牛角日本燒肉專門店 (MOKO新世紀廣場)

牛角牛肉質素有保證貴嘅未必真系比平牛肉好令我最難忘係極上黑牛和牛6塊$142完勝究極黑毛和牛牛肋肉$199牛舌普普通通香港食燒肉比內地好食價錢貴多DD質素好好多嘅石鍋拌飯又係令我驚喜食左兩碗可以一個人食曬脆脆土豆泥朋友勁鍾意食咗好多…查看更多

嚟到呢頭，正當我為咗「食乜好」而苦惱之際，一股突如其來嘅燒肉癮突然湧上心頭！好彩，行過就見到「牛角」個午市定食廣告，個「抵」字大大隻寫住，即刻就決定係佢啦！真係，唔知幾時開始，香港人生活咁忙碌，連想好好地食餐燒肉都好似變成一種奢侈。今次趁住午市有優惠，就等自己好好慰藉一下個口腹之慾！牛角嘅午市定食，性價比真係高。我揀咗個心水套餐，一上枱，啲肉就擺得整整齊齊，色澤鮮明，望到都開心！將肉片放到熱辣辣嘅爐網上面，聽到「滋滋」作響嘅聲音，伴隨住陣陣肉香飄出嚟，嗰種感覺真係好療癒！第一塊肉燒到恰到好處，沾少少醬汁送入口，嗰種肉汁豐腴、入口即溶嘅感覺，真係令人回味無窮！旁邊仲有沙律、湯同埋白飯，好似一個豐富嘅便當咁，食到我飽晒。…查看更多

無論係肉質定係整體服務都好好，d食材質素明顯比牛角放題餐廳好餐廳的環境非常舒適，簡約而有日式風味。服務人員都好細心，會主動介紹菜單試咗d和牛，肉質非常嫩滑，油花分佈得好均勻，燒出嚟香氣四溢，唔會好油膩。相比之下，與牛角放題餐廳的肉質相比，牛角非放題就好好多，放題嘅肉係un嘅。。。呢間非放題有下次…查看更多

平時都係食開另一間牛角，一直都唔知道原來佢係有燒肉版本嘅牛角，就唔係任食形式，所以呢入到嚟都覺得好神奇，而當日呢用餐嘅時間呢係比較少人嘅，係一個5:00左右嘅時段，所以都比較寬敞，但係去到六點嘅時間呢就相對比較多人啦，所以大家想食呢都記住要早啲啦今次呢就叫咗幾款牛去食啦，而佢本身有一set係包括咗唔同部位嘅肉，當中牛腰隻肉幾好食，以其他幾款呢個味道都唔錯，值得一試，最尾尾就叫咗佢嗰個雪糕魚餅，都係可以燒嘅，呢個反而最驚喜，下次嚟一定會再食…查看更多

牛角新一代分店裝潢由日本設計團隊主理，揉合「Japanese 日式」及「Scandi 北歐」的Japandi 風格，環境變得更簡約舒服🥰重新定義 Yakiniku Dining的新店更增設圓桌、LCX 店限定單人席等不同形式的座位，能照顧每一位顧客的需要❤️ 今日同米飯班主係Moko行街shopping，見到牛角全新設計及裝潢的分店，二話不說就入左去啦😙我地2個人叫左一個一人前menu及加配了幾款LCX 及 MOKO店限定推出全新 The Signatures 燒肉創作料理🤩真係好豐富呀！ 一人前 Tasting Menu 正價$499/基本會員$398/銀會員$358/金會員$328Tasting Menu 包括前菜、沙律、4款和牛、2款雞肉、2款海鮮及飯/麵，有齊11款料理🤩 🔹️前菜脆脆土豆山🔹️沙律六色豆腐沙律 🥗🔹️主菜濃湯川燙黑毛和牛 極上黑毛和牛魔方多士 極上黑毛和牛肋眼頂峰肉極上黑毛和牛牛肋肉日本雞腿肉雞爽肉🔹️海鮮大虎蝦白味噌銀鱈魚 🔹️飯/麵牛角飯/盛岡冷麵/珍珠飯🤪呢個餐性價比好高，黑毛和牛厚實又軟嫩，油花細緻而分佈均勻，滑而不膩，散發濃郁的和牛味道。另外，當然都要試下「牛角逸品」單品💃黑鑽黑毛和牛松葉蟹卷 $128用和牛包著肥美松葉蟹鉗🦀，薄燒黑毛和牛滿滿油花，和牛脂香與鮮甜蟹肉出奇地夾😋 赤身牛板腱配鴨肝 $128鴨肝及牛板腱燒香後🦆，將鴨肝分為四小件伴以牛板腱一齊食，口感豐膄，味道肉香濃厚。 香蔥厚燒牛舌芯 $82採用軟滑的牛舌芯部位👅，以特別切法加入大量蔥鹽，令味道更香更濃，口感爽口彈牙，不會過膩。 極上黑毛和牛魔方多士 (2件) $48一人前套餐都包含這款多士🥪，食過好正，所以encore呀😂絞肉肉味濃郁，口感嫰滑，食用時配搭多士及黑松露醬，入口香濃肉汁豐富！ 極上黑毛和牛松露風味野菌石頭鍋飯 $95選用多種野菌🍄‍🟫，拌飯時香氣四溢，香菇與和牛在熱騰騰石鍋上味道互相提昇，每粒飯都吸收了和牛肉汁與野菌獨特香氣。米飯班主食極都唔夠，一路食仲一路加左豚肉🐖、鰻魚及甜品🤣一本厚切豚太郎 $75鰻魚 $125鮮橙檸檬梳打 $48黃金贅沢 (百香果菠蘿茉莉花茶) $48花花慕絲 (奶凍) $48蘋果雪芭 $48 …查看更多

牛角這個餐廳老字號的燒肉品牌，相信很多人也必定試過。餐廳正以全新形象推出新的牛角概念店。最近在尖沙咀LCX及旺角Moko這兩個年青人主打商場開店，以日本x北歐風格混合，設計出時尚又年青的裝潢，以全新形象發掘新市場。.座位安排比一般的牛角分店更為寬敞舒適。餐牌跟傳統的牛角店略有不同，除了傳統的主打燒肉款式外，還追加了不少新品。新推出的「創作燒肉料理」，相當吸睛。.ʟᴄx 及 ᴍᴏᴋᴏ 店限定一人前 ᴛᴀꜱᴛɪɴɢ ᴍᴇɴᴜ.有選擇困難症的朋友，可以選擇餐廳新推出的ᴛᴀꜱᴛɪɴɢ ᴍᴇɴᴜ，已包含很多新品。非會員價💲398/人，會員會更平。.前菜及沙律✿ 六色豆腐沙律✿ 脆脆土豆山.主菜✿ 極上黑毛和牛肋眼頂峰肉✿ 極上黑毛和牛肋肉✿ 秘伝！濃湯川燙黑毛和牛✿ 極上黑毛和牛魔方多士✿ 日本雞腿肉✿ 雞爽肉.海鮮✿ 大虎蝦✿ 白味噌銀鱈魚.飯/麵✿ 盛岡冷麵/ 牛角飯/ 珍珠飯.想一口氣試到多款新品，選ᴛᴀꜱᴛɪɴɢ ᴍᴇɴᴜ準沒錯。六色豆腐沙律超大堆頭，有七彩顏色的配料。脆脆土豆山有驚喜，是薯仔沙律加上蟹籽及薯片脆脆。.另一主推菜是新的濃湯川燙黑毛和牛，奶白濃湯加上即放鍋內的嫩滑和牛肉，很惹味。黑毛和牛魔方多士則有點像是自助手動挽靚與米。迷你一口版和牛肉餅，自己控制火喉，加上一口小多士以及黑松露醬，很不錯。.套餐還有海鮮，大蝦和經調味的銀鱈魚，稍微中和了燒肉的膩感。最後還可以選擇招牌的牛角飯、或清新的冷麵，實在是很豐富的套餐。.另外還散點了其他新菜式.✿ 香蔥厚燒牛舌芯 ✿ 赤身牛板腱配鴨肝 ✿ 炙燒黑鑽和牛松葉蟹卷 ✿ 燒鰻魚✿ 精選牛角逸品✿ 極上黑毛和牛松露野菌石頭鍋飯✿ 燒肉一本厚切豚太郎.香蔥厚燒牛舌芯有爆亮的青蔥，是個人喜歡的一種配搭。牛肉配燒鴨肝，大大塊鴨肝很惹火、邪惡，要很小心控火否則很易好像我們一樣燒焦。另外，燒鰻魚在其他分店也有試過但燒焦了。今次經過經理的親自指導，終於燒出了剛好的燒鰻魚。黑毛和牛松露野菌石頭鍋飯要快一點吃，凍了飯身會變得比較乾.餐廳還有一系列新款的飲品和甜品，試了鮮橙檸檬梳打、黃金贅沢，本來也想試一下一些新甜品，但實在是太飽了，留待下次再戰。…查看更多

牛角新一代燒肉分店已經登陸旺角MOKO 同尖沙咀LCX啦，最新揉合咗北歐x日式Japandi風設計風格同埋牛角The Signatures系列燒肉創作料理帶嚟視覺同味覺上嘅大滿足😍😍😍😆😆😆⭐⭐🍽️一人前 Tasting Menu 🍽️🥩主菜🥩🐮極上黑毛和牛魔方多士🐮The Signatures⭐先將免治黑毛和牛圍圍烤到四面都金黃，再烘乾多士，加上黑松露沙律醬，美味！🐮濃湯川燙黑毛和牛🐮The Signatures⭐驚艷，好好食，就算大家單點都好需要試一下！店員會將黑毛和牛薄片放入白湯，原本以為重點係和牛，點知我最後不顧後面仲有咁多種肉直接飲曬個白湯。從來都未試過嘅，非常非常鮮甜的菇菌味，好值得推薦！極上黑毛和牛肋眼頂峰肉極上黑毛和牛牛肋肉日本雞腿肉雞爽肉🦐海鮮🦐大虎蝦白味噌銀鱈魚🍚主食🍚牛角飯🧆前菜🧆脆脆土豆山🥗沙律🥗六色豆腐沙律♥️另外加點多款特色創作菜品♥️🦀黑鑽黑毛和牛松葉蟹卷🦀一款好創新嘅配搭，松葉蟹鉗鮮甜，配搭和牛脂香，帶嚟前所未有嘅味覺衝擊🦆赤身牛板腱配鴨肝🦆鴨肝同牛板腱分別烤香之後，將鴨肝分成四小份，牛板腱包住鴨肝一齊食，豐腴鴨香令牛板腱大升級🐮香蔥厚燒牛舌芯 🐮次次去日本一定會食嘅厚切牛舌芯，建議大家烤熟啲，感受肉汁同滿足嘅口感！🐮極上黑毛和牛松露風味野菌石頭鍋飯🐮又係另一個驚艷，熱辣辣香噴噴每一啖都融合曬黑松露同和牛油脂嘅香氣，就算前面食得好滿足，都忍唔住食咗一大碗飯一啖接住一啖，鍾意飯焦嘅你一定要試！🍮這不是冷麵🍮真係唔係冷麵！佢係麵條形狀嘅蒟蒻？啫喱？淡淡嘅黑糖香味，仲有隻小太陽蛋，一個完美清爽嘅結尾呢個餐好適合食開牛角有曬會員嘅大家，仲可以試埋其他創作料理，今次真係肉肉大滿足😍😍😍🥰🥰😙😙😙[牛角MOKO店]旺角新世紀廣場3樓342D號舖[牛角LCX 店]尖沙咀海港城海運大廈LCX 3樓37B號舖#牛角 #日本燒肉專門店 #日本Number1 #GyukakuNext #燒肉 #日本燒肉 #香港燒肉 #創作料理 #和牛料理 #牛角燒肉 #新分店 #燒肉創作料理 #一人前 #和牛燒肉 #創作料理 #黑毛和牛 #牛角飯 #牛角香港 #lcx #moko #旺角 #尖沙咀…查看更多

.旺角· 人氣燒肉牛角の新体験.牛角日本燒肉專門店📍旺角太子道西193號MOKO新世紀廣場3樓342D號舖.➰朋友都知道我係燒肉控，聚會首選燒肉一定最受歡迎，最近得悉牛角新一代概念店已經營業，牛角Fans當然唔會錯過，今日嚟到旺角MOKO新世紀分店，感覺眼前一亮，裝潢以日式風格揉合北歐簡約主義氛圍，用餐空間感明顯提昇，整體環境更為愜 意輕鬆，新店主打全新和牛燒肉創作料理，仲有Tasting menu體驗非一般燒肉料理，新店限定供應。.➰➿Tasting Menu➿(正價＄499/基本會員＄398/銀會員＄358/金會員＄328）✥六色豆腐沙律 ⭐️4.1/5⭐️✥脆脆土豆山 ⭐️4.1/5⭐️❀極上黑毛和牛肋眼頂峰肉 ⭐️4.2/5⭐️❀極上黑毛和牛肋肉 ⭐️4.2/5⭐️❀秘伝！濃湯川燙黑毛和牛 ⭐️4.2/5⭐️❀極上黑毛和牛魔方多士 ⭐️4.3/5⭐️𖥕日本雞腿肉 ⭐️4/5⭐️𖥕雞爽肉 ⭐️4.1/5⭐️❀大虎蝦 ⭐️4.2/5⭐️✥白味噌銀鱈魚⭐️4.1/5⭐️𖥕牛角飯/盛岡冷麵/珍珠飯 ⭐️4.1/5⭐️.今次主要目的當然係體驗新菜式，所以揀選左Tasting Menu，菜式包羅萬有，非常豐富，當中最愛非極上黑毛和牛魔方多士莫屬，和牛魔方類似牛角集團另一間近期人氣No.1嘅挽肉と米中嘅漢堡扒一樣，將黑毛和牛絞成肉團，今次俾客人自己DIY製作屬於自己嘅漢堡扒，玩得又食得，體驗一流，將燒好嘅和牛魔方放係多士上面，再配以黑松露醬，入口層次感豐富，齒頰留香，必試推薦。.另一款人氣推介嘅秘伝！濃湯川燙黑毛和牛以濃郁白湯浸煮和牛，令和牛香氣及油脂融入白湯，味道非常濃郁。.➿精選牛角逸品➿❀赤身牛板腱配鴨肝  ⭐️4.2/5⭐️❀炙燒黑鑽和牛松葉蟹卷 ⭐️4.2/5⭐️❀香蔥厚燒牛舌芯 ⭐️4.2/5⭐️✥極上黑毛和牛松露野菌石頭鍋飯 ⭐️4.1/5⭐️✥燒肉一本厚切豚太郎 ⭐️4.1/5⭐️✥鰻魚 ⭐️4.3/5⭐️.當然未夠喉試埋其他精選單品，黑毛和牛松葉蟹卷賣相相當討好，將和牛燒過之後卷住松葉蟹腳一齊享用，非一般嘅鮮味。.然後又試左赤身牛板腱配鴨肝，將鴨肝同和牛分別燒過之後，兩者油份迫出，入口即溶，油花四溢，非常滿足。.最後作為牛舌控當然不得不試嘅香蔥厚燒牛舌芯，將厚燒牛舌芯混入香蔥鹽醬燒至外焦內嫩，入口爽彈之餘惹味十足，牛舌控必點。.鰻魚好有驚喜，來貨用料出色，完全可以燒到皮脆肉姣嘅質感，比得上鰻魚專門店。.主食方面黑毛和牛松露野菌石頭鍋飯亦相當出色，多種野菌拌上和牛消解油膩感之餘亦增添香氣及口感層次，可以同牛角飯一較高下。.➰總結今次牛角推出全新概念店，裝潢與別不同，令人眼前一亮，帶來非一般燒肉體驗，最印象深刻和牛魔方多士可以自己燒製挽肉體驗，整體用餐體驗新鮮，無論係一人飯堂抑或一班親朋圍爐燒肉，都非常推薦。.➿➿➿#牛角日本燒肉專門店#旺角美食 #MOKO新世紀廣場  #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#秘伝濃湯川燙黑毛和牛#極上黑毛和牛魔方多士#赤身牛板腱配鴨肝#炙燒黑鑽和牛松葉蟹卷#香蔥厚燒牛舌芯#鰻魚…查看更多