理想餅店

營業中

休息中

當天路經此地，又適逢有家人當天家庭聚會生日，就即管買過伯爵茶蛋糕（$208）再加兩個忌廉卷（@22），包裝亦算精美和貼心，價格合理驚喜個蛋糕有輕輕的伯爵茶味又不太甜，主角見到蛋糕上還有點小金薄和食用花的點綴，驚喜萬分，而且味道亦與大連鎖蛋糕店的味道大不同，太合心意，此外個花生忌廉筒更好食放在雪櫃內第二天食用，仍然外殼有脆脆的口感，忌廉餡料都混雜了花生碎，甜而不膩，真的不錯，下午茶首選，下次必定再試其他產品

自己鍾意食沙翁，啲食評講到要專登去，見到個樣本身對佢期望好大。我買咗2個朱古力1個吉士味，要係即整等咗15分鐘，抱住好有期望咁樣去食。。朱古力真係唔好食佢唔係純朱古力醬，(我唔專業，覺得佢似溝咗啲奶油或者吉士)怪怪地咁如果佢係落N字頭朱古力榛子醬我諗會好食啲吉士就好食過朱古力，但未至於好食到要專登去買，同埋好老實完全唔值呢個價囉。。22蚊一個真係賺到笑，咁嘅味道賣返12蚊個心理會平衡啲，吹大咗，sorry冇下次

🥨 ʟᴀᴜɢᴇɴ ᴋᴀsᴛᴀɴɪᴇ @lily_sbakery 🔻 ʜᴋᴅ30 約重28 - 32ɢ⚡️ ʀᴀᴛɪɴɢ🌕🌕🌕🌑🌑・迷你小巧玲瓏的鹼水球 這個形狀太可愛了吧在此謝謝店員們的幫忙 先為我預留一袋包包-👉🏻 即日食按著既鬆軟又懂得回彈 口感軟綿卻富咀嚼感鹹香鹼水味是比較薄弱 反則微甜麵粉香較重鹹香是從麵粉香中滲透 但始終被烘焙香覆蓋-👉🏻 翌日加熱食味道跟口感比即日食佳 鹹香味變得出眾顯著亦沒有即日食那麼軟熟 更增添了一份咀嚼感

喺新蒲崗區有一家以「即叫即炸」聞名的德式炸包店，共有9️⃣款口味選擇，地點喺Mikiki後面，每日12點開賣，落單等10分鐘就有得開餐。新鮮炸起聞到濃郁嘅麵包香氣，勁有食慾。炸包火喉控制得好好，外脆內軟，口感飽滿，真材實料唔係空氣包。而且醬汁/餡料多到滿瀉，每一啖都大滿足🥰✦ 黑朱古力味🍫 $22朱古力味唔會太甜，又濃又滑，雖然未到特別出色，但都比市面好多朱古力醬做得好😚✦ 玉桂蘋果味🍎 $22 🆙呢個係我嘅first choice，餡料同M記蘋果批係一樣味，味道好夾，蘋果嘅香味，中和咗炸包嘅油膩感，而且食到粒粒蘋果，正！😊✦ 芝士味🧀 $22好多人推薦嘅芝士味，反而少少失望，味道偏酸，芝士都唔夠濃，只可以畀合格分數👌🏻

理想餅店的炸包或卷蛋比較受歡迎，不過我每次來都是為了它的合桃酸種包。理想餅店的酸種包分半來賣，半個已可切成7片左右。麵包的外皮金黃香脆，表面佈滿發酵產生的氣泡。一切開，酸種包獨有的香氣相當迷人，合桃的果仁香和酸種包更是絕配。麵包內部的氣孔全開，結構呈圈狀，可看出麵包師傅摺疊麵團的痕跡。除非即日食用，酸種包得重新烘過才能回復生氣；外脆內軟的厚切麵包上，塗上厚厚一層牛油果醬，上面放一隻剛煎好的太陽蛋，再灑些芝麻、黑椒和鹽，大口咬下，那種又酥脆又creamy的口感簡直是天堂般的美味。酸種包的味道相當個人，這兒的酸種是暫時在香港試過最喜歡的，常常都會為著它的酸香，特地走一趟新蒲崗。餅店的德國勞根包、蝴蝶包（pretzel ）和迷你復活節包（肉桂味很香）也很不錯，但不常有，如果不想撲空可以先聯絡餅店預訂。

幾年前食過鹹蛋黃味卷蛋好好食 ，近期想食返雖然冇左呢個口味，之後買咗伯爵茶口味，一咬落去我頂，呢舊咁嘅嘢一啲都唔新鮮外面個蛋糕鞋到阿媽都唔認得,美心都好食過佢仲要買呢個價錢真係食到頂點,中x晒伏！

喺新蒲崗附近食嘢好多年, 知道呢間餅店個炸包好出名, 個包仲要近黃昏已經冇得賣, 要食就要早少少去, 但始終未買嚟試下最近終於又行過間舖突然想買嚟試下, 就問下店員邊隻味多啲人食, 佢就話朱古力, 原味就冇餡, 我就最終買咗朱古力同咖啡味試下有餡包22蚊一個, 差不多等咗十零分鐘先有得拎, 我一拎到就即刻趁熱食一個朱古力先, 一睇個包表面已經見有唔少沙糖喺面, 又唔係話好熱, 唔會辣手, 一咬落去個餡有少少涼, 但唔夠凍, 食唔到外好熱內凍效果, 講真, 個餡朱古力味唔夠濃味, 味道亦唔覺好好食, 個包咬落都鬆軟, 但整體唔覺好好食同有咩特別, 另一個咖啡味我隔咗一個鐘先食, 個餡暖咗感覺比凍時更差, 而且咖啡味道一樣唔夠濃, 一般結論, 真係唔明點解個炸包咁出名, 仲要成22蚊個, 仲要等十零分鐘, 最近要覺得麻麻地好食, 真係試一次夠晒

呢間位於新蒲崗嘅麵包店 裝修以簡約木系風為主 空間唔大但食物種類頗多 之前食過幾次佢哋嘅麵包都覺得唔錯 所以今次試埋店舖傳說中嘅爆餡炸包•卷蛋•蝴蝶酥睇吓正唔正先(｡•ᴗ-)_*̣̩⋆̩*̣̩⋆̩▸ 炸包🍞 ($22)即叫即炸 要等約10mins時間〰 表面佈滿砂糖嘅麵包炸到金黃 食落鬆軟又唔油 但建議一到手就即食 放咗一陣之後啲糖已經融晒 冇咗脆卜卜嘅口感꒦ິ^꒦ິ 而口味揀咗吉士•綠茶•金莎朱古力嚟試＊*...°⇝ 吉士: 比較淡 冇乜吉士應有嘅香味 ⇝ 綠茶: 濃度足夠但較苦 口甘香幾重⇝ 金莎朱古力: 濃厚嘅榛子醬 每啖充滿花生粒三款之中金莎朱古力最出色 其他略有失望 但的確每隻餡料都好足 爆餡效果滿分 極邪惡˙Ꙫ˙ 但整體嚟講都名大於實 同想像中有出入៖...▸ 鐵觀音黑糖麻糬蛋卷🍰 ($96)蛋糕口感尚算軟熟 內餡好足夠 不過鐵觀音忌廉茶味偏苦 未必人人啱食 麻糬比較Q彈但黑糖味不足 雖然定價比其他店舖低 但可以嘗試其他更好嘅選擇( •︠ˍ•︡ )▸ 原味蝴蝶酥🥨 ($53)三樣嘢嚟講最高水準 一包8片 每片都好大塊 夠晒滿足.ᐟ.ᐟ 層次分明嘅酥皮 口感十分鬆脆 重牛油香 除咗原味之外 仲有

🔺阿華田炸包 $22想食好耐終於去咗食！有好多款口味就揀咗阿華田🤎炸包等咗15分鐘左右,包係熱辣辣 🔥外面有糖包住成個包,包係外脆內軟 🤙🏻饀料係超多會大爆漿😍而本身以為阿華田味不太重點知係平時嘅阿華田脆脆真係咬到脆脆👅的確係幾好食但要食得小心啲👀 推！

之前見人大推呢間爆餡炸包，即係 donut 🍩 上次接近6點去到話師傅5點半收工😓今次經過時間尚早 終於可以試！落完單即叫即整，我地等左幾分鐘見有人入嚟買麵包，店又細，我地就出去等啦，等左5分鐘行入去問得未，佢居然叫我落單😳下？其實我企係度期間都係得兩個客買麵包，得我地等緊炸包咋喎⋯⋯我話我係等拎😅佢話未得唔緊要，我再出去等，過左5分鐘入去，佢仲冇示意拎得，唯有再出去等，如是者又再等左5分鐘？我再入去，問有未…佢就話叫我比張單佢睇，其實呢段時間真係一個人都冇，亦冇其他人落單，究竟呢位店長係冇記性定失憶？結果 佢答我一早整好😳我話：我一直等緊你唔叫我嘅？大家冇再對答…真係奇怪喇，我隔一陣就問你當我係新客，整完又唔叫客拎，我就一直繼續等，如果我唔再入去問真係唔知要等到幾時🫣講返個炸包，我地叫左伯爵茶味同吉士味我個伯爵茶就唔係好爆餡又個茶味有啲假，整體比較失望，吉士我冇食，不過目測冇雲呢嗱籽嘅吉士我就唔洗試！食完冇咩記憶點，個人認為唔洗特登試，有緣再經過比機會試下即食其他味道吧！

🔸 吉士/朱古力（$20/1個）雖然好中意食甜野，但成個炸包上面都啖啖砂糖🥹實在太邪惡啦！😈原本以為啲砂糖放喺面，會比較膩。但因為佢全部都係即叫即炸嘅關係，熱度加上砂糖，營造一個脆卜卜既口感🤤咬入去內層既餡料，微微流心同既朱古力醬係個包到溢出💦💦令人忍唔住一大啖一大啖咁繼續食落去❤️‍🔥店入面仲有其他好吸引嘅卷蛋🥳下次有機會會再試

之前上網睇過好多人介紹推薦尼間嘅名物 #炸包 🍩我就叫左兩個吉士醬試下，雖然話係即叫即炸🔥但食落口只有微暖溫度，但炸得好鬆軟，吉士醬都算多，食落唔會話好膩👍🏻👍🏻👍🏻😋😋😋

今日去新蒲崗搵食，見好多人推介呢間炸包，店員話即叫即炸，大約10分鐘後有得食，於是買左1個金莎朱古力同1個吉士味嚟試下。$22/個$120/6個雖然話即叫即炸，但個包係凍嘅、淋晒，金莎朱古力好多醬，食時要小心整到周圍係。但個朱古力醬超甜，連超鍾意甜食嘅我都覺得甜到漏，食左2啖已經唔想再食。吉士就唔太甜，但無香味，好平淡，毫無驚喜。（同beard papa嘅吉士相差太遠）$22嚟講，完全唔值，亦唔值得專登嚟試。一試無妨，再試投降……名過其實，無下次。

在新蒲崗工作都有一段時間了，突然心血來潮想食個下午茶，所以小編問其他同事有無興趣share 理想餅店的$120/6個炸冬甩包。炸冬甩包menu餐牌很貼心，會為每個口味寫上甜度。口味都非常豐富（甜度由低到高）：有原味、芝士、黑朱古力、綠茶、吉士、特濃咖啡、玉桂蘋果、草莓醬、焦糖、金莎朱古力。最後小編叫了焦糖*1、綠茶*1、芝士*4，等了大概15分鐘，拿上手的時候感覺到熱騰騰。口味都是靠外露的顏色分辨，芝士是白色；綠茶是綠色；焦糖是黃色。焦糖炸冬甩包：小編只是嘗試了這個，因為office離餅店大概10多分鐘距離，所以沒了熱度，建議買了盡量10分鐘內吃掉😢雖然甜度列名4星，但比平時吃焦糖的甜度降低了一半很多，只有淡淡的甜，小編挺驚訝，當刻覺得立刻健康好多，可以再吃多一個（笑）。麵包蠻鬆軟，餡料很多，基本多過麵包，下本很重手，每一口麵包一定會吃到餡料。焦糖餡料味道有點像葡撻，但是低糖版本，餡料很滑，可能加奶油吧。雖然曬上很多砂糖，但吃起來，口感比甜度更加突出。因為小編一買就是一set $120/6，如果單買就要$20，覺得可以跟朋友一起分享不同口味。雖然說冬甩，但全不是，它偏向是普通軟包，然後

理想餅店，炸包同蛋卷(瑞士卷)最出名，成日都排好長人龍。。炸包 $20有啲地方叫冬甩，又好似又啲似沙翁，佢係德國炸包。當日叫左金莎朱古力同吉士，即叫即炸，等左15分鐘左右。麵包脆脆地，麵包煙韌、一咬下去，啲醬咇哂出來，正！金莎朱古力個醬比較流質，一路食一路好澎湃，小心整污糟，一個人食晒有啲漏。吉士反而無咁漏。。伯爵茶蛋卷 $60見到好多隻味都想試，但有啲無貨，最後揀左伯爵茶，茶味好明顯，唔太甜，蛋卷鬆軟，抵食！炸包同蛋捲好食，其他味都好正咁，想試。當日仲試左迷你包，正常水準。overall價錢抵食，如果唔洗排咁耐會encore.推介指數：8/10 抵食指數：8/10