玖子茶 (新都城中心二期)

🥘將軍澳晚飯｜玖子茶雙人晚市套餐 主食小食飲品一次過試齊😍🌿砂煲肉骨茶 熱辣辣上枱，茶香滲入湯底，配上足料沙底排骨勁入味，入口清而不寡，暖胃又帶少少藥膳風味。🥬馬拉盞炒時令菜 鑊氣足，馬拉盞鹹香惹味，將時令蔬菜嘅爽脆同鮮甜都吊出嚟，送飯一流。🍞斑斕咖映多士 斑斕香配咖啡味，多士烘到外脆內軟，甜香中帶住少少大人味，當飯後小甜品好啱。🍗燒雞翼表面燒至金黃，皮微脆、肉嫩多汁，一人兩隻啱啱好，邊飲茶邊啜翼極chill。☕美綠（熱）｜🍋檸檬蜜（熱） …查看更多

食過2次，後生長髮的女職員好無禮貌，已經自己掃QR code自己落單唔麻煩佢，唔知佢究竟有幾厭世，其他臺既QR code佢打完出黎之後用揼既...啪啪聲一張一張臺揼單落去好嘈！送餐也是用掟既→_→好似餵狗俾客食甘好無禮貌！甘全場當時得佢一個人做緊野算了可能做到太攰 唔緊要~埋單個靚阿姨好有禮貌。第2次去，有個男職員，也是上次個女職員，2個都好無禮貌，態度好差好差，女職員慣例送餐也是用揼既，凍檸茶佢揼落臺果下我已經忍無可忍，倒瀉無左3分1杯→_→叫左炸雞扒咖哩餐，雞扒全部係皮好油，咖哩好鹹好鹹洗腎系列~58蚊算了都唔算貴~埋單仲離譜，個男職員好無禮拜好大聲甘講:58！...我發誓唔會再去💢俾2次機會自己受難極限了…查看更多

今日嚟到寶琳新都城呢間「玖茶」，試咗個超值lunch set同下午茶餐，真心抵食又高質！🍖 砂煲招牌肉骨茶 ($66)用砂煲上枱熱辣辣，誠意十足！排骨炆到超軟腍，一咬就離骨～藥膳湯底濃郁得嚟唔會太鹹，飲完成個人暖笠笠，好舒服✨🍜 招牌星馬雞喇沙摻摻 ($65)揀咗米粉+油麵雙拼，口感豐富！喇沙湯底椰香濃郁，帶微微辣勁好惹味～滑雞件嫩滑入味，份量都幾足👍🍞 金磚西多士配燒雞髀下午茶餐 ($39)呢個真係抵食到癲！西多士炸到金黃脆口，入面花生醬流心～雞髀係正常size，燒得香口嫩滑，跟餐仲有飲品，$39有齊三樣，性價比爆燈💥整體嚟講，$176兩個人食到飽飽，質素對得住價錢，絕對會再encore！…查看更多

將軍澳玖子茶新都城店，砂煲椰子雞湯+西多士抵食又正主打地道簡餐同小食，價錢親民性價比超高，無論午餐醫肚、下午茶歎食都超適合，款式多而且食物味道質素都唔錯！👍🏼午餐必食砂煲海南椰子雞湯配白飯$66🥥砂煲慢煮嘅椰子雞湯超鮮甜，椰香濃郁唔膩口，雞肉嫩滑咬落滿滿肉香，配埋一碗白飯，清潤又好味～醬香肉燥雞翼滷蛋飯$39🐔雞翼炆得好入味，肉燥鹹香惹味，鹵蛋吸滿醬汁，蛋黃綿密，同樣配飯食好正咖映多士$26🍞外層烤得香脆，內裡夾住濃郁咖映醬，甜香十足，經典滋味金磚西多士配燒雞脾$39✨，西多士金黃鬆軟，吸滿蛋香，搭配大件多肉嘅雞脾，鹹甜平衡熱街頭白咖啡☕香醇順滑，咖啡香濃郁，醒神又暖胃椰香紅豆冰🥤 清甜椰香混住紅豆綿密口感，冰爽解膩超正～價錢親民，每款都係日常地道滋味，無論一人食定同朋友share都得，將軍澳想搵平靚正嘅簡餐小食，玖子茶真係一個唔錯嘅選擇！🤤…查看更多

新都城又有新餐廳開張喇！呢度嘅2人晚餐好吸引，2個main，2款小食同埋飲品，價錢親民，平日晚餐之選。招牌星馬雞即係海南雞，香氣濃郁，配上微甜醬油與蔥油，味道層次豐富。星馬咖喱薯仔蝦咖喱香濃而不膩，薯仔鬆軟，蝦肉鮮甜，帶有東南亞風情。串燒雞肉兩串火候剛好，外焦內嫩，佐以花生醬更添香氣。酸汁青木瓜沙律清爽開胃，酸辣恰到好處，平衡了前幾道較為濃重的口味。飲品方面，百香果綠茶果香濃郁，酸甜清新；芒果綠茶則帶自然果香與淡淡茶味。…查看更多

去開新都城行街，見到呢間餐廳格局幾得意，係食星馬菜，就走入去試吓。嗌咗晚市二人餐$199，勁抵食！有兩款小菜，兩款小食，兩碗白飯，兩杯飲品😳😳份量勁大，同朋友兩個人飽到上心口😆⭐️砂煲肉骨茶一上枱就聞到陣陣藥材香，煲到滾熱辣，湯色偏深，飲落順喉，排骨炆到好腍。配料有金菇、腐竹同豆卜，吸晒湯汁精華，我最鍾意佢個碟辣椒豉油點排骨，成個配搭勁滿足。如果鍾意藥材底嘅肉骨茶，呢個應該合你心水。⭐️馬拉盞四季豆炒豬頸肉鑊氣夠晒足！四季豆炒到爽脆唔油膩，豬頸肉入味。馬拉盞鹹香惹味，唔會死鹹，送飯一流。份量仲要唔吝嗇，兩個人食到最後一啖都仲有肉，抵讚。⭐️鮮油咖咉多士外層烘到脆卜卜，麵包內裡軟熟，夾住冰凍牛油同咖央醬。牛油鹹香同甜度啱啱好，食完好治癒。⭐️芝麻蝦多士炸到金黃色，一份四件大大嚿，蝦膠打得彈牙，配埋個醬一齊食好好味。雖然係炸物，但食完一件唔會覺得滯。呢個二人餐真心抵食，$200有找。環境舒服，座位闊落。上菜快，服務態度好。如果行開新都城想搵間抵食又飽肚嘅星馬菜，呢間絕對可以encore！…查看更多

🍽️ 超值又美味的星馬風味體驗！👍今次喺將軍澳分店試咗幾款招牌菜，真係有驚喜！✨招牌星馬雞配油飯，雞肉嫩滑入味，油飯香氣十足，配上清甜椰子雞湯，味道層次豐富🍗🍚。班蘭咖啡多士外脆內軟，咖啡同班蘭香味配合得剛剛好，作為小食一流☕🍞。招牌肉骨茶藥材味濃郁但唔會過苦，配上白飯真係暖胃又滿足🍖🍲。最驚喜係檳榔咖喱薯仔牛肋條，咖喱香濃微辣，牛肋條炆得軟腍入味，薯仔吸盡精華，撈飯食簡直一流🥘😋！飲品方面，爽爆檸檬茶凍少冰，清新解膩，甜度可以自選，好貼心🍋❄️。全單$258，價錢合理，份量足夠2-3人分享。員工服務態度友善，餐廳環境乾淨舒適，適合朋友聚餐或家庭食飯👨👩👧👦。一定會再嚟幫襯，推薦俾鍾意星馬菜嘅朋友！🌟…查看更多

屋企附近新開左一排既星馬菜餐廳,放假同細佬去試下岩唔岩食。星期六既午市時間去係需要排隊,大概5-10分鐘左右有位。叫得星馬菜餐廳,香茅類既菜式有好多。不過今次想試左星馬雞飯,即海南雞飯先。跟餐可以揀雞湯/肉骨茶,我就揀左肉骨茶,另外叫左一份咖央多士。不出意外,咖央多士係最先送黎,味道就係平常食到既咖央多士,好味但唔特別。無骨既海南雞就係正!雖然係雞胸,都唔會太柴口,配合3種醬汁同油飯一齊食,都幾好食。我會鍾意沾黑豉油多D,甜甜地。反而跟餐既個碗肉骨茶幾好味,藥材同香料味都好足,但又唔會太濃烈,排骨既肉又香,係油左少少,不過係好食既!整體黎講,以依個價錢食到既海南雞飯算係好食,但同咖央多士一樣,真係無乜特別。肉骨茶反而係高光,不過跟餐就細碗D,下次再食應該會試下香芽豬扒飯/喇沙。招牌星馬雞飯(配迷你肉骨茶) $68咖央多士 $26…查看更多

門面的「大排檔」油畫反映出店子的演變，亦不忘昔日的面貎。店子環境光猛，整齊企理，有闊落嘅卡座，坐得舒適。餐牌清晰，分別有數款晚巿小炒、晚巿二人餐、飲品及特飲。我哋兩個人就揀咗晚巿二人餐($199)，共有四道菜式，配兩碗白飯和兩杯熱飲，好抵呀!砂煲藥膳牛肋肉 超熱上枱，出晒煙，正! 湯汁濃郁，藥材味道溫和，牛肋肉燉得軟爛入味，還加配了爽口嘅針菇、非常入味嘅豆卜，又豐富又暖身滋補。酸汁檸檬海鱸魚 需時制作，很有風味，感覺清新。酸汁好開胃，海鱸魚鮮味滑嫩，搭配檸檬和蔥油，很不錯！芝麻蝦多士 即點即制，熱辣辣，賣相好吸引。外層金黃香脆，蝦膠彈牙，芝麻增添甘香，再點啲千島醬，令人忍唔到口！藥膳浸菜 都幾特別，菜心翠綠爽嫩，清甜中帶有淡淡藥材香。 百香果綠茶 少甜恰好，果香與茶味平衡，酸酸甜甜幾開胃。熱檸檬茶 茶底濃，酸酸地，飯後消滯一流。…查看更多

去開將軍澳新都城中心行街，見二期嗰邊新開咗間馬拉菜餐廳，又入去試下～📌香茅豬頸肉咖喱飯豬頸肉脂香豐富，帶有嚼勁，香茅的清香與濃郁咖喱完美融合。咖喱醬汁濃稠，微辣開胃。📌砂煲海南椰子雞湯湯底以椰子水與雞骨熬煮，清甜中帶有椰香，雞肉滑嫩，湯頭溫潤滋補。📌芝麻蝦多士蝦膠厚實彈牙，外層炸得酥脆，撒上芝麻增添香氣，不會過於油膩。📌串燒雞肉醃料入味，帶有炭火香氣，肉質鮮嫩。📌椰香紅豆冰椰香濃郁，紅豆煮得綿密，可以選擇少甜。📌柚子蜜柚子香氣自然，酸甜平衡。既可解渴，也能中和油膩感。…查看更多

喺新都城$199晚市二人餐有齊四道菜真心抵，仲要唔係求其上碟嘅頹飯😍滷水拼盤擺到成座山咁高，鵝片嫩過BB皮膚，豬耳朵爽到彈牙，個滷水汁仲香噴噴😋馬拉燜倉魚用足料馬拉盞，魚肉吸盡精華，鋪滿肉碎同豆角燜煮，魚肉每絲都滲透南洋風味，微辣鹹香超送飯！串燒牛肉即燒即上，炭火香撲鼻，肉汁鎖到實一實～藥膳浸菜清甜得嚟帶淡淡當歸香，食完成個人都暖笠笠！人均$100有找食到咁高質，仲要坐得舒服，餐廳裝修又有特色…查看更多

見到新都城呢間茶室新開，同埋店舖都好多客人，就心思思去食吓。原來二人晚餐，只需要$199，而且選擇亦都好多，又有兩個主菜，兩個小食，兩杯嘢飲，兩碗白飯。性價比真的是超高。主菜一，揀咗霸王雞。雞的份量比想像中多，而且薑蔥蒜亦都好入味，整體感覺不錯。主菜二，檸檬汁蒸鱸魚，呢碟蒸魚見好多人都嗌，所以都想試吓。食落去條魚好滑，而且酸酸地又入味。好好送飯。小食叫咗牛肉串燒同埋咖央多士，味道都非常唔錯。飲品方面佢都好多類型可以選擇，今次叫咗兩杯美祿👍🏻這間茶室整體性價比很高，美味又飽肚👍🏻…查看更多

今日諗住係新都城試新嘢～玖子茶，見佢餐牌賣相都唔錯，所以就決定食呢間 ，諗住叫個蝦多士～點知一口咬落去 全口都係油 用手一 撳 仲撳到勁油出嚟。。。其他嘢食 配飯 真係都比較清淡 椰子雞份量唔多 得幾舊。。。豬頸肉炒四季豆 好似烚出嚟咁，鯖魚正常只不過畀咗個酸辣汁我見樓面已經 問隔離枱兩位啲嘢食要唔要兩位話未食完 隔咗幾分鐘就問我哋碟上嘢食未食曬， 樓面已經有人吹收枱三人叫完餐到停一下筷子半個鐘左右就已經出聲收我哋啲餐 。。。望望門口無人等…… 飲品都未飲完我哋就走仲聽到隔離枱位小姐大叫個雞凍嘅 點食呀叫人點會有下次呢。。。…查看更多

Felt like a hearty & warm dinner while we are facing this sinister winter. This hot sizzling claypot braised beef and eggplants with holy basil gave me strength. Beef was hugely sliced, eggplants were succulent, underneath them were bean sprouts, assorted mushrooms, capsicums, and holy basil scented sauce to go with a steaming bowl of rice. Cucumber salad was fully dressed in a gingery garlicky spicy sauce, every bite cheered me up. Pork collar was served in thick cut and came with Thai sweet chili sauce. Iced Malay milk tea was a much needed quencher. Seats were very spacious; dinner sets were reasonably priced; interior was extra brightly lit. …查看更多

已叫過2次外賣平台外賣，2次都選了喇沙。第1次餐廳送錯清湯，當時並沒有反映，以為是個別事件。第2次打算比多次機會，想嘗試喇沙，結果都是送錯餐。忍不住向餐廳反映，要求申請退款，餐廳同事態度欠佳，直指配菜是對的，個餐74蚊，只能退3蚊湯底。呢間餐廳簡直離譜，清湯同喇沙湯的分別係成個食物嘅分別，唔係清湯同個湯辣唔辣嘅分別，仲要唔止一次，利申未試過堂食，但餐廳態度我相信堂食嘅體驗唔會好得去邊，建議大家唔使去食。…查看更多