理想餅店

營業中

休息中

岩岩係新蒲崗食完晏奏，散下步嗰陣見到新開左一間叫理想餅店嘅新式麵包鋪。對於好鐘意嘅麵包嘅我，即刻入去睇睇有冇咩岩。鋪頭店內裝修幾靚，用木為主題，而且店內環境幾乾淨。麵包有部分會用獨立透明袋包裝好，方便客人拎，感覺上乾淨。總共買左3款包。1. 朱古力軟心包 ～$8.0-8.5買嘅時候，店員先會突登zit啲朱古力cream落去，確保cream嘅新鮮程度。首先想讚下個cream份量幾多，佔左1/2個包。但呢個包係妹妹食，對於佢超鐘意食朱古力系列嘅包的人，佢覺得有啲失望，因cream嘅朱古力味唔太濃，個味道好似食緊盒裝嘅朱奶味。2. 迷你朱古力鮮奶球同迷你墨西哥包 $10 3個- 朱古力鮮奶球本身比較硬，可能因為有朱古力coating係面，所以我食嗰陣要用微波爐叮一陣先會軟身，味道正常，同便利店嗰隻鮮奶球味道差唔多，呢個多左少少朱古力味。- 墨西哥包整體一般，上面層皮淋身同頗油，味道一般，沒有特別。3. 唔記得叫咩名 $9腸仔味道幾好，好似廚師腸，個包幾軟熟，但上面白色嘅醬冇咩味，食唔出食沙律醬定咩，同埋個包買嘅時候，係透明膠袋見到個包嘅底已經出左啲油，少少影響左個包嘅外觀。總捨黎講，價錢以新

多謝癲姐送我一個理想🦋 Butterflies cookies🍪。真心唔太喜歡蝴蝶酥，因為怕甜同勁濃厚嘅牛油味，有時仲會係硬崩崩，唔太識欣賞😜😜😜。癲姐力推叫我一定要試一塊，佢已經食咗好多年，係新蒲崗佢覺得最好的蝴蝶酥😆😆。好啦～我梗相信癲姐，試一塊又何防呢～果然，不單鬆脆可口，不重牛油味，少甜風格，真係不錯👍🏻。我與家人一同分享，家人在半小時內已通通吃光了癲姐送我的蝴蝶酥， 可想然之呢包蝴蝶酥的魔力有多大。

賞味日期 一個月前因為友人講起有一天到呢間面飽店到好趕咗食左一個面包來吃（順路）該店老闆竟然用了十分鐘來游說友人加盟做生意出於好奇 本人親自去了買一個菠蘿“仔”試食細細個 用個所謂懷舊的雞皮紙袋裝住價錢？？？唔好講了 麵包都是十元八塊的食物不外如是深水步 隨隨一家小店的老師傅造出來都比它好吃什麼酒店出身師傳（老闆）什麼懂飛天的麵包原來用口水造 名過於實敬請老闆留意番 買麵包真係麵包。。。做生意？唸多左少少

一開始真係因為有88折先去試下，而且好欣賞《理想餅店》個店名，睇到店內有幾個整餅的後生師傅，大概知道他們喜歡整餅，又拿過獎，為了理想才開餅店。當然全部都係我睇完d相加上店名去聯想，所以覺得係咁，唔知估得岩唔岩架！哈哈由開業到現在都幫襯過好多次，由88折到現在買$20得一分(VIP card)。覺得係時候寫下食評支持下啦！一口氣買左三個包，朱古力酥 ($13) + 軟心朱古力包($8.5) + 健康十穀燕麥合桃麥包 半個($15)，埋單$36.5。本生係朱古力迷既我，朱古力酥同軟心朱古力包就岩晒我，整體都好好味，品質都算高。但之前我反映過，如果朱古力酥內加多D朱古力就好了。哈哈哈！軟心朱古力包係即買即擠朱古力Cream，今次買既軟心朱古力包，包裡面的朱古力Cream無之前咁多，可能因為唔同人手勢唔同，但都好好味！只係我係個不折不扣的朱古力迷，多朱古力Cream係我既希望。今日美中不足係我買唔到《桂圓肉太陽花籽包》，店主話好想就買晒了，因為趕緊客人訂單，所以今日唔會再出爐了。好傷心啊！呢個包真係超推介。我買回家打橫切開再加蜜糖放入焗爐焗5-8分鐘，外脆內軟，加埋裡面有桂圓內同太陽花籽，蜜糖

在一次深水埗的週末午聚飯局中，好幾位食友好友聚首一堂，大家也很客氣及有心送上小禮物！ 現時在新蒲崗工作的好姊妹食友 A 送上購自新蒲崗 <理想餅店> 的綠茶蝴蝶酥給我！多謝她的心意及那麼客氣呀！她知道我是抹茶粉絲，分別兩次送上其出品的綠茶美食給我！好多謝她那麼有我心呢！ 綠茶蝴蝶酥我從未見過綠茶口味的蝴蝶酥，所以第一次見到，我都覺得好驚喜！千層質感，層次分明，香甜鬆脆，卻不失牛油香！同時，散發綠茶獨特的清香，所以，食落完全不覺膩！綠茶豆沙包這個孖裝麵包，清綠色的外層是質感鬆軟的綠茶包，內裡是甜美的豆沙餡，內外兼備！綠茶與豆沙是最佳拍檔！

新蒲崗這舊區，食肆藏龍臥虎，甜品店麵包店特別高質。「理想餅店」就是其中翹楚。隱藏菜單菠蘿油，再肥都要吃！ 現烘菠蘿包加上厚厚的冰凍牛油，即製即食足夠新鮮。包體柔軟，甜度適中，不會過油。牛油帶淡淡鹹味，絕對不是植物脂肪便宜貨。8蚊一個包，遠遠勝過名店外皮油硬的暖櫃產品。超滿足！小小建議是必須即食，避免放在油紙包太久。餅店的雪山叉燒包不俗，只是過油。其他包餅勝在價格合理。還看到推出早餐，咖啡，茶葉，各種西式酥條，有機會一定再試！希望一直保持這樣高的質素💪

理想喺乜？小弟只想起「遙遠」一詞，我呢啲穩陣派，無咩太多理想，硬要講嘅，希望就喺有生之年，走訪到半個地球。無啦啦講乜嘢理想，皆因有心嘅食友送小弟一包小店「理想餅店」出品嘅綠茶蝴蝶酥，睇見店名，就諗咗一諗。包裝好簡單，一包有8片，片片均做得頗大件，塊塊大細一致，外形工整對稱，夾雜嘅綠茶粉，令蝴蝶酥外觀份外搶眼。型態如心嘅綠茶蝴蝶酥，咬一口，綠茶味好搶、好突出，幽香而帶點甘味，細嚼牛油香慢慢滲出，兩者嘅味道都極之平衡，唔會被單一味道搶走；睇睇咬開嘅蝴蝶酥，層次清晰而細密嘅酥皮層就知有幾酥化，故口感喺酥脆到不得了，絕對喺一件做得好「理想」嘅蝴蝶酥。雖然「理想餅店」喺家唔太出名嘅小餅店，但其蝴蝶酥真喺高水準，唔差得過一啲所謂知名專做蝴蝶酥嘅餅店。再次多謝好友，醒我一包咁高質嘅出品，讓小弟有頓美味嘅下午茶！

店內沒有特別裝潢但多左一份人情味成日都行過想買麵包但總是沒有機會，今日同事食完午餐話不如試下條卷蛋$30一條，價錢十分公道。叫了一條原味卷蛋，卷蛋中間有很厚滑的忌廉而海綿蛋糕有濃濃蛋味。現場仲有朱古力口味，老闆話唔係成日有，如果大家見到既都可以試下。老闆十分好客仲請我食一個新產品係斑蘭葡撻，斑蘭味十足而且兩口一個既size ,就算正餐食到飽都可以食到2-3個。市面上都少有斑蘭味的葡撻，店內仲有好多特式麵包甜點，想試新野不能錯過

全新蒲崗最佳的麵包店價錢比一般連鎖麵包店便宜，但質素卻遠超他們。用料好，麵包鬆軟，味道很好。此店款色多樣，有傳統亦有新穎的款色。加上員工態度非常好，環境衛生也做得不錯！

這陣子，多到九龍城的某家新張麵包店光顧，吃得多又想轉轉新口味 於是便多搭了一趟巴士來到新蒲崗的理想餅店光顧喜歡理想餅店的主要原因，當然是主打的天然酵母麵包質素高，但也很喜歡這小店親切的股務，令客人會想不時回來光顧。是日筆者所買的麵包是「無花果黑麥麵包」($15)，是一款看起來很不像麵包的麵包麵包其實是由錫紙模焗熟的，仍然可以看到錫紙蛋糕模具沾上牛油和麵粉以防沾底的痕跡。店家的麵包造型設計是相當的用心啊! 味道方面，麵包帶著黑麥粉那種較獨特的麥芽味道，微微的苦中帶著甘味，對於喜歡麥香味重的筆者，覺得非常好吃! 吃起來就像聞起來一樣香! 而且，還有無花果在裡頭，帶有微微的甜味!質感上，黑麥包也不會那種乾硬的款色，吃起來鬆軟有彈性，加上杏仁片和乾身無花果兩種不同的質感，吃起來也不會膩! $15的麵包也不算是十分便宜，但男生吃也會有飽肚的感覺了! 推薦指數: 5/5 如果大家有機會經過九龍城或新蒲崗一帶，不妨考慮試試光顧這裡出品的麵包啊!

喺度住咁耐，第一次食到咁有水準麵包，好食過Mikiki果幾間連鎖貴價餅店好多。第一日行過，見到牛角包好似好得，話用法國牛油做，好吸引，價格仲吸引$10，老公再要多個迷你菠蘿包。回家一試牛角包非常香、鬆、軟，對上一次食過咁好食嘅牛角包係喺歐洲。另外菠蘿包，老公話好食，同埋好耐未試過個包係實心嘅。因為咁第二日返工前再買雪山义燒包比同事食，一致好評，鬆軟，义燒同啲汁好好味。

去開新蒲崗，知道有間新開麵包店，當然要試下啦！店裡面嘅個裝包一早已用膠袋一個個入好，款式與賣相沒有太大驚喜，但勝在價格比較親民。要左斯佩爾特包 同無花果合桃包兩者之中，個人比較鐘意口感較為多變嘅斯佩爾特包，表面脆，裡面軟，類似法包、硬豬，而且感覺上較為健康。不過部分麵包放過隔夜先食，味道大打折扣。至於無花果合桃，味道同預期差不多，掃焗盤d油稍為重手左少少，攪到個包底好油。附近嘅日式麵包店實力強勁，如果要突圍而出，相信要加把勁了，加油加油

上星期經過新蒲崗，包控小妹又走左入一間烘焙店睇下有冇野岩食過下口癮店内有不少烘焙產品，有撻、曲奇、蛋糕、麵包等，大多都偏向是港式口味，但當中也有如今大熱的紫薯麵包😂😂😂蛋糕櫃亦有數款不同口味的甜點，不過外觀不算十分吸引，但勝在價錢親民🙈🙈-店外亦有張貼一些產品的優惠宣傳睇睇下既時候，姐姐有說雪山叉燒包剛好出爐，是店內大熱之選！好吧，就買一個黎試下啦到手既包包不是太熱，咬下去的內涵竟有微冷於是小妹便向店內姐姐反映，然後姐姐告知（店主？），他們便叫小妹等等，重新reheat一個給小妹等了二至三分鐘，包包再次到手！今次就真係熱辣辣外脆包軟係幾好味，不過就無乜特别同埋份量相對比較少！但係佢地既服務態度好好，好有禮貌！所以下次經過都會試下其他產品，當支持下小店嘛

是日早上買早餐時,意外發現新一家麵包店!店鋪裝修感簡單開揚,是一家主打健康麵包的小店.看到牆上的麵包師傅照片,似乎是得獎餅師所開設的心思小店.店鋪供應的款式不少,主要供應軟身的麵包,但也不乏麥包選擇.是日買了一個較為特別的芝麻包. 由於筆者爸爸是芝麻糊的粉絲,所以筆者也沾上幾份芝麻的喜好.正當筆者以為芝麻包是普通白麵包餡底時,咬開包身才發現內有玄機.原來,麵包入面是混了一點黑芝麻醬所製成,所以入口一股"炒過的芝麻香味".不只麵頭的芝麻脆粒香, 加起來是外內芝麻的層次交扣!重點是麵包味道香濃,質地軟熟,值得推介這款有心思的麵包!

包控表示見親麵包店都要入去轉個圈今次比喱間裝修幾有心思嘅小店門口嘅雪山叉燒包深深吸引住就入咗去睇下🤘🏿-有平時少有的紫薯乳酪貝果😆好吸引!-仲有表面令立立的牛角酥🤤標榜用法國牛油造！-不過由未入舖頭個刻已經決定好食乜🤘🏿岩岩吃完飯食埋喱個小小的叉燒包就岩岩好了😆雪山叉燒包由細到大到墨西哥包都情有獨鍾🤤表面個塊雪白的糖皮真係好正🤤所以平時飲茶見有雪山叉燒包或者叉燒餐包都必嗌🤤個喱個叉燒包嘅叉燒係自家製的同出面茶樓食到嘅唔同叉燒份量幾多幾淋身加上自家醬汁 好juicy好夾🤤仲有啲淋嘅洋蔥絲✨個叉燒餡真係好高質！雖然唔係新鮮出爐但都微暖麵包好軟熟🤘🏿如果加番熱一定無得彈🤘🏿-間餅店有好多特別款麵包誠意小店要多多支持下🤤❤️-