牛角日本燒肉專門店 (屯門市廣場1期)

營業中

休息中

試過唔同既燒肉🔥，睇過好多食評，最後都係揀番食最大眾既牛角🐮！一來有最出名既牛角飯🍚，二來任食得黎佢啲牛又有質素！同埋屯門呢間坐得比較舒服。只係等位實在太耐😥，就算用APP拎飛都要等好耐，所以唯有努力食到金會員就可以快啲有得食😂。食Set C梗係主要食上級牛肋肉同SRF安格斯和牛牛板腱😳！有牛味又唔痴牙，無乜筋，燒完好香，點埋醬再叫多碗牛角飯食就一流！普通牛肋肉真係無上級牛肋肉好食。之前諗住食Set B就算，但食得唔係好過癮，陣牛味真係唔夠香同口感都相對鞋少少🙈。另外推薦雞爽肉🐔(雞頸)，之前以為頸無肉得骨，但呢個雞爽肉好正，好爽口彈牙，唔肥膩，同埋比較特別，其他地方都好似唔覺有。雖然食放題仲食番薯🍠好似好傻仔，但我同朋友次次食放題既Set C都會食黑糖牛油番薯😂😂，如果鐘意食番薯條既人真係唔可以錯過！燒完好香番薯味，外脆內軟。甜品最近食既都係每人一個細既Movenpick雪糕🍦，幾抵食！

去屯門市中心行吓，都多咗好多吉舖，經濟真係唔好，但見到Donki將會進駐，裝修中，之後應該好旺，順道去光顧牛角，足足排咗個半鐘。一如既往，味道好食，出菜好快，座位寬敞，唯一挑剔係佢嘅落單系統，成日上唔到。講真在香港燒肉放題好食嘅，真係冇幾間，牛角價錢雖不是便宜，又不是太離譜，而且而家又冇得去日本，食牛角飲番杯生啤，當自己去咗日本🇯🇵。雖然好旺，但啲服務員其實做嘢都好快，態度都OK，不錯不錯👍，唔怪之得咁好生意，個個排隊，仲有VIP會員。

lunch set 抵食又好食，係好多味精啫😅同會諗我食緊日式定韓式定係日式餐廳食韓式野食?!🤣#石鍋泡菜豆腐海鮮湯定食 一上枱係咁出煙，好夠熱辣辣，仲有隻生蛋係上面，賣相好吸引!🤩配料有泡菜 ，好大片，都唔少泡菜架;海鮮方面，有大大舊魚肉，無骨又夠滑，仲要唔腥，都有好幾大舊架👍仲有帆立貝 👍豆腐，真係要讚，超級滑，分量又好夠多，4大舊👍湯就有少少泡菜味，不過偏咸，一定要送飯，如果唔係就會飲兩啖就停咗😅#牛角飯 唔使多講啦，珍珠米好正，又有超多紫菜，仲有少少醬油，正👍👍👍👍👍定食仲會送餐飲同三味前菜，餐飲叫咗#乳酸梳打 同#凍檸茶 都唔錯，正常👌前菜有#蕃茄 #墨魚咀 #青瓜 墨魚好夠味，好味，但係都係超多味精; 青瓜個sauce唔夠🤷‍♀️所以一般#vinainklnbay #vinafood #gyukaku #koreancusinie #koreanfood #stonepotspicykimchiseafoodsoup #gyukakurice #icedlemontea #appertizer #foodporn #foodie #hkfoodie #f4follow #f4

鍾意燒下燒下仲有久仰大名佢個溫泉飯好彩唔需要等好耐就入得👍🏻•牛肋肉四品燒肉盛合•和牛三品 & 牛角二品燒肉盛合一邊燒 一邊食佢個香蔥溫泉玉子飯吉穿玉子將成個飯拌勻 又幾好味啵個飯 全清♥️🔥

難得平日來到市中心，見壽司郎新開張，本來想試一試，但一看到排長龍，即刻放棄了，逛到牛角附近，沒有人排隊而可以立刻入座，就一個人吃燒肉吧！位置：在牧羊咖啡館對面。環境：面積大，分開左右兩邊，座位大部分是卡座，沒有很大的油煙味，座位寬敞舒適，以木系作裝潢特色。服務：服務員仔細介紹桌上的用品，很貼心，上菜都在約五分鐘內。午市：燒肉特盛合定食G餐(最貴的一個)$228，每一個套餐皆有牛角飯、沙津、昆布湯、熱飲。燒肉有和牛三種，分別是日本佐賀A5和牛、美國SRF和牛及牛板腱，再加兩款二品牛肋肉和肩脊肉，配上辛味醬汁。五款之中，日本佐賀A5和牛的牛味最濃和好吃，雖不未到入口即溶，但口感的確細嫩，雪花比例均衡而漂亮，就算我燒到全熟都不韌。至於美國的和牛口感跟日本差不多，其他燒肉都很嫩口，再配上牛角專門特製的蒜鹽，味道更加一流。另外一個賣點是牛角飯，這碗飯只是蔥花、紫菜和牛角汁拌飯都美味，難怪人人來到都會吃兩碗。至於其他昆布湯和沙津就一般了，昆布湯給我的感覺像水一樣，其實有沒有這個湯都沒所謂吧！整個套餐加一服務費是250，由於我只是吃了一碗牛角飯，所以剛好飽九成。但其實以這個價錢可以在一間高質西餐廳吃

係夜晚6點前或9點後入座屬於優惠時段，比正價平$30位B餐$258有65樣野任食，另每位一客美國SRF和牛牛板腱、上級一口牛肋肉、豚肉燒同雞腿肉以上只限一客既單品其實係C餐任食既項目，算係試食等客人下次再食高一級既餐用電話落單，肉類都上得好快，唔會有拖單既情況，90分鐘絕對夠時間食，肉類都係偏薄身好快熟，牛既質數絕對合格好食，加上有牛角飯同拉麵揀，一定食得飽。如果狂食肉覺得膩，記得叫泡菜/生菜夾住食，口味會無甘重。甜品係隨機有一杯haagen-dazs / movenpick雪糕，無得揀牌子同口味，當日食既係haagen-dazs朱古力味#金魚姬食在屯門

係講牛角放題入邊有咩好食之前我真係覺得食佢要晒好多時間去攞飛🙈 又唔可以攞定飛先因為攞咗嘅話啲人未到齊又唔入得去 遲咗攞又要等好耐😂如果想打電話去book枱可能就真係要成個月前😂所以平時去食我都要等星期一 好似比較穩陣🙈今次去食牛角放題就帶咗嗰D套餐呢個套餐嘅重點係會包啲和牛同少量海鮮咁詳情大家就可以睇返個餐牌啦首先佢哋係會按人頭俾一份和牛嘅燒肉俾你試咗先 我覺得嗰一份係好食過之後嗌嗰啲和牛嘅知點解😂😂以前嘅牛角放題係會用佢哋嘅order pad點餐如果成班朋友去係會好麻煩嘅因為個order pad唔係斷人頭比嘅 但係而家就用咗自己部手機scan QR code落單 咁就大家鍾意食咩就叫咩非常好👍🏻👍🏻事關真係太多嘢食 影唔到太多我個人其實係鍾意食嗰個蟹蓋🙈🙈佢個蟹嗰入邊唔止係蟹膏仲有啲蟹肉絲，蔥仲有鵪鶉蛋黃😋😋 可惜嘅係以前呢一個餐係有雞泡魚乾 但係而家已經冇啦🥲 另外我覺得幾surprise係個帶子 係連蛋黃醬嗰隻帶子 出奇地好食同埋佢燒原之後唔會縮得太多 幾好👍🏻👍🏻然後肉類其實款款都幾好食 冇乜嘢可以挑剔佢🙈

今日食左C餐放題，限時90分鐘.一入到去係咁點餐，上菜速度好快，基本上一點完一兩分鐘內食物會送到☺️呢次餐牌內點唔哂咁多款試，不過豬牛雞類都有食齊，各款肉既質素都好好，絕對物超所值！

間唔中都過來食下，分幾個價位的放題，高價點就可以多點一些菜品，牛肉好食，一口牛呢就比較難燒，而且我個人對它一般，紫菜飯也不錯加上牛肉，正，我一般喜歡原味不要加了黑椒那些牛肉，可以吃出牛肉的原味道

而家冇左晚市，我哋呢啲無飯煮婦通常都係買外賣，行過牛角，見到超平價飯🍚有三款選擇，我揀咗牛角燒牛肉飯，門口落單，跟住佢叫我行入鋪裏面俾錢，比完錢出嚟喺門口已比左盒飯我😱啲飯應該一早整好曬擺喺門口，$35 呢個價錢都不能要求太多😅拎到返屋企打開，飯當然係預料之中嘅唔熱，牛肉大概有5 片，另外有兜燒汁，太少唔多夠😝飯有啲啲硬，牛肉都幾好味嘅～總結如果以呢個價錢，啲飯可以熱返啲其實都幾好😂

之前同屋企人嚟食咗一次燒肉放題，本身一路都幾鍾意食牛角燒肉，但放題嘅質素好似同單點有少少分別。啲牛肉質素一般，牛味唔係好突出，屋企人覺得豬腸反而係最好食嘅一樣。牛角飯唔使講每人叫咗一碗嚟食，半熟玉子撈埋飯食一流。

餐廳：牛角日本燒肉專門店 (屯門市廣場) (屯門)地區：屯門地址：屯門屯順街1號屯門市廣場1期2樓2173-2182號舖日期：10/1/2021時間：12:30人數：2人 等位： 20 mins 價錢： ＄403.7牛角lunch set非常豐富，有牛、豬、雞各款可以選擇，今次就試咗A餐-牛角豚、雞六品燒肉特盛合、C餐-和牛三品&牛角二品燒肉盛合，兩個餐都配有一款小食、牛角飯、沙津、麵豉湯、飲品，非常豐富。基本上所有肉嘅肉質都係水準之上，尤其是係豬頸肉、雞翼同埋和牛都非常出色👍🏻 小食方面，我地簡左金菇、石斑魚柳，味道都唔錯。另外仲有最唔少得既牛角飯，仲要好大碗，個肚滿載而歸😂呢個lunch set真係好抵食，有多款肉，又有小食、牛角飯、沙津、麵豉湯、飲品，基本上食完同食放題差唔多飽，值得lunch去食👍🏻

一個月一次同朋友清假大食行動今次黎到屯門市廣場的牛角食燒肉放題，我地揀左第二貴果個餐，有牛，雞，豬肉可以燒！一口牛，雖然難燒熟一點，但很有牛味牛肩肉好快熟，好正豬肉會燒到好大火，同樣好有豬味至有驚喜係牛油金菇和牛油本菇，好香牛油味飲品方面，點左一杯接骨木乳酸，味道怪怪地，唔知似咩另外點了普通的乳酸，味道不錯。埋單每人$280左右，抵食

最近先留意到原來除咗牛角buffet外，牛角有某啲分店都有放題食，餐牌同buffet唔同，今晚即管就去試下先！睇咗一輪餐牌，的確係同buffet既餐牌有明顯分別，今晚就揀咗set D，比起我去牛角buffet揀LV4係貴啲！放題同buffet既另一個分別係放題無自助bar，連飲品都係落order既，食物方面啲牛肉真係好吸引又好食🤤🤤其他食物都好高質，蚧蓋一流但不宜食太多，虾明顯轉咗貴價啲既虾，仲有黑椒牛舌都值得一試！餐廳環境寬敞，感覺都好乾淨，員工服務態度真係值得讚！清枱快、出餐快又無漏單、又細心（見你剝虾即遞上濕紙巾）🥰🥰另一樣同buffet既分別就係雪糕，因無自助bar，所以無軟雪糕，但有Häagen-Dazs😋😋

打開Openrice 睇下有冇咩外賣自取抵食🤭見倒屯門市中心既牛角有唔錯既選擇😍就係我食放題既時候必點既溫泉蛋紫菜飯所以我就決定叫呢個👇🏻溫泉蛋蒜香牛肉飯 $62佢個外賣盒真係好特別😂雞蛋形狀，包裝都唔錯，好貼心貼埋膠紙分量正常，食完一個都有8成飽牛肉醬汁唔會太咸紫菜飯加埋溫泉蛋完美的配搭溫泉蛋係分開裝👇🏻呢個係套餐會包埋餐飲，我揀左350ml既茶另外叫多個生薑豬頸肉飯 $59豬頸肉份量好豐富蒜香味好足同樣都好係有枝350ml既茶真的覺得好抵食仲用埋openrice買滿 $80減$20既優惠