珍寶餃子

想食可能係世一嘅煎餃就要save低依個po喇😆今次介紹嘅係一間好食到小編已經二訪完嘅餐廳❤️所以今次條片內容好豐富！依度最特別嘅菜式係煎粽，未試過可以一試～（利申餃子同雲吞比較出色蛋黃醬香辣煎粽(一隻) $40 內軟外酥 ；大粒蛋黃酸辣湯餃子麵 $55配大白菜牛肉餃(4隻) +$3辛辣可口；米線量足珍寶酸辣拌麵 $45開胃過癮；麵條掛汁金黃海苔煎餃 (6隻) $45冰花網狀；啖啖肉鬆雙拼大白菜牛肉粟米豬肉煎餃 (6隻) $41粒粒飽滿；肉汁鮮美紅油抄手(5隻) $45麻辣鮮香；皮薄餡靚凍香濃豆漿（無糖） $12凍雞骨草（無糖）$16自家製品；無負擔感…查看更多

今日真係不吐不快，要同大家分享一單極之離譜嘅遭遇。早排同朋友去餐廳食飯，竟然俾人當係犯咁審！事緣我哋落單叫咗個套餐，點知上菜時硬係話我哋點錯單，個侍應仲要叉住腰企喺度，用啲審犯嘅語氣話：「你哋自己點錯就認啦！」哇！聽到真係火都嚟！我哋明明跟足餐牌編號落單，餐廳自己出錯仲要客人孭鑊？嗰個侍應話「系統顯示就係你哋落錯單」。我想問吓，係唔係要我哋跪地叩頭認錯，你先肯退返啊？講真，香港飲食業競爭咁大，呢間餐廳嘅服務態度已經唔係第一次被人投訴。上次我個fd嚟食飯，都話俾個侍應黑面對待。成日話香港係美食天堂，但俾呢啲害群之馬搞臭個名！唔通而家香港開餐廳，請人唔使睇態度架咩？作為消費者，我哋係嚟享受美食唔係嚟受氣㗎！我哋做客人嘅，態度已經十分之好，問題完全出喺餐廳嘅服務態度上！如果連咁基本嘅尊重都做唔到，真係要認真反省下係咪唔適合做服務業！…查看更多

今日路過土瓜灣工作，順道附近揾埋lunch 食行過見到哩間餃子店裝修感覺乾淨企理，諗住唔肚痛是但食飽就ok叫左碗8隻雙拼湯餃子，四隻韭菜豬肉餃+四隻粟米豬肉餃碗餃來到感覺是正常野，我亦冇專登影相先食韭菜餃，韭菜非常新鮮，加埋豬肉餃子整體味道不錯； 再食粟米餃，發現佢裡面既粟米好甜粒粒都好飽滿，起初以為只是咁岩1隻咁多粟米，點知食到第三隻裡面都依然係咁多粟米，仲要d粟米唔似急凍扁身既粟米，似係在新鮮的原條粟米上批出來既原粒粟米先會咁香咁甜咁飽滿！我不是打手，我比這個粟米豬肉餃surprise到我，裡面既粟米絕對係我食咁多間餃子店裡面最高質既一間！現在還有食店對食物咁認真，仍然有堅持既小店，絕對值得 respect 及支持！ …查看更多

這晚由土瓜灣行路去紅磡，途經這間餃子店，上openrice 一望，原來舊舖清拆重建，搬到這裏。餃子大隻，足料，可惜麻油成份太多油菜點了菜心，大份，菜心大棵，抵食又大份一碗米線有4隻餃加油菜，非常飽肚。初時擔心夠唔夠飽，餃子大大隻，飽肚…查看更多

中午又諗住支持下小店，哩間未食過。真係好似店名甘，餃子特別大隻。叫左6隻韭菜煎餃，覺得都煎得好好，餃子又有肉汁。食到第三隻，一咬就見到一條人嘅毛髪，短而曲，好核突。我叫左短頭髮嘅店員睇，打算提佢地以後注意下衛生，估唔到佢態度好差，吾好意思都冇句。淨係求求其其講左句換俾你。我話食唔到，埋單走人。店員收錢都粗聲粗氣，好似發我脾氣咁。佢哋除咗衛生，服務態度都要改善…查看更多

由未搬鋪食到而家。  餃子大大隻幾扺食，味道亦唔錯。 新鋪後坐得舒服左，食物選擇亦多左好多。   推介煎餃子，韭菜較香口，栗米較鮮甜，大白菜都好食。 至於新出既黃金海苔餃，試過其實都幾好食，不過我多數都係食返正常煎餃就得啦。飛魚子雲吞都有驚喜，湯底好甜，湯都想飲埋果種 (只係想，太大碗冇真係飲晒)。其他大菜糕和豆漿都唔錯。  椰汁豆奶就較甜。雖然算唔上甚麼頂級美食，但作為街坊小店，味道唔錯又扺食已交到價有餘。繼續支持香港小店。…查看更多

平時好少黎土瓜灣區，經過呢間餃子🥟鋪 裝修唔錯又乾淨 ，決定入去試下大白菜豬肉湯餃足餡豬肉餃，大大粒，肉餡唔會醃到死咸，湯底味道有點似雲吞面湯底🙊有少許胡椒粉味，幾好飲😂😂金香海苔煎餃意想不到咁好食🤤勁多肉鬆舖係餃子🥟面，令你每一啖都食到肉鬆，但牛肉餡嘅味唔出，唔覺有牛肉味。…查看更多

日前去咗土瓜灣開工，lunch想搵吓有咩好食，見到呢間餃子啲相覺得唔錯，就入去試試。叫咗韭菜湯餃，黎到哇咗一聲，啲餃子好大隻，真係珍寶size，皮好薄好滑，食到韭菜餡的香，不會死鹹，有屋企自己包黎食的感覺。再好奇叫多咗支椰汁豆漿，好似見到外邊有呢樣嘢賣，出奇地夾，食完餃子飲啖確實爽！見到隔離檯叫咗款有肉鬆的，原來係特色餃子，下次有機會返土瓜灣會再試試佢👍👍冇其它評論所講的咁差，又叫人去某店，好彩冇俾呃到…查看更多

十分垃圾的餃子服務態度十分差野食又凍又難食你地係用超市餃子扮自己整？我未試過食啲咁難食嘅野我都係食番太子美味餃子算垃圾已經係好好聽嘅形容詞唔同意可以自己去試大家去食就自己諗我未試過咁嬲…查看更多

真係未試過咁難食, 又要受氣, 職員態度極差, 啲餃子同雪藏餃子冇分別, 仲要睇完推介專登過嚟食, 我同屋企人都好後悔, 千祈唔好幫襯, 呢間鋪不值推介, 同太子美味餃子店完全冇得比, …查看更多

食晏見依間環境幾好入左去Qr code落單 冇套餐全部單點叫左鮮牛肉蔥油拌麵($48)同無糖可樂($8)價錢都算正常但係蒽油拌麵啲蒽油少到似食緊白烚麵一啲味都冇 唔會有第二次…查看更多

餐廳當日只有我一枱客人，但係在場三個員工，又或者可能係老闆一家大細啦，反正淨係掛住傾偈，同埋玩手機睇視頻笑到好大聲。咁都唔緊要，但係到問佢哋嘢嘅時候三個都無一個聽到，差啲要行過去親自請佢哋幫手，唔知以為佢哋先係客人，而且答問題既態度仲十分惡劣，完全唔似做緊生意。最後食完叫埋單都叫咗三次先聽到，講緊由頭到尾都剩係得我一枱客，個場又冇電視又冇音樂，兩個老既嘅聽唔到都話啫，唔通連個後生仔都係聾既？嘢食唔係難食，但係同類型食物嚟講價錢真係算貴，加埋呢啲服務態度，難怪冇人幫襯啦，無下次！…查看更多

係土瓜灣返工聽講有間舊餃子鋪翻新搬左鋪就一於lunch 試試 因為土瓜灣附近都試左幾間，呢間係最啱口味，價錢都幾貴餃子加埋豆漿都成70幾蚊抵唔抵食見人見智，餃子都大粒又足料，個鮮牛麵真係意外收穫估唔到都出色！粟米豬肉煎餃10隻 $59大大隻啖啖肉 而且煎到金黃色，咬落都仲有肉汁 ，粟米同豬肉比例岩岩好。鮮牛肉麵+ 牛肉餃（3隻）$67牛肉食得出好新鮮，牛肉份量都多，湯底就無特別，唔想淨係食餃嘅朋友十分推薦呢個！朋友share左粒雲吞俾我食，佢嘅雲吞都好好食！蝦好爽口彈牙。凍豆漿$12如果有無糖版本更好，有啲甜未必適合每個人！…查看更多

星期日去咗土瓜灣嘅呢間餃子店食lunch分別叫咗韭菜豬肉煎餃同大白菜牛肉餃子湯麵呢度嘅煎餃主要淨係煎一面 食落外脆內軟都幾juicy 不過略嫌有少少燶另外嘅湯餃好易夾爛可能因為皮都比較薄 同埋覺得大白菜牛肉餃唔係好夠味 不過配埋上海麵咁食都ok豆漿就正正常常無咩特別…查看更多

店員落錯枱號要我重新再落。等左佢改單。唔夠時間食，變外賣。外賣加2蚊OK但佢地唔識包。D野漏晒。下次都係堂食🥹🥹雖然5粒雲吞姐.....真係好失望.....下次要包好D，唔綁結咩都漏啦。…查看更多