珍姐海鮮火鍋飯店

營業中

休息中

珍姐係公司附近，成日去食lunch, 有好多碟頭飯揀經常食豬扒雙蛋飯同雞飯，d牛肉都好正，朋友話夜晚打邊爐好有氣氛，食物質素都幾高，希望之後可以食到夜晚打邊爐lunch 要早d去，而家係排隊等位，食既速度就要快d，因為太多人拔道腩雞飯 $55成個飯感覺好泰式，有特色又好味。雞皮好Q彈，雞肉都好足料，口感嫩滑油飯好香口 配上自家製香料醬汁，係精髓令到成個飯加左好多分，好惹味珍姐海鮮火鍋飯店中環和安里9號地舖

#Flashback記錄返第一次親身去珍姐食嘢～ 都係因為有熟客嘅光芒，先至可以有位坐，有牛食，有80年代嘅歌聽，仲有蛋糕食，仲有伯爵檸茶飲🤤平時係極難book到位㗎！！充滿舊式香港情懷嘅裝修，舊式冰室嘅間隔，係咁同你吹水嘅夥計🤫親切咁人情味嘅地方～食嘢方面，有佢地超級濃嘅蕃茄湯底（食咗幾個鐘都仲係咁濃蕃茄味😄），再加埋佢哋最出名嘅騸牯牛（一次過食晒幾款唔同嘅部位），仲有伯爵茶（鍾意酒精嘅，可以飲伯爵茶cocktail)，仲有上次已經喺屋企食過大過你塊面嘅炸腐竹😳仲有仲有就係，同識飲酒嘅人一齊，自然就會有好嘅紅酒白酒仲有N咁多款酒，你可以試吓🤫飲完塊面咁紅就知啦🤨PS : 臨收舖時候既歌先至係我哋嘅年代🤫

朋友誠心推介，凌晨12點要網上訂座，手慢啲都搶唔到位。係中環地鐵站一路行上去，轉個彎就見到。一入到去懷舊金曲在播，已經有唔少人入座，隨身物品可以放入坐個個鐵桶度，好得意。齊人侍應會埋尼介紹今日新鮮既牛肉，唔同部份有咩食法，等大家點菜時可以選擇，我地緊係要個大拼盤乜都有得食啦。所有野都足料濃味，夠晒滿足。

—二訪午餐… 又係11點半前嚟到食幾時可以book到打邊爐呢拔道腩雞飯($55)上枱時已經覺得好泰式 塊雞皮係咁耐以嚟食過嘅雞之中 最爽彈!!平時淨係會食炸雞雞皮 今次有食埋d雞皮雞肉份量都足夠又軟腍 蘸嘅香料醬汁亦富泰式風味 飯粒就咁食都有味 好快就ko成碟已經諗定下次想食豬扒或者羊架飯————————————————————珍姐海鮮火鍋飯店 Big JJ Seafood Hotpot Restaurant 中環和安里9號地舖

ℂ𝕖𝕟𝕥𝕣𝕒𝕝 • 珍姐海鮮火鍋飯店 🥩📍中環和安里9號地舖:::::::::::::::::::::::::::::: 老 蘭 嫩 牛 一 枱 難 求「用料靚 斤兩足 服務妥 人品好」 「珍姐」@bigjjseafood 是老闆以前兒時小食部的姐姐，成功以靚牛邊爐打響名堂！經過12小時熬製的招牌豬骨蜆湯🦪，等湯滾起後店員隨即盛起一碗熱湯，一嘗鮮湯的原汁原味。湯料十足，重量級的豬骨筒及大量蜆肉！🍲店員會逐一介紹主角牛肉的不同部位🐂，牛味香濃，脂香十足；海鮮同樣高質🐚，有蟶子皇及象拔蚌等；巨型炸腐竹薄脆香口。整體而言，餐廳氣氛一流，播著耳熟能詳的廣東歌目，店員寓工作於娛樂，一同飲酒高歌🎶，老闆和店員相當熱情，珍姐精神，世一邊爐！✨記得招牌豬骨蜆湯需要提早預訂，扇牯牛🥩及海鮮也是預留喔！午市的碟頭飯性價比高，不過長期爆滿，期待快點開新分店～

🥈傳說中嘅珍姐😝.其實自從條龍越嚟越長之後😂我都冇再黎過🤣🤣今次🐡🐡放假話要黎試試，就趕係12點人龍前我地就衝左去直入😁唔駛等好開心❤️.講番個撈麵的確係好香，牛亦都好淋好有牛味😝如果唔使排長龍，真係值得一試！個咖喱羊扒本身🐡🐡好期待🙈但份量睇落比之前細，食落仲好硬🥹我老人家真係唔係好咬到🤪另外，加錢試左個特飲伯爵薄荷檸檬茶，薄荷味唔突出同普通檸檬茶差唔多，但就貴多😂.#fatfat4ever_中環 #fatfat4ever

中環價錢、深水埗質素世一？唔覺囉！講到好似好好食，其實都係普通野。質素普通賣相一般扮大枝嘢可以，如果你有個好勁嘅師傅就係。其實只係打邊爐所有嘢都可以喺街市買到。蔡瀾話齋打邊爐應該要消失。扇姑牛可試，但唔係太有牛味。餐廳加一，但唔比用信用卡8:30 又要趕人走，扮到好有禮貌，但暗地里又講客壞話。

見到啲食客寫到咁好味，今日中午經過蘭桂坊附近，順便入去食個lunch啦，裝修係行返啲大排檔格局，播着80年代嘅勁歌，聽住歌食飯係OK嘅，但係唔知點解，所有茶餐廳啲夥計係唔係一定要串串共冇禮貌嘅呢？俾返啲禮貌客氣啲對待客人唔得嘅咩？好啦，講返食物，做咗個蔥油豬扒蛋飯，賣相係唔錯嘅，但係件豬扒就瀨晒嘢，又凍又乾又硬，豬扒完全係炸定晒！ 兩隻煎雞蛋係煎得好靚，蔥油唔夠，淨係塊豬扒咁樣嘅水準已經唔合格啦！我諗食完呢個lunch之後，晚上都唔使試啦，費事自己勞氣，總括嚟講，冇下次☹️

平日lunch time去排左20分鐘左右，佢要齊人先入得。我一行三個人都試左佢個極品封門柳豬油撈麵-$85(4.5/5)佢個封門柳真係好好食，唔算勁重牛味，但牛香味好濃，佢口感偏入口即溶，好正。一開始有小小怕豬油撈麵會好膩，但食落又ok，油香味好正。下次晚市黎試下佢既火鍋先😋

終於試到珍姐火鍋啦！好好彩候補位都可以成功食到！依間鋪頭日頭賣碟頭飯，夜晚就變咗火鍋店騸牯牛係依間舖嘅王牌😋 （book位時已經預訂好）每日新鮮送到餐廳💕騸牯牛嘅牛頸脊真係好正！好重牛肉味同埋夠滑👍🏻至於打邊爐個湯底都係訂位嗰陣訂好我哋揀咗招牌豬骨蜆煲👍🏻大蜆好食無沙一上枱店員即刻分好一人一碗飲下啖湯先！最開心係依間舖頭氣氛真係好正老闆夥計同客人打成一遍仲要成班人一齊唱歌！collar, mirror, twins，LMF乜都齊愈夜愈接近佢哋收鋪時氣氛仲高興!老闆仲請每人飲一杯Sake🍶依種飲食氣氛真係係香港已經好少見但怕嘈嘅就唔適合去我自己就好Enjoy🤭下次要試吓晏晝去食碟頭飯先🤤

一位難求既珍姐，究竟有咩咁特別(｡◔‸◔｡)?/在香港只要願意花錢，絕對可以食到有質素嘅海鮮和精緻的火鍋湯底。不過，珍姐最令人深刻印象嘅係❗️氣氛❗️當晚好似去左飲宴咁，友善又風趣的伙記老闆得閒就會過黎同你吹水乾杯🍻又會好似卡拉OK咁一齊唱90年代流行曲(*´▽`)ﾉ ♪ 與大家打成一片，熱鬧又開心！/🌟招牌豬骨蜆煲 $288 ‼️需預訂湯底有大大舊豬骨和大量新鮮肥美蜆肉，店員夾起豬骨後，會先為大家盛一小碗湯，真的超！鮮！甜！超！濃！郁！甜粟米和白蘿蔔都清甜無比。而且即使去到尾聲，湯底也不怕油膩，也沒有口渴感ჱ̒⸝⸝•̀֊•́⸝⸝)/🌟海鮮拼盤 $148/位 ‼️需預訂拼盤每日不同，是日有時令的花竹蝦、蟶子和白沙貝：花竹蝦超粗超巨大，肉質彈牙鮮甜，仲要蝦頭爆膏，超好味(ㅅˊᵕˋ*)♡ 店員仲話因為啱啱過左休魚期，啲蝦乾淨到唔洗挑蝦腸！蟶子清洗乾淨，一粒沙都冇，鮮甜彈牙🥰白沙貝同樣新鮮肥美，海鮮控表示滿足！/🌟扇牯牛皇 $420 ‼️需預訂每日新鮮現宰的扇牯牛，是日部位我只係記得有正脊，其他唔記得咗🫣不過即使最瘦的部位，肉質都非常腍滑/🌟牛頸脊(S) $298食牛食牛頸脊一定唔會錯，有油花香、肉質軟腍又

以為落雨會無人排隊？呢個諗法太天真～落住雨都大把人冒雨排隊～一點去到已經賣哂馳名既海南雞飯🐣🐥🥲 (下次有機會食到再同大家分享😋)頭抽蔥油豬扒煎雙蛋飯雙蛋燶邊夠晒香口，蛋仲要係流心😍再篤穿埋佢撈埋蔥油 撈埋飯 🍚🥣哇 美味極至 唔會太咸😋😋豬扒份量充足之餘又軟熟唔乾身，再淋上惹味又香噴噴既蔥油，胃口大增🍅鮮茄免治牛肉煎蛋飯鐘意食酸酸地既野又經濟又方便 一定係呢間既鮮茄免治牛肉煎蛋飯 番茄夠晒新鮮 我最鐘意就係篤穿隻蛋 撈埋一碟 一啖一啖 就晒開胃至餘仲好飽 完全唔似大型連鎖店咁頹～總括黎講 呢間餐廳完完將香港地道風味煮左出黎，仲要免加一，簡直係中環打工仔飯堂🫶

TGIF! 係星期五晚去左Best of the Town HOT POT!「用料靚 斤兩足 服務妥 人品好」的珍姐！呢間野真係痴鬼線勁好食！個竹絲雞湯濃郁鮮味，欲罷不能一飲再飲；騸古牛牛味及質感一絕，可惜無緣試埋牛四款；手打朱/墨/羊滑無得輸；炸腐竹令人懷念；連個貢丸及粟米都好好食！Staff 勁好，耳聽你跌筷子已自動補上，又好傾，又過來請你飲酒。更重要係，佢個playlist 超無敵，食到咁上下到下半場全場經常大合唱，hyper過唱k或演唱會。同場有人慶祝生日，全場慶賀。最後一首「係咁先啦」全場作結，實屬完美！畢竟，好耐無咁樣開懷「唱」飲過了

本來以為食物高質，點知服務質素更令人難忘。好耐未試過成餐飯食得咁開心，食客、員工、老闆打成一片，冇諗過今時今日嘅香港仲有咁有人情味嘅餐廳，全程播經典懷舊金曲，仲以為自己喺K房打邊爐。第一次去完第日即刻已經再book，今次係第二次去，水準繼續保持。今次試咗豬骨蜆煲，淨係個鍋都好足料，一來到即刻飲返啖湯，非常濃郁，火鍋料淥落去都唔使蘸醬已經好夠味，完全突出哂食材嘅原味道。海鮮方面亦非常新鮮，雖然有啲蜆比較瘦，不過都好鮮甜，同埋最緊要冇沙。牛肉唔使講，新鮮有肉味，第一次去建議叫扇牯牛皇，可以試多啲唔同部位。因為中意食油花多嘅部分，encore多碟胸簽，雖然冇和牛入口即溶，但係油香同肉味更平衡，食多都唔會膩。一拎出來個個都嘩嘩聲，即叫即炸，無理由唔脆啦。邪惡鵝粉腸，冒住膽固醇超標嘅風險都一定要食。

之間嚟過珍姐打邊爐試過佢哋嘅牛已經覺得好正，一路好想再回訪！早排見到有人介紹佢哋午巿嘅碟頭飯，去開中環當然要去試下😋 當日我11:30am就去到，完全唔駛等位，12點前離座仲會送冷熱飲品～🐥🍚拔道腩雞飯 ($55)雞肉有驚喜地好嫩滑，重點係佢個自家製辣椒豉油，帶點微微香茅香氣，好惹味，完全係呢碟飯嘅精髓呀，有呢個豉油食幾碗飯都可以😆🐮🍜例牌極品封門柳豬油撈麵 ($85)封門柳呈粉紅色勁吸引，牛味好濃有咬口但一啲都唔會韌，豬油撈麵食落好爽口彈牙亦唔油膩。例牌都有好多件牛，如果係牛魔王可以叫雙份牛肉～