玉葉越式料理

營業中

休息中

星期日同屋企人食個飯 聽到廚房阿姐係廚房大聲地批評食客事緣 落單時叫左個咖喱牛腩飯 但樓面應該打錯單送到上枱黎左個咖喱雞飯即刻同返個樓面講錯單 樓面都好好態度同我地講聲唔好意思對唔住仲幫即刻幫我搞返咁岩岩我坐果張枱就係廚房出餐隔離聽到個廚房阿姐好大聲講 「錯單就落返隻雞入黎啦」樓面同事答返佢 「個雞俾個客了過黎，所以消滅咗」跟住落黎廚房阿姐仲要補一句「明知唔岩仲要了，個客係唔係傻嫁」我地全屋企人聽到都眼火爆 講野又大大聲完全阻住同屋企人傾計把口又唔收好似自己屋企咁 成晚又講中文又越南文 成個大排檔同街市咁樣下次唔會再同屋企人幫襯

一向只會睇食評唔會打食評今次真係忍唔住之前中午都有幫襯過，正正常常今次係夜晚。。。。套餐包野飲，叫左蜜桃柑桔小冰野飲完全只係得梳打水味完全無其他味，但冰就真係小既老公果杯無小冰，就2/3杯都係冰野食：火車頭：對唔住個價錢牛仔粒飯：勁柴，同埋勁多蒜頭粒（大粒）嘢食難食都算啦，收銀仲要極度冇禮貌樓面員工態度幾好唔會再有下一次

同家人黎食午餐，個河粉好好食，比之前食更好味。同埋服務好細心，同事聽到我家人咳，佢立刻倒左杯暖水比我家人，我同家人一定會再黎食。而且環境好乾淨舒服，枱面好乾淨。

康城可以選擇的餐廳不多，同屋企人想食湯河類，所有決定去玉葉。香茅豬扒湯河粉 $78食到一半先記得影相，厚切香茅豬扒大大塊，加上濃郁的湯頭，味道不錯。可惜豬扒中間有點乾身，如果再肥少少，會更好。順化湯河 $83湯河有三種材料: 札肉、和牛丸及牛𦟌。札肉同牛𦟌都正正常常，反而和牛丸有驚喜，咬落去會肉汁，牛味濃，口感彈牙爽口，加上不錯的湯頭同份量多的河粉同大量芫荽，可以滿足到想食越式湯河的口癮。晚市套餐可以選擇一杯飲品，飲品不算少，青檸茶同鹹檸特飲不用加錢，前者有青檸的獨特香氣，後者清新解渴。玉葉小食拼盤 $118可以一次試到不同的小食，有牛油雞翼、墨魚餅、魚餅同春卷。牛油雞翼同春卷偏油，墨魚餅同魚餅不錯，味道同口感都不錯。食物味道中規中矩，裝潢同服務比較出色。

🙋🏻‍♀️我之前黎食呢間越南餐廳，都係食招牌河粉/順化湯檬🍜，或者食撈檬多~~~~~~🙅🏻‍♀️就從未試過order飯餐食🍚今日忽然好肚餓😆😆就試吓叫呢個越式香茅豬扒飯🐖，點知就出事😖💢塊豬扒勁乾勁硬‼️一啲都唔Juicy….👎🏼塊扎肉又勁鹹😣究竟發生咩事？😅另外我仲加左👇🏻香茅串燒雞肉（2串）好彩呢個都好食，同埋越式凍咖啡☕️依然好飲嘅。經過今次，下次唔會叫豬扒飯了😅

喺日出康城想食越南料理，諗都唔使諗食邊間😆，因為Lp 商場得一間越南餐廳🇻🇳就係Jade leaf 🍃 玉葉我哋入座時間大概12:30pm，有lunch set ，都幾抵食。老公叫咗碗順化湯檬，當中有牛腱、和牛丸、扎肉。“和牛丸”係精華所在😍咬落去會爆汁😆食落有啲似周星馳講嘅瀨尿牛丸一樣，彈牙爽口爆汁牛味濃，我同老公都超鍾意！可惜，得1粒半😅如果可以有多幾粒就好。跟餐叫咗杯越式凍咖啡☕️越南咖啡係配煉奶的，會偏甜。另外我叫咗碗河內墨魚餅撈檬，墨魚餅🍥好足料，好厚身，咬落去啖啖墨魚肉，好鮮甜好味🤤！跟餐追加咗兩件牛油雞翼(好重牛油味)Lunch set 有成10款唔同嘅小食可以追加，選擇都算幾多元化，同埋份量都算多！

食物凍，用料差，叫左個粉湯底唔夠味，麵口感太淋。不過好在同事服務好，有禮，同佢反映意見佢都耐心聆聽。所以衷心希望下次再去時，佢地有聽我意見，食物質素會有所改善。

今日夜晚去康城交收，咁啱到食飯時間。行過見到一間裝修都幾別緻嘅餐廳。咁啱門口有個工作人員，問我哋幾多位。抱住試一試嘅心態入去食返個晚飯。坐低後，我哋睇咗菜單，點咗一個豬扒湯河同埋牛肉撈檬。上菜後，買相都唔錯，再食，啲味道真係強差人意，啲豬扒同牛肉又乾又柴，咬都咬唔開。味道都真係同好多越南餐廳冇得比，用餐途中聽見隔離台嘅顧客都話啲嘢食好一般，下次真係唔會再嚟。雖然環境同服務都可以。但係佢啲出品，真係有待改善。

明明我撳飛係二人抬A008 , 點知佢係冇理由下俾咗張枱A009。我已經即時同佢講。但係佢完全態度勁差，話嗰張係搭枱。大前提係佢從來冇問過我搭唔搭枱，就比俾咗張枱人地。跟住叫我繼續等。咁既然係隨心派發枱比客，咁點解要人哋㩒飛？

環境唔乾淨，枱面油淋淋，好難食，炸魚餅同炸雞翼勁油加嗰個炸皮都係好難食個隻，pho 普通偏難食，又趕住收人碗，唔會再返去食。仲要食左二百幾蚊，超級唔抵，強烈建議唔好去食。

今日喺屋企諗住落街食個下午茶，見識左呢間我認為係康城最差服務嘅餐廳。入去無人帶位，叫我哋埋邊自己搵位坐。坐幾分鐘都無Menu，問佢攞，即刻西面。跟住飛兩本喺我哋前面。落單落錯 - 兩份變一份。叫佢改, 面更西。食物上枱，求其放，兩份配菜邊一份。食物水準極之一般，春卷炸到燶晒。叫佢俾兩杯水，抌低就算。30分鐘內食完走人，下午茶兩麵一春卷，盛為210 (仲要收加一)。你話抵唔抵。今時今日咁嘅服務態度，我希望你哋快啲發達，早啲唔使做。

去康城睇完戲之後搵嘢食，見到呢間唔使等位，坐得又幾舒服就一於試吓。重量級火車頭 $98一上枱見到超多芫荽🤣，入邊有扎肉、和牛丸、牛仔骨片同埋肉眼片，材料都幾豐富，湯頭濃郁，不過河粉碎左啲香茅雞扒撈檬 $78朋友話呢個正常發揮，雞扒份量都幾多，價錢少貴

人生第一次入康城，見到間越南餐廳靚靚地就走左入去食，結果中晒伏。西貢咖喱牛腩飯，首先唔知同西貢有咩關係，啲牛腩又少又硬到食唔到，而且除左上面兩舊下面全部都係啲頭頭尾尾食唔到既下欄，咖喱好似溝水咁完全無味，啲飯又淋到一舊舊。香茅豬扒湯河，豬扒又係硬到黐晒牙（不過都好過啲牛腩），個湯就中規中矩，唯一可取之處係河粉份量夠。越式炸春卷，一咬落去成口油，其他無咩特別，至少唔難食。成餐連加一$198，從味道黎講就算價錢減半都食唔過，可能康城真係無咩選擇，不過我就絕對無下次。

除夕日，約咗朋友去將軍澳行將軍澳新嘅天橋，行橋之前先去食個午餐，我叫咗個蕃茄扎肉湯金邊粉，有豆卜，芽菜作點綴。酸酸甜甜幾醒胃，朋友叫咗豬扒飯，佢話好味。豬扒煎得入味。

今晚選擇了這間越南餐廳, 雖然是越南菜, 但很自然會比較最近吃的泰國餐廳, 即刻比下去 😅 餐廳的裝修好像想把我們帶到森林裡, 假天花上空吊掛著一堆草, 牆邊再有一幅畫了各式各樣樹葉的畫, 環境是可以的。食物選擇不是太多, 只有幾款粉麵幾款飯類, 另外可以追加小食, 我們每人各自點了一個餐, 另追加了一個小食。鑊仔牛柳粒飯牛柳粒味道還可以, 但略為偏乾身。因為本身這個飯基本上沒有醬汁, 肉粒太乾就會吃得相對辛苦, 配料炸蒜跟洋蔥令整體不會太過單調。(由於本人不好青瓜, 所以青瓜伴碟是多餘的)香矛豬扒湯河粉湯河中配有青檸, 我們把青檸汁加入湯河, 豐富了湯河的味道, 又酸又咸, 之後都可以一直用這種吃法。豬扒沒有太重的香矛味, 既不香脆也不香口, 幸好沒有浸過時間, 但它只是普通的一塊豬扒。由於這裡沒有什麼特飲, 所以不多提。小食方面我們點的是玉葉牛油雞翼, 因為不美觀沒有刻意影相。 雞翼沒有牛油味, 卻滿是油, 有炸雞翼的外型, 卻吃不到它鬆脆的質感。 可算是我吃過最難吃的牛油雞翼!!至於服務方面, 職員是有禮貌的, 眼見有不少文章都反應服務問題, 我倒覺得服務是不錯的, 只是食物有待