王子廚房

各位屯門搵食嘅朋友聽住啦！如果你係咖喱控同薄餅迷，「王子廚房」呢間隱世小店的咖喱魚薄餅，真係要放入你嘅必食清單！講真，第一眼上碟已經好有睇頭。塊薄餅唔係普通貨色，即叫即整，熱辣辣，邊位煎到金黃香脆，拎上手仲有啲燙手，正！重點係上面鋪到滿滿嘅咖喱魚，睇落就知好足料，絕對唔係得個樣。一啖咬落去，先係感受到薄餅個底嘅香脆，「咔嚓」聲好治癒！跟住就係主角咖喱魚嘅濃郁攻勢。佢個咖喱汁好得，唔係死鹹死辣嗰種，而係香濃微辣帶啲甜，好惹味，應該係佢哋自己調過，同街外嘅現成貨完全唔同level。啲魚肉（通常係魚柳）份量超多，煮得啱啱好，好滑嫩，一啲都唔鞋口，仲要完全索晒啲咖喱精華，正到痺！最驚喜係個配搭！薄餅嘅香脆同煙韌，完美咁托住濕潤濃郁嘅咖喱魚，一啖有齊兩種口感同味道，真係好夾，好滿足！而且佢個份量，女仔一個可能食唔晒，男仔就啱啱好夠飽，以咁足料嘅程度嚟講，我覺得好合理，性價比高！王子廚房嘅咖喱魚薄餅，絕對係佢哋嘅鎮店之寶！脆香薄餅 + 超多嫩滑咖喱魚 + 獨特惹味咖喱汁，三樣夾埋真係「食過翻尋味」。喺屯門想食啲有特色又抵食嘅，呢個真心大推！記得預多少少時間等，即整即食先係最正！…查看更多

最近我去咗屯門嘅「王子廚房」，果晚凍凍地，食咗個二人印度咖喱晚餐，價錢$238，仲免加一，幾抵食。餐廳環境幾輕鬆，適合同朋友或者家人一齊聚餐。「是日餐湯」，每人一碗，今次嘅湯有肉碎同埋一啲香草，味道非常好飲，湯底濃郁，唔會過咸，飲落去感覺好暖心。用啲新鮮香料調味，令整碗湯都好有層次，真係好開胃。跟住就係頭盤，我選咗「魷魚圈」。呢個魷魚圈真係做得唔錯，炸得金黃酥脆，外面香脆，炸皮有調味酸酸咸咸，搭配埋一啲特製醬汁，味道十足，真係幾開胃。再嚟就係主菜，我選咗「印度烤雞」同埋「咖喱羊肉」（加$15）。印度烤雞雞肉燒得啱啱好，味道濃郁，醃製得入味，有4大舊，面頭有一堆菜。咖喱羊肉醬汁香濃，咖哩有印度風味，但唔刺激，有小小南瓜味，令羊肉更加美味，食落都唔會膩，搭配埋Naan，真係絕配。飲品方面，我選咗凍檸檬茶。而我朋友選咗熱綠茶，飲下去都好舒服，特別適合食完重口味嘅咖喱餐。最後，甜品係「Tiramisu」，就係個完美嘅結尾！整體嚟講，「王子廚房」嘅食物質素高，服務質素也都幾好，員工友善又細心，環境都幾舒服，非常適合朋友聚餐或者一家大小。如果你喺屯門附近，真心推薦你嚟試吓呢個印度咖喱晚餐！…查看更多

王子廚房位於屯門，主打印度菜同東南亞菜式，價錢平民菜式地道，好適合住附近或者返工食個lunch當飯堂～先講下個餐湯，滑得嚟幾creamy，唔錯！烤餅真係好正必試，又脆卜卜撈個蝦落去做餡，醬汁調味都非常開胃，酸酸辣辣好食到停唔到口!如果你係海鮮控，必須點個海鮮炒飯，好足料有多隻蜆同蝦，仲有青口，飯炒得好香好入味，火候恰到好處仲好有咬口。蝦好彈牙，調味都剛剛好唔會太鹹，而且份量都好大，成年男人都夠飽～總結而言，餐廳走嘅路線好適合居港南亞人士，或者附近讀書嘅學生都不妨一試，因為真係幾高性價比😋店內都好寬敞，環境乾淨，而且價錢貼地，本身我都唔係南亞菜big fans，但係可以話係一試難忘，食過翻尋味！…查看更多

點了二人套餐$238，包含了餐沙，蒜蓉法包及份量十足既沙律，兩杯餐飲及甜品,仲要唔使加一，十分抵食👍咖喱牛肉配薄餅咖喱牛肉的色澤濃郁，散發出誘人的香氣。一口咬下，嫩滑的牛肉與咖喱完美結合。咖喱的辛香與微微的甜味交織，為味蕾帶來層次感。而薄餅的口感輕盈，釋放出淡淡的麥香，搭配牛肉咖喱食用，更能吸收咖喱的濃郁汁液。印度烤雞印度烤雞外焦里嫩，金黃的皮下包裹著多汁的雞肉。香料的醬料均勻地覆蓋在雞肉之上，香氣四溢，令人垂涎。不僅有香料的豐富風味，還能品嚐到微微的酸味和辛辣感。…查看更多

見Openrice評價幾好,第一次入去試下,叫二人咖哩餐,點知1. 餐前湯似加了水2. 咖喱完全無味, 兩碗肉,雞及羊, 每碗只有兩三粒肉, 我哋晚上7點入座, 如果佢食材唔夠,應該通知我哋轉其他肉, 另外,加$15羊肉只有3粒, 無羊味,似是牛肉粒3. 甜品如之前有其他人comment,2人餐,只用1碟上1件cake.4. 整體其實味道是可接受,不過家人認為大快活咖喱更好食, 但2人餐份量實在有d奇怪, 唔知係咁岩佢唔夠食材定平時都係咁.唔明點解之前評價咁好, 係唔係轉左老細呢？…查看更多

之前食過lunch, 覺得佢啲咖喱都幾好食今次一家四口晚市再去幫襯叫咗佢個咖哩四人餐 $468但佢嘅前菜同薄餅竟然全部都係3件⋯⋯全部要我哋問佢先煮返多1件比我哋其實叫得4人餐就係所有嘢岩岩好⋯你唔應該整個4人set又小氣咁比3人份嘅嘢食人最後甜品仲衰，見隔籬枱一人套餐嘅甜品係一份完整嘅Tiramisu，佢上比我哋嘅甜品係將嗰份Tiramisu切開一半上2碟比我哋，切一半都算，仲要又係得2碟，姐係一人得4分1😂咁小氣嘅餐廳，下次唔會再去食了難怪隔離屯門咖喱屋排晒長龍，佢就冇人食，係有原因嘅⋯⋯…查看更多

王子厨房呢間餐廳成日經過，今日見人少少就試下，見大部份客人都係叫Naan，我今次想試個牛肉餡餅套餐，包餐湯或餐飲，等左5分鐘就有得食！牛肉饀餅皮好脆，有dd燶邊，配有沙律醬和特制酱汁，好有印度風味，好味又抵食…查看更多

今日朋友仔話帶我食地道野，就係地道印度菜，啲咖哩烤餅應該好正，諗到都流口水！好，坐低睇吓有咩好食先，有set lunch喎！印度坦都里烤雞配paratha，雞髀烤好香，獨特既煙薰味道好濃厚。Paratha食落甜甜地，係酥餅類，可以一條條撕落黎點咖哩。呢款咖哩唔太辣，椰香重。牛肉咖喱，咖哩帶肉味重啲咸啲，Naan就偏向似白麵包既烤餅，配咖哩就啱啱好。飲品就叫咗熱檸水和印度奶茶，印度奶茶好得意，飲落帶香草葉味，個感覺係好清新。…查看更多

@王子厨房今日去咗呢間位於屯門置樂嘅印度fusion小店叫王子廚房食lunch,聽個名感覺似係食中式/西式食物,估佢唔到係食印度fusion野,除咗有印度,墨西哥食物外,還有pizza,意大利飯,沙律,牛扒和豬肋骨..........好多菜式,任君選擇我哋揀咗lunch set😋等咗十分鐘左右就有得食😁📌是日餐湯坐低時候侍應送上是日餐湯,問咗侍應係雜菜濃湯,我食到有南瓜和薯仔味📌墨西哥牛肉餡餅🌮餅皮烤得有香有脆,餡料有蕃茄,牛肉,生菜和洋蔥,配埋特有嘅醬汁,非常夾📌南瓜甜菜根沙拉佐燒烤雞🥗上枱嘅時候,望到已經好吸引,顏色鮮豔,望到都覺得好開胃,有南瓜,沙律菜,紅菜頭,車厘茄和烤雞,配有酸甜嘅醬汁,呢個係健康之選總結：呢間位於屯門小區嘅隱世印度fusion小店,好有異國風情嘅感覺,有別於同區其他印度餐廳,好有個人特色環境舒服,侍應細心有禮,價錢親民,每道菜份量足,味道好,性價比高另外,餐廳更有學生優惠價,實在窩心❤️…查看更多

呢日嚟到屯門嘅【王子廚房】，純粹係想搵個特別嘅地方同朋友chill下～一入去就覺得環境好溫馨，裝修帶點異國風情又唔會太浮誇，最啱約閨蜜或者情侶慢慢食慢慢傾💕 職員都好有禮貌，笑容滿面，介紹餐牌時仲會畀小貼士，成個體驗好貼心🥰餐牌種類幾豐富，主打印度風味同fusion菜，有咖哩、烤肉、包餐甜品仲有特飲，真係夠哂特色👏 想食得滋味又與別不同，呢度絕對係好選擇～🥣例湯＋餐包餐前嚟個暖笠笠嘅例湯，入口有啲微辣感覺，好似帶少少香料味，飲落幾醒胃🔥 不過就唔太肯定係咩湯，但整體好驚喜～再配埋新鮮烘熱嘅餐包，入口鬆軟，好得意又滿足😋🌟咖哩羊肉🍛主角之一！羊肉香氣一開蓋就衝出嚟，好吸引～羊肉炆得夠腍滑，完全無羶味，配埋薯條、雜豆粒同印度薄餅，食落層次感豐富😋 印度薄餅點咖哩真係邪惡組合，好想encore！🔥烤雞肉卡巴🍗雞肉烤到外脆內嫩，帶少少香料味，食落香口又唔膩，加埋鮮甜蕃茄同爽脆生菜🍅🥬，食落清新舒服，味道層次好balanced，eat完完全無負擔～🍰Tiramisu甜品環節一定唔可以skip！質地綿密，入口即化，咖啡同芝士味平衡得啱啱好，成個口感超滿足 🥹💕 食完主菜再來個甜品收尾，perfect！🧋印度拉茶飲品就揀咗印度拉茶，入口有陣陣茶香同奶味，香濃滑順，甜度剛好，食完重味咖哩再飲返啖，refresh到成個味蕾🫶總結嚟講，王子廚房係一間有特色又好味嘅餐廳，環境舒服，職員友善，食物真心有誠意。如果你想喺屯門體驗異國風味，hea住食住，呢度真係一個唔錯嘅選擇🌈…查看更多

上星期自己一個人係置樂行完街 行到攰 去左附近一間印度餐廳食lunch入面環境舒服 同埋店員好nice 店員係印度人 係一間好正宗ge印度菜餐廳 中午時間 都幾多人幫襯西班牙燴海鮮$70當日我超級肚餓 點左西班牙燴海鮮 個汁酸酸地好開胃 同埋勁足料超多海鮮有好多隻蜆 2隻大大隻ge青口 好多蝦 魷魚 好好味 食唔停 成碗白飯清晒餐湯估唔到又幾好飲可樂好爽睇餐牌見到有好多款食物都想試 例如印度咖哩 見佢晚餐d二人餐都好抵 下次會再黎幫襯…查看更多

今日經過屯門見到有間未食過嘅咖喱，於是想入去試下睇下係咪真係咁好味！咖喱牛肉 這道咖哩牛肉的賣相相當吸引，濃郁的咖哩醬汁包裹著大塊的牛肉，色澤金黃帶點紅棕，一看就知燉煮得夠火候。牛肉選用的是帶點筋的部位，燉得軟嫩卻不失嚼勁，入口即化之餘仍保留肉香。咖哩汁香濃微辣，帶有淡淡的椰奶香氣，層次豐富！咖喱雞肉 咖哩雞肉的味道相對溫和，適合不太能吃辣的朋友。雞肉切成適口大小，肉質嫩滑，完全吸收了咖哩的香氣。醬汁質地細滑，帶有微微的甜味，可能是加入了洋蔥或蘋果的天然甜味，讓人一口接一口。配料中的蔬菜保持了一定的口感，不會過於軟爛，整體搭配得宜！洋蔥圈 這家的洋蔥圈炸得恰到好處，外層金黃酥脆，咬下去「咔嚓」一聲，內裡的洋蔥卻依然多汁清甜，完全沒有油膩感。麵衣的厚度剛剛好，不會蓋過洋蔥的鮮味，調味也適中，單吃已經很美味！炸蝦餅 炸蝦餅的外皮酥脆得令人驚喜，一咬開就能看到裡面飽滿的蝦肉，真材實料。蝦肉彈牙鮮甜，搭配微微的香料調味，味道鮮明卻不會過重。炸功了得，油溫控制得宜，所以吃起來完全不覺得油膩，反而突出了蝦的鮮味。王子廚房 (屯門)屯門青山公路 - 青山灣段351號彩華花園地下32號舖…查看更多

今日去咗屋企附近彩華花園覓食#王子廚房坐低食晚餐侍應俾我哋嘅位置幾好🤭 等我哋享受二人世界唔受騷擾浪漫燭光晚餐我哋第一點左印度（芝士蒂卡披薩）餅底比較淋唔像Pizza Hut脆咪道可以芝士分量很多喜歡芝士－定要食香料份量正常唔像其他餐廳口味適合香港人之後點左（印度烤魚）「呢客印度烤魚真係『香』到犯規魚皮烤到金黃脆卜卜🔥一啖咬落去『咔嚓』聲入面啲魚肉仲keep住juicy嫩滑正到呢～最殺食係佢哋秘製嘅醬用咗十幾種香料㗎辣得嚟帶住豆蔻同丁香嘅香氣仲有啲椰奶甜尾韻吊味🌴點埋蒜蓉烤餅食，香濃到癲啊！食完仲想encore多條魚㗎～」 呢間餐廳價錢唔貴，位置都比較舒服。📍王子廚房 屯門青山公路 - 青山灣段351號彩華花園地下32號舖…查看更多

好耐無食咖喱，今日喺置樂花園王子廚房食咗個二人印度咖喱晚餐，性價比極高！食物十分地道!包括是日餐湯，魷魚圈，印度烤雞，咖喱牛肉配白飯，仲有甜品tiramisu1. 魷魚圈 魷魚圈是由新鮮魷魚切成圈狀後，裹上麵粉或麵包屑，然後炸至金黃酥脆。外酥內嫩，常搭配醬汁或檸檬食用，風味鮮美，適合聚會或零食。2. 印度烤雞 (Tandoori Chicken) 印度烤雞是用特製的香料醃料（通常含有優格、辣椒粉、薑蒜等）醃製後，在土爐（Tandoor）中烤製而成。其特色是色澤鮮紅、香氣四溢，肉質鮮嫩多汁，常伴隨米飯或印度薄餅食用。3. 咖喱牛肉配白飯 這是一道濃郁的咖喱牛肉，選用牛肉慢火燉煮，加入咖喱粉或咖喱醬，配以香濃的白飯。咖喱的香料味道豐富，肉質嫩滑。4. Tiramisu 提拉米蘇由手指餅乾浸泡在咖啡中，層層鋪上馬斯卡彭乳酪、糖和可可粉，冷藏後風味最佳。它口感濃郁、滑順，是許多甜點愛好者的最愛。📍王子廚房📕屯門青山公路青山灣段彩華地下32號舖…查看更多

驚覺原來屯門有一間有21年歷史嘅印度咖喱餐廳。咖喱好香，香料味十足。唔食印度咖喱都唔緊要，佢仲有其他選擇。我點咗墨西哥玉米片，加上大量芝士、牛油果醬同埋cream，真係好好味。開心發現屯門有咁好味嘅餐廳！餐單：（附送的）粟米忌廉雞湯配餐包炸洋蔥圈 Fried Onion Rings墨西哥玉米片 Nachos加上大量芝士、牛油果醬同埋cream，真係好好味。印度香料烤雞咖喱 Chicken Tikka Masala通常食啲咖喱入面嘅雞會有啲嚡，但係佢個咖喱雞係嫩滑嘅，仲好入味！雜菜香料炒飯 Vegetable Biryani芝士烤餅 Cheese Naan…查看更多