班蘭咖啡

【2025 年 6 月】#PandanChiffon招牌原味班蘭戚風蛋糕輕盈鬆軟帶有清香的斑蘭味道6 吋只係 HK$58 大大件好抵食儍媽 6 月光顧時仲係上海街舊舖現在已經搬了去『庇利金街』新舖啦 ~~** 以上分享是以我的口味、體質和情況作出分享及感受，一試 / 合用與否請自行決定…查看更多

今日去開佐敦，一於去試埋呢一間收藏咗好耐嘅舖頭。本來以為舖頭淨係可以賣酒，點知原來都有兩張枱可以坐低品嚐飲品同甜品。我嗌咗斑斕咖啡同埋斑斕芒果卷即場試食，斑斕芒果卷好香芒果味，不過就比芒果搶咗味，斑斕味冇咁出，如果鍾意食斑斕可能原味會比較好。另外斑斕咖啡好吸引，首先咖啡豆已經好香，唔會過濃同好重烘焙味，撞落斑斕同奶個比例十分之好。本身仲諗緊晏晝飲咖啡好驚夜晚瞓唔着，不過好彩最後有事到，如果唔係好後悔。同時我亦都見到有斑斕蓮子薏米水，下次經過一定要買嚟試，其實舖頭嘅產品都唔貴，一定會再去幫襯。…查看更多

因為媽媽喜歡斑斕口味，平日打波經過見到呢一間專賣斑斕嘅店已經好想試吓，就係媽媽生日訂了一個斑斕芒果蛋糕，有驚喜👍 斑斕味好香好天然，無平時食其他店嘅好似落咗添加劑嘅感覺，忌廉唔會好甜，沒有遮蓋斑斕嘅味道。媽媽平時好怕食忌廉都覺得呢一個好好味，仲比平時食多咗一件👍我本身對斑斕口味嘅食物一般般，都好鍾意食呢個蛋糕，蛋糕質地好鬆軟，忌廉滑溜，加上生果都好新鮮，所以我好推薦大家試吓。下次我會試吓開心果醬味同埋斑斕栗子味👍👍支持小店，加油！💪…查看更多

想試好耐，今日終於去左買黎試。平日下午都有2、3個客人買緊，好彩大多數既款式都仲有，可以買到心頭好。第一次食，買左件原味切件卷蛋試下先~果然同其他食評所講既一樣，卷蛋食落只有淡淡既班蘭香。(可能因為佢係用辣鮮班蘭葉整？🤔) 但蛋糕體好鬆軟濕潤，忌廉夠滑夠奶香。下次會想試下佢原個既戚風蛋糕🤤…查看更多

幾年前買蛋糕食，當時食物質素十分滿意，比得新加坡買既。今日經過佐敦，原打俾買蛋糕，但入門完全沒有蛋糕香味，燼想買既款未巿。於是買杯咖啡黎解暑，但發現班蘭咖啡，完全沒有班蘭味，只有淡淡咖啡香，😓名不符實。早知去7仔買。沒有下次。…查看更多

佐敦呢間小店係上海街同寶靈街嘅Corner位， 只賣蛋糕甜點同飲品。佢同坊間不同之處，佢主要係賣班蘭製品。班蘭葉係用新鮮，並非如坊間添加人造色素同香精，所以佢嘅出品只係有淡淡的淺綠色同班蘭味。佢嘅班蘭戚風蛋糕，每次只焗製少量，一日會焗好幾轉。所以買到嘅都係即日新鮮熱辣出爐，攤凍之後再入袋。所以蛋糕口感特別彈牙鬆軟，有真正嘅班蘭味道同香味。比起新加坡名店絕對不相伯仲！另外仲試咗佢哋嘅黃金板栗班蘭卷。即使第二日先食，口感亦好鬆軟，栗子🌰味濃，同班蘭絕對係絕配。臨走前，見佢有班蘭咖啡，馬上order一試。由於班蘭汁係用新鮮班蘭葉即榨汁，本身有啲苦澀味，應該要求加多啲糖水先得。總括來說，絕對值得我哋經常幫襯！…查看更多

多次經過都覺得好吸引，今次終於下決心買來試試，買了一個班蘭芒果卷$55。這裡還有其他選擇：原味班蘭卷、班蘭板栗卷，印象中係$4x,不過$50。結論是一試無妨，但下次應該會揀原味，因為芒果卷內的芒果其實很少，不值得加多$1x去試。味道方面，班蘭味不會太重，個人是喜歡淡淡的班蘭味，感覺這樣應該不會有太多人工香精，甜度適中。朋友說吃到芝士味，但我就不太覺得整體來說蛋卷質感鬆軟，好吃…查看更多

無意中發現香港開左間賣斑斕蛋糕店，本身都鍾意食斑斕產品，仲唔到一入間鋪就聞到好濃嘅斑斕味。核桃斑斕蛋糕咁啱賣曬，我就落訂等20分鐘再去買新鮮出爐嘅蛋糕。啱好食個午餐轉頭去拎。拎到手時，底仲熱嘅，入袋唔可以封口。拎到返屋企已急不及待拎嚟食。一入口好鬆軟，仲香噴噴，口中有核桃加斑斕味，好正！連平時唔食蛋糕的男人都話好味！下次經過要再買！以後去新加坡唔使買啦。…查看更多

栗子味斑蘭蛋卷今次外賣左栗子味斑蘭蛋卷，打開面既保鮮紙聞到好香斑蘭葉既味道，蛋卷口感鬆軟又唔乾👍🏻中間栗子係切得細細粒既，唔係平時死甜果種栗子蓉，配埋啲cream味道啱啱好之前已經食過佢芒果口味既斑蘭蛋卷，個人鍾意食芒果味多啲🤤…查看更多

蛋捲一來就有斑斕香氣四溢，引得人食指大動。味道不會太甜，剛好，唔會好多cream。內餡栗子都不少，食到粒粒栗子。一條$48的性價比都算高，得閒經過都可以試下，總體不錯。…查看更多

因為要慶祝生日，所以買咗個班蘭芒果蛋糕試吓。但估唔到係大失所望…..一切開個蛋糕就見到中間好厚嘅忌廉，而嘅厚度係成個蛋糕嘅一半！仲要佢唔係輕忌廉😩中間夾層嘅芒果竟然係碎粒嚟，碎到唔開胃 無晒芒果肉質感。真係伏到核爆💥千期唔好試🙅🏻‍♂️一定唔會有下次！❌…查看更多

打開包裝時，班蘭的清香便隨之飄來。雖然班蘭的味道也是淡淡的，但沒有加上味道令人頭暈的椰子，所以好清新! 戚風蛋的質地好綿密且柔軟，絲毫沒有粗糙感。店員說蛋糕的班蘭味來自班蘭葉鮮壓的汁液，令我想起新加坡樟宜機場所買的那一款。照片中蛋糕的裂痕是舟車勞頓的後果，原來的樣子可是十分可愛!班蘭咖啡 的顏色上深下淺，分別明顯。可能是我味覺不靈敏，我嚐不到班蘭味，但有濃濃的烘焙咖啡味。…查看更多

店員態度惡劣，以付錢及入賬為理由，堅絕作出任何退款及解決問題，難道比晒錢就係錯？真係莫名其妙！莫說是服務，店員連基本禮貌都無，蛋糕有幾好食都無用，店員的態度，絕對不會有回頭的可能。…查看更多

呢排聽到有以班蘭作為主題既咖啡店😳，舖頭唔單止有班蘭咖啡，更有班蘭蛋糕等等食物，可以話係非常有特色，推薦鍾意班蘭同埋鍾意試新嘢既朋友一定要try try！！😜 ✨鮮班蘭戚風蛋糕（$58）新鮮出爐既班蘭蛋糕漲卜卜咁，非常得意。班蘭味道好香，食落去味道十足，而蛋糕質地本身好軟熟，濕潤得黎唔會太dry，推薦試試！ 😉 ✨鮮班蘭芒果芝士卷（$55）🥭呢個卷同戚風蛋糕分別唔大，不過中間加咗芝士忌廉同埋芒果粒，食落更有口感！！😝 ✨斑蘭咖啡☕️咖啡可以選擇熱或者凍，少少既班蘭味道加落咗咖啡度，感覺好新奇！🤓 …查看更多

班蘭香氣獨特，顏色又靚，經常喺甜品同飲品用到，而今日介紹呢間就係班蘭專門店，所有產品都係班蘭味，鍾意嘅一定唔可以錯過😍🌟鮮班蘭核桃戚風蛋糕大大個高身又鬆化，海棉蛋糕好香班蘭味，整體唔會太甜，仲落咗好多核桃有咬口又有果仁香氣🌟鮮班蘭芒果芝士卷呢個卷蛋勁多餡，博博嘅斑斕蛋糕包住creamy濃厚嘅芝士忌廉，入面仲有鮮芒果肉，切開一件件開party啱晒🌟班蘭咖啡用咗新鮮班蘭葉榨汁，同咖啡香味好夾，滲出陣陣班蘭清香，亦同時突顯咖啡香味…查看更多