牡丹金閣 (天慈商場)

營業中

休息中

在天水圍探朋友，順道在附近晚飯；天慈邨的「牡丹金閣」主要做街坊生意，價格較相宜；小菜每客大都100元左右。吃中菜當然要有魚有肉又有菜！漁香茄子肉碎煲（$88）火候十足，熱騰騰的香氣撲鼻，調味充足十分惹味！茄子新鮮軟熟易入口，伴飯最佳之選！菠蘿咕嚕肉（$98），老幼咸宜。酸酸甜甜十分開胃，份量充足，味道亦不錯。翡翠炒龍躉班球（$158）西蘭花課新鮮爽脆，龍躉班魚肉成一梳梳的，班片厚肉，美味推介！跟好友言談甚歡，卻不知何日再聚了。

見到酒樓你會諗起咩？🧠💭我就會諗起細個一放假就會同屋企人去飲茶👵🏻👴🏻👨🏻👩🏻👦🏻👧🏻牡丹金閣都係由細食到大嘅🫖🍵🍽️突然心血來潮❤️‍🔥❤️‍🔥❤️‍🔥甘擇日不如撞日，撞日不如今日🛎️「得閒飲茶」唔係得個講字嘅 ！📢「Just Do It」✔️📌迷你點心拼盤🦐一個點心拼盤有齊曬養顏紅棗糕、潮州蒸粉果、薑汁雞包仔、蟹子燒賣王同牡丹蝦餃皇，每款食一件就唔使食幾籠咁多，甘岩胃仔細細嘅女仔📌藥膳浸雞腳🐔🦵🏻 $29.8D 藥膳勁濃郁，所有雞腳都浸到入曬味📌雞絲滑粉卷🐓 $23.8果然好滑捋捋，一食就由喉嚨滑到落肚仔📌蒜蓉蒸鮮魷🦑 $28.8好重蒜蓉味嘅鮮魷，有粉絲墊底，好飽肚📌魚肚滑雞扎🐟🐤 $31.8冬菇、雞件、魚肚、芋頭同腐皮夾埋一齊，索曬啲湯汁，好正📌鮮蝦腐皮卷🦐 $28.8勁多蝦，熱辣辣、脆卜卜📌安蝦鹹水角🦐 $18.8岩岩炸好，外皮脆口，裡面Q彈，夾埋鹹鹹嘅餡料，好惹味📌鳳爪排骨飯🐔🐷 $20.8 &📌北菇滑雞飯🐓 $20.8細個一飲茶就會聽到d 姐姐推住車仔大叫「鳳爪排骨飯」、「北菇滑雞飯」，好似係酒樓食特別好食📌蔥花炸兩腸 $28.8炸兩腸粉皮薄又滑，油炸鬼👻甘鬆脆，口感豐富📌茶芥🫖 每位

聽到朋友講過呢間係天慈商場*牡丹金閣*食物都唔錯🤔今日去咗試吓、去到酒樓入到去11點、都仲有好多客人差唔多爆哂😯、整間酒樓每一枱距離都唔算近坐著感覺都唔錯、每一款食物都算好有水準我覺得都幾好☺️！.迷你點心拼盤 $32.8呢一款點心拼盤都幾抵食🤔、一次過食到5款不同點心🤭、有牡丹蝦餃皇、 蟹子燒賣皇 、薑汁雞包仔外皮軟綿好香雞肉味😙、潮州蒸粉果外皮煙糯餡料豐富啖啖口感、 養顏紅棗糕入口煙糯甜度適中、每一款都好食、尤其是有兩款牡丹蝦餃皇皮薄通透感軟糯、蝦肉鮮甜爽口😋、蟹子燒賣皇賣相吸引🤤、啖啖口感味道美味好正、兩款夠哂大隻😯！.鮑魚燒賣皇 $30.8呢一款一籠兩件鮑魚燒賣皇望著夠哂吸引🤤、有兩隻鮑魚仔入口煙韌美味😋、配埋燒賣皇口感豐富雙重享受🤭！.名醬蒸鳳爪 $22.8呢一碟醬蒸鳳爪好有地道風味、整碟係店家用咗自家製醬汁而製、食到入口鳳爪外皮鬆軟😋、味道特別完全入哂味！.安蝦鹹水角 $17.8呢一款安蝦鹹水角都係好有全統風味🤔、整隻鹹水角漲卜卜外皮甘香脆薄😚口感煙糯、包裏美味嘅饀料入口都好好食😋！.櫻花蝦海皇炒飯 $98呢一碟櫻花蝦海皇炒飯賣相睇得吓🤔、整碟配料夠哂豐富色澤吸引🤤、金黃一粒

其實平時都好少差評人，好食嘅值得上嚟讚，唔好食嘅又好少差到要去特登寫衰佢～但係呢間真係唔講唔得！！！ 住喺附近咁耐一直都未試過呢間茶樓，見今次星期六有時間，突然間諗起佢，就同屋企人去下飲下午茶。一入到去環境有少少殘舊嘅感覺，啲枱擺得好迫，都唔緊要，入咗嘅時候冇講明有冇分搭枱定唔搭枱嘅位，我哋食食吓嘅時候無啦啦叫咗其他人嚟搭枱，完全冇問過我哋同唔同意🤬 而且重點係，周圍仲有好多吉枱未滿場，完全唔明點解要迫人搭枱，話晒都仲係疫情期間，仲要冇隔板🌚🌚 職員衛生意識十分差劣！飲茶必食，煎腸粉，其實佢上枱嘅時候係夠熱，而且煎得脆脆地幾香嘅～但係配上嘅竟然係甜醬加辣醬，之後我再問店員拎麻醬，佢話冇。下，咁大間酒樓，一碟麻醬都拎唔到俾人？同埋點解可以覺得食腸粉唔提供麻醬？🤬🤬🤬🤬🤬老老實實，去街市買$10四條嗰啲腸粉都有啦！咁大間酒樓真係要反省吓⋯⋯⋯⋯⋯淨係呢樣嘢已經要Blacklist唔洗食😒仲要其他嘢食都難食到__！叉燒包個皮外面係硬嘅，似擺凍咗好耐😵‍💫 金磚豆腐個皮好似食炸粉咁⋯⋯⋯ 芋頭糕成舊野勁粉！勁難食但係仲有好多屋邨廢老，冇要求，咁都食⋯⋯⋯⋯⋯ 睇嚟佢哋都係唔會進步，只係想提醒大

鮑魚燒賣有兩粒，鮑魚雖然細細粒，但十幾蚊都幾抵食，蝦腸腸粉軟滑，蝦肉彈牙。沙嗲魷魚都好惹味香濃，白蘿蔔也清甜，豬肚蒸得好淋好入味，仲有咸酸菜做配料醒胃，春卷香脆有口感。

上枱發現時蒸籠，牙姐同我地都睇唔到有牙籤，食果陣先發現，我以為我眼花見到有牙籤😂😂😂再睇真啲係有肉渣。即時搵職員A睇睇，點知職員A仲夠膽出聲同我講唔係呀，一路行開一路講啲牙籤仲要斷開兩邊仲唔係有人揀完？😂😂其實我都預咗蒸籠唔會洗，但無諗過睇都唔睇就上枱俾人囉然後仲要死口同我講唔係，職員A拎走之後完全無下文，係咁向職員A揮手之後都扮睇我地唔到，我同事就去問職員B到底係重新蒸一份定係幫我地取消，結果職員B好惡咁覆我同事話要蒸架，職員A見到職員B行過來而加係你地衛生問題搞到我地要return返俾你地，然後無下文，而加搵人覆我地仲要兇返我地？可能我同食物太有緣，都唔係第一次😂😂*開張以來一直都有食，係夠平，味道唔叫難食，但係經過哩次唔會再去，平都無用。*

買左個叉燒油雞飯 特登加錢轉雞髀點知返屋企打開盒飯 入面有兩舊係雞胸黎加咗錢比唔到要求嘅商品 係咪違反商品條例？咁樣呃人錢都第一次見 想魚目混珠？啲野又唔係平喎 真係垃圾

今日母親節，收費特別貴就預咗，叫咗幾碟點心份量都唔少，尤其排骨、雞紮、牛柏葉都都相當大碟。但係質素呢，碟牛肉腸粉話到俾你聽，一咬成舊生粉未溶喺入面，咁都攞出嚟俾人食，正常人都唔會就咁食一大啖未溶嘅生粉啦。。。。。之後請部長處理退款，佢話話到事嗰個唔喺度，只可以換過同價錢嘅俾我。唯有換籠流沙包，起碼唔會落生粉嘛。流沙包個味道還好啦環境好一般，唔會感到好乾淨。但特別想講成個場非常熱，一路食一路滴汗，食到成頭汗。無下次了。

知道天慈新開左一間酒樓，就打算入去試吓。去到都大約8:30，侍應都唔太多，個場大約得五六張枱客。我哋首先叫咗個二人餐：1. 上湯翡翠大海蝦伊麵底：分量多，味道不錯，可惜蝦唔算太新鮮，似一早煎好再放落伊麵燘。芡汁打得略為深色。2. 鮑翅仔燉螺頭：套餐包左兩盅燉湯，個人10分欣賞，湯夠濃，螺頭好淋，都有足夠份量嘅鮑翅仔，仲有白菜。3. 清蒸沙巴仔：呢條魚蒸得唔錯， 岩岩好， 魚肉夠多！新鮮！4. 走地雞半隻走地雞顏色不是太美觀，不過肉質算淋身，冇咩雞味，但不過不失。對得住套餐價錢。因為有第三個朋友趕來，所以另外叫咗一碟例牌燒鵝和花枝片炒花枝片蝦球。燒鵝味道夠，份量對得住價錢，肉質比較偏瘦，但可接受。西蘭花炒得時間過長，不過個人都鍾意食比較林身嘅西蘭花，所以冇咩所謂；值得一贊係花枝片同埋蝦球都爽口彈牙所以都值得推介。酒樓入邊仲有好多推介，影低咗主要嘅孖寶套餐，同埋燒味。

為咗方便婆婆，所以揀喺佢屋企樓下飲茶，而家轉左手牡丹金閣，真係一個惡夢。首先食物已經唔好食，蝦餃勁鹹，粉果入面啲花生炒到燶咗，炸兩入面嘅油炸鬼又凍又唔脆，薄罉都係唔脆而且好厚粉。食物唔好食都算，我哋見到派點心個姐姐將跌咗係㗎點心車上面嘅燒賣執返落個籠度照落枱比客食，另外點心張單痴住咗啲蝦餃，都唔知道張紙之前有幾多人掂過，就咁直接痴喺食物上面，衛生意識真係好低！尤其是而家有肺炎，呢度又咁多老人家幫襯，我覺得管理層要再教育下啲姐姐，以免日後有同樣嘅事情發生。我因為工作關係都會返大陸，腸胃一早鍛練到好堅強，但今日食完返到屋企都肚痛😞

食物質素唔差, 抵食夾大件, 不過 點心質素同元朗牡丹金閣相比就差少少, 元朗嗰間好食啲，但論價錢呢間平少少 , 可惜 有兩位 工作人員將地拖頭放到飲用熱水出水口上沖洗， 其中一個 使用 用過 枱 布 鋪在地上抹地用， 拖完地之後 沒有 更換手套 ，直接清洗茶壺， 洗完 茶壺 再去沖茶，繼續工作。 同員工反映意見， 他們表示人手不足，叫我們多多見諒。 有點可惜， 原先我見佢新開張好開心，有間質素唔差的酒樓， 現在呢個狀況又令我再卻步