牡丹亭

營業中

休息中

好耐一段時間無食牡丹亭，我地3大1小叫咗咕嚕肉+上湯龍蝦伊麵$298、海鮮豆腐煲$88，特價乳鴿$18，個上湯龍蝦伊麵啲麵好碎，一夾就散，同樓面阿姐講，佢話淥過籠，重新整個麵俾我地，好啦～係重新淥咗個麵，但完全無味，碎果啲索晒啲汁，你重新整個無味嘅伊麵乜都無落叫人點食呀？仲要發現有條頭髮，當堂乜胃口都無，同阿姐反映，佢話唔好意思。。。咕嚕肉好酸，一落枱就已經聞到好重醋味，諗住自己食得酸都接受到，但都係又酸又難食，之前食過係幾好味，無諗過而家係勁難食！海鮮豆腐煲都難食，急凍海鮮有仿蟹柳果啲===＞一睇唔洗試都知無味，但唔明點解有半煲菜芯墊底，反而豆腐勁少！！！勁重麻油味，除咗麻油味我食唔到其他味😡😡😡個特價乳鴿更加唔洗講𠻹！餐飯真係得我奶奶食最多，平時佢食最少，唔係因為佢啱食係因為怕浪費，佢唔俾我地浪費，我食咗半煲菜芯同半嚿豆腐，嗦咗兩嚿無乜肉嘅✌️龍蝦✌️，本來想食埋啲咕嚕肉但最終酸到放棄。。。好難食！好難食！好難食啊！！！生意越做越差有原因！絕對無下次！

一向好鍾意飲茶偶爾得知顯徑有酒樓，就去試下平日茶位$9小點$17 中點$23 大點$27 特點$33 頂點$37早茶特價點心$18~25之間價格唔貴屋邨茶樓，冇乜期望點心黎到時有d驚喜燒賣$24，足料，唔會d肉一pat pat，蝦都係新鮮既牛肉$20，對得起佢價錢，唔係溝好多粉冇質感個種奶皇包 中點$23，係傳統味道，不過不失，冇個種奇怪奶精味鮮竹卷 $23，唔係唔好食，但佢係湯浸一舊新腐竹野，冇炸過，同我想像中既差距甚大茶叫左普洱，唔差，有d味，都冇乜要求啦~今時今日飲茶，d茶唔苦澀就偷笑 雖然住粉嶺，有d遠不過呢間水準不錯，有機會會再去食

今日到這裡同家人慶祝生日，為方便自己先用紙寫好號碼及菜名，交比一名約50-60歲的女待應，跟住個待應就話佢地一定要寫,號碼，因為自己吾識字，但我已寫咗號碼，咁佢一定要我再講一次，好，我再講，佢又話自己聽吾到，又哩樣又果樣，呼呼喝喝咁，態度差到無人有，咁我有老人家，小朋友怕咗佢，問其他待應可吾可以揾其他同事招烀我地，費是同佢鬧交，佢就發哂狂咁鬧我，想攪事，根本精神有問題，如果有老人家，小朋友去這間嘢，真係要小心。

今日突然好想飲茶，就跟左媽咪日日去既隱世茶樓，話雖隱世，但其實好方便去到既，係屯馬線既顯徑站步行5分鐘就到😉哩間茶樓絕對係性價比高，地方闊落，服務態度都好好👍🏻點心熱辣辣新鮮出爐，而且選擇好多！{ 蟹籽燒賣 四粒都大大粒，蝦肉彈牙，我個人鍾意點埋辣椒油一齊食🤤｛ 鮮蝦腐皮卷外皮炸得好鬆脆，裏面既餡料都好full😍{ 流汁奶皇包 撕開個包啲奶皇即刻流曬出來😋食落仲有啲鹹蛋黃香味｛ 鳳爪排骨飯一搬鳳爪排骨飯都係得一隻鳳爪，哩到既係有兩隻，排骨好入味，而且啲飯一粒粒，唔會好淋👍🏻{ 招牌蝦餃王蝦餃外皮晶凝通透，佢既蝦肉同樣爽口彈牙，味道絕不輸高級酒樓架🤤

很久沒有去顯徑舊屋了，平時跟屋企人都到酒樓飲茶，今次就試試冬菇亭這間餐廳飲茶!餐廳座位很多，而且都幾多人食!餐牌上有多款點心可以選擇，令人眼花暸亂!飲茶當然要吃蝦餃、牛肉球、煎腸粉、鳳爪、雞扎、腐皮卷等點心，而這裡的蝦餃皮薄晶瑩，蝦肉彈牙！牛肉球口感都唔錯，唔會整到太霖，加入喼汁後更美味！煎腸粉煎得香口，加入花生醬和甜醬十分美味!雞扎估唔到整得咁靚，入面有雞肉、魚肚、火腿和芋頭，味道淡淡的，不會太咸!腐皮卷外層鬆脆，內裡餡料滿滿！

今日同屋企人去咗位於大圍顯徑商場嘅牡丹亭，餐廳喺冬菇亭入面，主打傳統中菜，相當有懷舊氣息。近呢幾年都好少去室外呢類型嘅冬菇亭，今次真係要好好感受吓。我哋點咗咕嚕肉：金黄酥脆的外層包裹着嫩滑多汁嘅豬肉，醬汁酸酸甜甜，balance咗豬肉嘅油膩感。每一啖都好有層次感，香脆得來又多汁有咬口，相當好味。另外叫咗個金銀蛋莧菜：碧綠嘅莧菜，同埋鹹蛋皮蛋兩款一齊，蛋香濃郁，咸鮮適宜，莧菜爽口，整體營養與美味並存，展現家常菜嘅溫馨魅力！最尾甜品紅豆沙都相當唔錯，質感細膩柔滑，紅豆慢火熬煮至軟糯，味道清新香甜，入口即化。

話說今日阿公約咗舅公食飯喺附近搵間坐得好小小嘅地方就得啦呢度最好不過啦😉傳統中式菜館 一坐低就開茶水嗰種🫖一睇餐牌 阿公同舅父就雙眼發光🤩見到龍蝦伊麵餐🦞 就係一龍蝦伊麵 再配兩個餸我哋揀咗咕嚕肉🍖 同 金銀蛋莧菜🥬再見到$28 就有嘅粉絲金蒜蒸帶子🧄點可以唔叫🤣🤣🤣🤣全餐飯都係$300落樓 抵🤙🏼🤙🏼🤙🏼臨走仲送紅豆沙🥰講食物質素龍蝦啖啖肉 無呃秤嘅😋伊麵就淋咗小小 不過份量夠 兩個人飽哂咕嚕肉做到脆面 正正🤭🤭金銀蛋莧菜睇相已經知蛋極足 夠哂咸香帶子係大隻嘅 完全物超所值下次一定要再食 仲有好多嘢未試過🤩

貴又難吃、服務態度極差。短頭髮果個女部長為首果班狼淨係掛住收利是，唔俾利是嘅一概唔理，我哋等左成個鐘催促左6，7次都無上過菜，完全被無視，年初二已經要加二，重要咁嘅態度，我black list 硬佢啦，◼️🏠，只是一個簡單的炒飯、會比薑蔥蠔還要耐，追到部長時，只是說有沒有之前追過，簡直想問他有沒有思考能力，等左30分鐘開始已追，只是沒人理會話會看，最後還要蠔到仲要等多30分鐘炒飯才有，叫他重新番熱又不耐煩。真是不去也罷。

週一早上大約10:30到酒樓吃早茶，剛巧酒樓一邊廳冷氣壞了，需要走到去另一邊廳，人很多，我們三人行推着長者輪椅，很難找到座位，服務員見狀立即上前殷勤幫忙找位置，座位安排得好好。食物也算不錯，價錢經濟實惠。酒樓位置方便，不用搭lift上落樓梯，中間有斜坡仔方便推上酒樓兩邊。酒樓內冷氣足夠，點心多選擇。經常幫襯。一家大細融洽享受用餐。茶樓地方不算大，如附近枱客說話大聲也會有點嘈。晚飯自備蛋糕不用另外收切餅費。