牛角Buffet (雅蘭中心)

營業中

休息中

牛角食過幾次，但第一次食放題呀🤣我好鐘意食燒肉加好多好多飯架！ 本身想夜晚做gym...但諗諗下都係赴朋友約去食燒肉。🤣🤣🤣—————我地簡左Level 3, （好似有5個level 簡，愈高愈貴，牛靚d...) 因為見到好多”new”item. 跟住3個人加左啤酒， 其他6人就飲果汁，汽水個d...見出面仲有雪糕，好似都ok gum. 但我個肚到最後真心冇位。一黎食左好多牛，二黎係我食左兩碗牛角飯呀😃😃😃牛角飯加一至兩粒蛋同好多好多既紫菜，一定可以餵飽我。😛😋😝—————最後食物其實唔太注重擺盤，因為係放題嘛。都照放一張相啦😂

聽朋友講好耐無食肉既放題, 就念住去MK撞下有冇好野食.念起牛角都岩我地食,又就腳所以去試.去到門口見到好多龍珠野以為去錯模型鋪, 又咁岩個女職員同我地打招呼,之後安排入坐裝飾好靚,我地坐2人一爐, 之後有TAB落單,,,包無甩拖D肉好好味, 有咬口,肉汁適中, 仲好好幾款醬汁同GARLIC比你做配料, 燒烤工具又齊, 有剪有夾, 應有盡有, 火力又夠大.配菜SALAD BAR又新鮮, 甜品有生果同焗餅, 仲有悟空味雪糕, 同可以扭文味飲品都有5-6種, 汽水果汁夠凍. 水準很有, VERY GOOD的一餐

自助落單,用平板電腦下單大約幾分鐘就送到唔會拖單,唔會甩單幾十款單點美食食盡拉麵冷麵,燒肉飯日式小食炸物薯餅等等飲品有咖啡機,果汁,可樂等等食盡見島牛多個部位仲可以試埋雞腿雞胸,魚柳,牛舌,牛肚等等多種仲可以食埋牛角名物冷麵跟自家製牛角飯配上醬汁,紫菜,白飯調出你的招牌牛飯配搭燒肉超正!仲有自助沙律吧冷麵,漬物等等位置雖多,但每日人流超旺,想食到晚市要一早到場排隊取飛有朋友試過5點取票,8點才有得吃....座位尚算舒適,不會太迫食完也不會一身油煙味!質素都係非常高油花平均但不會太多,烤起來好好吃爐力夠大,快速封鎖肉汁食到最鮮嫩既牛肉只要注意爐火,大約1-2分鐘就將肉反面再烤3-4分鐘就可以食到超嫩既燒肉仍然有肉汁雞脾肉就比較厚肉,可先放爐邊最後接近熟就將肉放爐中間位置3款醬汁鹽醬,燒肉汁,辛味醬汁我覺得鹽醬味道比較濃,配雞肉,豚肉比較夾燒肉汁配和牛就最佳,味道不會太濃不用每次都點太多款式將肉放爐上再追加也可上菜超快不甩單,呢點超抵讚

第一次食牛角buffet，排隊超過一個鐘，眼見佢好多唔同價錢，但都唔平，最後選擇咗三百幾蚊的一個牛餐，裏面食品選擇太多，每樣都叫咗啲，叫到成枱都係，但係最貴嘅牛樓比較普通，炸物係凍既，玉子都係硬，最鍾意個沙律同雪糕，雪糕比較特別，藍色反而係雲呢拿味

今次同同事聚餐，距地之前有人試過，都話唔錯，所以今次我地都決定黎試下，晚餐時間真係好多人，排曬長隆，好彩我地提前book左位，但係都要等半個鐘，好啦終於入場啦，環境都幾好，乾乾淨淨，我地一口氣叫左好多野食，最好食果個就係燒五花腩，超正，加D五味粉好夠味，仲要個五味燒雞翼，都好好食，仲有榴蓮酥，真係好意外，我地一口氣食左兩碟，哈哈哈~~但係我就覺得的海鮮一般般啦，但係都唔差即，算係好抵食之餘又好味即~~大家可以參考下即~~

叫左個level2放題 選擇唔算多 但豬牛雞都有 同小量內臟揀.牛方面 和牛係比較好食 牛仔粒都ok 但其他就一般般. 內臟黎講 燒牛肚好奇怪 食左一舊就冇再燒了.豬最好食係腩肉小小塊 好油但燒完好香 成個口都係油香 包生菜會冇咁heavy🤔 其他豬肉都好一般般燒魚柳都可以食下 相比其他我覺得好食啲😂最尾都係牛角飯最好食🤷🏻‍♀️第一次試佢地個雪糕好好食 但今次伏左咁5個人加埋服務費除開每人都要$300幾 唔係覺得好值..

Lunch time 既Lv.5 放題，$608 加一最主要都係食牛肋肉，一口牛比較難燒熟，我通常都唔會叫。Lv.5 日本玉名黑牛牛肋肉Round 1 , 睇樣都滿意，雖然有部份夾雜住太多脂肪。Round 2 , 還可以，但有部份嚡瘦肉Round 3 , 依然有雪花紋，脂肪含量提高，更重口味，一路燒d 肥油一路滴落個爐火度，d 爐火噴黎上黎Round 4 , 滿意Round 5 , 最後一碟，最靚一碟Lv.4 澳洲和牛牛肋肉，肉質幾好，只係冇日本個款咁香牛味。性價比Ok，我叫左6片都係咁靚，似靚既安格斯牛。Lv. 3 美國和牛板腱肉，呢款肉通常都唔會出事，亦唔係話超好食。Lv.2 美國見島和牛肩肉，例牌又嚡又瘦個種平價放題肉，冇影到相。如特登去食燒肉都仲要挨瘦肉，就不如食Lv.3 。加埋一 $668，如喜歡肥膩和牛的話，食得過。係一田買10片呢種級數既牛肉，都要大約$200 。如唔想太肥膩，澳洲和牛都抵食，早割/夜割$348加一。

突然好想食牛，但唔知係旺角食邊間好，上open rice search左一陣就見到牛角，又見好鬼近，所以就馬上上去搵位。好好彩，我地只係等左15mins左右就有位喇😬匿間牛角係食buffet, 佢有level 1 to level 5。而Between level 4 同 level 5，平時無啦啦食好似貴左d，所以我地只係叫左level4😅level 4 嘅牛 - 其實都已經好yummy 😋😋蝦同翡翠螺都不錯啊！吉列炸蠔😋食埋甜品就有埋完整嘅句號。（我出去拎左2次食🤣😋）

今晚相約兩位美女去狂燒，好彩尚算早入場，我地被安排左坐卡座用餐。Menu一目了言，睇過俾多少少食唔同質素既牛啦梗係！原來用指定信用卡享用指定套餐七折優惠，計落加廿蚊位就有lv3額外送你lv4既頭盤，主打食既係美國和牛侍應先自動送上頭盤，包括雞豬都有，不過我地全部都係有共同目的，主攻牛兩隻美國和牛，右邊lv3SRF牛板鍵同埋左邊lv2見島牛, 兩種望落都係油脂滿佈，色澤鮮明既好肉喪叫，失敗在一口牛，難控制火喉，食落乾身鞋口難咬所以，我地决定全晚主攻和牛薄切，最後係食到行唔到落樓總結要系出面燒肉鋪食到哩個質素又要攬住個肚走，埋單個下通常都會幾驚人。反而牛角放題埋單人頭400真係一個字，值！留意返室內樓底較矮，抽風做得一般，返到出街係人都知你燒

和朋友一起來試level 3的和牛放題排隊原本沒多少人 但因為大人數飛先進去一張飛可以等半小時有多（他跳小人數的其實可以很快）雖然不是日本和牛 雪花跟肉色沒有很吸引但和牛種的一口牛還是很好吃海鮮 - 一般吃完一口不會想吃第二口炸物 - 萬年油的感覺 尤魚圈乾到不行芝士雞肉 -芝士很稀 但雞肉有香草味 不錯的 可以單點沙拉吧 - 可以滿足一般需要蔬菜吧 - 可以夾的種類非常少 所以在位置上點單就好了雪糕吧 - 雪糕很好吃很軟滑 推薦！甜品雪櫃 - 看下去不吸引 乾乾的感覺 沒有試飲品吧 - 只有機 印象中沒有罐裝雪櫃 不甜的選擇有綠茶上單速度 - 還好 不慢但100分鐘有點急 不太夠

非常好味及有質素的牛肉燒烤，雪花和牛至好味入口即融化，也有海鮮和北海道軟雪榚，有信用卡的確底食，不過限時100分鐘比較太快，如時間可以最少有120分鐘至最正常有180分鐘

happy friday諗唔到食咩，聽聞旺角開左間專食放題既牛角，牛角燒肉一向高質，今次就走左去一試究竟，睇下佢放題keep唔keep得到單點既水準，一坐低，員工服務態度已經非常好，教你點樣點野食，我就叫左一碟牛肉同埋最出名既牛舌，結果水準甚至係單點之上，非常推介大家黎試一試牛角既放題店！

經朋友介紹 黎左呢間牛角餐廳食燒肉 因為佢地話好好食  一去到見到個number o左咀居然要等40張台 (我地兩個人), 之後係周圍行左一輪再入去加埋等左成粒半鍾 (就黎餓死),最後終於入得 我地就簡左plan c 中價位既plan, 第一輪黎既牛係好正直頭係和牛既級數,  之後第二輪黎既牛就冇咁靚  但都係雪花牛 不過都比其他餐廳好好多,  其他配料方面就其實一般般係佢隻溫泉蛋特別好食,  雪糕有小小甜左d, 整體黎講如果你係牛魔王就一定要食呢間野因為d牛真係幾高質, 但係其他配料就款式比較小總括黎講我都會比8分

我的午餐系列～第20篇話說今天俾人激親，化憤怒為食慾，就勁食一餐吧先說環境，我運氣很好，給了我卡座。地方夠大，坐得很舒適。食物種類算多，有沙律、有冷盤小食、有熱湯、熱的白飯，飲品有接近20款，雖然全部飲品部是飲品機斟、有軟雪糕、有少量甜點。放題區的食物質素不差，蔬菜新鮮，飲了凍芒果汁和熱柑桔茶，甜度可以接受。我選了60分鐘收費$99-的午市定食C餐，這個是最平的可以選擇牛的燒烤餐。 這個套餐可以選擇兩款肉類，以我這個牛肉為例，每款有四片，還包括了放題區的所有食物。牛肉其中有一款肉質比較軟，我較為喜歡溫馨提示：現正推廣環保意識，如果結帳時全部食物食完，沒有浪費食物，就會有張優惠咭給你下次食用時平$5/$10- 視乎你點什麼時間的放題。

黎到2018年既最後一天仲要返工，好彩放早咪帶埋阿女返工一齊午餐。之前，帶阿女食過60分鐘定食放題，時間真係短左少少，食得太趕，所以今次揀左100分鐘，食得自在d。60分鐘同100分鐘既差別係多左40分鐘外，價錢亦相差$30至$50不等（視乎唔同既餐），但每份定食肉既份糧都是多1.5倍。由於仲係介口中，只好點左兩個A餐，一份係豬頸肉加雞腿肉，一份係豬頸肉加豚肉。豬頸肉唔太肥又爽口、雞腿肉比較難燒得外脆內嫩、䐁肉薄薄的，比較易燒。1.5倍份量對我地黎講真係多左少少，因為仲有好多其他放題可以選擇。小食方面有三款，自己比較喜歡豆腐。飲品方面真係有太多選擇，有多種汽水，多款果汁，仲有好多熱食。今次試左一杯熱金桔茶，幾香金桔味但甜左少少。沙律既菜好新鮮，可惜今日沒有麵包干，有少少失望。湯就有兩款，有辣有唔辣。今日雪糕黑朱古力，士多啤梨，同扭紋味，黑朱古力帶少少苦，但加返d配料都唔錯，今日仲有熊仔糖，之前無見過的。另外，仲有泡芙，冬甩，銅鑼燒等...但已經好飽不能一一嘗試。平時唔係好食飯既我，每次食牛角都好喜歡食紫菜飯，加勁多紫菜!至於，服務員係非常勤力幫客人拎走枱上用完的碗碟。今日同阿女食左個愉