牛角日本燒肉專門店 (德福廣場2期)

營業中

休息中

最鍾意食燒肉，似開住冷氣bbq，舒舒服服，坐低嘆住燒就最正。黎牛角貪佢選擇多，質素亦都keep住水準，而且我好鍾意食佢既玉子牛角飯，同埋海蜇沙律，食得肉多可以中和番

雖然已提早拎飛，但因細鋪比較少大枱(一行8人)， 最後都等咗7個字，分開2張枱入座，建議大家預早時間拎定飛。叫咗2個會員限定套餐(4人前)加+飲品，另外一個十品燒肉盛合，份量啱啱好。首先上場的凱撒沙律略嫌多咗沙律醬，梅子蕃茄好清爽，值得一試。五品菜盛合有秋葵、粟米、雞脾菇、粟米仔以及鮮冬菇。新鮮菜，除粟米外其他燒一燒就食得。一片片魷魚2面略燒，變色就可以離火。食緊沙律的同時主角上場-肉。目測為牛舌、雞肉、豚扒、和牛牛板腱等，雖然一人2片，份量不是多， 但都夠飽。每次必食海老，大隻爽口，可惜有一隻少少霉。牛角靈魂飯食到咁上下，開中火將有魚皮的一面向網，燒至略有收縮現象轉細火再反轉魚身，慢慢燒，最後加汁就得到美味燒鰻魚，大滿足散場。

嚟到牛角除咗係食佢哋嘅牛肉同牛角飯之外🐮🍚最推介一定係佢哋個燒窩夫🧇同埋甜品區嘅自助雪糕吧🍦將窩夫燒到熱辣辣外脆內軟 再加埋凍冰冰嘅雪糕 冰火交融 真係世一🧊🔥

平時想食燒肉既話唔到去邊度都會去牛角，貪分店周圍都有同算係幾好坐，歡迎大家推介其他燒肉好地方比我🥹🥹另外牛角真係好多人，當日係weekend，朝早11點幾去到都等左10分鐘到先入得，想食又無金會員既朋友真係要早d去拎飛🫠🧡休日menu set B $219部份分店有休日menu,計返散叫一份肉同牛角飯都要百幾，所以放棄掙扎嗌set就算😂Set B有4款牛，分別係：1. 網燒一口牛2. 美國上級牛頸脊3. 美國上級牛肋肉4. 美國SRF安格斯和牛牛板腱網燒一口牛係咁多款入面油脂比較多，小心燒既時候有機會搶火，而且雖然切開一粒粒，但切得唔太平，燒既時候可能需要用個夾去固定🥴呢款雖然重油脂仲但食落反而有d韌 ，部份唔太咬得開，少少失望。美國上級牛頸脊就肉味比較濃，油脂分佈唔太平均，都有少部分位有筋 ，比較適合鍾意有咬口既朋友。美國上級牛肋肉同美國SRF安格斯和牛牛板腱都係油脂分佈得好靚，個人唔太鍾意食太油，反而鍾意呢個牛肋肉多過和牛，但兩款相對上都係易燒同好食既👍🏻Set另外有跟沙律 ，昆布湯，小食，飯/麵同飲品～沙律就得番茄同青瓜，一塊沙律菜都無😵‍💫昆布湯個人認為太鹹🥲飯就揀左紫菜溫泉蛋

就算係牛角嘅忠實fans，佢午市嘅忌廉牛肉飯我都不敢恭維🙈🤣極似納豆⋯撈飯😳午市可唔可以比返世一牛角飯我🙏🏻不過午市燒肉set都真係好抵，燒肉盛合有齊晒最好味既牛部分都係百零蚊👍🏻我個人就好鍾意❤️海蜇柚子醋沙律/BLT 凱撒沙律🥗所以我就一定會揀牛角流三食😆😌佢個沙律真係俾返正常咁大碗😍😍😋一邊燒肉一邊清新個口，百吃不厭✌🏻燒肉套餐仲會有麵豉湯、沙律仔，又要包飲品👍🏻happy Friday緊係要對自己好啲，一星期一次不過分呀🤣🤣好開心公司附近有牛角，次次食親都係味覺嘅享受☺️😌👌🏻

突然間好想食燒肉 見食飯時間又鬆動 就同同事入左牛角慢慢燒🤤🤤lunch hour出奇地唔洗等位 可以直入😌太耐無食過牛角lunch....成個lunch menu唔同左既😱😱😱午餐既肉類配搭唔同哂 仲要無一個餐有我最愛既厚切牛舌😢突然間變到唔識點餐😂又要左揀右揀 最後先得到呢個結論Set A 100日間殼物飼育牛+ 雞爽肉Set D 和牛二品&三品燒肉盛合牛角既水準一向好穩定 從來都唔會令人失望同事本身話唔食雞爽肉 見我食得咁滋味都話要試下試完佢都話好味 爽口 又有雞味 真係好好味😋唔洗等位既牛角真係好吸引下次食飯時間唔洗等位又可以再食🥰😌

做完Gym 搭地鐵去德福食個燒肉下午茶。聽聞牛角都幾多人去，抵食又大份，就去phase II 四樓攞張飛等下午茶，比較一下他的烧肉和去開銅鑼灣的和牛燒肉.纯(和牛纯)的分別。坐抵叫咗兩set唔同嘢: Set 1: 牛肩肉4件，牛舌4件和豬大腸4件;Set 2: 一口牛5粒，牛肩肉4片和牛肋肉4片兩set下午茶餐都有salad, 白飯和一杯飲品跟。白飯是用肥仔米，碗大飯少，大約半碗上下，飯質偏硬和乾，沒有一般日本米的軟滑，和牛纯用的是日本米，甘香軟滑，還有，無限添加。牛角的牛肉切得非常、……之薄，沒有日本烧肉慣常用的厚切，只適合打邊爐，但他又冇打邊爐的大塊，不倫不類，因太薄黏住晒係個爐面到，食客以為有很多牛肉，其實重量得幾克。打卡就ok，食就冇幾多，和牛純片片厚切，一片等於牛角三片，食完碗飯，還剩一半肉。所有切片牛肉均沒有一点兒牛味，若不是點燒烤汁，送下飯，一口牛稍為好些，有小小牛味但超多筋，粒粒有渣，和牛纯牛肉網纹分佈均匀，聽講係來自日本。希望牛角D牛肉唔係來自巴西啦！下午茶有25% off，二人埋单要$272，比較和牛純2人lunch set 差不多，如果沒有25%折扣，就貴過人了

最近呢幾年開始，任何慶祝活動都會習慣去牛角，之前會食牛角buffet，但係仔仔而家開始計成人價錢，感覺不太值得，我哋就去九龍灣慶祝啦，一早book咗位， 6:00去到，已經人頭湧湧，難怪嘅，終於放寬可以夜晚有得出去食飯，眾人是快樂的，因為我係會員，佢會送一碟燒肉拼盤給我們，真係很化算，嗌咗幾條牛肉，拉麵，沙律，還有我們最愛的牛角飯，後來我哋叫了一碟比較高級啲嘅和牛，職員就說可以給我們燒，燒好之後點上生雞蛋醬油👍真的入口即溶😚😚😚

收工即時拎飛去到岩岩好等左十分鍾有位牛角嘅話揀啱時間拎飛真係好重要BLT凱撒沙律爽脆清新開胃厚燒牛舌（鹽醬）（5片）以前係長方體比較厚身度薄，但係都算爽口燒鰻魚有雞髀菇同埋冬菇做配菜配鰻魚醬汁，份量都大王樣! 腹胸肉（蒜香味噌醬）濃味同易燶😮‍💨😮‍💨😮‍💨😮‍💨吐糟位：需要鉸剪，但係店員冇主動提供特選燒肉六品盛合（原味）懶人唔想揀之選咩都有，但未退冰，呢樣有少少失色甜品，佢哋嘅甜品都幾有特色，鯛魚燒或者銅鑼燒。

吃一頓燒肉午餐相信就是Happy Friday的vibe！和同事一行人早早訂位，所以到店後可以直接入座😊翻開餐牌發現餐點有點不同，以往B餐最便宜的百多元價位有牛肉，現在只是豬及雞拼盆，有點兒失望。所以選擇A餐，自選兩至三款肉。牛肋肉$52 +雞腿肉 $42每份肉各4件，牛肉切片有厚度，燒熟後保留肉汁，很JUICY！而爽口多汁的雞腿肉連雞皮，發現新食法，就是可把皮分開，耐心置網的一旁慢慢烘熟，轉眼便有油口滿溢的燒雞皮吃啦～香蔥溫泉玉子飯 $21 無限追加下單時可選飯、蔥、汁的份量，走青人士FRIENDLY🌱如果多汁還是不夠，可以自行用枱上的燒肉汁添加😋所有東西MIX在一起就很好味啦！最後一共吃了兩碗，你們最高記錄是多少碗飯？前菜沙律、昆布湯、凍檸檬茶 $0, $0, $2前菜沙律分量偏少，以往的生菜變成蕃茄，不過仍然美味，只是沙律份量可多點。湯中規中矩，適合吃完沙律後清一清味蕾再吃肉。飲品方面冷熱同價，但請注意挑選凍飲品時，如果要飲管的便要收取額外$2喔！飽餐一頓，準時交枱，也要回公司繼續工作啦～

食牛角 竟然有75折優惠🤩抵食咗啲。2人個叫咗3個餐，最後折左$103.4，總結帳$350.9…勁飽肚😂但講真肉嘅質素普通👌🏻反而平時食嘅另一間感覺平啲同好味啲。肉本身係新鮮嘅，但肉味普通👌🏻不太特出，本身自各叫了特選精選五品，肉每款2片配牛角飯（大碗好多紫菜同汁）。自選三食，沙律配一款肉再配拉麵（份量得3啖勁少不推介）..食完硬差點就吖多一份燒肉3選肉定食，即是滿足不少，白飯仲可以任食。

今日lunch 好肚餓所以去左食牛角，朋友係金會員，但可能lunch 人多，都等左好耐先有位，叫左兩個set ,一開波就叫左牛角飯先，朋友有叫玉子牛角飯，有玉子好食好多，有蛋汁好香，不過玉子牛角飯就要等耐少少先上菜，都有個沙律同埋湯，食左一陣終於有肉上台，餓死人，叫左個mix的餐，有雞有豬，豬腩肉一般般，反而而雞肉唔錯，燒汁同埋蒜蓉個個醬都試左 我覺得點肉的話，燒汁好似好食d,蒜蓉個醬點太蛋會好咸，不過lunch 燒肉真係好趕🙈

weekend當然要同屋企人食餐好啦 呢啲天氣真係好適合食燒肉打邊爐等等😋😋一早已經用App訂座 不過可能時間尚早 餐廳內食客唔算好多🙆🏻‍♀️🙆🏻‍♀️因為全家得我一個食牛 所以我哋就叫咗五個豚雞 一個牛肉午市套餐 入面已經包括 沙律 湯 燒肉 小食 飯同飲品💁🏻‍♀️💁🏻‍♀️除咗沙律同湯冇得選擇外 其他一概有得揀👍🏻牛肉套餐- 今次我哋揀咗燒汁牛肉 牛肉質素不過不失 正常發揮 最欣賞嘅係牛脷 質感爽口彈牙 配飯很好吃😎豚雞套餐- 我哋有揀原味/ 鹽燒/ 燒汁 雞肉大部份部位都係連皮上 所以放上燒烤爐嘅時候好容易搶火 大家要小心😉😉跟餐小食- 可選牛油帶子 牛油本菇 牛油金針菇 調味足夠 送飯一流☺️黎牛角點可以唔食牛角飯呢 當然你都可以揀香蔥溫泉蛋拌飯 或者淨白飯 但我梗係投入牛角飯嘅懷抱啦🎉🎉飲品有各類熱飲 要揀凍飲的話就要加2蚊 但同時間如果你飲凍飲唔要飲筒的話 又可以減兩蚊 邊上唔使加錢💪🏻💪🏻

去完namco 挽運動競技場有少少肚餓就去食牛角 食Tea係有七折🤩1）牛角自選3食+乳酸梳打$105凱撒沙律🥗+ 一口牛+牛肉飯2）燒肉定食+凍可樂$199美國上級牛頸脊（4片）美國安格斯牛和牛板腱（4片）牛舌（4片）3）燒肉定食 +凍檸茶$124美國安格斯一口牛（5粒）牛肋肉不用介紹款款牛都好好味個人最喜歡牛板腱 肥瘦均勻 好多雪花食落去有油脂而不膩侍應生很有誠意地介紹每一款🥩的口感冇乜人食Tea 所以 好多位揀 又可以慢慢食🤩之前去過幾間牛角 裝修都冇咁靚🤭依家好有日本feel 🎎超值得加一服務費 七折咗之後只係$342.4真係超級抵！1）牛角自選3食+乳酸梳打凱撒沙律🥗+ 一口牛+牛肉飯2）燒肉定食+美國上級牛頸脊美國安格斯牛和牛板腱牛舌3）燒肉定食 +凍檸茶美國安格斯一口牛牛肋肉超值得加一服務費

自從我食咗第一次牛角之後，就鍾意咗去牛角食燒肉，講真價錢不是平宜，但係起碼食到質素🥢。其實本人joined左做會員！🦐🦞今日兩個人散叫烤肉餐，十品燒肉盛合（內有A5和牛），豚肉燒，紫菜蛋白飯，食落好好食😙，可惜份量唔太多！想下次再食大家應該要join佢哋嘅會員優惠哈哈