珍寶海南雞專門店

今日呢度七姊妹道嘅珍寶海南雞專門店，呢條i有時未必會留意到，但呢度內藏一間好味嘅海南雞飯，食落好食過大街嗰間😂😂古法海南雞飯拼油飯 $50 海南雞：呢度係用無骨海南雞，雞味十足，好滑，配合特製嘅海南雞醬，錦上添花，好好食油飯：一如以往冇得挑剔，唔會加到成碟油，但蒜蓉香味十足，好食整體來講質素好高，價錢又唔係好貴，唯一可以挑剔嘅係分量唔算多，但係識嘅男士未必會食到好飽，但鍾意海南雞飯嘅你不容錯過❗️❗️ …查看更多

附近餐廳剛好冇開， 諗住附近搵間試吓，行咗去呢間海南雞專門店，都有幾個人堂食，心諗專門店都唔會太差，走入去試試。點咗海南雞飯，雞肉份量少，幾條椰菜絲加花生。飯算是海南雞飯的一個特色，居然出現生米狀況！ 店員主動改白飯，有跟飲品但沒有湯。衛生情況理想，每張枱都有酒精搓手液。結論係下次一定唔會再食，出面一般的海南雞飯都好食過佢多多聲， 仲話自己係專門店，俾人呃咗嘅感覺。😡 算係我食過最差的海南雞飯!$50 在北角一定有更好的選擇!…查看更多

又是一餐工作中的簡便lunch。多年前曾幫襯過珍寶海南雞，整體感覺一般，並無返轉頭。今次再嚟，店舖感覺企理咗，而店內食品一向都算多選擇，不過當然都係會試返海南雞。雞飯嚟講佢都有幾款，分別只於醬汁，今次試嘅係四川麻辣。咁午飯都係正路價錢$48都唔會要求太高，雞都算滑，份量正常，味道是還可以。個麻辣配少少碎花生，帶多咗啲香味同口感。油飯就幾上色嘅，輕輕油香味，整體嚟講算ok，不算驚艷，但以茶記午餐嚟講我已覺過得去。…查看更多

位於「北角」「七姊妹道」裡面，以「海南雞」作為招牌食品的「新加坡菜」餐廳「珍寶海南雞專門店」在我心目中有不錯的評價，「珍寶海南雞專門店」獲得我正面評價的最大原因，是餐牌裡面食材種類十分全面。無論食客飲食習慣偏向喜歡食什麼肉，喜歡食「紅肉」也好，抑或喜歡食「白肉」也好，總能夠在「珍寶海南雞專門店」裡面找到適合自己享用的肉類和飯類食品。就算食客本身完全不喜歡食肉，是一個無菜不歡的「素食者」，原來「珍寶海南雞專門店」餐牌裡面，也有「蔬菜」菜式類別的食品供食客選擇。所以上門光顧「珍寶海南雞專門店」的食客，反而更加需要注意另一個問題，就是「珍寶海南雞專門店」餐牌裡面的食品實際定價水平，是高還是低呢？「珍寶海南雞專門店」主餐牌裡面有關「飯類」的食品實際售價價錢，由最便宜的「餐肉煎蛋飯」、「火腿煎蛋飯」的定價港幣四十元，到價錢最昂貴的「火灸芝士鰻魚飯」，每客售價需要港幣七十一元。不過「珍寶海南雞專門店」晚餐主餐牌有一點值得食客注意，就是「珍寶海南雞專門店」主餐牌裡面，沒有提雙併肉類碟頭飯，也沒有提供「鴛鴦扒飯」給食客。所以食客如果有人像我一樣，是口味標奇立異的怪人，每餐晚餐食材裡面，都有非要指定食某類肉類不可，沒有指定肉類的話就寧可不食的話，「珍寶海南雞專門店」是像我這種怪人的「福音」。「珍寶海南雞專門店」餐牌裡面雖然沒有「鴛鴦扒飯」，但是不幸中之大幸的是「珍寶海南雞專門店」餐牌「滋味小食」一欄，出乎意料地竟然有齊大部分肉類小食食品，只是沒有「羊肉」而已。「珍寶海南雞專門店」餐牌裡面有關「滋味小食」那一部分，竟然有提供一大碗份量，擁有辣味湯底的「咖喱牛腩」小食食品，實際售價才港幣四十七元而已。於是我很快就成功決定到，今晚在「珍寶海南雞專門店」餐廳裡面享用的晚餐主菜食品，是招牌「新加坡式」海南雞飯食品，「古法海南雞配蒜香油飯」。至於我今晚在「珍寶海南雞專門店」餐廳裡面享用，晚餐裡面有關「牛腩」部分的食品，我選擇了享用定價港幣四十七元，以咖喱作為湯底的「咖喱牛腩」食品。最後我坐在「珍寶海南雞專門店」餐廳的餐檯櫈裡面，研究晚餐食品期間，無意中給我意外發現到「珍寶海南雞專門店」竟然有手調「凍檸多」飲品，其實我不是第一次享用「凍檸多」。原來在甜味「乳酸」飲品裡面，加入酸味「檸檬」調味的凍飲飲品「凍檸多」，不只是一間食店原創發明，在不只一間食店裡面可以享用，我在「珍寶海南雞專門店」裡面竟然都喝到「凍檸多」。「珍寶海南雞專門店」裡面的凍飲飲品「凍檸多」，「單品價」價錢賣港幣十五元，看來頗為便宜，但是實際上不見得比「跟餐價」港幣十元便宜到幾多。至於「珍寶海南雞專門店」為「凍檸多」飲品而預備的餐杯，是沒有耳朵的高身玻璃杯，「益力多」乳酸飲品顏色本來偏向「奶白色」，加上「檸檬」之後的顏色變化不太明顯。用匙羹戳爛「凍檸多」飲品裡面的「檸檬」之後，本來味道偏向比較甜的「益力多」乳酸飲品，立刻搖身一變，變成味道甜中略帶少許酸味襯托，手調甜酸味道飲品。至於「珍寶海南雞專門店」裡面的晚餐主餐食品「古法海南雞配蒜香油飯」，緊隨在飲品「凍檸多」後面，被餐廳侍應從廚房端出來，送到我的檯面「凍檸多」飲品的旁邊。「珍寶海南雞專門店」廚房製作出來的「古法海南雞配蒜香油飯」實際製成品，沒有附送其他調味醬汁，不像我在「旺角」食到的「馬來西亞海南雞飯」一樣，有甜辣鹹三種味道的調味醬料幫忙。但是相對我在「旺角」食到的「馬來西亞海南雞飯」，「珍寶海南雞專門店」「古法海南雞配蒜香油飯」裡面的「蒜香油飯」實際色澤非常之黃，令我懷疑餐廳加入了幾多「蒜頭」粉末，到白飯裡面炒。加入黃色「蒜頭」到白飯裡面炒至勻循黃色色澤的「蒜香油飯」，油飯除了擁有非常濃厚「蒜頭」香味和鹹味之外，還夾雜了一陣偏濃的「辣味」。所以我發現享用「珍寶海南雞專門店」廚房製作的「古法海南雞配蒜香油飯」食品過程期間，完全沒有再為「古法海南雞配蒜香油飯」加入調味料的需要。至於「古法海南雞配蒜香油飯」裡面的「海南雞肉」，主要屬於表面雞肉曾經被油浸過，味道有少許鹹味的「油雞」，加上辣味的「蒜香油飯」，享用「古法海南雞配蒜香油飯」，真的沒有必要再點調味醬料。而且雖然「古法海南雞配蒜香油飯」裡面的整體味道偏向鹹和辣味，沒有再點醬料的必要，但是「蒜香油飯」實際口感卻頗為乾爽，「油飯」底層沒有遺留太多油份，在餐碟的表面上。至於「珍寶海南雞專門店」廚房放置在「古法海南雞」旁邊的伴碟配菜，包括少許味道偏向比較淡的雜菜，還有夾雜少許鹹味在裡面的小食花生。整體評價「珍寶海南雞專門店」製作的「古法海南雞配油飯」，海南雞雞肉口感頗為軟嫩，油飯偏向比較濃厚，夾雜黃薑的辣味，和油的鹹味，是不靠醬料幫忙，只靠一支匙羹，一對筷子就可以輕鬆享用的「海南雞飯」食品。至於「珍寶海南雞專門店」裡面的小食食品「咖喱牛腩」，「咖喱牛腩」賣港幣四十七元，只比坊間「咖喱牛腩飯」食品售價稍為便宜一點點而已，我本來以為「咖喱牛腩」實際份量應該不多，屬於點到即止的小菜食品。「咖喱牛腩」裡面的「咖喱」醬汁份量除了非常之多之外，「咖喱」醬汁的實際質地也偏向比較稀，浸泡大量切粒「牛腩」肉，彷彿一片澤國的模樣，最重要的是「咖喱」汁實際味道如何。「咖喱牛腩」裡面的「咖喱」汁，除了質地偏向比較稀之外，「咖喱」汁的實際味道也偏向比較辣，有點出乎我的意料之外。但是由於「咖喱牛腩」裡面加入了雜菜，所以辣味咖喱汁實際上，還有少許蔬菜甜味中和一下辣味。所以實際上「珍寶海南雞專門店」「咖喱牛腩」食品裡面辣味偏向濃厚的同時，又可以直接把辣味不算非常強的「咖喱」汁直接放入口，屬於可以飲的「風湯」「咖喱」汁。由於「珍寶海南雞專門店」店舖樓面裡面的電視機沒有播放新聞報導，所以讓我在整個用餐流程裡面，都可以一邊看着電視，一邊可以安心逐一仔細試食，感受「古法海南雞」雞肉的甜味，和「咖喱牛腩」裡面的辣味。至於「珍寶海南雞專門店」食品的平均價錢不算昂貴，主菜「海南雞飯」和小食「咖喱牛腩」，兩者價錢合計也不到港幣一百元，讓我大量預算剩下，再點一杯令我至今仍然回味不已的「凍檸多」，下次光顧可以再點同一款式飲品食品了。…查看更多

睇apps 知道係黃店，過黎試下，見到openrice 在2019年下半年的食評咁差，我就更加要黎試下。星期日午飯時間的客人不多，兩個電視都播緊ViuTV，樓面得老闆娘同一個嬸嬸，嬸嬸好生手。老闆娘一腳踢，門口+水吧+包外賣+好多外賣電話，老闆娘無論教嬸嬸做野，招呼每個客人和聽電話都好好禮貌，好有耐性，不論佢咩顏色，佢一定係個好人。😊食物其實就係一般，我嗌左海南雞飯，唔係超好味，但一定唔係難食，絕對合格，雞唔多但飯多 😅 凍奶茶好飲，我好鍾意飲奶茶，凍奶茶其實係難沖得好飲，茶餐廳黎講係幾好飲添！…查看更多

水平真係好低。全店都一個店員，應該係老闆娘。根本應付唔到。嘢食質素也是差到無話可說，無論是飯定雞肉都不知所謂，就算畀普通快餐店的海南雞飯，都真係比這家的要好。尤其是油飯，我肯定是用最劣質的米煮出來的。我午飯時間來，食完覺得中伏中到可能是個人頭3位。這樣的經營，難怪負評如此多。我本身都好少給予負評，但呢次都真係忍唔住。打足200字畀個哭臉。雖然價錢唔算貴，但也不是特別便宜。所以真係唸唔到會幫親的任何理由。…查看更多

同朋友食下午茶， 野食又少又差。原来自家制芝士牛肉漢堡係cheep cheep 的凍漢堡扒+一塊蕃茄。 四川麻辣雞係五塊切雞上加一陀辣椒🌶️，從未試過咁難食的麻辣雞。唔会再帮襯…查看更多

去開北角想睇下有咩食，又剛巧想食海南雞飯，見到呢間「珍寶海南雞專門店」，就入去試下！入去見都幾闊落光猛，唔多人，就坐落其中一張檯，二話不說就叫左碟「古法海南雞配蒜香油飯」，睇下有幾特別先！黎到啦，賣相都幾ＯＫ，隻雞都幾滑幾好食既，不過……Ｄ飯乾左Ｄ囉，唔係好覺用蒜香油煮，所以最後食晒Ｄ雞，飯食唔晒！朋友就叫左碟雞扒炒意粉，都算大碟，朋友話塊雞扒唔錯，但Ｄ意粉太油，都係比較乾，所以同我一樣食晒Ｄ雞扒，食唔晒Ｄ意粉！然後各自叫左杯熱飲，價錢係幾平民化，質素好Ｄ就更佳！…查看更多

第一次見到下午茶平平地有海南雞飯飯都未上就成肚火寫單時詢問服務員後生女查詢有沒有洗手間當時稱洗手間在清潔.但未有講出清潔幾耐到上左飲品.至少5分鐘因為小朋友3歲以下.無辦法忍去到洗手間門口.後生女服務員話岩岩吱左野要5分鐘...先用得因為小朋友真係唔忍得.如果在外面賴尿只會影響其他人後生女，一個自稱自己係老闆，加一個洗碗姐姐齊心話洗廁所都要時間 ，仲話你要係出面賴尿有沒有問題，如果係出面賴尿咪幫你抹囉打開門做生意，明白清潔需時，但有必要難委一個2歲小朋友？…查看更多

呢間有古法海南雞飯，大大碟加埋野飲只係$48。海南雞切件，大大件冇骨，連皮，非常嫩滑，醬料就只有兩款，豉油同辣味醬，配有炸花生同椰菜，感覺均勻d。個蒜香油飯好香，大大碟，夠晒飽，如果果日特別肚餓，黎呢度食就岩晒。仲要有埋野飲，成份餐都唔洗$50，算唔錯…查看更多

Hohohoooo... 又到 #小秘書 最期待嘅星期五💫 如常地今日比較清閒👀 lunch time有足夠時間落北角食個飯，試吓新口味😋 同事話 珍寶海南雞專門店 啲套餐都唔錯，我見餐牌上嘅價錢都幾合理、而且選擇都多，就去試試啦！今日我點嘅係 #古法海南雞配蒜香油飯 🐣 油飯上枱嘅時候仲出緊煙㗎，賣相好吸引👀 而且啲雞肉都幾滑嘅... 唔係雪到死實實毛孔勁大嗰啲朋友囉😆 跟餐仲會有兩款醬汁比你用嚟點海南雞嚟食，我就比較鍾意黑豉油嘅口味，而另一款醬汁就比較重薑味... I don’t like it🙊 整體嚟講，我覺得ok㗎，唔係部份網民講到咁差🧐 不過重口味嘅你，可能會覺得食物偏淡👉🏻👈🏻 大家有機會路過嘅話，我都覺得值得一試嘅！…查看更多

呢間海南雞飯鋪頭自重開左之後我間唔中weekend唔知食咩既時候都會食我本身幾鍾意食海南雞飯但附近又冇咩其他選擇呢度既海南雞其實係唔錯雞肉夠嫩但有時偏肥我平時鍾意食雞胸 覺得佢夠啖啖肉而且唔會鞋雞皮有是成層肥膏喺度真係食唔落所以我好多時都係去皮咁食佢既豉有我稍厭唔夠甜甚至有時食落會覺得有dd苦味而且呢度冇泰式酸酸辣辣果個醬 好似差咁少少野佢最敗筆既地方就係個油飯雖然個飯油香味足夠但真係太濕啦食落覺得一pat pat咁 唔係咁鍾意整體我覺得仲有改善空間但喺冇咩其他同類選擇底下 我都係會繼續食佢…查看更多

雖然係外賣，但因為住得幾近，所以食個時仲熱。但條三文魚焦到呢，條魚完全無水分，d外皮乾到咬唔開 價錢中等拉，41雞，但個賣相同條三文魚真係未試過禁難食，絕對無下次…查看更多

一個北角上班族黎講..係北角LUNCH其實唔錯,,食市又多,價錢雖然唔可以話抵,但起碼唔離地先,而每日我都會想試下唔同新野.今日行過,見到鋪頭有位女士一直叫人入去食飯,我望一望入去,見重有好多位,心諗正啦,唔洗再搵位,但係食完就知道乜野事.先睇下餐牌,入海南雞專門店冇理由唔食海南雞飯架.咁就同朋友叫左一個海南雞飯同古法海南雞飯.先講下個海南雞飯,黎到黎落賣相唔錯,重已經去左骨,唔錯唔錯,味道講真真係好淡,,,D雞肉冇味一樣,飯同雞係一樣,都係冇味,我已經諗緊我係度食緊乜野,再講下古法海南雞飯,除左多左汁之外,其他係完全同海南雞飯一樣,唔通古法就係多左個D汁??講真係北角呢間價錢又唔算太抵，而且附近仲有好多選擇,我諗佢真係要諗下計,真係唔怪得咁少人入去呢間食野.正常海南雞飯古法海南雞飯…查看更多

位置在北角，七姊妹道。這是標榜吃海南雞的店。黃色的飯，味道平淡雞，一般啦，不過不失湯是有冬瓜味的湯，因無湯料，只品嚐到冬瓜的清甜味價錢，水準一般般，無興趣專登再去的衝動…查看更多