮮甜嘅草莓同滑順嘅牛奶完美結合，口感細緻，飲落去仲有果粒，充滿咗草莓嘅清甜，配上奶嘅醇厚，真係絕配！微微涼爽，清新又唔膩，夏天飲真係好舒服。甘味處鎌倉嘅甜品質素相當唔錯，無疑係銅鑼灣最值得一試嘅選擇之一！佢仲有另一間屯門分店，下次可以再去試埋其他好味甜品！📍 甘味處鎌倉 (希慎廣場) 地址：銅鑼灣軒尼詩道500號希慎廣場URBANHOOD B1樓B101A號舖…查看更多

今天要介紹的餐廳係一間日本過江龍既日式甜品店。除左屯門外，銅鑼灣都有分店。甘味處鎌倉來自日本，全日本多達51家店，主打鎌倉蕨餅，仲會賣多款特式飲品同用日本製造的刨冰機製成特色刨冰，大部分食物都可以堂食同外賣。可爾必思紫陽花蕨餅可爾必思紫陽花蕨餅呢個名以為偽傳統既蕨餅，但睇到圖片發現原來係飲品。呢杯飲品偽係紫色與藍色交織，杯底藏著細小的蕨餅，咬下去的口感似麻糬。可爾必思的酸酸甜甜味道，讓整體風味更加清新，極具夏日感覺。伯爵紅茶檸檬蕨餅伯爵紅茶檸檬蕨餅的上方搭配了一球清新的檸檬雪葩，底部藏著一塊細小的蕨餅。伯爵茶的濃郁與檸檬的清新完美融合，口感層次分明。生番茄刨冰 這款生番茄刨冰是夏季消暑的良品，份量充足，非常適合兩人一齊食，刨冰散發著濃郁的牛奶香味，會令人越食越凍吃，而番茄的酸甜味道亦相當開胃，可以一試。甘味處鎌倉銅鑼灣軒尼詩道500號希慎廣場URBANHOOD B1樓B101A號舖屯門屯順街1號屯門市廣場1期1樓1268號舖…查看更多

前排同朋友去咗希慎行街，無意中發現一間走木系風格既日本過江龍餐廳，佢地主打蕨餅、刨冰等多款甜品🍨天氣超熱決定試下，上網search先知原來屯門都有分店！作為士多啤梨控既我叫左2款🍓草莓甜品，味道都好有驚喜😆🍧生草莓刨冰刨冰賣相精緻，刨冰上鋪滿多汁的草莓及草莓醬，打卡一流💥新鮮草莓製作酸甜開胃，冰入口透心涼，最岩同朋友開心share🥛草莓牛奶做到漸層好靚，牛奶奶味香濃，草莓醬酸甜食到草莓果肉😮甜度剛剛好，值得一提面頭仲有Cream，好香又順滑，甜而不膩🥰下次有機會再試埋佢地個招牌蕨餅先😍…查看更多