甘の季節

營業中

休息中

朋友話呢間糖水鋪次次好多人排，咁琴晚人少少就排下啦。周圍啲人講外省語言，正常遊客區。等左陣就有位，樓面加收銀得兩個阿姐，好忙但態度親切有禮。芒果綿綿冰：質地柔軟而且多汁，味道較甜，但係同啲可可粉吾夾。如果同等價錢 $90，我覺得sharishari出色一條街。蜜餞白果腐竹糖水： 同佳佳簿身好多，比較水，無乜腐竹味 $30。唯一好食嘅係啲白果，甜得嚟好糯。總括嚟講係一間好普通嘅糖水店，裝修比較乾淨企理簡約風，係尖沙咀又真係無咩選擇。

尖沙咀食完飯諗住食個糖水啦，唔睇由至可，一睇先發現原來尖沙咀係咁少糖水鋪😂 終於搵到間入去試下，叫左芋圓桂花糕涼粉同朱古力Waffle。芋圓桂花糕涼粉：呢幾樣野夾埋唔係唔好食，但就係3樣獨立既野，無咩特別。不過份量真係少左啲，雖然話係尖沙咀，不過呢個質量係真係無咩值得講。另外仲有個朱古力Waffle，面頭都有啲Oreo碎同朱古力碎，就係Waffle去熱壓，都係無咩特別。整體而言，如果唔係尖沙咀少糖水舖都未必會揀佢，因為就係無咩特別同小貴🤔

護院糖水好味，桂花糕彈牙可口！雞蛋加$5不過不失涼粉正常爽口，護院各有千秋，個人最鍾意橙色有啲煙靭唔係蛋啊係厚嘅，但係唔會太硬鍾意食舖頭唔大但係環境舒服，而且有獨立廁所服務就正常冇乜服務咁樣，類似一啲Cafe小店 不過呢度啲人都會浸水俾你飲嘅蛋白杏仁茶勁Rich勁好味暖笠笠亦都有好多蛋白好實在價錢偏貴，但係佢質素好，所以食甜品食咗$106都覺得唔會嘥錢，始終好滿足呢度我見到仲有雪花冰緊其他嘢下次可以試吓

Location location location, 食完飯就腳，相靚，想食中式甜品尖沙咀真係唔多選擇，第一次試，只能說合格，價錢適中，只係甜左少少，服務都ok友善，喜歡bar 枱位，可以再俾機會。

同朋友睇完戲，周圍搵糖水鋪，見到尖沙咀有間門面正正常常都唔差既糖水舖，點知入到去用apps叫完，糖水普通到不得了，仲有一碗係好淡好稀，叫左魚蛋燒賣，黎到個樣好似清水煮完比包豉油你自己落咁，7仔叮果D都好食過十倍，不過都唔緊要，都算叫做放得落口，價錢唔係貴，唔好比太大期望。但係重點係服務差到呢，叫幾次都唔認，明明聽到都扮聾就咁係面前行過，真係忍唔住講粗口，咁既服務加上咁普通既食物，開到係尖沙咀真係不得了，老闆請到D咁既員工真心慘

完全係因為食物個樣先入嚟食，門口排左十幾個人，間內好細得廿個位左右，番檯都快既，但係清潔枱個張布有啲味道😅😅叫左個朱古力窩夫，好的骰好似個番梘咁大，但係好食嘅再黎多個桂花糕芋圓，好靚仔但係無味😅😅

呢間我覺得係一間好正宗嘅廣東式糖水舖，佢買嘅都係我哋食開嘅芝麻糊啊，合桃露啊，紅豆沙綠豆沙，薑汁湯圓，番薯糖水等等，都係以前細細個食開嘅，呢幾日我食咗兩次呢間糖水舖，總共試咗三樣嘢，第一樣係桂圓馬蹄爽，第二樣係蛋白杏仁露，第三樣係蜜餞腐竹糖水。桂圓馬蹄爽同埋蛋白杏仁露我覺得都好有水準，糖水最緊要夠熱！至於腐竹糖水就正正常常啦。我鍾意以前啲腐竹糖水啲腐竹仲有一片一片。桂圓馬蹄爽 - 34蚊蛋白杏仁露 - 42蚊腐竹糖水 - 30蚊價錢實惠！

尖沙咀甜品舖唔算多，多數都係西式甜品店，想食親民價中式糖水店選擇唔係好多😅呢間甘之季節有好多傳統中式糖水好似紅豆沙、蕃薯🍠糖水等等，又鄰近K11附近非常就腳🥰而且全木系裝修好有台灣小清新感覺，可以打下卡扮文青😚📍楊枝甘露 $42 🧃🥭楊枝甘露都算幾足料，有滿滿芒果肉🥭、西米、柚子粒，食落甜而不膩😋📍桃膠椰汁西米露（熱）🥥 $35熱既桃膠椰汁西米露香氣誘人，椰汁味道非常香濃，加上養顏恩物桃膠，岩哂女士們🤤

天時暑熱, 真係好想食啲冰涼既野呢間甜品店位於：尖沙咀堪富利士道6A號地舖係K11行完街想搵地方坐下見到呢間甜品店入面都坐滿人，應該唔錯，一於入去試吓！店入面裝修簡約，整體都好乾淨我地點左最多人叫既芒果綿綿冰同芋圓桂花糕涼粉😆⭐️芋圓桂花糕涼粉呢個比較特別，出面好少有咁既配搭，桂花糕好清，好香桂花味，芋圓係用左台灣芋圓，所以更加Q彈，好好食，加上唔會好甜，岩晒怕甜既朋友仔！⭐️芒果綿綿冰綿綿冰好綿密，有陣陣芒果奶香，食落透心涼，食到底有啲白色好似麻薯既粒粒，口感好特別！.總括嚟講：我覺得呢間甜品店都唔錯既，雖然地方唔算大，不過佢有個吧枱，另外成個設計都令人感覺好Chill,食物方面都唔錯，價錢方面合理，黎打下卡或者抖下都唔錯👍🏻

其實入一間甜品店，真係都唔係坐得耐快交枱今日同朋友食呢間野，啲野黎到食緊，突然有人行埋黎想我地埋單，真係好愕然我地照埋單，個侍應仲話唔係趕我地走喎，但朋友話另一個侍應企係到望住我地食（因出面有四人等枱），但我地前後都只係坐左十五分鐘，又唔見得佢追早我地既人埋單先？後面兩枱一枱日本，一枱泰國，侍應同人傾計勁開心，簡直合乎Hello HK既形象。真心唔知呢間野係咪唔休做香港人生意？定驚香港人會走數？見好多人話有女人成日罵員工，唔知係咪講短髮四眼女人，見佢話入面開到音樂好大嘈嘈閉😂😂其實真心唔覺得有咩咁嘈囉最後走喇，因我地被逼提前埋單，當然係直走啦！朋友走最後，有侍竟然用普通話問我朋友埋左單未，朋友當然勁不客氣話你地逼左我地埋單啦😂莫講佢呢間野食物只算一般，價錢偏貴，仲要咁既服務，真係早執早著呢間野唔會有下次

諗住食完飯同朋友食糖水，之前食過覺得唔錯，推介朋友食尼間3個人各嗌左一碗糖水，點知糖水上左5分鐘，重食緊，出面有客等位，即刻叫我地埋單，明明隔離枱（旅客）早過我地黎+ 5個人食2碗糖水唔催人但催我地埋單走，男侍應重話唔係催我地走，但隔離女侍應已經做出收碗動作，完全bad feeling.15分鐘後食完行出門口，另一位女侍即刻用普通話問我地俾左錢未😑對旅客服務態度就勁好，對普通客人就…體驗太差，再冇下次

前兩日同朋友行尖沙咀，突然想食糖水，於是就嚟咗甘之季節哩間糖水舖試一試喇～😋❤️我哋試咗佢哋嘅桂圓馬蹄爽同花生腰果合桃糊。桂圓馬蹄爽有濃郁嘅桂圓香味，爽滑嘅口感同馬蹄嘅清甜真係一絕！至於花生腰果合桃糊，口感濃郁順滑帶住多重香味。😋❤️糖水係香港嘅傳統美食，甘之季節嘅糖水真係保持住傳統味道，用料新鮮，味道濃郁。不過就係要留意啲糖分，唔好食得太多啦！❤️‼️

留意番 依間野真係唔駛食都可以夠晒飽因為你可以由入去開始就一肚氣我地一行4個人由頭到尾無任何要求 入座無人帶唔緊要餐牌無打算比我睇都算啦野食唔得掂問係邊度比錢 仲要比人話無腦我唔知原來而家個員工做得唔好被老世鬧鬧完之後佢心情唔好就可以將情緒轉嫁比個客其實間店既男員工 廚房既人都無乜問題最大問題係果個垃圾既女員工俾個無腦既鬧無腦先至令人最嬲🖕🏻

只係食完飯搵個糖水食，無諗過咁都要比人鬧。我地4個人一入去，無人係門口，見到吧台有4個位，問左ok就坐低。坐低左無人比menu，唔緊要；我地擰去後面自己拎。因為我坐係出菜位隔離，個紥辮女侍應一直係隔離出菜，有幾下唔知佢要望廚房啲咩，個人挨落黎我度，都算。之後我地埋單，我朋友都係揚一揚張單叫一句「埋單」，個紥辮果位女侍應就話：「埋單係果邊呀，門口果度呀，呀小姐！呢度出菜架！用下個腦都知唔會係呢度埋單啦！有無腦架？」我聽到佢講嘢就即刻啤住佢，可能佢自己都心虛啦，後來越講越細聲。買單嗰陣我忍唔住同埋單嗰個侍應哥哥講：唔該叫你同事客氣啲。我發誓以上說話我完全無老作，亦唔係打手，因為我真係好嬲，嬲到要即刻上黎打comment。如果你要質疑我有冇喺度食嘢我可以話俾你聽，我地張單食左$158，食咗兩個芋圓桂花糕涼粉，一個椰汁涼粉西米露，一個椰汁芒果西米露。之前再睇吓人哋啲comment原來條女唔係第一次鬧人。出嚟打工唔理你老闆點樣樣鬧你，你唔係攞啲客嚟出氣囉。由頭到尾，我地都諗住拿拿臨食完就走，對個女侍應講過既只有「4位」，「埋單」食品黎講，中規中矩，價錢都中等。但如果個女侍應仲係咁，都唔洗旨意有回

一行幾人堂食完順便想加多張外賣單帶走，點知惡夢就開始….. 一開始我直接搵待應落單，佢就叫我自行嘟QR code 教我揀外賣就得，當時佢望住我撳機撳到去入信用卡資料個頁，由於個app落外賣同堂食會有啲唔同，外賣可以選擇自行輸入credit card 同email資料直接pay埋落order，咁我order完就收到email話我的訂單已成功提交，銀行信用卡亦出現此payment record，但一直等等等都未等到外賣出現，咁我地就詢問員工外賣嘅進度，點知佢地就一句撻埋嚟：「我地無收到你張order喎。」不斷表示佢地只跟系統做野，系統無就係無，咁我地嘗試展示電郵訂單及信用卡付款記錄，但當時幾位員工都扮聽唔到，完全無人再理我地，無視我地嘅詢問，之後當我地再次要求佢地可唔可以搵人跟一跟張單或者搵到位有決策能力嘅員工幫幫手，有位疑似比較資深嘅女員工就行嚟，一嚟就質問我地：「你地用咩落單呀？俾咗咩錢呀？你地張單未俾架喎」我地再三解釋唔係堂食order有問題而係仲差一個外賣未到，甚至示範一次點樣經佢地個app 直接俾錢叫外賣，佢望都無望到，完全唔聽客人講罰，仲冷嘲熱諷：「哦 原來係你地自己無啦啦俾錢