玖作 (已改名)

屋企人生日，喺度訂咗個蛋糕，順便喺度食埋生日飯，個牛扒一上枱，大家嘩咗一聲，又大份又靚，沙律菜好新鮮，薯條脆得嚟裡面係軟綿綿嘅，牛扒好嫩好有牛味，仲細心切好，啱晒我呢啲懶人😂龍蝦海鮮黑糖包係近期我嘅至愛，黑糖包好好食，有剝咗殼好新鮮嘅龍蝦😍😍😍，仲要100蚊都唔使，好抵食👍🏻鍾意佢哋嘅蛋糕，好重手㗎，唔會好似啲連鎖餅店嗰啲食完好似食咗陣風咁，之前食過佢哋嘅栗子蛋糕超好食，今次加埋水果仲正試食新甜品，好味喎，下星期五六日有😍新飲品，西瓜咖啡，好清新好解渴好清甜，用西瓜天然甜味，所以唔會死甜😋…查看更多

大集團都難做， 何況小店呢！ 去支持下！ 好少去景峰輕鐵站， 搵左一陣， 今日星期六，下午大約一點幾，都好靜， 天氣真係好熱。 因為第一次去唔知食乜好，揀左好耐，店員向我們介紹，又叫我們去堂食區有冷氣繼續揀。 👍🏻👍🏻最後，揀左宇宙飛船全日早餐$58， 細份D，適合女仔。 另外又叫， 超級慢煮雞胸配沙律$88。 兩個沙律都新鮮，調味清新。 雞胸好嫩，好食。好似話出名甜品，下次去試吓甜品先。 儘管困難重重， 大家也只能向前走。 ❤️…查看更多

牛角包夾生豬肉他他非常出色👍🏻食到我飽飽滯滯，就快要食保濟丸消化下， CP值非常之高!仲有個自家製巨型花生雪糕🍦食到舔舔脷，睇得出甜品師一家幾咁用心，顯赫世家做得出咁用心嘅花生甜品，真係為佢獨尊，仲要冇分身幫佢整，出色嘅one man Band👍🏻希望佢哋可以繼續用心鑽研花生甜品，供一眾街坊繼續長食長有！…查看更多

玖作一直以來經常創新，又嚴選食材，認真製作，無論嘢食定嘢飲都好高水準。最近聽見甜品師話要退出，即刻過去，樣樣都想食，一下子諗唔到食乜，大廚提議比目魚，好喎！大廚問配乜，我話蝴蝶粉丫，大廚話用白汁煮，就係咁，食到餐牌以外嘅白汁比目魚蝴蝶粉，嘩！好食到黐線，比目魚表面脆脆，裡面魚肉好滑好嫩🤤，個白汁唔會太杰唔會太稀，啱啱好包住啲蝴蝶粉，啲蝴蝶粉軟硬適中，點可以煮到咁好食架？遲啲無得食咁好味嘅嘢，真係好可惜😢…查看更多

係嘉誠幫襯過2次，佢哋真係唔歡迎有小朋友嘅家庭去㗎，只係小朋友去廁所遲咗5分鐘，即刻方向面，其實都係俾啲好普通嘅波波腸你食，牛角包咪又係嗰啲嘢勁普通，雖然話自己用心整，有邊間舖頭嘅食物唔係話自己用心整？對小朋友唔友善已經唔使再去！你當我係要考牌家長都好，遲5分鐘唔係原罪囉，咁就話因為我遲到5分鐘所以啲嘢食遲30分鐘先嚟，態度又唔好唔敢催佢哋，佢嗰啲腸仔咪又係急凍食物，有幾難呀？知道佢哋最後一個月就快執笠，除咗佢哋派巨型花生食唔落之外作為食客我都暗喜！唔好理佢派巨型啲花生恩恩怨怨係乜嘢先，首先服務態度已經唔得啦，嘢食又唔係特別！…查看更多

聽朋友講紅橋巷仔入面有間台西fusion cafe，口碑都幾好，一於去試下！小店好有style好有feel，有別於一般集團式經營。今次試咗"今天沒事幹台式全日早餐"。好得意又令人即時chill咗嘅菜名😂入面有特級慢煮雞胸，夠嫩滑～Mashed potato 一樣夠滑，食得岀薯仔嘅原味但又唔會有顆粒👍🏻仲有紫菜肉鬆炒蛋！見到即叫呢個set！總括黎講哩個價錢一個All-day breakfast 有9樣嘢個人尼講覺得CP值真係爆燈😝重點仲要好食！！…查看更多

第二次嚟幫襯啦，今次仲帶左3個新朋友。我哋4個人食order左6款野，1杯特飲。另外跟餐有三杯免費earl grey，係好香嘅，呢餐為返每個人$150左右抵食嘅。芝士拼黑毛豬拼盤$88、比目魚香菇椰菜花飯$148同埋預訂嘅脆皮豬手$238啱晒Keto嘅我，雙色薯條（番薯條拼薯條）$48雖然我減肥中冇份食，但係睇賣相同價錢都覺得冇得輸，出邊起碼要$68。蜜糖雞翼正嘅，香甜脆卜卜$35。最後，我屋企人仲order咗是日special甜品：和風秋栗2重奏（黃豆粉栗子蕨餅+mochi) $58，佢哋話好好食，好煙韌唔痴牙，唔會死甜。總括嚟講，下次一定會再幫襯。同行嘅朋友重話會介紹其他朋友嚟…查看更多

今日走到屯門美食集中地紅橋搵食，嚟到一間同事稱讚用心製作的小店「玖作」吃晚餐，提供新派Fusion菜，包括日式丼飯、意粉、主食、牛角包、沙律及小食等；更有提供到會及包場服務；裝潢走玩味Crossover風，甚具創意，又為一間寵物友善餐廳-招牌。龍蝦檸香海鮮牛角包配美國薯條 $98+$8轉沙律，可以套餐價加購飲品沙律菜整體新鮮，惟醋汁酸度略高牛角包龍蝦肉份量唔多，鮮甜度一般；加入紫洋蔥及生菜等配菜，感覺唔算好夾；醬汁同樣偏酸值得一讚為牛角包夠酥脆帶啖啖牛油香-粉紅岩鹽燒慢煮銀鱈魚，香菇椰菜花飯 $148配是日有營沙律或是日茶飲一杯 (加錢可轉特飲)銀鱈魚魚肉雪白，惟未食到獨特的鱈魚香，而且肉質偏鬆散，岩鹽香也未能嚐到；椰菜花飯調味較淡，份量少-柚子蜂蜜雞翼 (5pcs) $35雞翼偏細，外皮做到焦脆帶清香柚子蜂蜜香，可惜雞肉完全入唔到味-我朋友想要初戀呀 Sweet n Sour 套餐加配價 $35雜野莓、乳酪、奶 (轉豆奶)飲品冇加糖，飲到食材的天然味道…查看更多

一向都冇寫食評嘅習慣但呢間嘢令我會特登寫食評俾佢！話說我朋友推薦左呢間隱世小店俾我去包場🤩咁啱有best fd生日6人就成到團 食啲嘢都好有質素有大過我隻手嘅斧頭扒😱仲有豬肋骨！啱晒我呢啲鍾意倫骨嘅人🦴🤤又有好好味嘅青口 又有芝士火腿做頭盤 最後個甜品勁有驚喜係一個旋轉木馬上面有幾舊cake仔啱晒我哋啲港女打卡😬食咁多野包埋場成晚淨係服務我哋呢一枱！為返人頭都係四百幾左右 仲要冇收加一！出邊book間party Room仲要自己叫到會㖭呀六個人又點會show我哋呀未計食嘢人頭都收我哋舊幾兩舊水啦起碼😮‍💨而家包食包玩，仲可以打卡都係四舊幾我覺得超值！真心推薦！聽店家講話仲要係Pet friendly 話都有唔少客帶狗狗過嚟聚會🎈個老闆娘都幾nice 聽聞仲要係藍帶黎因為見到佢舖頭有嗰條圍裙呀😝果排咁啱秋風起，適逢我朋友喺澳洲返嚟好想食大閘蟹，所以都訂咗大閘蟹店家仲可以幫你代蒸！所以嗰晚係大滿足呀！😍🤩😆🤤成晚就係得我哋幾個玩同食嘢同傾偈食食吓嘢仲可以去打麻雀添😆😬果晚手風好，贏左半餐番黎😂🤣好推介俾大家，想私隱度高啲 幾個朋友/屋企人想閂埋房門傾偈 Party Room + 私房菜集一身咁一個字 正呀！👍🏻…查看更多

事緣有朋友搬左去屯門入少少既位置住比我喺附近搵到間餐廳 見佢個名咁特別就行左入去晚餐食野個胃容量會多啲😆一坐低叫左個究極<招牌>龍蝦海鮮牛角包🥐🦞通常大膽叫得招牌嘅餸菜一定穩陣啱啱好我哋可以食到last一個龍蝦牛角包 原來呢間餐廳嘅廚師每日會有限量供應牛角包咬咗一啖 個龍蝦包穩陣之餘，仲令我有驚喜出邊試過食其他餐廳嘅龍蝦包唔會有追住食嘅意慾 但呢度嘅龍蝦牛角包會令到你想叫多幾個食好食好食好食😋我想講 呢間餐廳淨係做牛角包已經夠做👍🏻之後餐廳職員仲介紹我哋食<西班牙伊比利黑毛豬扒🐷>黑毛豬扒一上枱 估唔到廚房職員好細心地為我哋已經切開一小舊 食得肉多我都會擔心排便便問題但呢間餐廳亦都考慮到健康嘅問題佢哋上肉類嘅餸菜時 會有大量健康田園沙律菜伴碟個心理上即刻平衡返🤣黑毛豬經低溫慢煮 好香 咬落好爽肉亦都好腍忍唔住又讚見佢前面兩樣嘢都咁好食跟住點咗個<黑松露忌廉野菌米形粉>米形粉好少見餐廳有呢道餸米形粉咬落好得別 又似飯又似通粉既感覺 好有趣黑松露好香 唔會太啖咪 米形粉咬落口感唔會太硬面頭加左啲豆苗菜 成件事又健康左😆呢度除咗堂食 仲可以叫外賣同埋包場如果下次想搞啲小型嘅聚會可以考慮吓呢度真心推薦❤️…查看更多

在屯門景峰和虹橋一帶好多隱世美食，今次同朋友去咗呢間在小巷中的日式餐廳，價錢好合理，同朋友要了兩個不同的餐：日式文燒三文魚牛油果溫泉玉子丼 ＄85三文魚切成粒粒，飯用上日本米，配搭日式醬油和半熟蛋，拌勻入口好好味！千島煙文魚牛油果牛角包配田園乾果沙律 ＄78沙律菜新鮮爽脆，牛角包都好酥脆！套餐仲送一杯熱飲或沙律聽店員講起開店的念頭，再聽埋他們在食材用料上用心，更覺得好味😋值得支持！##屯門美食 ##特色小店 ##屯門搵食推介 ##屯門搵食 ##屯門虹橋 …查看更多

今日無意中放狗經過青棉俓 ，發現呢間新的Cafe. 入去試吓順便等乾衣。，這間Cafe 是做西式及多國小食外賣，主打龍蝦牛角包，但隔離是一個共享空間，原來除咗可以帶食物入去慢慢嘆之外，我隻狗仔還可以入餐廳嘆冷氣，兩位女廚師好nice ,仲過嚟同我吹水.佢話呢間嘢 在Covid 前已經 響元朗開業, 除咗做外賣還有包塲、Party到會、船河到會 私房菜⋯ 有唔少熟客 ，所以現在再捲土重來做熟客生意。食物唔錯 👍 ！ 窩心小店 👍👍👍…查看更多