牧羊少年咖啡館 (K11購物藝術館)

本身對連鎖餐廳無期望，特別係幫襯過其他分店，一般都係中規中矩，加上星期六人多，對服務同質素都無諗太多。點知，食物有驚喜，好食！最最最值得一讚係侍應哥哥幫我地渣機影相，完全係細心又有心機！食得好開心，真心推薦！…查看更多

同朋友好耐冇見，行吓K11 ，經過見到呢間Cafe就決定嚟呢間食晚飯，排咗一陣隊先到我哋有得入座，呢間無論正餐定係甜品或者飲品，都好吸引，幾好食幾好飲。有好多款意粉我都想食，最後揀咗個忌廉野菌煙三文魚意粉，我試了幾款都岩我口味。忌廉野菌煙三文魚意粉，醬汁濃淡剛好，不會過膩，煙三文魚的鹹香與野菌的鮮味也搭配得不錯。麵條軟硬適中，整體吃起來順口。甜品點了Tiramisu，口感綿密，咖啡和酒的比例平衡，不會太甜。叫左黑糖咖啡，表層微脆的黑糖與深焙咖啡的苦味融合得恰好。同埋員工態度幾好。值得大家黎。…查看更多

夜晚想喺尖沙咀K11食個飯，發現好多餐廳都收好早🥲 然後食咗牧羊少年 (食過好多次，唔算好驚喜但又唔會中伏嘅感覺🙂‍↕️)🪄 馬來叻沙咖哩鳳尾蝦意大利粉 ($128)味道唔錯，咖喱幾香幾惹味，唔算好濃～啲蝦都彈牙幾fresh🦐 不過唔知係咪準備收工，擺盤好似麻麻哋，好似就咁炒埋一堆就上碟🤣 呢個價錢會期望佢擺得靚靚地～🤣.一句總結⚡️意粉唔錯幾好食，但呢款唔係幾打卡able🤣🚙 泊車指數: K11商場有停車場同有免費泊車優惠～ 街錶嘅話河內道都有一排，最近街錶好似易泊咗 🙂‍↕️…查看更多

每間牧羊少年咖啡館都有不同特色，K11這間既特色就係藝術座位設計，地方唔算大，但大部分都係BAR枱設計，營造客人relax傾偈飲野既氣氛。今次同朋友二人行行下想搵個地方坐底傾偈，就坐係門外bar枱，點左兩杯特式飲品，芒果茉莉茶忌廉芝士奶蓋和冰梨無花果白桃烏龍芝士奶蓋，大家都覺得生果味配搭得幾清新，不過奶蓋略太厚實，下次再點會點非奶蓋果茶或經典咖啡類。…查看更多

之前去咗尖沙咀嘅牧羊少年咖啡館，真係食到停唔到口～成餐都好有驚喜！🍔 厚切芝士雞扒番茄沙律菜奶油漢堡包呢個漢堡真係夠晒厚！雞扒煎得啱啱好，外脆內嫩，配埋濃郁芝士同奶油醬，咬落去超滿足～沙律菜同番茄又平衡返少少油膩感，整體好夾！🍗 炸雞翼配蕃薯條雞翼炸得香脆，啖啖肉又唔會太乾，仲有少少辣味好開胃～蕃薯條就甜甜地，炸得外脆內軟，唔係普通薯條咁單調，幾有特色！🍰 卡魯哇咖啡酒提拉米蘇呢個提拉米蘇真係有驚喜！咖啡酒味好香但唔會太濃，入口滑溜又有層次，甜度啱啱好，食完好滿足～🍌 Granola 香蕉雜莓希臘乳酪希臘乳酪夠滑，配埋香蕉同雜莓好fresh，Granola脆脆地又有口感，係健康之選！環境方面都好舒服，文青風格，坐低慢慢食慢慢傾都好chill～…查看更多

🥗牛油果香芒烤雞沙律配日式胡麻醬 $118跟餐 黃金蕎麥茶一入到餐廳就俾呢個沙律吸引住，枱枱最少都會有一份，可想而知有幾咁吸引🤩沙律本身份量就好多，佢額外仲有半個牛油果，半份芒果，一份烤雞，仲有十幾粒脆合桃，簡直係健康之選😋芒果超甜都不在話下，烤雞唔會有過多嘅調味，就咁已經好好食🤤另外佢有牛油果增加飽腹感，合桃香脆可口，真係值得一試😍我跟餐配埋凍嘅蕎麥茶，低卡又解渴，好飲🍝避風塘炒蟹肉意大利粉 $118跟餐 水果茶跟餐 抹茶牛奶同事就叫咗個意粉，我試咗一啖，發現超級惹味。之後聽佢哋講呢個意粉唔係成日都有，餐單上面一有，佢哋都會點，估唔到真係咁好食😋係一個好有鑊氣嘅意粉，配埋啲蟹肉一齊食，正😍係一個fusion菜，港式配西式估唔到咁夾🤩水果茶賣相幾好，有一細楷西柚係面，可以食住西柚開胃吓🤣另外抹茶拉花都唔錯…查看更多

🍽️食物方面： 🍳流心蛋腐乳卡邦尼意粉💲118好creamy 唔重腐乳味 幾好食🍤千島海鮮薄餅💲148快到嚇親 正常發揮 薄底嘅pizza🍐冰梨無花果白桃烏龍芝士奶蓋💲48幾夾 唔滯 有驚喜🍍氣泡鳳梨lemonade💲42清新得嚟唔酸 📷打卡方面：木系裝修🔈環境方面： 有啲逼 有昆蟲飛嚟飛去💬其他資訊：牧羊少年咖啡館📍尖沙咀河內道18號K11購物藝術館B2樓B227號舖…查看更多

記掛著黑糖咖啡的味道，所以再次光顧。上次晚飯時段過來速食，晚餐選擇也算是多，吃了意粉、油封鴨腿；後上的熱黑糖咖啡入口有驚喜，但那次趕著跑過去Musea 看電影(因為自己誤會了戲院的位置所在:(但也錯有錯著)，未有認真享受那杯咖啡，今天經過便再次光顧，沒有失望；咖啡香濃度甜度(要了少甜)很合我的口味，在非繁忙時間到來喝杯熱咖啡，很悠然。…查看更多

當晚我同朋友慶祝佢嘅生日，我選擇左呢間試下，當時比左張2位嘅矮枱比我地，但我哋叫左好多嘢食，張枱根本放唔晒，個女待應強要放低，要拎走我地兩杯水，因為唔夠位放，我朋友佢冇叫嘢飲的，好自然地“吓”了一聲，個女待應就呼喝佢：“你一陣要嘅我先再比你” （好似係感覺比人兇緊咁樣），根住我見到高枱有一張冇人坐，我話可唔可以比我地轉過去，因為真係啲嘢食放唔落，但女待應碌大隻眼望住我地，用同一的聲氣答我：唔得，唔比轉枱。我最終同一個類似店長嘅人理論，佢最後都轉左張高枱比我，但成餐飯已經不太開心了。講真，食物質素係幾好味的，但配搭呢啲unprofessional and untrained 的服務態度，直接破壞晒成餐飯開心嘅氣氛，留下一個非常差嘅印象，我會black list呢一間，比錢黎食仲要食到一肚氣。感覺好似恩賜我一張大啲嘅枱比我咁，做服務行業都要自己觀察下啲客有冇實際需要而作岀調動或者識得臨場執生吖。講句公道說話先，我都食過銅鑼灣牧羊少年，完全唔會咁樣咁差，啲店員仲會同我地傾下計，話比我地知佢地用嘅飲管係用米做，傾兩句令到食客感到好舒服開心。K11呢間冇下次了，劣質⋯⋯…查看更多

黎過幾次，門口都係超多人，預左等好耐先有得食。餐廳細間，所以位置好迫，好好彩分到兩人單邊位。餐廳雖然多人，但服務都幾好，杯水一飲完就好快有refill.食物份量多，好食，價錢都可接受。如果唔想迫又想食呢間餐廳建議去單車館分店。…查看更多

全港有好多分店，成日都大排長龍，所以都好期待今次既用餐——————坐位偏少加上假期，等左大慨30分鐘安排入座——————叫左個漢堡，意粉同得獎嘅葡萄咖啡漢堡上台既時候係微暖，感覺已放左一段時間🤔手斯豬肉都淋，味道不過不失意粉等左差唔多20分鐘先有😅，味道唔算太特出——————以為咁多人排隊，應該會唔錯，點知大失所望，食物質素一般 ，價錢偏貴，lunch主食加野飲都差唔多$200，係尖沙咀有更好既選擇☺️…查看更多

這間位於尖沙咀K11 Art Mall 的牧羊少年咖啡館，完全沒有咖啡館應該擁有的閒適氣氛，比快餐店例如麥當勞等等更噪吵，更加不及連鎖咖啡店如Starbucks 和Pacific Coffee。它的坐位也十分之狹少，壓迫感太大。因為太噪吵和太擠迫，在這裏坐下來，無論交談或者看書都不行。香港比它氣氛好的咖啡店不知凡幾。食物和咖啡無甚特別，性價比也不特別地高。只能說是中伏。OpenRice的投票不能盡信。無語。…查看更多

-好耐之前食過呢間嘅葵芳分店，原來依家總共有10間分店~ 每間嘅野食係差唔多選擇，但係氣氛就有啲唔同，例如尖東文化中心嘅會有cocktail chill 啲，尖沙咀K11 商場店會比較迫少少🙉 野食方面幾滿意，二人set好豐富有好多選擇，如果3-4個女仔 2人餐加多個main 都好夠😙2人套餐 $428🐓小食：士拉差醬炸雞翼 雞翼炸得好香脆而且唔會油膩，表面係乾身，士拉差醬都幾惹味，同埋雞肉部分都好濕潤😋🍝意粉：流心蛋腐乳卡邦尼意粉腐乳味意粉聽落都幾新穎~ 意粉texture岩岩好幾好食，不過腐乳味就比想像中少好多🙈🐷主菜：慢煮BBQ醬豬肋骨Ribs 嘅肉好冧，BBQ醬都唔會太鹹👍🏻 底下嘅番薯🍠條好好味，甜甜哋而且外層好香脆🫶🏻🍹飲品野飲有好多特飲嘅選擇，推介芝士奶蓋沙冰☺️🧀甜品：特濃半熟芝士撻 (+$48)幾鍾意個Cheese tart，真係好夠濃，岩哂鍾意食芝士嘅人😚🍕千島香芒牛油果雞肉薄餅 $118呢個pizza 餅底唔錯唔會太乾，不過千島醬可以再濃啲，配料幾特別都算夾😛📍牧羊少年咖啡館尖沙咀河內道18號K11購物藝術館B2樓B227號舖…查看更多

服務態度真係好差，問少少嘢話有字唔識睇，唔耐煩不特止，仲要暗串人，以前都幾鐘意食呢間餐廳，野食真係好食，真係俾前台串到，真係好唔開心。香港宜家嘅服務態度真係嘆唒氣，我以後都唔想再黎呢間分店…查看更多

今日到k11的cafe 吃午飯，午餐時段，坐無虛席，十分熱鬧。午餐由$98-$148，有餐湯、主食和飲品。餐湯係蘑菇湯，蘑菇湯味道唔係好香濃，但口感10分香滑，質地比較似水狀，唔會太膩，幾適合炎熱嘅天氣。鹽趜燒比目魚$148鹽趜燒比目魚份量十足大大件！魚肉相當嫩滑，啖啖肉，又冇骨，充滿油分，帶有淡雅的鹽趜咸味，吊起魚味。配菜有烤澳洲西蘭花，口感脆嫩，還有惹味的普羅旺斯燉菜，南瓜軟綿綿10分香甜，好吃。Cappuccino +$8咖啡口感香滑，富有堅果味，而且有咖啡甘香嘅味道，味道濃郁，但係唔苦，水準唔錯。…查看更多