王朝潮順館 (得寶商場)

營業中

休息中

🎊聖誕正日食大餐，選擇左老公最愛既潮州菜😋，朋友介紹我去王朝潮順館。我地早到最初人不算多，但一過傍晚六點就幾乎滿座，好受歡迎。✔️食物份量大碟🍴，價錢抵食。🐔雞煲翅$108用砂煲裝住熱辣辣🔥，都幾大煲，可以幾個人share食，魚翅一梳梳好足料。🦆 鵝件拼大腸$198鵝件厚身夠入味，大腸肥美。🥬魚腐鮮竹雜菜$108 有驚喜，魚腐超滑，菜有幾款，有西蘭花，小棠菜，菜心同雜菌。🐔特色鹽香雞半隻$98雞肉夠嫩滑，鹹味適中。🥄🦪蠔仔粥一碗$68蠔仔大大粒夠肥美，一碗都有一小鍋，抵食。🥢順德炒米粉 $108炒得乾身香口。新張期間送甜品，係水晶柚皮，桂花糖清香，柚皮夠入味。

中午試新餐廳。 叫左午餐咸魚鷄粒炒飯。 等左陣，拎到出來居然係凍的。 我成日周圍食飯， 都明白間間炒飯質素質差會有不同。 但未試過咁凍！ 個場好多著晒衫的經理，但所謂的「經理」聽完就算！ 俾錢忍唔住再同收銀「主任」再講，都係無動於衷，連講句會同廚房反映都冇！ 食到一肚火，好少食完成寫食評的我都要用時間寫！ 比起同商場同類型餐廳無鬥心，唔會再幫襯！ 十分極度失望。 同埋座個4人位頂腳，座得唔舒服。 八達通機又壞，我個人不建議大家試。