牧羊少年咖啡館 (香港國際機場機場一號客運大樓)

話說是日出差到元朗，但放工後要去到亞博欣賞《進擊的巨人》音樂會，因此就有機會在機場停留約一小時兼食晚餐🫶🏻！早排喺網上得知牧羊少年喺香港機場開咗分店啊！今次嚟到機場食晚餐嘅目標都係因為咁，落咗巴士後，直接去到接機大堂，由以前嘅太興變咗做牧羊少年，呢一間「少年」風格主題比較特別，可以突顯香港主題特色，叮叮的綠色、金色枱燈、仲有好多香港美景的明信片。就算只有一個人嚟食，都可以好chill咁享受一個人的晚餐，機場少年價錢與市區少年幾乎冇差別，非常抵食，凡惠顧指定主食即可加$68升級至套餐，套餐包一杯飲品及一份小食，少年本身嘅主食都非常之夠飽，因為小妹當晚比較趕時間，否則可以慢慢品嚐🥰機場內的牧羊少年猶如「繁瑣機場中的綠洲」，在小妹耐心等候後，終被帶入座安排在收銀附近，小妹當晚點了自由自在一人餐，黑松露蜜糖磨菇椰菜花薄餅🌱、松露蜜糖雞翼、熱菊花茶，餐點不用作多介紹，因為牧羊少年係有質素保證😊😊！…查看更多

今日想試吓牧羊少年的早餐，坐得舒服啲，叫左個「蛋白質輕盈早餐」意大利黑松露醬炒滑蛋，雞扒，澳洲西蘭花，丹麥厚吐司。 加上$18 薄奶咖啡。先上薄奶咖啡，要很熱的，幾好飲。多個蛋白質輕盈早餐上枱嘅時候，只見成個碟都係油，圖片麵包嘅形狀同埋都唔一樣，我只看圖片嘅時候以為係比較健康嘅麵包， 雞扒冇乜味道，油淋淋，啲蛋凍冰冰啲黑松露好難食, 諗住係一個輕盈嘅早餐，估計食完呢餐要跑多好多跑步機才行，令人失望。點解早餐冇牛扒同豬扒嘅選擇？ 啲蛋全部剩返喺度，凍冰冰難食。 一次失敗嘅嘗試。…查看更多

有啲飯唔係畀你狼吞虎嚥，而係提醒你，可以慢慢嚼、慢慢感受。呢碟迷迭香燉羊肉飯，一上枱就聞到嗰種淡淡草本香，唔刺鼻，好似一種溫柔嘅存在感。羊肉炆得相當入味，無羶味、無硬筋，每啖都鬆化到可以用舌頭壓開 🐑醬汁偏法式紅酒燉肉風，有層次、有深度，紅蘿蔔焗得夠甜，菜心頭清爽解膩，食到最後都唔會覺得 heavy 🌿🍅配埋紫米飯，口感有咬口感但唔乾，啖啖都吸住醬汁，好溫柔咁包住你個胃。再加杯果香特飲，清新又解膩，呢餐係療癒，不是飽肚咁簡單。…查看更多

牧羊少年嘅機場新分店，位於5樓，早上無咩選擇，但我決定試下佢哋嘅全日早餐（All Day Breakfast）。真係一個唔錯嘅選擇呢個英式早午餐包含好多美味嘅配料，例如意大利黑松露醬炒滑蛋、granola同希臘乳酪、澳洲西蘭花、雜菌、蕃茄、挪威煙三文魚、德國香草腸，仲有bakehouse focaccia。每一樣都好有層次，味道令我驚喜。價錢方面，$128要加一，對於機場來講，其實算係合理。食物質素高，分量亦唔少，非常滿足。另外，餐廳有得配嘢飲，我選咗杯可樂，杯子好大，飲落感覺好爽😋…查看更多

每次搭短途機，落機嗰刻最掛住嘅從來都唔係行李，而係一餐好食嘅熱飯。飛機餐通常都係例行公事，難得發現香港機場入境大堂竟然開咗間 牧羊少年，即刻入去試一試！🧑🏻‍🍳 原來有1人套餐，方便又唔失禮數一個人都唔怕尷尬，有獨立set俾你揀，我點咗個「法式迷迭香炆羊肉套餐」，出奇地份量十足。羊肉炆得入味，唔腥，肉質鬆化，味道比起一般機場餐廳好太多，絕對勝過某啲價錢更貴、但味道普通嘅西餐廳。🍗 升級小食：炸雞驚喜登場加少少錢升級套餐會有炸物，完全唔諗太多就揀咗炸雞，點知一試即愛上。外皮酥脆、熱辣辣，口感香口唔油膩，甚至比主菜更令人驚喜，老實講，Encore我可以淨食炸雞都滿足🥹！🪑 位置與環境店舖設有堂食位，地方唔算大但好整潔，對於落機後想靜靜坐低慢慢食返餐好嘅朋友嚟講，絕對係 CP值不錯之選。…查看更多

一直都好期待牧羊少年喺機場開業，因為機場的非禁區實在太少餐廳，而且沒有那幾間是美味的。這間分店的室內設計用心，極具風格，它的色調是參考香港舊電車，座位寬敞，走廊也寬闊，方便旅客把行李放在身邊，令人安心原本打算去吃早餐，怎料他們的早餐時間至到11點，所以唯有點午餐。看實體menu 時，怎樣都找不到all day breakfast, 只有QR Code 內才有，所以大家要留意啊。我和老公選了All day breakfast, 見到menu 寫明是選用bakehouse的focaccia, 我本來都喜愛食bakehouse 的麵包，所以十分驚喜！我老公也是見到是bakehouse 的麵包，所以沒有選丹麥吐司。送到上枱時，有wow的感覺，因為好大份！胃口不大的兩個女仔可以share 食。西蘭花如menu 所寫，似是澳洲的，爽脆新鮮。其他配菜都正常發揮。最可惜的是，那片麵包並不是focaccia! 而是一個平平無奇的豬仔包從張相見到，一份是豬仔包嘅上半部分，另一份是豬仔包的下半部分。我以為只是外型不似focaccia, 怎料吃下去一丁點focaccia 應有的香草和橄欖油都沒有！十分失望！其實餐廳如果當日缺貨，應該預早告訴客人，bakehouse 麵包是一個吸引點，也是我們不滿意的原因。由於不是套餐，咖啡要用原價買，還要收加一，所以每人都要$185，不算平宜。希望餐廳以後有什麼缺貨可以在客人點餐後立即提出，以免客人失望。…查看更多

早上7時便開門平日分3時段餐牌早午晚午晚的分別是午餐包餐飲這次晚上幫趁點了意粉，奶油蝦和松露雞翼意粉軟硬適中但洋蔥略嫌多雞翼肥美但香料太多似BBQ奶油蝦爽口汁也好味服務員非常親切解答一切疑問…查看更多

早上飛機禁區入邊亦沒有什麼好食，食過好多間都唔好食。所以落樓下接機大堂新開牧羊少年試吓。早上沒有什麼人！見到佢個裝修都幾靚，感覺好舒服同出邊的牧羊少年裝修不一樣！到門口之後仍然來一位男性服務員很有禮貌來幫我們拉行李篋，因為他說裏面是地氈好難拉，所以幫助我們跟住揀咗一個位俾我們坐又可以放到行李篋！亦有可能早上沒有什麼人，所以行李篋可以放在裏便！可能人多的時候就應該要放門口！另外我們點餐早餐，他們的早餐有啲唔同出邊一般茶餐廳比較，做法係一間西餐廳的早餐,因為太早啦，所以我哋點咗每人一份雞肉通粉加一杯嘢飲，份量好夠大份雞肉同伴菜好新鮮但份量都比較多，所以都食唔晒 ！同埋佢個咖啡幾好飲，我比較鍾意口感濃味唔會有酸味再值得一提服務態度非常好…查看更多