王林記潮州魚蛋粉麵

營業中

休息中

王林記潮州魚蛋粉麵，屹立於筲箕灣多年，由山邊檔口做到依家有2間分店，睇返老闆娘十多年前嘅專訪，先知道原來王林記又係一個香港獅子山精神嘅故事，係一個為左養大仔女堅持每日手打魚蛋嘅暖心媽媽。前排又經歷完500年一遇嘅黑雨，適逢大潭水霸排洪，路過筲箕灣搵食，決定試吓筲箕灣東大街嘅地區名物。我哋叫咗魚蛋河、牛腩撈粗、牛腩幼麵 同 炸魚皮。………………………………………………魚蛋河加腩汁⭐️⭐️⭐️⭐️⭐️魚蛋分別包含白魚蛋同炸魚片，兩種都彈牙有魚味，仲有少少陳皮味。河粉係比較幼個種，好滑，軟硬程度適中。湯係魚湯底，有魚嘅鮮味，偏濃味。牛腩幼麵 ⭐️⭐️⭐️⭐️牛腩係清湯腩，唔算好林，幼麵爽滑彈牙。牛腩撈粗 ⭐️⭐️⭐️⭐️牛腩可以揀清湯腩或者炆腩，半筋半腩，幾入味但係腩位唔算炆得好林，撈粗麵個汁同麵都好味。炸魚皮 ⭐️⭐️⭐️⭐️⭐️王林記會特別提供一碗湯俾你浸炸魚皮嚟食，炸魚皮好香脆，好好味。………………………………………………王林記仲提供自家製嘅辣椒油，分咗大辣同埋細辣。另外，仲可以加炸蒜 同 冬菜，依家有提供冬菜嘅粉麵舖已經買少見少啦。不過，王林記味道係偏濃味，我都偏好食濃味食物，所以我覺得好好味。

《東大街半世紀潮味！雙絕麵食魂》穿過煙火蒸騰的東大街，王林記那口熬了四十年的老湯鍋正咕嘟作響。 「崩沙腩豉油撈麵」 是罕見的隱藏彩蛋——牛橫膈膜肉被醬油浸透肌理，筋膜如琥珀凝脂，咬下時脆韌交響，濃醇豉香裹著牛脂在舌尖化開！竹昇麵條掛汁不黏牙，墊底的蘿蔔吸足腩汁，清甜解膩，一碟吃盡潮州滷水的靈魂。更驚豔是 「蔥花魚蛋麵」 ，坊間少見的古法手作魂。魚蛋並非機器丸子的呆板彈牙，而是帶鯪魚肉纖維的活潑嚼勁，蔥花爆香後嵌進魚漿裡，鮮甜直衝天靈蓋！湯底以大地魚、豬骨慢煨，清亮卻飽含深度，嗦一口幼滑河粉，再喝勺湯，海陸鮮味在喉頭共舞。

話說已叫了一碗魚蛋麵（當時下單的嬸嬸頗有禮貌），隔了一分鐘跟年輕女服務員（面黑程度跟她的皮膚一樣黑）說要一杯凍奶茶，她說：冇叫過嘢呀？我話冇叫過飲品。她下單的一兩秒時我再加一句但已叫佢食物。她即時給我一個非常不滿意眼神，我心想你這是什麼意思？你這裏又沒有套餐優惠，食物與飲品分開叫得罪了你嗎？！第一次來也是最後一次。食物好吃否見仁見智，對我來說應有的對客態度比食物水準至為重要。不求有服務有笑容但求不要黑面。

東大街美食多多✨呢間出名潮州魚蛋粉麵，嚟到呢度必試撈麵或魚蛋粉，推薦坑腩撈粗💯坑腩炆得夠淋入味，肉質唔會乾柴，粗麵麵質彈牙，豉油醬汁調得剛剛好，有啲芽菜墊底，配搭熱湯同埋特製製辣椒油，食落幾滋味😋

路經筲箕灣王林記，在王林記門外望進去，被食客的豉油皇撈麵吸引了，二話不說進店試試。經店員推介下，嚐了蔥花魚旦豉油皇撈粗麵，另點了一碗牛腩河粉。蔥花魚旦很有驚喜，咬下去已有濃濃的香蔥味道，魚旦新鮮，q彈口感。豉油皇撈粗麵出色，味道濃度剛好，不會過咸或過淡，亦沒有油膩感覺，麵質是爽彈的。蔥花魚旦跟撈麵是很好的配搭，魚旦的魚旦湯亦很有香蔥味！另外的牛腩河亦不錯，牛腩很軟很淋，一點都沒有乾柴感，味道亦足，配上他們自家製的辣椒油，很開胃！值得一贊是，辣椒油竟然有小辣和大辣給你選擇，很貼心的小店！

黎開筲箕灣，朋友又想食魚蛋粉，梗係帶佢黎東大街食啦。正常魚蛋粉，湯頭正常。魚蛋鮮味，河粉份量好足，味道正常。朋友來自澳門，話香港嘅魚蛋好好食。可能我食慣啦，我覺得呢啲魚蛋先係正常。坊間有其他啲魚蛋唔鮮不突止，仲加大量味精，再加埋個味精湯底，食完頸渴到一個點。其實正正經經真材實料，整一碗魚蛋粉，一直保持味道，呢樣野話易唔易，話難唔難，但難在一直堅持，唔整色整水，又加呢樣，又加果樣，又攪到要彈牙又盛。與其標其立異所謂創新，倒不如真材實料老老實實，咁先可以長做長有。

之前在這間餐廳通常食午餐一碗粉麵🍜加碟菜🥬再整多 一杯嘢飲 ☕️今次約咗朋友行山 🏔️行山前⛰️在這裏食個早餐先 😄叫咗個牛腩加香蔥魚蛋米粉🍜水準保持👍好味道😋份量好足😋食完冇味清🙏以前行山前後都整返碗🍜入座前，等了幾分鐘😆差唔多全場爆滿😀已經過筲箕灣東大街🧋必食的粉麵😋佢個清湯切腩或者五香牛腩好腍同埋好味道個人自己覺得係冇味精因為食完沒有口渴和眼瞓的感覺如果我食咗會有口渴和眼瞓的感覺謝謝大家的睇這個食評

呢間店有好多好評，都令人費解。我成日覺得呢間咁多人排隊，係因為排唔到隔籬嗰間。 今日就特登嚟試呢一間，都係叫撈粗。撈得均勻，份量都大，但冇味。 見到食評話魚片頭有魚味… 真係有？不願置評，我識好多間好食過佢多多聲。整體嚟講唔係話差，但絕對唔講得上好。 條街真係大把選擇。

1月1號睇完日出，就選擇開6am嘅王林記切腩冇得頂，配合撈粗，簡直係絕配！蔥魚蛋亦都幾好，但係如果二揀一我一定會揀切腩，如果兩樣都想試嘅可以選擇雙拼！鮮油奶厚多士唔夠脆香

若地鐵站大東行出口行過去，王林記在東大街的街尾，在東大街會先經過安利，安利行多幾個鋪位會見到。假日會見到有人在門外排隊。香蔥魚蛋河份量適中，但真的只有魚蛋，是沒有魚片。香蔥魚蛋比想像細粒，湯底：魚味夠，幾好！河粉：夠滑身！香蔥魚蛋質感：比較實，沒有彈牙感！香蔥魚蛋味道：不太咸，一般，不是差，但沒甚麼驚喜！服務速道：比較慢，不夠效率，唔知關唔關大多客事。服務態道：一般見有客都會另外買走餛飩呀，丸之類有機會會試下佢其他食品。

聽聞筲箕灣東大街10號東寶大廈地舖的“王林記潮州魚蛋粉麵”的香葱魚蛋很出名，喜歡周圍品嚐美食的我當然唔會錯過啦。 這裏是一間小舖，有少許擠迫的感覺，不過環境都尚算清潔衞生。 香葱魚蛋米線 $40，我加了豬手，雙拼加$9，共$49滿懷希望的我對於這個香葱魚蛋有少許失望，魚蛋質感夠滑和彈牙，但可惜味精略為濃了一點。豬手炆得夠冧和入味，食落南乳的香味滲進口腔裏，還感覺有膠質感。米線不太冧也不太硬，恰到好處。湯底清甜可口。 油菜 $22有兩款菜可任君選擇，菜心和芥蘭，我揀了芥蘭。綠油油的芥蘭鮮嫩爽脆，再加上少許蠔油，增加了這碟菜的香味。

之前見到要排隊王林記!今日同事買了外賣!牛腩撈粗麵真係有水準^^、牛腩入口肉質嫩之外，醬汁又正，仲有少許牙菜，令口感更好！出名真係好有原因的！加埋送既例湯，真係會同朋友們再去食!

同同事入筲箕灣食，佢哋話呢頭都好多嘢食，跟住介紹咗呢一間。佢哋話依間原來好出名。所以就試一試。味道係幾有驚喜而且老闆都幾好人好友街坊感覺。我今次就叫咗佢招牌嘅魚蛋同牛腩河粉雙拼。先講佢嘅魚蛋，係非常之彈牙，非常推介大家去試吓。同事都話每逢做節打邊爐都會特登過嚟依度買佢嘅魚蛋返去食。另外就係牛腩，佢嘅牛腩同一般嘅牛腩唔同，王林記嘅牛腩係彈牙嘅。第一次食係真係好有驚喜，同埋有一浸應該係煮嘅過程嘅醬汁或者係醃料嘅味道係幾特別同埋好好食。加埋老細又好Nice所以非常推薦大家去食。

聽講佢豉油王撈麵幾好食～所以今日買來試吓～Lunch time去都幾多人～🍽南乳豬手+韮菜餃 豉油王撈麵🍽💰$64💰南乳豬手：有三件～味道都幾好～韭菜餃：比我想像中細粒～味道都可以～豉油王撈麵：好彈牙～唔會太鹹～值得一試👍湯：要湯係要再加一蚊外賣錢～但味道幾唔錯👍🍽五香牛腩豉油王撈麵🍽💰$55💰五香牛腩：正常水準～唔係特別出色～溫馨提示：轉豉油王撈麵～多$14其實都幾貴～不過真係幾好食嘅😋CP值：🈴味道：🈴

筲箕灣東大街好多好嘢食雖然我唔係住港島區，但係我由細到大都喺香港區返工，所以經常喺港島區遊走、覓食。東大街除咗麻糬、雞蛋仔、燒賣魚蛋出名之外我最鍾意就係呢一間王林記魚蛋粉麵間唔時就諗起佢🤭特別鍾意佢個蔥花手打魚蛋，仲有魚肚又稔好入味魚蛋魚肚米就係我至愛嘅～每次黎都必叫！特別一提，佢個辣椒油都好香好好味有分小辣同大辣（個罐上面有寫）辣椒油個辣嚟得慢，所以如果要落嘅話記得逐少逐少咁加如果唔係就小心太辣😂