瓏門冰室

講開尖沙咀食常餐既地方，一定會數到瓏門冰室。位置於金馬倫道，位置幾方便。其實以前各區都曾經開過好多分店，但而家淨返呢間，希望佢仲捱到下。由早上七點到十一點半都有早餐供應，主要分為雙餸麵餐、芝士玉子餐、歐陸滋味（姐係扒餐）同常餐。今次去到叉燒賣曬，最後揀左雪菜肉絲湯米線 配 炒蛋白、芝士腸、奶醬厚多士（$39）。炒蛋白仍然係咁大份，有時食下淨蛋白感覺好似健康啲。奶醬多今次烘得燶啲超香口，不過就唔算太多花生醬同煉奶餡。主菜黎講我最鐘意瘦叉，其次係雪菜肉絲，以前既雪菜係好青綠既新鮮菜整既，今次既雪菜就變左普通，好想食返之前嗰種。麵底可以免費轉通粉/意粉/米粉/公仔麵/米線，無論邊種都係偏淋，如果想食硬身啲記得揚聲！瓏門既早餐選擇係好多選擇同好大自由度，主菜、配菜鐘意點轉都得，間中都好enjoy呢種自由！…Read More

由於之前試過下午茶好多選擇，又覺得幾好味。所以諗住今日去試，點知坐低後餐牌得三送飯同埋大約六款下午茶餐選擇非常少，再問服務員，佢答餐牌有就有，冇就冇得呢啲，其他三文治，湯麵咁基本嘅下午茶食物完全冇得食。諗住坐低左費事起走好似唔係幾好，最後揀無可揀之下叫咗碟雞翼炒烏冬，黎到冇鑊氣鳥冬白色冇色水，但識落幾好味因為好重味精，真係任何一間茶餐廳都好睇同好食過佢，諗住杯凍檸茶少甜應該冇問題啦，點知一樣難飲到爆，來到係凍檸茶多甜，想叫侍應換過但全場冇人，要行出去水吧換，一次算了唔會再幫襯囉。另外三餸飯份量少，任何一間三送飯店都俾佢好食。話說烏冬嘅味精重到我夜晚都好口渴…Read More

平時同女朋友出開尖沙咀 諗唔到食咩 就係佢 今日行街行到攰攰地 就入黎食個early dinner48蚊! 抗疫套餐 係哩個時候食 真係夠哂Feel呀! 晚市又冇得食 工都可能就黎冇得返吉烈豬扒餐蛋飯貨真價實 大大塊吉列豬 仲大過我塊面呀差D靚仔太陽蛋一隻厚切午餐肉半塊仲有誠意調配既濃厚甜豉油 真心高質吉列豬夠哂脆口最後仲要連汽水加冰分開上 48蚊 尖沙咀咁既價真係有今生無來世之前另外都以經試個吉列魚柳 質素一樣無得頂趁疫情價真係要食多幾餐 雖然可能有排都完唔到 真係有排食…Read More

瓏門雖然而家剩返一間尖沙咀店，但都算係一間幾唔錯嘅早午餐食店。之前同附近工作嘅朋友約食午飯，黎左呢間位於金馬倫道嘅瓏門冰室。睇睇餐牌，好多選擇，望落有平有貴咁，但其實佢嘅食物都係比正常茶記貴。因為午市都多人幫襯，人手又比較少，睇得出餐枱唔係話好乾淨，但值得一讚嘅係有齊消毒液同餐紙畀客人自己清潔對手同枱。1. 瓏門極上牛肉飯上枱第一個反應係覺得份量比預期少，明明唔係焗飯，但用個焗飯兜裝，而個焗飯兜又比普通茶記細一個碼。不過，食落口係好味嘅。牛肉嘅比例比白飯多，食落就好似食緊日式牛丼咁，d牛煮得啱啱好，唔爛，有燒汁味。2. 茶走呢杯茶走做得好出色，煉奶同紅茶嘅比例好好，唔會太甜太溜，亦都好滑好香！埋單每人58蚊，個人覺得呢個份量同個價錢唔太成正比，有少少偏貴左，但又唔覺得食材比較好，如果價錢平返少少，將會係一間好好嘅港式餐廳。…Read More

特登同女朋友去試 龍門冰室獨有「紅豆西多」。據我所知只此一間有此特色食物，所以令我特別興奮。下午茶時段來到，叫了一份「蛋冶、熱奶茶」，另一份 「紅豆西多」加紅豆奶茶，自製紅豆宴。蛋治正常水準，炒蛋嫩、麵包軟稔。熱奶茶冇問佢好唔好飲。「紅豆西多」看上與正常的西多外貌無分別，但一切開，見到大量紅豆蓉成半湧狀態，紅豆粒軟稔，甜度適中，加上暖暖的炸麵包一同放入口就成為超邪惡嘅美食，而且口感軟綿綿令人不禁一口一口地將它放入咀巴，超正！「紅豆奶茶」紅豆夠多又綿、奶茶濃香夠滑，有水準。吃了一頓令我感到超開心嘅肥仔餐。…Read More

早排晚餐經過尖沙咀，去左龍門冰室食晚飯🍽不得不讚賞嘅係每碟既份量都係大大份😋 食到好滿足～💓我哋叫左至尊海鮮鐵套餐🦐，套餐仲有餐湯同埋嘢飲送，鐵板餐仲有好多種唔同既汁可以揀，我就揀左芝士汁🧀，芝士汁唔會太咸又唔會太膩，感覺啱啱好呀，然後鐵板配上薯菜，薯菜係炸薯條，大大份兼香脆可口，大大滿足食脆薯條嘅快感，超好食👍🏻 海鮮仲有青口帶子蝦炸魚柳🦐🐟，份量好豐富❤️同行仲叫左份韓式鐵鍋珍珠飯，裏面有豬頸肉同炸帶子，🐷豬頸肉薄切大小適中，炸帶子香脆可口，再配上龍蝦汁🦞，整體感覺好夾，鐵板餐有多種類嘅配搭，鍾意海鮮或牛扒都啱晒，龍蝦汁亦都係唔會好鹹既感覺，配上熱辣辣既鐵板啱啱好 👍🏻仲叫咗個土匪雞翼作為小食🐥，意想不到都係大大份～雞翼大大隻肉質好多，炸法亦係香脆可口🤤我哋兩個套餐都會送埋飲品，叫咗凍檸茶同凍檸檬利賓立🍋…Read More

好似人手唔係好夠入到去好多檯都未執好彩後黎有個姨姨好HELPFUL點左~咸魚雞粒炒飯咸魚應該唔係好多食到淡淡既咸魚味都炒得干身既合格啦~蔥油豬扒三旦飯本身好鍾意蔥油既我就麻麻地呢個呢個係多薑少蔥既豬扒質感幾好唔會好干又唔會過淋…Read More

又到星期六返半day，收工梗係去食tea尖沙咀瓏門冰室，平時好多人，咁岩見到無乜人，要去試吓啦！餐牌多選擇，食物價錢都合理，有啲餐有抗疫價😆食物方面玉子燒常餐：內餡料有幾款選擇，選左雜菌，多士選左花生醬。玉子燒明明話有芝士，但食落真係無乜，玉子唔係滑蛋，個鮮茄牛意粉都尚可蔥油雞扒三蛋飯：上黎既唔係蔥油，係似平時沾雞個啲薑蔥，其他既都不過不失，蛋都煎得幾好，唔會係全熟蛋（光x餐廳既價錢差唔多，但覺得好味好多）凍飲加$3…Read More

某日下午原本去另一餐廳食tea，點知陰差陽錯摸門釘，最終嚟咗呢間食。當日唔係好肚餓，所以沒叫佢哋出名嘅黯然銷魂飯食，而係叫咗個下午茶餐，個餐牌都有好多選擇下午茶餐：焗卡邦尼意粉瑞士雞翼咖啡整體味道中規中矩，意粉上桌時只係微暖、份量仲幾細下；雞翼有1隻味道還好正常發揮，熱咖啡係一般茶記普通水準。但在尖沙咀地段嚟講、呢個價錢算係咁，如果經開呢頭嘅話，可以幫襯支持下佢哋…Read More

茶記嚟講，瓏門真係算係我最鍾意嘅一間😆好耐冇食，今日又嚟食喇！今次大約一點左右嚟到，我叫咗個3.6特濃牛乳芝士玉子常餐 ($52)🤣榨菜肉絲公仔麵、咸牛肉芝士玉子燒同埋煉奶多士～榨菜肉絲公仔麵勁濃味，好好味🤤個玉子燒超級多咸牛肉！飽滿到好似唔洗錢咁😂芝士相對就唔係好多，同埋比咸牛肉嘅味道搶咗🤣男朋友叫咗個全日自選百搭麵 ($48)～雞扒炒蛋公仔麵🤣雞扒同炒蛋係另上，件雞扒煎得好香👍🏻因為男朋友最鍾意食魚，瓏門又有蒜蓉豆豉汁蒸黃立倉 ($98)🐟lunch都叫咗條嚟食😂佢都幾大條，肉質都好滑，唔會蒸得過火，好味道👍🏻依家已經得返碩果僅存嘅尖沙咀分店，希望我呢間飯堂長做長有啦😭…Read More

【尖 沙 咀】瓏 門 冰 室推薦分數：●●●◐○．💛 #真香港美食圖冊．🍴 3.6特濃牛乳芝士玉子常餐吞拿魚玉子燒 + 果醬多士 + 叉燒米粉 = $52．以為玉子燒係日式嗰種，實際上係奄列(｡-∀-｡) 蛋夠滑，夠厚度去包覆餡料，唔錯✓ 選擇咗吞拿魚配芝士呢個蛋白質組合，包腹又健康 (°∀°)b果醬味道中規中矩，唔會太濃味令整體好膩；多士則有待改善，眼見有烘底但食落都係軟淋淋，完全唔香口～叉燒肉夠稔，肥瘦均秤，蜜汁味唔夠，尚可接受；米粉都似一般遇水發漲，口感唔太啱小編～（建議大家試試文華饕記嘅米粉，彈口亦唔發漲，有機會再介紹´･ᴗ･`）整體尚可，有少少失望但稱唔上難食，唔明點解好多人針對瓏門(´･ω･`)．#尖沙咀食物圖冊…Read More

回頭早餐🥣🍞🥚好厚嘅多士，我都係鍾意上次奶醬多多啲多士太厚，果醬唔夠多，煉奶同花生醬份量幾好😋😋😋🤪牛奶麥皮真係食到牛奶味，上次飲咗啖阿華田先食（因為阿華田好濃，好味），就覺得好淡🙈今次第一啖就食麥皮就覺得OK，雖然唔係好濃，應該真係用3.6牛乳鮮奶整，冇特別加糖😌😇健康啲💪🏻💪🏻不過個餐真係好豐富，正👍🏻👍🏻👍🏻食飽了，仲有兩隻烚蛋留返lunch食😂😂😉☺️承惠$35，超抵！！！…Read More

今日午餐食下茶記，這間冰室嘅選擇唔少，主要以港式美食為主。餐廳嘅座位唔算太迫，以卡位為主，環境有少少嘈雜。黯然銷魂飯$68這個黯然銷魂飯分量十足，叉燒全部厚切，叉燒啖啖肉，幾有肉味，味道香甜，肉質尚算軟身，加上兩隻荷包蛋，香滑嘅蛋汁加上醬油，拌以白飯，十分飽足，味道也不錯。朋友想吃清一點，點左蝦醬炒通菜$58這蝦醬炒通菜就是炒菜一碟配上白飯嘅套餐。通菜炒得唔算太油膩，蝦醬亦沒有太鹹，味道可以，是一道充滿纖維嘅午餐。這一天的午餐十分飽足，尤其那叉燒有成五六件，吃光叉燒和煎蛋已經很飽了，減肥計劃又要擱置一下。…Read More

🇭🇰 < < 瓏門冰室 > > 💛好食夾大分💛💰 [ $50-$100 ］______________________________ 1️⃣ [ 黯然銷魂飯🥘 ] ʜᴋᴅ68你睇下個煎雙蛋幾靚😍😍揭開下面全部都係叉燒以為自己嗌左叉燒飯走飯🤣叉燒唔鞋口 大部份都係半肥瘦叉啱晒我呢啲食肉獸篤穿個蛋黃撈埋飯食超正🤤2️⃣ [ 瓏瓏雞煲🍲 ] ʜᴋᴅ69上菜嘅時候仲滾緊 熱辣辣好正有好多舊雞 而且少骨多肉🥰肉質鮮嫩 而且幾入味味道係豉椒嗰種 配飯食一流仲有送一碟油菜 好正😘______________________________🥑整體嚟講🥚相信大家對龍門冰室都唔陌生食物質素絕對冇網上面講嘅咁差係正常中上茶餐廳水平而且服務態度唔錯上菜速度都快值得大家繼續支持💛💛😋好味指數：7.5/10🏃回頭指數：7.5/10…Read More

大清早要喺尖東開會，於是會前喺附近先祭五臟廟。之前去過相同冰室嘅其他分店，印象「難忘」。不過聽朋友說餐廳改善了許多。於是便膽粗粗再試。早餐叫了蜜汁叉燒湯意粉，煎雙蛋加奶醬厚多士。煎雙蛋做到太陽蛋效果，仲有少許燶邊，收貨。奶醬厚多士麵包質素有驚喜。叉燒湯意粉，叉燒半肥瘦，蜜汁甜到剛剛好。意粉不會過淋，湯頭夠濃但不過鹹。說實話，其實質素大有改善。$38絕對收貨。希望餐廳能夠將此質素繼續保持。一定會再幫襯。…Read More