牛角Buffet (雅蘭中心)

今日同朋友喺旺角雅蘭食牛角buffet,佢地有幾個餐可以選擇，我地見到呢個餐都幾抵食，有齊牛，雞，豬，價錢唔算太貴，平日食仲有優惠，牛角嘅質素都幾好，所以唔使諗就入去試吓。肉類就用QR code落單，款式都幾多，有牛五花，牛肩脊肉，牛舌，雞腿肉，大腸，雞翼，多春魚等等，每款嘅肉都可以選擇味道，例如，味噌，燒肉汁，鹽味等等。d牛嘅質素都幾靚，肥瘦均勻，燒完仲保持肉質，唔會柴，而其他肉都幾新鮮，唔錯。除咗QR code落單之外，出面仲有大量飲品，沙律，前菜，炸物，蔬菜，甜品等，任攞任食，呢個燒肉放題真係好抵食。…查看更多

今日係平日~收工即刻同朋友去牛角嘅SS2放題套餐$268有100分鐘任燒任食 仲要包埋60幾款食材 真心抵食 自助bar唔多介紹 款式勁多！！前菜、沙律、炸物、牛角飯樣樣都有🥩 牛肉類推薦： 牛五花 - 油脂分布靚 輕輕一燒已經香氣撲鼻 網燒一口牛 - 啖啖肉汁 燒到外脆內嫩最正 牛舌 - 爽口有嚼勁 簡單撒點鹽已經夠味 多春魚 - 燒到脆卜卜 魚春爆漿口感正 🐷 豚肉驚喜： 熊本豚腩肉 - 厚切有口感 油香豐富唔乾柴 肩脊肉 - 肉味濃郁 適合蘸燒肉醬食 🐔 雞肉三寶： 雞腿肉 - 三款醬汁任揀 個人最愛辛味醬汁 雞橫隔膜 - 爽脆獨特 燒到微焦最香口 雞腎 - 醃得入味 咬落「索索聲」好過癮 ▪️ 海藻冷麵 - 冰涼清爽 完美中和油膩感 ▪️ 海蝦沙律 - 蝦肉彈牙 蔬菜新鮮 最後食埋雪糕同埋甜品大推蜜糖芝士年糕👍👍雖然係入門級放題 但肉品質素對得住價錢 上菜速度快 冇漏單情況 🥩🔥🍶環境保持乾淨 抽風系統做得唔錯 $268食到咁多款真係冇得輸👍…查看更多

可達度高，座位寬敞，光線充足，經過牛角Buffet (雅蘭中心)便入內淺嘗前菜有芝麻八爪魚、中華沙律、辣蜆肉青瓜等食材供食客隨意任取，多款前菜都十分滋味，酸、辣味能帶動胃口，令人食量倍增自助吧有炸物供食客隨意任取，蟹鉗，薯粒，餃子等小食，熟食類有關東煮，肉丸，和牛炒飯，沙律類有牛油果，南非桃，粟米，車厘茄等，提供健康的選擇予食客主食方面，食店提供的食材包括豬，牛，雞的種類十分豐富，基本上豬，雞都十分嫩滑，另人回味無窮，牛更是鮮嫩多汁，必食之選牛角Buffet彌敦道625 & 639號雅蘭中心2樓209-213號舖…查看更多

👧🏻😋👅🍽✨牛角buffet經濟之選🫶🏻-🇯🇵 平時牛角放題就算lv1都要$328/位，新出咗SS1（40品）同SS2（60品）牛豚雞放題，平日100分鐘只需$238-$268/位，抵食亦包埋自助吧▪牛肉🥩 選擇唔多但已好滿足，網燒一口牛粒肉味濃又夠軟嫩、牛角自家製牛肉漢堡超級推薦，細細件燒到外脆內軟爆晒汁，配牛角飯再加溫泉蛋，可媲美姊妹店挽肉と米😍▫海鮮🐟 平價餐只有兩款海鮮，石斑魚柳係encore之選，香甜軟滑，另外仲有多春魚▪內臟👅 膽固醇超標的牛舌、大腸、雞腎、雞肝喺平價放題餐淺嘗即可非常滿足▫自助吧🍚 大推牛角紫菜飯配沖繩塔可肉醬，酸酸辣辣勁好送飯，燒肉反而輕輕調味即可🍹 飲品選擇唔多，有汽水同咖啡機大多都係有糖飲品，全晚all in冷泡茉莉花茶🍦甜品有蛋糕、大福等等，仲有要自己加熱嘅銅鑼燒同窩夫，配雪糕冷熱交融！乳酪雪糕冇普通牛奶味咁滯，圓滿結束～…查看更多

今日嚟到雅蘭中心嘅牛角Buffet，試咗平日$268嘅SS2牛、豚、雞燒肉放題，果然無令人失望！餐廳位於旺角彌敦道雅蘭中心2樓，地點就腳，環境光猛整潔，抽風系統良好，坐得舒服。SS2套餐包羅萬有：安格斯牛小排油花靚，輕輕一燒已經肉香四溢；牛肩肉入口即化，滿口油脂甘香黑豚腩肥瘦勻稱，燒到金黃香脆；雞肉質嫩滑，醃得恰到好處。特別欣賞佢嘅蔥燒牛舌，爽脆彈牙配上清新蔥花，令人食唔停口！自助區有齊前菜、沙律同飲品，最後食返杯濃郁嘅抹茶雪糕，完美作結。以$268呢個價錢，喺旺角核心地段食到咁高質素嘅燒肉放題，絕對係超值之選，一定會再嚟幫襯！…查看更多