牛角日本燒肉專門店 (元朗廣場)

營業中

休息中

週日中午好想飲茶但又怕等位，等了半粒鐘都未有郁一個冧把，結果去咗隔離嘅《牛角》度食，0秒鐘即刻有得入坐唔駛浪費假日時間 間中都有幫襯吓嘅，又唔一定食燒烤，喜歡佢周日也有幾款午餐定食可選，價錢唔貴，又坐得比較舒服溫泉蛋牛肉飯定食$69（另要加一）牛肉拉麵定食$69（另要加一） 點咗兩個定食温泉蛋牛肉飯定食，同牛肉拉麵定食，定食套餐兩份都係相同價$69（另要加一），有一份柚子胡麻汁蔬菜沙拉，及一杯飲品，個沙拉有生菜片，紫洋蔥，粟米，很喜歡佢個醬汁，雖然只有一點點，但酸酸甜甜很開胃，牛肉跟拉麵是分開上的，牛肉有切得很薄煮得很入味，只是略微有些感到多油，好在有塊大生菜墊底，最喜歡佢碗拉麵，碗麵一放落嚟就已經聞到好香麻油味，麵質適中，配上少少大白蔥，個湯又清又可口，食指大動yummy！ 有少少美中不足是，就是湯本來是很熱的，估計會不會是麵條可能一早煮好，已攤涼了，到有客人order時，才上熱湯，所以涼面便略微拉低了熱湯的温度，變了“微熱“，令原本很正的一碗麵拉低了一點分數，吃湯麵湯要夠熱才滋味呀不過我還是很喜歡個食味嘅 朋友的温泉蛋牛肉飯

自從做了會員後經常來吃牛角. lunch , after lunch, dinner 三個時段都有食過。我覺得最抵食的時段是after lunch, 因為set lunch 有7折。 所以我今次都係after lunch 個時段來，節省左$2x。我喜歡食呢度既腹胸肉，雖然冇咩脂肪，但唔會好un, 有牛味。散叫好似$49 4片， 評分： 7.5/10 今次第一次叫薄牛舌，原來幾好味，又大片，有我掌心甘大，一分鐘就食得，唔洗好耐，好煙un，有口感，比起呢度既厚牛舌，更容易掌握來燒。下次再叫。$ 49@4片 評分： 9/10另外，之前叫過呢度既和牛牛肋肉，牛味頗重，入口有油脂味，不過價錢稍貴$89@4片 評分：8/10 豬肉方面，蜜糖豚肉都幾好味，味道比起其他豚肉再豐富一點，不會覺得太肥膩。甜品方面，叫了個云哩拿雪糕。整體來說雪糕冰感太重，一啲都唔creamy，吃內面很多冰塊。疑似是咖啡醬同木糠淋面，不過份量略嫌少了一點。不過都好過淨係比一個雪糕球你 $25 評分：6/10 整體來說，牛角的肉類（由其是牛肉類）份量太小了，每樣都很細片，其實可以切得大片/厚身少少。

元朗廣場牛角分店人流旺，用手機Apps遙控取飛就可避免長時間輪候而影響進餐心情。中午除散點食物外，定食都有多款價錢幾十至一百五十九，可說豐儉由人，入會仲送多張優惠券對經常惠顧者絕對值得。惠顧商務燒肉套餐本身跟紫菜飯一碗加$9可升級至玉子紫菜飯，食貨們食完首碗飯後可免費encore多一碗同款飯，絕對二人必飽份。加多杯嘢飲及美味的日式雕魚燒dessert，消費足$200便享減$50的優惠。主餐用完，待應貼心地更換新燒網好等我能燒熱雕魚燒，每面只需各一分鐘，就可享皮脆餡熱軟的甜品，點上伴碟的低甜鮮忌廉來食，真是說不出的大滿足。

好耐無食又想黎食下牛角，午市個牛角飯可以任食真係好正㗎。遲到左少少啫，家人已開波燒緊了，等我快快落餐先，電子平板落單好方便。醬汁有燒汁，辣醬同蒜容醬，其實肉本身已好好味，點了醬汁反而有點過咸了。跟餐的沙律，清新爽甜。跟餐的海帶湯……淡而無味。先黎個牛肋肉+豬頸肉燒汁，好靚呀，睇見就流口水。另一份點了牛肩肉+豬仔肉，都係燒汁。燒啦燒啦，好香呀 將個爐較細啲火慢燒先，牛肉好甘香，豬肉好肥美，啲豬油勁好撈飯。牛角飯，其實係白飯加紫菜，蔥，同醬汁，簡單但好好味，可無限添實在太正。飯香軟綿，白飯都好正。餐飲要了凍烏龍茶，冰凍解渴。不得不提，員工態度其差，追咩都係答你等等，我知你地好忙，但我個餐等左四十五分鐘都未黎囉，lunch time等到下午茶……兩個餐一齊叫，黎得一份沙律同湯，問佢又係叫等，最型係答我佢得一對手拎唔到咁多，ok，你拎唔到咁係咪我自己出去拎？自助餐？最後燒呢八片肉燒左兩個鐘，野飲唔黎，飯唔黎，好彩我今日放假好得閒同你慢慢等啫。

原來牛角現在也設電子下單，但吾等點了恒生優惠套餐，還是要店員寫單。 牛角大皿燒肉 2人前套餐 恒生咭優惠 廣島蠔，一小盤子盛著兩隻蠔。車海老，兩大隻蝦。蝦很易燒焦外殼，然後有點焦味，燒完內裏蝦肉亦算鮮爽，不錯。 和牛牛肋肉、上級牛肋肉、肩脊肉、厚切牛舌、豚肉燒：牛角的肉的感覺，總是覺得咬極都咬不開，時而輕燒時而燒久一點，但那些牛肉好像怎樣也不會燒得好。
牛舌，每次看見厚燒牛舌就覺頭痛，燒得不夠熟，就會太生，咬不開；燒得太熟，牛又老了過了火氣，亦是咬不開；所以牛舌每次都只得幾片是燒得剛剛好。
 豚肉燒其實只是裝作名貴的豬肉罷，又不是肥瘦均勻的五花腩肉。整片豚肉燒起後都只是瘦瘦的，沒太多脂肪肥肉，感覺健康，但是太瘦，還是難令人大快朵頤。生菜包拼盤，其實只是提供一紮生菜及一碟韓式烤肉醬汁供食客自己製作生菜包，並非一個小食。腹胸肉 較大片的就是腹胸肉，其實不太分得出腹胸，牛肋肉及肩脊肉的肉質有甚麼大分別？但共通點就是大大片，難以燒得剛剛好，要麽太生要麽太熟又好韌。黑糖水晶凍 好像幻彩水晶球一般，這個水晶凍內裏的粒粒不知是什麼，還以為是很久以

假期悠悠閒的，想不到吃什麼，突然想到很久沒吃日式燒肉便前來，元朗店一直人流不多，所以都不用排隊等候即可入座。 因為有恆生信用卡，於是點了優惠套餐，一個牛角大皿燒肉套餐加特選美食腹胸肉。 另點了前菜辣油豆腐，第一次吃這個，原來很不錯！看起來好像很辣，但其實只有微香辣，加了一些似乎是炸蒜的物體，十分香口，配合清淡的豆腐一齊食，效果出乎地夾 這是套餐內所包的肉類。 牛舌 - 不知是我們不懂得燒還是太厚的關係，不是燒得不熟就是太韌，還是喜歡薄切的。 豚肉燒 - 豚肉切得厚薄適中，燒至微焦，香氣撲鼻，另套餐包一盆生菜與麵豉醬，可以韓式食法包著蒜頭麵豉醬一同吃，另有一番風味。 廣島蠔 - 因顧著聊天忽略了在旁的蠔，燒得過熟浪費了但仍吃得出蠔鮮味，建議燒至牛油溶掉，再反轉燒一回即可。 車海老 - 蝦的份量很足夠，有成一隻手掌大，燒起來十分爽口彈牙。 反而最上面的三款牛肋肉與牛脊肉味道分別不大，沒有什麼驚喜，下次應不會再點這個套餐，單點的肉類比較好吃，當然價錢相對地沒這個優惠。 蒜蓉味噌腹胸肉 - 最愛的卻是這個，蒜味醃料很香，燒起來肉質軟腍，餐廳會提供剪刀，當燒至兩面轉

想食日式燒肉,一樣質數食下晏抵D,星期六都唔洗等位真奇怪,不過照入去坐低見到餐牌有下午茶價錢再抵d,唔洗諗問左員工邊隻肉好食d經介紹後點左2個餐,另想食菜就叫多2款,當然要試埋特價甜品牛肋肉-食落同店員講一樣肉味比較濃因為有小小油所以肉質滑溜,點蒜鹽食比較香肩脊肉-雖然睇落好似好肥同見到好多根擔心會靭,但食時候肉質超林身一d都冇肥膩感覺,小朋友都好易咬得開,員工果然冇介紹錯牛油本菇-有錫紙兜裝住比就咁燒菜易控制冇咁易燶,不過一放上爐就要炒炒佢牛油係面撈唔到底下,除左菇會冇味個盤底燒黑晒外觀唔靚,但味道就麻麻地蔬菜籃-直接燒比較乾身,第一個洋蔥燒左好耐先縮細似熟但好靭好乾難食,第二個燒到半熟就夾起雖然生生地但一d都唔辣又爽又甜,南瓜就用左日本種口感好粉甜,脆肉一燒就食得一耐就唔好食,粟米同茄子就咁燒唔好食鯛魚燒-一睇個樣仲估係普通燒年糕,整熱時魚身燒濃小小賣相靚好多,食入口外脆內軟表面似雞蛋仔入面就似糯米滋,選擇吉士味好淡唔甜,跟俾你d Cream 好香好滑一定要點來食整體牛肉係主角質素都好好就算唔點汁都有牛肉味,玄米茶又香,餐跟埋紫菜又有益小朋友又鐘意食

平時黎都係食開好正既燒肉+牛角飯。今日落雨涼涼地想食熱野諗住試下佢石鍋飯，以為叫泡菜牛肉石鍋飯一定冇死，點知一上黎睇個樣都唔太對路，啲飯偏濕冇乜飯焦出到黎，最重要上面得半茶匙肉碎，唔該呢個價錢我唔係期望要咩A5和牛，起碼都俾返吉野家果種一片片可以睇得出係牛肉既俾我丫。另外追加石斑魚柳唔錯，但帶子麻麻。餐配埋熱檸檬茶一上黎就係苦既。。下次都係叫返燒肉定食+牛角飯穩陣。。p.s 新出個午市餐牌有啲tricky..A-C 升級牛角飯$15, 溫泉蛋飯$18. D-F 配埋牛角飯，但升級溫泉蛋飯就+$9？！LOL

食左牛角3年, 做左會員兩年...從來都無食過佢既lunch...因為返工附近無牛角, 行到去都過左我既luch hour... 星期六去左派曲奇, 終點站係元朗...天氣咁熱, 所以去左元朗廣場先諗食咩...上左去睇到原來牛角星六都有lunch set...而且聽過朋友講有牛角飯任加...雖然上次食完覺得一般, 不過唔想再行就去食啦... 位置係元朗廣場3樓, 三聯隔離...我地叫左 燒肉定食, 石鍋泡菜豆腐海鮮湯... 燒肉定食: 要左鹽醬胸腹肉, 豬頸肉...隨餐有湯, 牛蒡絲, 白飯任加, 餐飲... 牛蒡絲, 湯: 比較爽脆, 唔鐘意...湯就(似)係味精湯, 所以當然好飲... 燒肉: 無將貨就價, 同晚市一樣...胸腹肉軟身, 豬頸肉彈牙, 兩個都無雪味, 而且唔會無味... 石鍋泡菜豆腐海鮮湯: 隨餐有前菜3點, 牛角飯任加, 餐飲, 牛角雪糕... 前菜:3款都好食, 左邊既肉粒質感偏實, 中間既菜就係麻油味, 右邊泡菜唔會太酸太辣... 海鮮湯:上菜時仲滾緊...湯入面有好多粒帆立貝, 亦有蜆 ...豆腐無咩豆味, 但好滑, 應

路過元朗廣場忽然想食燒烤，但冇諗過要等咁耐，牛角果然得牛係可以，個海鮮盛先講個蝦有小小梅，粒元貝又細粒又咸，塊魚肉質一夾就散，最好係隻蠔不過2粒入面有1粒係爛，以後去到主力都係食牛算啦

今次又黎到食肉獸既天堂>>牛角…元朗呢間分店開張多時…都未黎幫襯過…今日假期…居然唔駛等位…就拿拿聲走入左黎啦…飲品普通...無咩特別...旦鼓油要撈混黎食...豚肉成塊豬扒咁大...附有剪刀...方便切開黎燒...其實豚肉唔沾旦鼓油都已經好夠味...只係一小寸骨仔...感覺有dd肥肉...粟米夠甜...南瓜矮瓜比較難燒得好食...因為太薄太乾...反而菇類好味好多...燒完都仲有d水份在內...薑味唔太勁...燒完唔會特別濃..ok好味...羊鞍勁多肥膏...d膏變成油勁搶火...好在有長夾係度...唔係都唔知點算...羊搶火變成全熟...都唔韌...有少少騷...好味...雞胸肉無咩特別...食左咁多肉...特登點左碟蕃茄黎清清腸胃...蕃茄好實淨新鮮又夠凍...生既紫洋蔥一d都唔辣...反而好爽口清新...好夾味...大致上連鎖式集團…餐牌既野食都係一樣啦...只係食肉獸升左lev...唔再只係食肉咁簡單...意猶未盡仲要加多個甜品呢...cheese cake不過不失...反而銅鑼燒比較特別...真係要燒...侍應會換個塊新網比你燒...只係輕輕燒到兩邊有網紋就

中午時間，媽媽突然想吃燒烤，燒烤不一定是用燒烤叉或韓燒吧，一於去附近新開的日燒餐廳！莫說二人，一人都可以乾手淨腳享受香噴噴的烤肉！ 我們2:20到達，服務員問我們要否等2:30下午茶時段，午市套餐可再有八折優惠，我們決定等一等。 2:30我們被安排入座，座位寛趟舒適，環境清潔，店内沒多太烤肉的氣味，抽風系統應該運作得不錯，不用擔心被燻得全身肉香。 桌面上有平版電腦菜牌可供客人直接點菜，當然亦可請服務員代勞。我點了兩個午市套餐，套餐包括烤肉兩款（每款四件）、牛蒡前菜、昆布湯，白飯（可添）及餐飲，枱面備有三種醬料，分別有燒烤醬、醬油及蒜鹽，燒烤醬比較甜，醬油則比較普通，所以蒜鹽是我的最愛，配任何一款烤肉都能很對味。 烤肉我選了牛肋肉、豚肉、雞腿肉和牛腹胸，牛肋肉肉質較有咬口，牛的油脂較多，肉味濃亦香口，推介。豚肉可見五層肥瘦分明，明顯是腩肉部位，入口香但又不會覺得太肥。雞腿肉肉質嫩滑，但因為較厚身，注意烤的時間要多一點，牛腹胸油脂不多，肉質嫩滑，有點似牛柳的口感，整體來說，各類烤肉的質素都很不錯。店內對客人不同肉類的燒烤時間有建議作為參考，燒烤夾也分了生和熟食兩個夾，十分貼心。這裡的飯似乎