玉桃軒酒家 (利舞臺廣場)

營業中

休息中

去銅鑼灣酒樓食野, 通常都比我好貴唔抵食既印象, 今次就比我揾到間幾抵食既酒樓, 有唔少做緊特價既小菜同埋套餐!!係利舞台廣場上面層層都係野食啦~ 今次係20樓, 裝修充滿貴氣, 門口仲有唔少浪漫氣球裝飾, 睇黎係婚宴場地, 地方非常闊絡呢!!! 即使我同朋友二人都可以坐4人枱, 茶芥每人13元, 無額外其他花生果D取巧收費。有幾款吸引菜式都做緊特價, 龍蝦都係百五蚊左右, 不過我雙眼已經被片皮鴨吸引左, 目標已鎖定!!!!!一食一隻鴨$178我同朋友都好中意食片皮鴨, 所以二人食一隻都無問題, 但就無加錢叫二食~首先黎左一籠餅皮, 熱辣辣,不過真係要快手趁熱食! 醬汁係京式甜醬, 份量都好充足, 配料就係常見既青瓜條同蔥絲, 幾爽脆。主角鴨皮一隻份量大約有十幾片唔算好多, 份量同價錢成正比, 排列工整整齊, 有一半既鴨皮都有肉片痴住, 我幾中意有少少肉痴住既鴨皮, 皮烤得算脆, 連埋皮下既油鴨同醬汁配料確係令人好滿足~ 最驚喜係饃饃片夠煙韌, 即使放涼左都毫不乾身, 唔係間間酒樓都做到。叫左個瑤柱粉絲雜菜煲 $88其實有好多煲仔菜可以選擇, 價錢都係介乎八十幾到百一二蚊, 個煲好大個

朋友介紹銅鑼灣利舞臺呢邊有間幾好食的酒樓中菜，平時食得多西餐的我立即話好。上到黎見到人唔太多，入去就有位。見到門口的減價推介好吸引，就諗住叫黎試下。餐牌有好多精選小菜可以揀，最吸引係本月推介，每款都係半價，每檯可以叫一款波士頓龍蝦，芝士焗，伊麵，芝士溶咗落湯底好入味，龍蝦多肉鮮甜，唔鞋，份量又多，伊麵係底都吸晒啲龍蝦味豉油皇海蝦粉絲煲，豉油味比較重，海蝦新鮮，焗得乾身，粉絲爽滑XO醬鮮菌炒花枝，花枝非常嫩滑，切得好大片，鮮菌好有咬感，啖啖肉。

玉桃軒主打高檔中菜不論餐廳裝修 菜色 擺碟 都超岀一般酒樓蒜香脆燒雞雞皮燒得金黃香脆 雞肉亦好鮮嫩特別係雞翼部分炸得岀色 好香口南乳醬脆香骨比較少見嘅菜式 排骨切得好薄先炸到佢香脆 再用南乳上色上味排骨肉嫩 搭上少少肥膏邊 鹹香四溢令人難以抗拒 呢碟菜餸酒一流沙巴大龍躉兩味大龍躉做兩味餸 非常抵食第一道係西芹炒龍躉球味道唔濃 可以食到龍躉嘅鮮嫌唔夠味道 可以點蠔油吊一吊味第二道係砂鍋炆龍躉龍躉先走油爆香 魚皮亦炸香再用醬汁扣佢炆冧魚肉 外脆內軟

之前中秋同屋企人一家大細去咗玉桃軒試吓佢哋主打嘅高級粵菜過節又點少得雞呢蒜香脆燒雞 半隻 $128雞皮超級脆 香口到不得了！而且雞肉非常嫩滑多汁配上嘅醬汁行到適中點上之後更加滋味魚香茄子煲 $88辣味慢慢喺喉嚨滲返出嚟 好過癮而且香味十足非常足料茄子煮到好腍身 味道好甜好新鮮南乳醬金脆骨 $98 排骨揸到脆卜卜 而且南乳味非常香濃 聞到已經流口水雖然份量唔算多 但係味道都值回票價肘子片炆津白 $88湯汁好清潤 肘子既鹹味令人回味津白鮮甜爽口 有益又暖胃整體食物質素真係唔錯架

帶左屋企人去玉桃軒食晚飯，方便起見就揀左銅鑼灣呢間。係近時代廣場個入口入要穿過aland先會見到電梯大堂。環境都幾舒適乾淨，而且都夠光猛，枱與枱之間又唔會太迫。我地叫左個晚膳三寶，有半隻雞，一條魚，仲有一個小菜，$328非常抵食！蒜香雞既皮非常脆口，啲雞肉亦唔鞋，有水準。條魚係沙巴班，都唔算細條。魚肉好嫩滑，蒸得啱啱好，唔霉！我非常喜歡。咕嚕肉層皮唔會太厚，唔會覺得成口粉漿。另外，再加咗特價龍蝦伊麵加埋麵都係$178。不過麵有D碎難夾D，但係啲龍蝦肉好爽，好有咬口，好有龍蝦味。埋單大家都捧住個肚走。

時代廣場而家有人唱歌。知道大老爺好鍾意聽佢地唱歌。所以就係附近搵咗玉桃軒同大老爺慶生。今日酒樓都幾爆。好彩預早book位。所以去到就有位。呢間分店裝修煌。酒樓有幾樣特價菜式。大老爺揀咗上湯波士頓龍蝦伊麵底（伊麵底要另加$40）$178龍蝦應該有一斤重。肉質爽，彈牙。味道非常好。不過麵就太碎。激抵至尊三寶$328~一品蒜香雞半隻。呢隻雞應該都幾大隻，因為半隻都好大碟。肉厚，唔肥，肉滑。清蒸沙巴斑~魚嘅大細適中，足夠四人食。蒸魚時間剛剛好，魚肉滑。鮮甜。菠蘿咕嚕肉~甜酸剛好，肉質軟。我地仲加咗兩一款小菜及一碟炒飯瑤柱什菜粉絲煲$98~有西蘭花/小塘菜/白菜仔/生菜/粉絲/蝦米/鮮冬菇/草菇。當然唔少得乾瑤柱。瑤柱蛋白炒飯$98~蛋白非常多，炒得乾身，但唔硬。今晚整餐壽辰宴，一家四口食咗$829（連茶介及加一）。都唔算太貴。因為食物質素確係唔錯。

歌名：遊樂場主唱：謝霆鋒 「🎵🎶逐個夢　逐副臉　逐次累積抱起過　放低了　然後回憶然後期待期待期待下一位接力……🎶」酒樓是個很特別的地方，有人覺得好嘈，我卻覺得熱鬧，有人覺得飲茶浪費時間，我卻覺得是難得和家人朋友高高興興聚首的時光。這天，一個風和日麗的工作天，心血來潮相約同事到銅鑼灣玉桃軒嘆番一盅兩件！ 正午時段，酒樓內座無虛席，縱使人多，但侍應並無待慢，很快送上熱茶和填寫點心紙的鉛筆，大概明白上班族的午飯時間有限吧~！酒樓窗戶多，在陽光燦爛的日子裡，天然光透入室內帶來出乎意料的寫意氛圍。 「🎶🎵最繽紛的花園遊樂過　但求動心……🎶」酒樓來來去去的點心，名字是一樣了，但食物的美味讓我傾刻動心，那管重覆又重覆的食呢。點心陸續送來，放在轉盤上彷彿是遊樂場的【氹氹轉】，轉、轉、轉，各式各樣的點心就是遊玩設施，我們轉到遊樂場了！【打鞦韆】叉燒： 肥瘦適中，既不韌又不肥膩，放在口中一啃感受軟的部分，下一啃又感受半肥的部分，像是打鞦韆來來回回，口感妙極，蜜汁不過甜剛剛好，叉燒肉味得以保留。【蹺蹺板】鳳爪排骨盅飯：無論任何季節，盅飯總是熱呼呼的好！蹺蹺板上一邊坐著鳳爪，另一邊坐著排骨，是絕對的最佳拍檔，

同事忽然想飲茶，記得之前有朋友跟我説這間酒樓不錯，於是，中午食晏時間，便來了這間酒樓試試！鳯爪排骨飯：鳳爪和排骨調味很好😋蝦餃：餃皮夠薄，蝦肉爽口彈牙👍🏻蘿蔔糕：煎得夠香，吃到啖啖蘿蔔😻叉燒皇：叉燒肥瘦適中😋燒賣皇：肉質爽滑😍春風得意腸粉：腸粉夠薄、春卷夠脆，餡料好味👍🏻黑松露帶子餃：餃皮夠薄、帶子鮮甜兼有淡淡黑松露香味😋時菜鯪魚球：鯪魚肉鮮甜彈牙，無腥味😻擂沙煎堆仔：即叫即炸，新鮮熱辣辣😋陳皮紅豆沙：紅豆大大粒兼起沙。椰汁紅豆糕：啖啖椰汁香味，紅豆夠大粒👍🏻

原隻鮑魚鮑翅套餐:原盅菜膽雞燉鮑翅湯底清甜鮮香 滿滿雞味卻不油膩，魚翅爽口彈牙煙韌，絲絲分明。意式焗釀鮮響螺:用芝士，薯蓉，洋蔥等混合螺肉，惹味十足。螺肉充滿嚼勁。蠔皇五頭鮑伴鵝掌蠔汁不算濃，這樣才不致蓋住鮑魚味，鵝掌軟嫩，蠔汁融入鵝掌，非常入味。豉味香菌炒斑球魚滑嫩而魚皮脆口彈牙，魚鮮味濃郁配上淡淡菌香，這個配飯很適合。瑤柱蛋白炒飯份量充足的瑤柱配上粒粒分明的炒飯，有咬勁又香口，獲氣足。紅豆份量足，豆沙濃而不甜。水果甜而脆口。這茶樓服務很好，環境餐具也乾淨，適合追求優質環境吃飯的人士。

放假就同媽咪嚟銅鑼灣飲茶，揀左呢間玉桃軒，閒日中午時間都好多人黎食，晏少少黎都可能要等位樓底夠高，人多都唔會好似一般酒樓咁嘈，坐近窗口位仲幾好view添酒樓職員好有禮貌，做野亦好快手！其實點心款式選擇多，以銅鑼灣區嚟講一啲都唔貴，上菜速度又夠快唔肥嘅蜜汁叉燒，肉質鬆軟，唔太咸，味道適中，$68食到呢個級數已經超值見到有菜苗已經流晒口水出面好少會有菜苗，就算有都會好貴，但呢到竟然$38仲咁大碟！十分驚喜蝦餃大大粒，皮薄餡靚，蝦肉好彈牙燒賣都好大粒，非常足料總括嚟講，呢到服務質素好，環境舒適，食物性價比高，唔錯嘅點心選擇

今日出左銅鑼灣。 約左一班人食飯。 但原來玉桃軒Move 左。 之前好似係係時代廣場。而家係利舞台。記得以前係時代廣場。價錢仲唔平。但今日去。 好似平返好多。。不過好似以前好食d。。今日食真係一般。。。特別個片皮鴨。。有d 失望。。。太多肉啦。個湯都算唔錯。另外既菜式唔算好難食。但係冇咩驚喜lo..反而最驚喜既價錢。比想像平。唔知係咪因為一大班人。所以除返開平甘多呢？另外。。 整個場都唔算好多人。 所以如果要一大班人平平地食中餐既。 我都覺得可以黎既

店鋪位於利舞臺廣場20樓，利舞臺廣場入口喺正時代廣場對面，十分就腳。從地下扶手電梯上一層，經過商店便見到電梯大堂，有電梯直達20樓。上到嚟全層都係呢間酒樓，裝潢十分華麗。嚟到一點半，午飯時間，都比較多人，好彩店員都好迅速咁幫我哋搵到張二至四人枱俾我哋兩個人坐，座位很舒適。兩點前落單可以點優惠點心。落單後，食物很快便送到。潮蓮燒鵝瀨一碗 $48燒鵝皮好脆，絕對係皮脆肉香，估唔到酒樓都可以做到呢個水準。瀨粉還附有兩條新鮮菜心。黃金炸饅頭 $18呢個係優惠點心之一，熱辣辣，外皮脆卜卜，應該係即炸先有呢個效果，高水準，好抵食。雞絲滑粉卷 $18粉卷熱得燙口，好新鮮，粉皮好滑，肉涵香甜。海味扒瓜甫 $18都係優點心之一，清清地，健康之選。鮮人蔘淮杞燉雞湯 $48呢個廚師推介嘅燉湯，人蔘味濃，好夠熱，感覺好下火，仲附有好多湯料。喺銅鑼灣呢個地段，可以舒適咁坐咗一個下午邊食邊傾談，由好多人坐到啲人散晒都冇俾人趕，哈哈，價錢又唔算貴，可以再來！

今日放工，去找食來到銅鑼灣，咁就去下利舞臺廣場找食利舞臺廣場新裝修格局都幾靚我哋想到呢間玉桃軒裝修好靚 係做婚宴擺設的好場地餐牌好精美好多款式選擇愛咗個 三餸餐 非常之抵都係330蚊呢度餐具好整潔職員的服務態度也很好坐得舒適闊落 有炸子雞，咕嚕肉，仲有清蒸大石斑。清蒸石斑條斑係 新鮮貨色 魚肉紮實蔥油豉油配合得恰當好處食物味美咕嚕肉鮮味醬汁配料恰當好處咕嚕肉用上 梅頭，啖啖肉無骨頭仲有當紅炸子雞打得耐唔油膩皮又脆雞肉鮮嫩奉上兩碗白飯又係完美的一餐

周末晚上去銅鑼灣接一朋友放工，想找個地方吃飯，想不到哪裡不用排隊，便記起起上次在觀塘試過玉桃軒，二人餐的性價比很高，利舞台剛好有一家，再去試試別的菜。驟眼看，地方雖不大，但正正方方的大堂很開陽敞亮，而且食客不少！一如預期不用等位直接安排入坐。餐牌上的廚師推介有特價片皮鴨，半隻158一食，我那一直說想去北京的朋友眼睛剎時就亮了，之後還要了個素跟炒飯。片皮鴨第一份上桌，看著切的時間鴨子燒得金黃，刀落即開，遠遠香氣傳來。面餅焗在蒸籠中，打開時熱氣猶存，軟軟糯糯，包著油香鬆軟的烤鴨跟鮮美的甜面醬，配上青瓜大蔥做成捲餅，清香去除了油膩，口感十足，只能說片皮鴨實在是北京至別緻的食品發明。我向來很偏愛南乳的味道，除了豬手，南乳炆粗齋都是相當常見的做法，考究的無非是入味，這味南乳上素齋煲算不錯，值得一讚的是粉絲很多，猶其入味，而且粉絲的質量上乘，不會出現黏稠。只是南乳的味道略淡，適合喜歡清淡的朋友。玉桃軒的菜式貴在不拘一格，自有創新，這xo醬海鮮豆腐粒炒飯正是其一。濕炒飯最常見是褔建炒飯，這道有點相像，但芡汁混了豆腐就增加了口感，加上xo醬，帶少許微辣，又用上貨真價實的完整蝦肉，是很有特色的主食。我對

同媽咪來開銅鑼灣行街我哋去咗利舞台食中菜見有特價套餐叫來試下激抵晚膳三寶套餐＄328有雞有魚同一款小菜小菜選擇都唔少諗住清清地叫咗瑤柱粉絲什菜煲好多菜啊！瑤柱都唔少一品蒜香雞半隻D色燒得好靚啊！望到都流曬口水個皮真係好脆雞肉肉質好嫩下清蒸海石斑（細）同啊媽食親中菜佢一定要食魚🐟條魚好大條下蒸魚時間控制好緊要過熟會老唔熟又唔得呢個係啱啱好熟肉質超滑我地食到舔舔脷茶錢每位$18（雞皮超脆）其他野食都好吸引不過我地得兩個人要下次來試啦