影片
開飯介紹
供應潮州菜、順德菜外，亦提供私房菜服務，並以滷味、燉湯作招徠，款款足料分量足，裝修則走簡約路線，環境舒適。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
-
網上訂座服務暫停
老朋友外地返港飯聚，食家朋友喺「王朝潮順館」安排好八人菜單。呢間都幫襯過好多次，潮州打冷、打邊爐、雞煲同小菜，無論幾個人或者同一大班朋友都好啱食。本灣大左口魚(兩食)購自西貢碼頭艇仔檔 $400/ 1條(約3斤半) ❖ (一食) 左口魚刺身食家朋友到西貢碼頭揀靚魚，而家大左口當造，買條帶過嚟加工。一上枱成條左口魚曬冷咁棟喺度，夠晒睇頭，一遍白雪雪刺身晶瑩剔透，魚身切成薄片，刀工了得。左口魚味道屬於清淡，口感彈牙有嚼勁，配泰式酸汁清新提鮮。❖ (二食) 椒鹽魚頭魚骨食完刺身，就將魚頭魚尾連魚骨用椒鹽炸，外炸得香脆，魚骨都可以食埋，原來都仲有好多肉，魚肉嫩滑熱辣辣，配大量炸蒜辣椒，香口惹味。❖ 膏蟹蒸手剁肉餅 (2份) $936兩隻膏蟹好新鮮，爆滿蟹膏，蟹肉實淨鮮甜。肉餅因為係新鮮手剁，質地鬆化有肉汁，唔會死實實，加咗馬蹄同少少鹹魚，增加口感更提鮮。將蟹蓋啲蟹膏撈落啲肉餅度，蟹膏甘香味滲晒入肉餅，加埋啲肉汁撈飯食，啖啖充滿蛋黃質地嘅蟹膏，簡直返唔到轉頭。❖ 薑蔥龍蝦煎腸粉 $928呢個腸粉真係好招積，兩隻大龍蝦，新鮮肉厚彈牙，用大量薑蔥爆炒，薑蔥汁充滿龍蝦精華，煎腸粉墊底，兩面煎得焦香，口感煙韌，索晒啲汁嚟食勁鮮味。❖ 黑蒜花膠湯 $628湯料十足，有雞同排骨去煲，花膠大隻，黑蒜溶晒入湯，好清又唔膩，入口順喉，香濃又帶點甜。❖ 薑蔥豬什 $198好有鑊氣，採用新鮮豬什，味道同口感真係會食得出，完全無腥羶味，生腸爽脆到無朋友，粉腸夠晒粉，豬肚彈牙有嚼勁，豬膶鮮嫩，醬油味香濃。❖ 啤酒鵝 $438用Gas爐上枱滾住食，成份鵝下莊份量十足，用啤酒同香料去煮，鵝肉融入咗啤酒味道，又帶點香辣，好鍾意食鵝掌同鵝翼。針墨購自西貢碼頭艇仔檔 $80 (2條) ❖ 白灼鮮墨魚西貢針墨當造，差唔多全部艇仔檔都有得賣，新鮮嘅墨魚簡單白灼已經好鮮甜，口感爽彈，尤其旗位置特別爽脆，用芽菜墊底更清爽。店長熱情好客，仲出動私伙燒烏魚子請我哋試，濕潤軟糯口感配威士忌一流。連埋碟鳳梨咕嚕肉、白飯同汽水，埋單$3476，每人$500有找，我哋係book咗房，由五點半食到餐廳收工，飲飽食醉好盡興。#王朝潮順館地址：九龍灣牛頭角道3號得寶商場地下A7號舖
繼續閱讀
鵝件拼盤雙拼墨魚 $188非常之嫩滑好鵝味，滷水汁都幾香，墨魚彈牙嘅下邊仲有啲滷水豆腐都好滑！鵝肝半份 $128鵝肝好香嘅酒味，食落去即溶，非常之嫩滑福果鹹菜豬肚湯 $98胡椒味好香濃，加埋酸菜個湯都幾好飲，豬肚都有口感！潮式凍烏頭 $168魚味非常之香濃，但係食得出靚魚！順徳炒米麵 $128炒米麵係好香麻油味，入邊有啲魷魚蛋西芹都唔錯嘅！蠔仔粥（窩） $98蠔仔粥超級多蠔仔，味道係比較清香，啲蠔好大隻有蠔味。順德炸牛奶 $78炸牛奶奶都好香脆，牛奶都好嫩滑，有少少奶味。
繼續閱讀
午餐叫了2份套餐 鵝肉拼雞滷蛋 食物貌相十分之差，擺盤十分凌亂，完全不合格，食慾大減 。其後發現少了一粒滷蛋，便向職員查詢，職員辯稱售罄，並說已加肉給我們，然而餐點不會那麼大份，後更稱”俾埋隻俾我哋好唔好？！” 。在此看到職員萬分惡劣的態度，還跟我們抗辯一番，其後有其他職員過來調停。 那職員後來跟我們其中一人道歉 ，但我們並不接受，也不明白只為何只向一人道歉，但她說什麼已經不能接受。雖然餐廳最後給予我們九折，但也難消我們的怒火！ 沒有下一次！
繼續閱讀
朋友介紹話呢間嘅潮州菜好食，於是佢約埋我哋一齊嚟食，呢到食晚飯嘅時間係分兩個時段：第一個時段 （18:00-20:00），第二個時段（20:00-22:00）。我哋book 咗第一個時段。餐廳還境唔算大，座位還可以，餐牌食物種類多，我哋點咗以下食物：--爆醬薑蔥桶蠔：鑊氣十足，超惹味！肥美肉嫩生蠔脹卜卜，好爽脆。炸蠔炸粉好薄，增加酥炸口感。-醉乳鴿：濃濃酒香，肉質嫩滑。-豉椒蟶子煎米粉底：蟶子：鮮香惹味，肉質爽彈。煎米粉：煙煙韌韌。豆豉嘅香味加上幾款椒嘅甜味，配搭埋聖子同煎米粉，惹味非常。-鹽燒馬友：油脂豐富，肉質比較緊實，味道更有鹹鮮味。-凍蟹：蟹肉味鮮甜，清爽。-百花雞：雞裏讓入蝦膠，外層香脆，內裏爽口彈牙，口感有層次。酥炸鮮奶：外表金黃酥脆、內裡潔白軟嫩。 咬一口，酥化軟滑，奶香味濃郁。整體食物質素好食，店員服務態度好好，值得推介！
繼續閱讀
位於九龍灣得寶商場的人氣潮州菜餐廳😆，「王朝潮順館」，提供多款味道正宗的潮州菜式及順德菜👍🏻，以滷味及燉湯為最著名，由30年老師傅主理🤣，味道正宗，質素亦相當有保證，餐廳裝修簡約❤️，環境舒適，晚飯時間亦是座無虛席😝，餐廳亦有提供私房菜服務，大家記得預先打位‼️- 酒香鵝肝粉嫩鵝肝味道鮮香，份量十足😆，入口即化，帶有淡淡醇厚清新酒香，香而不膩，亦可以加入秘製鹵水汁，配上白飯上面，滋味香口🥳- 皇朝特色醉乳鴿乳鴿起骨後，以鳳凰型式擺盤☺️，賣相吸引，鴿肉帶有威士忌酒香，酒香鮮嫩，肉質腍嫩，必點招牌功夫菜之選😍- 生炸蒜香雞炸至金黃酥脆🐔，雞皮香脆，肉質細嫩，肉汁豐沛，表面加入大量黃金炸蒜提鮮，相當香口😛- 海蜇拼豬耳海蜇爽彈繳滑😎，微辣醬汁，相當開胃；豬耳卷紋路清晰，充滿骨膠源🤩- 順德炒米麵加入魷魚，肉絲等豐富配料炒香，濃郁惹味😛大家經過九龍灣得寶商場，不妨一試‼️
繼續閱讀