球哥燉湯

營業中

休息中

第一次寫食評就係分享吾開心架野，真的好無奈！！十分無奈！！ 見標題“燉湯“就滿懷興奮架心情一試，事前充滿期待！我打電話去查詢後落單！因為公司人數有30個，所以，需要前一日落單！我都明日想提前准備，所以，都好樂意配合！老闆球哥十分細心地同我對單，遂一對，令我留下較好印象！ 但到了食飯時間12點，仍未見外賣到，就致電給“球哥燉湯“！！一直打無人听，直到12:20，有人听，姐姐話“准備好了，就送啦“！！結果……等到12:50外賣到了！係12:50！！完全……忿怒！！！分配飯盒又竟然發現有4個餐無！但佢地完全無同我講聲！再一次失望！ 真的太離譜！1.嚴重無責任心！吾够人手，應事前通知！2.送漏野，又吾講聲！3.無照原定送，遲到，又吾主動通知客人4.漏單，又吾講聲！5.呢點真的接受吾到！！吾衛生！！飯盒有洗 碗擦碎！！真的好過份！！ 我係講道理架人，叫一次外賣，一而再發生甘外情況，真的令人忿怒又失望！！人手吾够，明日！但理應通知一聲！！無！！作為食客，想食物安全美味係首位！但服務態度都好重要！！希望球員好好改善！！真的做到“講心迎人“！！

很喜歡飲湯, 見到黎間小店用燉湯來做店名便來試試星期六12點, 幸好不用等位.馬上叫了2個燉湯及2個小菜1. 白菜杏肺湯 - 湯很淡無菜味, 無杏味.杏仁是爽口的, 我估是燉了太小時間吧. 當食到白菜既時候有一浸漂白水味, 唯一可讚係肺做得很干靜2. 金銀菜燉湯 - 菜干味很出, 味道不錯.3. 豆卜炆排骨配紅米飯 - 用料十足的, 可惜沒有太大的味道, 茨汁也是太強了. 食到1/4左右我地已無咩心機食.4. 沙嗲炒牛河 - 味道是偏淡的. 牛肉沒有so味, 是整餐飯裡最好及唯一的食物. 不過炒河如味唔夠濃就只係同食炒油無分別. 所以食到一半我們也沒有食了.

同事話想試吓呢間球哥燉湯, 喜歡飲湯嘅我當然無異議啦...等咗幾分鐘就有位, 不過個位就夾硬嚟, 一個位迫埋坐兩個人, 無法啦, 生意難做, 都明嘅! 大熱天時飲住熱湯, 冷氣亦唔係好足夠啦! 我點咗西洋菜陳腎湯, 味道清甜, 好足湯料, 用料亦算新鮮!! 雖然是小店, 但飯都有兩種選擇(白飯/紅飯), 非常不錯! 主菜方面都大大碟, 京都骨夠晒軟腍, 不過醬汁就略為多咗D. 而西蘭花炒牛肉都不過不失, 牛肉肉質軟熟但無咩牛味.

今日食左個番茄濃湯丁麵，賣相唔錯，但可惜第一啖已非常失望，又係缶頭茄膏＋茄汁做個湯底，只淨係食到甜味及茄汁味，一D新鮮番茄味都冇，非常失望！大家想像吓個湯係甜嘅配出前一丁麵，感覺好奇怪，口感不論不類＋不知所謂！咁簡單番茄湯都唔比心機煲個湯底，仲敢話係番茄濃湯，一次就夠，冇下次！

上環永樂街、蘇杭街路上有超過十間餐廳，可是並不是每一間都一樣優質。午飯時間路過起碼三次都因為人龍而卻步，這次決心等了足足三十分鐘，可見此店非常受上班一族歡迎。食慣嬌貴的西餐，回頭試試廣東菜的溫暖滋味，頓覺昂貴精緻的食材不及平凡的足料足秤家炳菜好。食完便知七八十元燉湯配飯，這個質素，絕對值得排隊。花旗蔘燉雞湯：熱騰騰的燉盅，薄薄的幾滴雞油浮於面，雞皮應該去了七八成，雞肉連骨入盅燉，時間目測至少兩小時，為什麼？因為雞骨都變了雞軟骨，雞肉的纖維都軟化了，一咬就開，一絲又一絲的瘦而結實，不需用力也能嗅到花旗蔘的甘味，平日不吃湯渣的我食到落底好似飽左四成咁，食極都仲有，雞湯加了花旗蔘後清甜而不燥不苦，最適合於冬天飲用了。蘋果雪梨雪耳燉排骨湯：喝完雞湯，再喝此湯，鮮明的對比湧現－蘋果的果香、雪梨的清甜、雪耳的潤滑、排骨慢火熬過後的肉味，互不相讓，清甜更勝雞湯，甜甜的一股滋潤的暖流滑入喉嚨。同場加映木耳，滑溜之中帶式微脆感，胡蘿蔔也是湯料常客，湯料並沒有因為長時間燉煮而變得爛爛溶溶，每顆果肉都能用匙羹盛起，湯渣湯水一整個喝光光。木瓜雪耳燉排骨湯：童臾無欺的燉湯，火候十足，木瓜入口即溶，雪耳也沒有溶於

食晏時間喺中上環，搵食艱難，要健康加好食難上加難。辛苦搵嚟志在食，終於比我搵到呢間打正旗號賣湯嘅餐廳。 餐廳位於蘇杭街，只做街坊同附近上班族嘅生意，但今日午飯時間已大排長龍，好彩我獨自嚟搵食，比我搭枱慳番輪候時間。店內裝修簡潔光猛，乾淨整齊。 蘋果雪梨白木耳雪茸排骨燉湯配梅菜扣肉$66午市套餐主力係一款燉湯做主力，配小菜或炒粉麵。每日有唔同款湯水，只係今日已經有十五款可以揀😳，果然係專家👍🏻👍🏻今日天氣乾燥，梗要飲碗清潤啲嘅湯。燉湯就係燉湯，湯底濃郁厚實，無三個鐘頭以上火候煲唔出咁醇厚嘅滋味。睇湯料都可見功夫。排骨煲完依然腍滑，飲完無口渴，可見真材實料。梅菜碎切，長時間烹調令梅菜同腩肉都入晒味，傳統客家風格，味重，鹹中微甜，腩肉尚算鬆化，送飯一流。可能個湯太好飲，或者扣肉太好食，令我覺得套餐份量偏少，食完唔夠喉😁對OL嚟講就應該啱啱好。難得出街食晏，有媽媽的味道，希望餐廳快啲開分店，否則下次想飲靚湯可能要排到喊先得喇。

我對球哥的外賣好失望，我叫咗個咸魚雞粒豆腐飯但係一啲咸魚都食唔到,雞粒得個幾粒，而飯的份量是餸的兩倍！成個飯完全食唔到咸魚同雞味，同食齋無分別，好失望，應該唔會再幫襯！

幫襯了球哥燉湯將近兩年，每次都非常滿意其出品，燉湯價錢不平宜，每盅要成$45-$55元，但味道真係好掂，加上湯料份量十足，所以偏細食的阿J通常都會將燉湯當飯食。球哥燉湯無論是裝修或食物都走家庭式路線，燉湯價錢由$44-$55元不等，球哥的燉盅溶量比坊間的大，而且湯料超多，我個人認為是超值的。阿J她今天有點沾寒沾凍，於是便和她去飲番碗有助驅走寒氣的白胡椒豬肚燉雞湯 ($55)。白胡椒豬肚燉雞湯是阿J的最愛，她偏好白胡椒的香氣，球哥的燉湯每盅都原水燉足4小時，湯的味道既鮮且濃，不油不膩。豬肚的份量超多，燉至香糯軟熟，阿P我都爭住要食番件。PJ 都最欣賞燉湯內的豬軟骨，球哥的燉湯是不用豬的，他只選用最靚而且肉味最濃的豬軟骨來燉湯。阿J 每次都最喜歡吃這豬軟骨，說骨膠原豐富。除了燉豬肚湯外，球哥的花旗參雞燉湯也不容錯過，花旗參味是極濃的！

在上環尋找食店的時候，遇上了球哥燉湯，不如入內用餐。食店面積不大，坐滿了食客，感到迫狹，但這是慣常見到的。在午餐牌上共有兩欄，上欄是點選一款湯，加上不同的小菜，在小菜中再選小菜；第二欄是炒粉麵飯。如選炒粉麵飯套餐，則需加多五個大洋。而另外一版，則羅列了不同的燉湯，從中選一款，但如果超過四十二個大洋，則需另加銀兩。生炒骨是常見小菜，上桌的時候，排骨並非橙紅，入口時也不是十分脆口，但是醬汁卻又正常的，酸酸甜甜。粟米青紅蘿蔔排骨燉湯。湯料份量十足，也是十分少見，用料豐富，喝起來亦見清甜和滋潤，整個燉湯份量也不少。如此足料的燉湯，實屬不錯，最後連湯料也吃掉吧。

中午同朋友來到球哥燉湯，這裡非常適合平時好少食到住家飯既上班一族！試過之後覺得唔口渴，即應該無乜味精！午餐大約$50-70幾，揀一款餸加燉湯！今日試了南瓜蒸雞配木瓜雪耳排骨燉湯！南瓜蒸雞味道尚可，雞夠滑雪，南瓜粒多少少會更好。至於燉湯，木瓜雪耳好甜，有家的味道，加咗排骨亦不油膩，食完無乜味精。算不錯！

球哥的汤料十分实在，满满的排骨鸡肉和猪肚，都炖的及其酥软。最棒的是排骨，带着筋，十分软滑。只点了汤，不过看别人点的小炒也很不错。饭店的服务态度也很好，彬彬有礼。

一直見到球哥燉湯，但因為都午餐時間勁多人好難入去坐。難得今次1點前已到達，因而同一位女同事即時入去坐。入去到位置還有一半，見到餐牌有幾款套餐選擇，最後我和女同事叫了個1和2號餐。燉湯我地想要貴少少的湯，要另外再加十多元一個。白胡椒豬肚燉雞湯：白胡椒味重，豬肚煮得夠淋，雞件超多。白菜豬肺燉湯：好濃白菜味道，似白菜湯，豬肉和豬肺都夠淋。吾錯。但本人覺得白菜太涼，飲一二口就夠了。油菜：沒有落油情況下，清清地幾好。菜都新鮮冇渣。 醬皇蒸鯇魚：醬太多，比較咸，魚不太大白飯X2之後過左一點勁多人，要一齊坐先可以坐得晒。每人＄70話價錢還可以，因為湯夠大同材料多，但餸比較少。如果叫回＄42湯就更加抵！～

The shop is smallish, with lots of two seaters, which can house about 20plus people at one time. Their specialty is soup. we tried the bitter-melon with pork ribs and the american ginseng with chicken soups. The soups are clear, with most of the fat and oil removed, which is an excellent touch, and they are flavoursome. We also ordered the deep fried shrimps, which are dipped in a salty batter and deep fried to a light and crispy texture. We finished the dish in no time!

一个人晚饭 点了一个西洋菜排骨汤 还有一个梅菜蒸魭魚 加一個紅米飯 營養豐富 不油膩魭魚的梅菜一點也不咸 紅米飯超級健康的 魚很鮮嫩味道都好赞 汤好好喝 理想的一人食或者朋友聚餐的地方

媽媽不在港，晚上沒有時間煮一些老火湯，於是中午到球哥燉湯，買一碗靚湯回公司歎!原來外賣是會貴少少的，因為每個外賣盒要加$1的。點了金瓜排骨紅米飯 + 無花果排骨湯 (原價$65，外賣價$67) 金瓜排骨比起鳳爪排骨健康，因為鳳爪經過油炸以及醬料調配出來，油脂多；金瓜是蔬菜，對身體比較好。金瓜共有兩三塊，排骨約有20件，是令人飽肚的！排骨以生粉處理過，軟身之餘，富有彈性，原因是即蒸的，不是一早上來蒸，任由它蒸上數小時，因此不會硬化！金瓜吸收了肉汁，因此入口甘香，味道令人讚賞！紅米飯飯味濃郁，不硬身，相信沒有吃過紅米飯的人都會吃得慣！無花果排骨湯是甜的，湯料十足，有大量南北杏、兩三件豬展、兩三件紅蘿蔔及無花果一大粒。這碗湯份量有兩小碗，味道方面沒有蛇王二的湯如此濃郁，可絕不是一般茶餐廳送的例湯般馬馬虎虎，是住家的感覺！吃完了，忽發奇想...假如要形容「球哥燉湯」的話，她未必是一位打扮花枝招展的模特兒，但她會是造型清新的鄰家女孩。希望這裡會一直保持它的食物質素以及獨特性(以湯水為主打)。