牛角日本燒肉專門店 (ac4)

營業中

休息中

今天去了香港仔的朋友家聚會 只有兩個人 不想自己煮 所以決定出外用膳聽朋友說 香港仔的牛角有放題選擇 決定一試放題有幾款價錢選擇 我們選了二百多元的反正只有90分鐘 也沒有太多時間吃想不到 放題肉類的質素也不差 牛肉都是牛味濃 脂肪均勻 油脂味香口的另外雞肉也令人有驚喜雞肉燒過後依嫰滑 比很多燒肉放題高質牛舌也是令人停不了口 薄薄的一片非常爽口 一點也不油膩還有牛角溫泉蛋飯 也不錯飲品有可樂或其他特別飲品 例如柚子汽水都非常解渴 如果想吃點菜 也有沙律可以選擇整體來說 以這個價錢配這個質素 非常合理😋

去完海洋公園好肚餓，朋友話要帶我食肉開心下等左30分鐘左右可以入座。可以選放題/單點，我們選擇單點。因為想吃高質少少的肉，又不想暴食。羽衣甘藍沙律 $4x配料有芝士粒，核桃。配料的分量也不少。加埋醬汁幾好味。佐賀a5和牛四盛合 $4xx切得非常差，大大片肥膏，這個價錢來說 我實在無法接受。a5和牛，切得衰過街市d肥牛。切肉師傅工作態度不認真，是在敷衍客人，不尊重客人。整碟只有牛舌好吃牛肉粒韌，有筋，像吃香口膠泡菜石頭窩飯味太燶，蓋過燒肉的味道，每吃完一口飯，也要飲杯水清清口腔才能繼續吃肉。野菜盛合份量少，甜薯也不甜.....服務方面，服務員不會自動自覺為客人添茶水。每次想添茶也要自己要求服務員。頗麻煩。收加一服務費...兩個人，埋單九百幾。不值。沒有服務，食物也不是很好。

Made a reservation for 3 adults plus 1 baby over the phone, when we arrived they gave us a very tiny table with 4 chairs, vs someone who walked in without reservation got assigned a big table for only 3 adults. I was concerned about the baby being placed too close to the fire and with a reservation made I was expecting to be seated properly but apparently the restaurant didn't really care about that. After having placed multiple requests to swap for a proper 4 person table we finally got a swap

已經不記得有多久, 沒有好好的吃一頓飯了。前段日子, 都是行屍走肉, 沒有靈魂。最近才慢慢放鬆了心情。說到放鬆, 又怎能不約我的好契媽出來聚一聚呢!? 因為知道牛角的Lunch set 好抵, 所以就拉了契媽陪我吃我想吃的!因為是平日的下午, 等了五分鐘左右就有位子了。快快手就揀好了我們的午餐。C. 雞胸肉 + 豚肉 HKD 62.00 再加 HKD 21.00 轉香蔥溫泉玉子飯我都在戒食牛, 盡可能都不吃牛了。(雖然有幾次偷吃...)其實說真的, 食燒肉不吃燒牛, 真的很浪費。豚肉真的沒牛肉好吃, 豚肉的肉質烤過後, 比較韌。如果是韓燒, 加個生菜會更好吃, 現在沒有生菜, 單吃就少了個風味。反而我更喜歡雞肉, 因為雞肉很嫩, 好吃。一定要說的是, 加了21蚊都要食的飯! 還是無料追加! 可以再添! 相信很多人都食過而又好喜歡。紫菜加玉子拌起來吃, 有說不出口的夾!這個好滋味一直都是我對他鍾愛有加的原因。烤肉飲凍奶茶, 牛角的奶茶比咖啡好飲。因為之前喝過, 覺得咖啡好酸, 所以改了奶茶。想不到有驚喜呢, 奶茶不錯!契媽的套餐, 看她津津有味地吃牛肉, 讓我連口水都要流出來了。

While the food is good and the waiters are efficient, the way they manage their customers is a complete nightmare. First you cannot make a reservation or it must be at least 3 days in advance, more importantly if you have a reservation be sure to be right on time because they give away your reservation if you are two minutes late without bothering calling you. Second the waiting, you have no idea at all how long you are supposed to be waiting, they only tell you “soon” so you stay, that soon can

星期日去搵啲有lunch set既餐廳食 搵到牛角既lunch set超抵4個人叫左2 set燒肉定食+2 set牛角流自選3食 個人最中意食 腹胸肉 唔un, 食落去去咬口 再加上鹽醬 超級好味其次係豬頸肉 好爽好香好好味 平時夜晚食牛角必叫呢兩款 仲揀左牛角沙律 大大碗 食完都填左一半肚 又有蛋又有青瓜三色椒粟米薯容 加埋個迷你雞飯 夠哂飽另外仲有豚肉 肩脊肉 午餐有生菜附送 包住d肉食感覺冇咁肥 lunch set就係抵 4個人捧住肚走 飯後仲叫多個雪糕

今日同住係香港仔既表姐黎到牛角食燒肉。因為香港仔呢間分間做緊放題,只需每日大概$300就可以享受到90分鐘既日本和牛放題! 而且任食任飲,仲有甜品添!當日雖然係平日,但因為放題只有幾間分店做緊,所以人流好多,我地一行4人大概等左30分鐘!入到去即刻點左一堆肉,牛肉油脂分佈平均,牛味仲好濃添!雞亦雖然係巴西貨,但一樣大大隻仲醃得好好味小食的話,泡菜同招牌牛角飯都非常值得推介。牛角飯其實係紫菜飯再加溫泉蛋。米用上日本珍珠米煙煙軔軔,加上惹味既紫菜,剩食白飯已經可以食幾碗!必點!仲有一點牛角做得好好，就係抽氣!食完都唔會成身燒肉味!抵讚!希望牛角可以做到多D分店做放題,方便一下我呢D住大埔既朋友!

其實一個人食飯有時真係唔知食咩好，想食多啲款又驚食唔哂，今日咁啱見到原來依間牛角有早食放題優惠，咁就唔使諗咁多，一於試吓。由於有折，本想點最貴的放題，但侍應好心提醒由於巴西凍肉問題，有某些種類暫停供應，咁啱最貴既menu 有好多無 (估唔到咁多巴西貨), 所以就揀返中間個種。雖然無咁牛舌同雞，其實都仲有好多選擇，最好食始終是牛，牛肋內同一口牛都好食，不過每次點既質素都有點參差，有時會比較多肥膏。牛肚唔知係唔係自己燒得不好，燒極都好硬，好難咬，所以無食到。另外，洋蔥都極易燒焦，好難處理。豬頸肉好爽，點了辣汁好食。包埋生菜一齊食最好。埋單$250.8, 不錯。

摷過網上資料,知道牛角做緊「放題」,不過只得3間分店有做,又提前五點已經可以食,早一日仲可以電話預訂,即日反而要walk in等位,好彩十五分鐘已經有位,因為限時90分鐘,用平板電腦點菜真方便,叫左中價餐,又加十蚊雞任飲Asahi生啤,抽氣設計得好好,座位無痴痴笠笠,所以前最怕韓燒,牛肉真系幾好味,油脂又夠,五花腩肉白相間,點d岩鹽已經好好味一想到牛舌,叫左四次,不同最中意都系牛肉。試同d豬大腸,比較失望,石班魚d肉都唔錯,多春魚當然要翻添,點佢d醬油同醬,連呷幾啖凍啤,又試下佢果豆腐,味道好淡,柚子沙律就幾好味,凍支豆都唔錯,青口都幾大隻,最後試埋味噌雞中翼,送豆腐雪糕同糖,一個好滿足日式燒肉放題,只可怕時間短d,但系以$330任飲任食,d肉質素又唔錯,確實抵食,下次再試下佢個豪華版

6點到，所以不用等。枱較小，不大舒服。肉沒有味道，海鮮質量中下，賣相也不佳，食物總體不到中/高檔水平。晚上沒有套餐，所以散點，性價比低，沒有驚喜。不明白為什麼一定要80字、不能評論味道和抵食否（不評食物味道是什麼食評）、及不夠200字不能選擇評分？

之前新開張頭一兩個月有好長人龍，今晩去到已可即時入內，今次叫咗個信用卡優惠套餐，套餐份量頗足，但略厭某一兩款肉類多肥膏，牛肉方面亦冇肉味，本身可選兩款49元留下之飲品，但餐廳冇酒牌，只可選擇30元之無酒精飲品，上菜速度快，職員亦有禮。

香港仔食店快要試勻了，見到牛角有Lunch Set今次決定去試試，香港仔牛角可以訂枱，但星期五午膳時間訂兩次也滿座，趁放假早少少去walk in。12:30去到，人客不多，被安排坐梳化位就最開心。後來人客愈來愈多，很快就坐滿了，實在建議訂座，不用久等。點菜用電子菜單就可以了，非常方便。上菜速度超快，點單完成後不用五分鐘，飲品先到，食物也隨後送到了。如果想飲品後上，記得在點單時剔上。不過速度快也不錯，上班的可以快快吃完午飯，準時回到公司。因我放假就選了燒肉的套餐，可以慢慢享受。我們三人點了牛角流自選3食、石鍋鰻魚飯定食以及商務套餐。牛角流自選3食$89，有自選燒肉一款、野菜烏冬或拉麵、沙律及飲品。我們選了骨付牛肋肉、野菜烏冬、及海蜇柚子醋沙律。骨付牛肋肉有4片，牛角的牛果然很出色，味道很香，肉很嫰。另外野菜烏冬也很好吃，湯很濃，蔬菜也新鮮，但份量偏少，而沙律就不過不失吧，正正常常。另外也點了商務套餐牛角上級牛肋肉&王樣!腹胸肉$118，配昆布湯、三點前菜、牛角雪糕及香蔥溫泉玉子飯+$9。牛角上級牛肋肉可選燒肉汁或塩醬，也是好吃之選，滿足的感覺；王樣!腹胸肉可選塩味牛油或蒜茸味噌，相反我就

知道牛角燒肉在午餐時段比較優惠，趁今日中午有空便前來光顧，二點多仍有小人龍坐滿門口的長椅，等了十多分鐘便輪到我們，地方及座位頗闊落感覺舒適，而且不限時可以慢慢燒慢慢坐這個套餐用指定信用咭有優惠，有沙津，又有幾款食物及包2杯飲品，又真係幾抵就落單了。依餐牌所見這個叫羽衣甘藍沙津，個名比較特別，於是我上網一查，羽衣甘藍係就係個菜名，咬落比較硬身，配上堅果及芝士粒，但係個沙津醬很咸，食了幾塊就沒有再食了燒物上場，牛舌比較薄身口感不夠 ；豬頸肉厚切有口感而且咬落爽脆，與雞肉和牛肉都相當美味，尤其牛肉很腍很有肉味，整體十分滿意。最後配上荔枝特飲，冰凍又帶濃濃的荔枝甜飲，為之前稍稍的熱氣及油膩降溫，簡單悠閒的下午茶，實是滿足

有位朋友去左外國好幾年，咁岩呢個月終於返到香港，其實之前就會成日見打下波，難得返到嚟當然一齊食飯聚聚佢～而佢有幾樣野都好想食, 今次就帶佢食燒肉先啦~超礦物海藻野菜沙律 – 清新!野菜亦好新鮮! 沙律仲加埋骨膠原, 食沙律有埋護膚功效!哈野菜盛合 – 普通蔬菜盤, 沒有什麼特別.牛角冷麵 – 冷麵唔夠凍, 可以再好D.牛角溫泉蛋飯 –整體唔係特別出色, 但珍珠米加上爽脆紫菜同滑溜既溫泉蛋, 得出來既化學作用咪就係滿足既感覺嘞!王樣豆腐 – 唔夠滑, 同無咩味但都過得去啦.牛肋肉 – 平平無奇, 只係知道自己食左牛肉..德國帶骨香腸 – 有D似雞肉腸加骨頭, 但乾左小小.王樣腹胸肉 – 味道唔錯, 很多肉汁而且十分"林"及入味, 燒到尾段既時候可以跟據自己想吃的大小剪出來.飲品 – 套餐包了每人兩杯飲品, 有酒精同非酒精類, 正!牛角雪糕 – 雪糕加上黃豆粉, 而且都算幼滑!銅鑼燒 – 店員話先把銅鑼燒放係鐵網度燒十秒, 之後就會有外熱內冷既感覺. 我覺得係好有特色既, 不過味道係好一般.整體黎講, 同屋企人都食得開心, 好飽咁離開!~

下午茶食得太飽，所以晚餐一路拖到9點先食，不過都好在夜少少先食，難得黎到牛角可以唔使點等位，一陣就有得入座。今次食燒肉拼盤，睇落份量唔算多，但勝在生菜無限追加，再加上我地另外單點白飯share，所以食完其實都9成飽。拼盆包括牛肋肉、牛肩肉、牛舌、五花豚、雞翼：牛肋肉係招牌菜，入口軟身juicy，燒兩下就食得；牛肩肉比較難咬，肉味濃郁；牛舌薄切，燒個陣有血水，但食落無腥味；五花豚肥瘦適中，油脂非常香口；雞翼無咩味，但燒完外脆內嫩，都唔錯。生菜都幾脆，不過唔知點解每片都崩哂口，望落唔靚。