牧羊少年咖啡館 (葵青劇院)

營業中

休息中

今天和同事們一起度過了一個愉快的下午茶時光，選擇了這間位於葵青劇院旁的Cafe。餐廳的座位主要以露天為主，雖然客人很多，幾乎座無虛席。餐廳的餐單選擇非常多元化，主要以輕食為主，適合下午茶時段享用。無論是漢堡、燴肉還是薄餅，每一道菜都充滿創意，讓人眼前一亮。白味噌雞扒玉子燒奶油漢堡配炸番薯條這道漢堡的份量非常足夠，雞扒厚實卻不失嫩滑，口感極佳。白味噌醬的鹹度恰到好處，與甜甜的玉子燒形成了完美的平衡，甜鹹交織的味道讓人一口接一口，完全停不下來。搭配的炸番薯條外脆內軟，帶有天然的甜味，為整道菜增添了更多的層次感。紅酒燴牛面肉伴薯蓉配烤澳洲西蘭花牛面肉的份量十足，燉得極為軟嫩，幾乎入口即化，而且脂肪比例適中，吃起來不會覺得油膩。紅酒汁香氣撲鼻，與綿密的薯蓉拌在一起，簡直是絕配。烤澳洲西蘭花則為這道菜增添了一絲清爽的口感，整體來說非常飽肚且滿足。意大利風乾火腿蜜糖柚子薄餅這道薄餅充滿了fusion風格，創意十足。薄餅上鋪滿了厚厚的芝士，烤得香氣四溢，令人垂涎。醬汁方面，蜜糖與柚子醬的組合帶來了獨特的甜味，與風乾火腿的鹹香形成了鮮明的對比。每一口都能感受到多層次的口感，既特別又美味。

今日同同事Farewell，去咗葵芳嘅牧羊少年咖啡館，環境真係幾唔錯㗎！室外有帳篷，冬天開咗暖氣，坐喺度都唔會覺得凍，但夏天就可能會有啲熱啦，畢竟帳篷下曬住太陽。不過整體氣氛都幾舒服，啱晒同朋友慢慢傾偈。我哋叫咗午餐同埋一個Pizza，午餐都幾好食，味道正常發揮，冇乜特別驚喜但都算滿意。至於個Pizza呢，就有少少失望啦，個口感偏甜，唔係我鍾意嘅鹹香風味，可能係醬料或者配料嘅問題。不過，如果你唔趕時間，坐喺度慢慢食、同朋友傾吓偈，都係一件好開心嘅事。總括嚟講，牧羊少年嘅環境同服務都幾好，食物就中規中矩，Pizza可以再改進吓。但係作為Farewell嘅聚會地點，都算係一個唔錯嘅選擇啦！

今日同同事去咗葵芳地鐵站附近嘅 牧羊少年食西餐 因爲今日繫同事嘅last day 所以大家都 諗住食一餐好嘅 因爲繫正午嘅時間 所以人流比較多我哋都等咗差唔多15分鐘先至可以入座 大家都order咗自己想食嘅嘢 因爲佢嘅室內位置比較細所以我哋坐係露天位置餐廳好窩心咁樣喺室外 嘅頂部裝有好多部暖氣 所以即使繫少凍嘅今日 我哋還覺得ok嘅 同事叫咗 牛油果 烤雞沙律我就叫咗 雞肉漢堡包 同埋全日早餐 每一樣都好精緻 當然除咗外表之外 味道仲相當之唔錯 值得一提嘅繫佢既配菜似薯條， 但唔繫用薯仔做㗎， 係用番薯做㗎 食落去甜甜地有番薯味 真繫幾特別喎 佢繫一個坐得比較舒服嘅地方 所以我哋除咗食飯仲傾計傾到唔捨得走 接近兩個鐘頭先離開 喺呢一個都市有一間 令人覺得舒服嘅餐廳 實在值得一讚

牧羊少年食過幾間，質素都相對穩定，唔會話太參差。每次嚟到都一定會食佢嘅京都春日，佢個窩夫入邊加麻糬真係冇得輸。之前食過另一間嘅麻糬窩夫，啲麻糬就咁擺喺窩夫上邊溫度唔算最好，亦都冇好match到成個窩夫同埋啲味道。但係牧羊少年嘅麻糬窩夫係將麻糬加咗喺窩夫嘅入邊，一切開次次都係新鮮熱辣嘅口感，配上雪糕種嘅衝擊同配襯係好正嘅。其實每次我食嘅主菜都係為咗呢個麻糬窩夫，佢嘅窩夫都好鬆軟唔會好甜，而且每次都有得揀兩個雪糕口味都算唔錯。講返正餐，其實佢個Menu唔算細，但係永遠都覺得佢嘅選擇唔算好多元化。好似意粉或者pizza都係每樣得兩至三款，唔算太吸引。今次都係叫返蜆肉意粉，水準正常，冇好驚艷冇好過份，另外嗌咗個burger配番薯條，番薯條新鮮熱辣好軟熟好好味，但係burger夠牛肉好韌，好乾身，醬料唔夠成件事變咗有啲dry。所以都唔會再嗌。好彩嘅係我次次都係為咗個窩夫嚟食，所以就算個主菜未係最好，都唔會太失望。除咗京都春日今次試埋佢嘅蘋果批，都係新鮮熱辣加埋雪糕，佢個批底唔算太厚係一層層蘋果鋪面，都幾好唔會話太厚太大份食唔晒。另外媽媽試咗兩個咖啡，一杯係檸檬泡沫咖啡，佢話都幾得意。另外試咗杯香

作為一個熱衷挖掘城市美食角落的博主，這次探訪的「牧羊少年咖啡館」絕對是近期最令人驚喜的發現！這家以旅行與文藝為主題的餐廳，不僅環境充滿故事感，菜單更是將西式料理與創新元素巧妙結合。以下重點評測四道必試招牌——**肉丸長通粉、墨西哥脆片、煎鱸魚及心太軟**，帶你感受味蕾的雙重享受。1. 肉丸長通粉：濃郁醬香與彈牙口感的完美平衡這道菜的靈魂在於自製番茄醬汁，酸甜適中且帶有微微香草香氣，裹著每一根長通粉，入口濃郁卻不膩。肉丸選用混合牛肉與豬肉，紮實多汁，咬下時肉香迸發，搭配帕瑪森芝士碎增添層次感。長通粉煮得恰到好處，外軟內彈，完美吸附醬汁。若你是義式料理愛好者，這道菜絕對能滿足你對「家常風味」的想像。---2. 墨西哥脆片：驚喜滿分的開胃小食** 看似普通的玉米脆片，在這裡卻被賦予新生命！脆片炸得金黃酥脆，搭配三種蘸醬——牛油果莎莎、酸奶醬與辣味番茄醬，每一口都能體驗不同風味。尤其牛油果莎莎清新爽口，與脆片的油香形成絕妙對比。這道小食份量十足，適合三五好友分享，搭配一杯招牌「日落巴黎」特調飲品，瞬間點燃聚會氣氛。---3. 香煎鱸魚：食材本味的極致演繹** 主廚對海鮮的處理功力在此展露無

與你分享2人套餐 $428金沙鹹蛋黃鳳尾蝦熱辣辣上枱，d 蝦大大隻，每隻都充滿住鹹蛋黃，超好食！份量啱啱好，唔會覺得好油好膩。煙辣腸蜜糖南瓜忌廉長通粉素食嚟，本身無乜期望，但賣相同食落唔錯喎！有腰果碎粒喺頂，d 通粉質地好，唔會好淋。個汁甜甜嘅南瓜味，配埋辣腸辣辣地，平淡中有d點綴。慢煮BBQ醬美國豬肋骨伴 薯條 普羅旺斯燉菜薯條熱辣辣脆卜卜。豬肋骨整得夠淋身，唔會𡁻都牙都較，又唔鞋，廚師真係識煮野食。就連配菜都無得頂！粟子燕麥奶沙冰雖然跟似沙冰（係凍嘅，但唔夠冰），但一飲落去，絕對驚艷！似好濃好濃嘅粟子糊，超足料，每一啖都好香好好飲。冰梨無花果白桃烏龍芝士奶蓋本身我好鍾意白桃烏桃，呢杯真係超正！一般幾十蚊嘅廢水簡直無得比。雖然白桃味唔係好濃，但佢梨嘅香味令到成杯超級好飲！揀茶就係唔鍾意好甜，呢杯又香又唔甜，飲落仲有d生果渣咁，超正！個餐最後仲有Häagen-Dazs 雪糕嘅。本身食過唔同地區嘅牧羊少年，呢間晚餐真係最好食。另外，都食過呢間lunch 同tea, 無晚餐咁驚喜。

曾經牧羊係我最鍾意嘅餐廳之一環境舒服食物質素高下午茶抵食平時約朋友食下午茶都會去連我今年生日都係約咗朋友去牧羊食飯但我而家已經決定唔會再去事緣幾個月前我需要搵地方坐得耐做嘢差唔多每星期都會去一兩次葵芳牧羊tea連續兩三個月食到部分員工都認得我但最後食嗰次我食完嘢之後拎咗粒糖出嚟食然後一個疑似經理阿姐嘅人要另一個男同事走過嚟同我講餐廳唔可以食外來食物嗰下好愕然通常外來食物係指餐廳本身有提供嘅同類食物因為會影響消費額或者驚食完肚痛餐廳要負責但。。。糖咋喎？我返去之後上咗牧羊官網send message問想了解下外來食物嘅定義/準則但問咗兩次都冇回覆我對呢間嘢太失望自從嗰次之後就再冇去過

星期日約左朋友去葵青劇場睇風車草既黑心喜劇《Di-Dar音樂劇場》，順便去劇場地下嘅「牧羊少年咖啡館 」食飯。我地三個人叫咗一個金沙咸蛋黃鳳尾🍤蝦意大利粉，慢煮BBQ醬豬肋骨，千島海鮮 pizza🍕，本身二人餐有送 Häagen-Dazs 雪糕但我地加咗少少錢轉咗特濃半熟芝士撻同焙茶心太軟，另外再加咗一份是拉差醬雞翼。最尾三個人都食到好飽。金沙咸蛋黃鳳尾蝦意大利粉，咸蛋同蝦🍤呢組合真係好夾；慢煮BBQ醬豬肋骨肉質鬆軟，BBQ汁又酸酸甜甜好開胃；千島海鮮 pizza🍕，脆脆的餅底好味又唔會太厚。特濃半熟芝士撻既撻底好酥化，加埋無化果令到佢唔會膩；焙茶心太軟流心程度非常澎湃，但焙茶香味濃郁，甘中帶甜之餘。而拉差醬雞翼香辣多汁比起水牛城雞翼無咁辣適合不太能食辣既人士。整體食物份量十足，餐廳環境舒適，服務態度親切。下次一定會再來。好食又開心，真係一個愉快嘅用餐體驗！🍴👍

成日都係去新都會廣場搵食，都悶了。今次要轉新口味，與友人嘆番杯啡，決定去葵青劇院個邊有名的牧羊少年咖啡館。午餐有多款選擇，有藜麥飯、意大利粉🍝、漢堡包🍔等，仲有沙律🥗同素食，輕食，總有一款啱食。跟餐包餐湯，是日南瓜🎃湯，打磨至細滑顆粒感，加入忌廉香草特別香滑，南瓜味濃郁。黑椒香蒜煙肉鴨胸意大利粉🍝：香菇洋蔥青椒吸收鴨胸油脂，鴨胸經香煎逼出油份，不會死咸富彈性，帶出煙薰香氣。意大利粉夠曬Al dente ，誠意十足。澳洲100日穀飼牛肉奶油漢堡包🍔拼蕃薯條🍟佐刁草檸檬蛋黃醬：最驚艷的是蕃薯條，蕃薯條甜度適中自然，仲有點回甘，蘸上蛋黃醬好清新輕盈左，食多幾條都吾會膩。漢堡牛肉保持汁水，喜歡加入芥末蜜糖醬，蕃茄同生菜，不錯！對得住價錢！奶泡咖啡☕️：奶泡咖啡的味道比普通的黑咖啡更加濃郁和香醇。奶泡的存在讓咖啡的口感變得非常絲滑和柔順,不會有咖啡粉粒的粗糙感。儘管加入了大量的奶泡,但咖啡本身的香氣仍然比較濃郁,能夠突出咖啡的風味。醇厚綿滑總結：值得更多人認識同有誠意的咖啡店大嘆咖啡 可惜用餐時間限90 分鐘

😉 回顧返之前去完馬來西亞返港後送手信畀朋友而約嘅飯聚，去咗間水準一如以往咁好嘅cafe，揀咗喺葵青區嘅分店～🍕 千島海鮮薄餅 😋😋😋😋😋千島醬同海鮮夾就唔使講！薄餅屬於厚身，邊邊好脆，焗得好靚～ 上枱前已分成六件，每件都有一隻新鮮大蝦🍤、蟹柳，拉開薄餅會有少少拉絲狀態 🧀 六件份量算好多而且口感豐富，小編同朋友都食唔晒～ 🤪🍗 是拉差醬法國雞翼 😋😋😋😋😋三件雞翼都炸得好脆，咬落好juicy 👍🏻 是拉差醬有再調教過，除咗本身辣醬嘅味道，亦帶點酸甜creamy質地嘅口味～ 係另一個加分位！ 🍽 鮮忌廉野菌煙三文魚長通粉 😋😋😋😋煙三文魚切成小件，伴埋鮮忌廉同野菌一齊撈落煮得較硬身嘅長通粉，上面仲灑上少少芝士，增加奶油口感～ ☺️ 晚餐 💵💵💵💵 約港幣$160/人💁🏻‍♀️ 依家香港嚟講，依個價錢算係中規中矩～ 佢哋嘅食物都好對得住收費！服務又唔錯 😊 小編覺得好值得幫襯～ 希望佢哋繼續keep住依個水準 💪🏻

葵芳呢間牧羊少年咖啡館其實都食過好多次位置都幾方便 係新都會隔離 葵青劇院入面佢哋有室內同室外位 但炎炎夏日當然就坐室內啦！ 咁多年鋪頭都冇咩大變化水準依舊 坐得舒服 係媽媽都會鍾意嘅 cafe~一段時間冇嚟 似乎佢哋轉咗新嘅 Lunch Menu今次試咗佢哋嘅蒜香珍珠帶子藍青口意粉意粉彈牙 海鮮份量足夠 加上蒜油好香 自己本身鍾意食細細粒嘅藍青口 所以呢個我幾鍾意～值得一讚嘅係佢哋嘅咖啡 似乎應該係換咗咖啡師 今次仲拉咗個超靚嘅花😍以前嚟嘅時候 仲記得佢杯咖啡偏苦 唔太好飲今次再試 加咗好多分！！ 媽媽就食咗佢哋嘅All Day Breakfast （快手得濟影唔切🫣)超大份 好足料 最鍾意佢哋就乳酪同 Granola～比普通嘅 ADB感覺清新啲

今晚約了一位摯友出來傾喫吃晚飯，本想找一間靜靜地的地方，但是大家都知道近日香港晚市一般，我找了一間Cafe位於葵青劇院旁邊， 環境很寧靜，而且甚有文青feel， 加上今晚是星期一，食客真的不太多，侍應們服務非常殷勤🙏🏻!這裏是使用電子落單的，雖然Menu選擇不太多，但感覺上呢間餐廳的風格是專注貴精不貴多，每款食物放得上嚟menu，都是很有信心的!首先，我們點了一個「照燒汁煎乾蒜美國牛柳粒」做小食， 這裡的做法是將美國牛柳粒用照燒汁調味，最後放上炸過的蒜片鋪面；雖然是簡簡單單，但是啖啖肉的牛柳粒非常惹味，真的一試難忘!跟著，我們order了一個「千島海鮮薄餅」， Pizza份量非常足料，有大蝦、原隻墨魚仔、蟹柳和一個個軟綿綿的水牛芝士，再配埋千島汁和酥脆餅底，熱辣辣香噴噴， 真是食到停不到口! 最後，出場的是「粉紅香蒜醬水牛芝士杏片雜菌意大利粉」， 雖然這個是素菜意粉，但單看賣相已經非常吸精，粉紅色的意粉軟硬度適中，蒜蓉醬汁剛好掛在每條意粉上，再加埋雜菌、杏片和水牛芝士的配搭，整碟意粉都非常有水準!若大家想在葵青劇院看show前醫醫肚， 又或想約朋友在葵青區食個有質素的晚餐，小妹提議大家

餐廳環境有氣氛，有室內及露天座位選擇。我地兩個人叫左4樣野，都幾飽。店員會keep住refill 水，同埋都幾有禮貌👍🏻燒汁焗八爪魚丸起初我地以為係日式章魚燒個隻章魚丸先叫，不過明顯係我地get錯，stereotype 太厲害🤣 呢款八爪魚丸幾實淨，似墨魚丸，不過佢有個甜甜地既汁，同八爪魚丸一齊食幾特別。蒜香清酒珍珠帶子牛油藍青口意大利粉意大利粉整體份量多，味道唔太濃，意粉彈牙，有淡淡蒜香牛油味。珍珠帶子同青口份量多，但冇乜味道，好健康既感覺 🙈牛肝菌大啡菇黑松露醬薄餅薄餅配料份量正常，薄餅大份，係脆餅底，食完唔會太飽，味道都不錯，好濃芝士黑松露味，火箭菜令口感更豐富。法式蘋果撻配雲呢拿雪糕帶少少酸味的熱蘋果撻同甜甜的雲呢拿雪糕襯得好好，一片片的蘋果亦增加整個甜品的層次感，有驚艷到🤌結論🫰甜品出色，整體亦不錯CP值：7.5/10餐廳資料餐廳名稱：牧羊少年咖啡館 (葵青劇院)餐廳地址：葵芳興寧路12號葵青劇院地下2號舖

下午茶有很多甜品可以選擇，不過我自己覺得咖啡是比較特別的，除咗可以飲到高濃度的咖啡，上面還有小忌廉花，除了外形特別之外，口味也相當符合少女風。而且餐廳的裝修有很有情調。

平日的下午茶時段，餐廳冇乜人，我哋叫了牛油果多士、炸小食拼盤、鮮茄牛肋飯。那多士佈滿牛油果和炒蛋，一點都不吝嗇，不過多士口感和整體味道冇乜特別。小食拼盤有炸薯條、雞件、一粒章魚丸和德國腸。這拼盤份量算多，一個人真的食不下，分嚐就好。嫌薯條鹹了點，雞件肉質嫩。但飲品，咖啡苦了點，不香；水果茶只是一片橙及西柚，沒有茶香味。唔明點解咁多人光顧？！ 或者下次試吓甜品和主食