王家沙．花樣年華 (黃埔天地享膳坊)

營業中

休息中

Lunch 時間唔知食乜好，就去左試下呢間，午餐時間都算多人，坐左7成點都估唔到體驗係咁樣叫左酸辣湯麵，價錢唔係平，但個湯同粉既比例係湯3麵7 勁少湯，d麵又成餅野咁，食左幾啖麵已經冇晒d湯，變左齋麵咁樣，但係個味道唔係差既，係真係太少湯。小籠包不過不失，個皮感覺有d 厚，但個味道唔錯，都有汁水既涼伴青瓜$48 都算幾貴，好食都算，食完覺得早知唔叫.......................侍應幾nice

openrice落自取訂單，一分鐘內系統顯示已經接受，30分鐘後可取餐。我過左27分鐘，到店內等待時，可能分店同事應該先發現未入單（因為知後見到佢入機張單係我到店的時間，並唔係接單的時間）。結果我等多左約15分鐘先有，全程無人主動update, 亦無同事表示歉意。十分失望。分店嗰時唔多客，同事都好得閒，但門口無人睇住，企係門口時，無同事見到前來招呼，我等左幾分鐘無人話我知什麼情況，再入去先見到張單係剛入機，應該就係第一個同事見到我要來自取的時間。

食物ok，我全家都喜歡上海嘢，尤其係我奶奶，但service非常差，由入門口帶位嘅阿姐已經西口西面無水洗面，入到去丟低本menu就走人，真係丟低，唔係放低。一路都忍住，因為有小朋友係度，到最後有一個甜品遲遲未到，我叫店員幫手check下，過左十分鐘，拎上黎嘅唔係我嘅酒釀丸子，而係帳單….大佬，我叫嘅嘢都未上齊，你俾張單我做咩呢。最後真係忍唔住要搵經理投訴，我非常歡迎佢地如果有cctv，可以返睇返班員工嘅服務水準

前幾日黎黃埔王家沙食飯 間餐廳係完全冇冷氣 冇冷氣 人流又多 空氣係好焗 唔知以為開左暖氣氣添 問親就話係中央冷氣 我可以感受到全場係熱到食個飯都不停不停咁滴汗💦 從來未試過去餐廳係咁既 真係處理好冷氣問題！！！！ 還有就係啲食物同以前差天共地 依家啲食物簡直係難食到呢 酸辣湯完全係水 啲送同鹹魚冇兩分別喇 完全係求其煮服務態度都唔錯。

服務極差，上菜侍應可能以前喺荔園返工，長年餵食動物動物，未曾接受服務客戶訓練。請佢將餸菜擺好，竟然惡言相向。全場員工扮聾扮啞，只有見佢地傾計八卦，談天說地。由上菜到埋單，同客人零交流。

環境已經唔係好，無冷氣通風唔夠。野食4樣，3樣差1樣普通。酸辣湯，無味，完全一d味都冇，我唔不如飲水。蟹粉小籠包，完全得個腥字，比貴d差過普通既。回鍋肉， 一般冇咩問題，唔出色普通果隻。韭王鱔糊，鱔有大量細骨，韭王全部都係渣，差都唔食。

最近黎到Tst K11 Musea 行街, 行到攰朋友話要食上海菜～ 於是我地去左「王家沙花樣年華 x 喫麵」呢間二合一概念店，提供一系列四川 & 粵式佳餚🥰 呢度有好多限定熱辣鍋特色系列, YumMee (喫麵) 亦提供多款唔同城市既著名地道小吃、飯食和甜品，可以一次過嚮往上海傳統美食及東南亞美食👍🌟熊貓流沙包 – 賣相非常可愛，而入面既奶黃都唔係好甜，正！🌟蘇式鮮肉小籠包 - 皮薄多汁，即包即蒸，豬肉新鮮，唔錯~🌟醉嘉美雞 – 細心地去哂骨，雞肉啖啖肉，唔會肥膩，份量都幾多，酒味唔算好濃，幾開胃~🌟話梅骨 – 外層炸到酥脆，仲有甜甜既話梅醬，另外肉質唔會過硬，仍能保持肉汁。🌟招牌海鮮炒飯 – 墨魚汁飯底，加上滿滿既海鮮，最中意魷魚，好爽口~🌟魚湯蒜子時蔬 – 魚湯濃郁，菜好嫩，食完一條又一條~🌟桂花糕 – 食到桂花既清香，又唔會膩，飯後甜品一流~Overall 坐得舒服, 價錢都合理, 地點又方便, 下次會再黎！

第五波疫情下好耐janl有堂食！今天闃日人流比較少！出去鬆一鬆！見尼間仲有下午茶餐！之前間中都會幫襯吓！環境企理食客唔多，都比較食得安心啲下過以前就包埋杯飲品！依家就要額外加錢不過佢都包茶！但就冇嘜茶味🍵闃日下午茶餐～生煎包+上海炒年糕$68生煎包～煎得香口！熱辣辣！偍可惜廚師功力幾好都好，食物本身質素唔掂裡面啲肉一劈肉醬！上海炒年糕～雖然料唔多但太耐無堂食過！熱辣辣

味道OK，但是配餐服務糟糕。自取點單要的是158塊的麻辣水煮牛肉，回家發現給的是78块的麻辣水煮牛肉麵🙄。難道要我走20分鐘路回去換嗎？莫名其妙多給80塊，麻煩老闆看到以後退錢🙃。

其實食到依餐已經係我地抗疫左好幾日除左抗疫疲勞之外，直頭有抗疫抑屈今日我高太話要食上海野高太又可以食下栥飯可惜既係經外賣app送到過黎，啲野食已經凍哂影響左食物質素小籠飽黎到係都得反微暖但係都好多肉汁，唔錯嗌左個前菜拼盤距分開左每樣一個細碗上樣樣都好唔錯，皮蛋豆腐我同我高太都好鐘意食手拍青瓜同花雕醉雞都係美味之選醉雞夠滑又夠酒香炸豬扒擔擔麵又係外送問題，搞到炸豬扒黎到唔夠脆擔擔麵湯底香濃可惜到我口已經凍左，唔夠熱酸辣湯高太表示熱啲就超級好味道

今日同男朋友嚟到黃埔呢一間bloom入到去個環境非常之舒服咁首先呢我哋就叫咗呢個三絲粉皮粉皮非常彈牙 雞絲亦都好唔錯之後買咗個蒜泥白肉 啲蒜泥超香啲肉唔會太肥 之後仲叫咗蘇式鮮肉小籠包入邊充滿着湯汁 一咬落去爆曬出嚟之後仲叫咗京蔥爆羊肉 呢一道菜仲有呢個薄餅配埋一齊 食咗唔會咁漏我覺得呢個配搭非常之唔錯之後仲要有個上海擔擔麵花生醬嘅味道濃郁 有少少辣味我非常之鍾意仲叫咗個醬燒排骨年糕非常濃味 而且啲年糕都非常煙韌

好耐無食小龍包😋，今日收工就來了「王家沙」，這間好特別店名叫「花樣年華」，至於點解叫這名字就唔知道，不過裝修十分華麗😍「蘇式鮮肉小籠包」皮薄！ 而且包內有湯，肉質鮮嫩👍🏻👍🏻「蟹粉生煎包」外層燒至半脆口，仍然保持軟軟的包感，內有香香的蟹粉，咬口豐富😂🤣😂「炸黑毛豬扒擔擔麵」擔擔麵最重要的是麻醬香濃，它做到了😌 而且有花生粒，今次我們叫了走辣，下次可叫定另上，有少少辣味， 相信更野味😋😋 黑毛豬扒，軟軟的肉😍😍備註：🔺店員nice 👍🏻🔺會覆單，確保沒有點錯🤓

/ /經典上海菜館🤩王家沙好耐冇食上海菜啦，見到呢間裝修時尚又夠大，坐得幾舒服就同屋企人嚟食番個晚餐先😆好多蟹粉嘅菜式，超愛❣️即刻叫咗！鮮折蟹粉兩面黃🍝呢個兩面黃菜式麵式超脆！仲好貼心，分開個汁同麵底即淋即食，所以仲好脆口！蟹粉汁好濃郁，仲有少少上湯嘅味道🤩蟹粉小籠包🥟超正啊！！！皮相對厚啲食落中間超juicy，啖啖湯湧出嚟😍蟹粉生煎包🍞又係蟹粉嘅一道菜😆呢個同平時食嘅生煎包有啲唔同淨係煎左個包底，其餘部分係相對軟熟三絲粉皮🥘經典菜式，前菜必叫！粉皮好彈牙，有雞絲、火腿、青瓜撈埋花生醬汁一齊食，好有層次芝麻豆沙餅🫓呢個甜食都好有驚喜！好脆口，好香白芝麻中間夾住紅豆饀，食落甜甜地薑茶湯丸再試多個中式糖水！薑茶真係好夠薑呀😝好足料好辣湯丸係芝麻饀，仲係流心！

今天約了朋友到他家附近黃埔天地食飯，王家沙我從來都沒有去過，但是總是隱約聽過這個名字。無論環境或食物，都是一間很高質素的上海菜餐館。.蘇式鮮肉小籠包 $58 - 來到上海餐廳，少不了會點一籠熱辣辣的小籠包。皮薄餡靚，入面有滿滿的湯汁，你想像到的小籠包滋味，精華全都在此可以體現。松子桂花魚 $238 - 松子桂花魚也是很經典的菜，這裏處理得很好。桂花魚炸過之後拌上酸甜醬汁，既脆又潤。魚肉十分新鮮甜滑，加上蝦仁及蔬菜的配制，越食越開胃。溫泉蛋賽螃蟹 $98 - 賣相謙虛，但一看就知道師傅功力深厚，食得出有淡淡的蟹味，雞蛋及螃蟹的味道配合得很好，平凡之中帶點不平凡。上海話梅骨 $118 - 話梅的味道完全深入到排骨內，酸酸甜甜的，這個菜式做得10分精緻而且很有水準，在香港已經很難找到價錢合理但是手工精緻的菜餚。除了食物質素高，環境也別具中國特色，高雅而舒適，座位又寬闊，絕對是享受的一餐。

同屋企人食飯, 實係prefer中式菜啦, 但坐得唔舒服我唔制架, 我地今晚就黎左黃埔嘅花樣年華, 喺架船附近好易揾, 長輩無投訴😜.🥢三絲粉皮好味麻油n花生味嘅麻醬撈匀個粉皮同雞肉, 手撕無骨雞又嫩, 有埋青瓜絲n火腿, li個前菜十分開胃.🥢蟹粉小籠包正！每次必食嘅小籠包, 皮勁薄, 等一陣咬一咬個邊即刻勁豐富蟹粉湯汁, 足料勁好味.🥢屋企人都係點d大碟啲嘅餸, 我地食左: 温泉蛋賽螃蟹上海菜名物賽螃蟹🦀️d蛋白炒到完全唔會油淋淋, 賣相n味道都good; 🥢擔擔麵擔擔麵會唔會超多肉+湯底勁濃花生香, 每啖麵都掛好多花生粒粒足料; 🥢椒鹽小黃魚推介👍🏻2條小黃魚唔係細條, 魚皮香脆, 雖然係有幼骨嘅但係唔會好難揀走, 而且魚肉嫩滑, 碟上嘅炸椒葱蒜我地都有食脆到一個點.🥢貴妃紅棗糕最後仲食埋補血嘅紅棗go, 來自好多紅棗嘅甜味, 口感黏黏地趁出煙食-正!