牛知己 (已結業)

今晚收工同屋企人去左附近新開既韓式火鍋試下，一入到去，啲位都好闊好舒服，又唔會好大陣味，打邊爐最驚就系整到成身味！佢啲野飲種類好多，簡直系想飲咩佢都有呀，超級正！然後啲醬料都系好多選擇，應有既都有！啲蔬菜類都好新鮮，擺得好整齊、企利，令人放心。甜品方面，質素都比一般放題既好，伴碟既甜點都系好乾淨，啲脆脆唔會擺到林曬，算系好高質既火鍋任食呀！講到重頭戲，就系佢既牛啦！最正系啲牛肉同海鮮，佢個精選牛真系好香好濃郁既牛味，食完好有滿足感！西班牙的豚肉都好高質，啲肉都好疏好軟！超好味！我地叫左好多凡立貝食，一口一粒，好juicy好鮮甜。佢啲菜既選擇好多，幾乎樣樣我地都拿左少少嚟試，南瓜、萵筍、蕃茄、金針菇、冬瓜、生菜、秋葵........好多好多！

有一天出完街入返元朗，想打個邊爐，之前吃過一次牛知己覺得不錯，所以即時再打去book位，我book 晚上9點，員工提示9點後85折，不錯今次選了188蚊位任食個款牛，另外加左$88人蔘雞湯湯底試試，見佢宣傳緊，一上枱，好大隻雞，員工會幫你剪埋好細心但其實湯式嘛嘛，上次食個大醬湯底都不錯，下次會再試其他以呢個價錢，每人約$220，任食任飲，算不過不失，味道一般，選擇既食物不算多推薦：狂食高級牛肉，熟食既炒辣年糕

最近天氣又轉涼梗係要打邊爐 日式港式火鍋就食得多 韓式你又食過未 喺元朗嘅呢間牛知己就係食韓式火鍋 生日夜晚嚟到都幾爆 最好預先book位 枱櫈好闊落 大量卡位 四人卡位都好舒服 最特別係送餐用上電動路軌 唔使人手送過嚟 好得意湯底揀咗原味牛骨湯味道唔錯 唔會好鹹 食完都唔口渴特選肥牛肉質嫩滑 厚薄適中 唔會好韌 而且牛味濃郁 重點係肥瘦適中 啱曬我呢啲注重健康嘅中女豚肉就比較肥同埋淡味 如果唔食牛都係一個唔錯嘅選擇 不過我就冇再追加雞肉好有誠意咁用咗雞腿肉 十分嫩滑 而且淥耐啲都唔會過老仲可以用ipad追加其他食材 我就點咗玻璃蝦 玻璃蝦煮完十分爽脆真係半透明 有趣除此之外仲可以自取蔬菜同埋丸類 仲有飲品同雪糕

突然興起想打邊爐朋友話朗屏站開咗一間新既火鍋店牛知己（聽錯牛歡喜😂😂😂）好抵食咁話 一於去試下！我哋揀咗美國牛肉黃金時間$168，另外加$48叫多碟牛小排好老實跟餐嘅兩碟牛肉有點鞋但加錢叫嘅牛小排就非常好食！值得推介牛小排 雖然牛肉唔係全部好食，但唔緊要佢哋其他火鍋配料質素都好高！最鍾意海鮮小墨魚同埋蝦 蔬菜麵線等等嘅食物自己出去夾另外仲有熟食供應，例如泡菜壽司炸餃子等等炸餃子意想不到咁好味，係泡菜豬肉餡！食咗三四隻食到飽晒😂新店乾淨企理，算係環境非常好嘅火鍋店令人坐得好舒服！火鍋配料唔算十分多種類，我覺得唔緊要 都唔會食得晒。最重要夠衛生，質素高上枱亦擺得好靚，令人食得放心！宵夜時段更抵食，住附近一定要黎試吓！

今次去到元朗想食吓牛肉放題火鍋，撇除咗啲連鎖餐廳🤪最後就搵到喺世宙入面既一間餐廳－牛知已🥳🥳佢主打係做韓牛，不過budget有限🤑🤑，最後都係要咗$238 嗰set，有得食澳洲和牛、西班牙Iberico 100%黑豚、海鮮放題🤤一入到去就已經揀咗牛骨湯底，因為覺得咁樣先唔會太搶啲肉味🤓之後就去攞醬汁，呢度其實算係韓式野，所以醬汁方面都幾韓式吓，有啲韓國辣醬俾你揀😏而嗌野方面都好方便，用平板電腦落，咁就唔駛要搵人落單，之後就經過運輸帶出食物，拎完佢就自動返入去廚房👍🏻👍🏻呢到啲座位都幾寬落，全部都係卡位，坐得幾舒服！😗除咗平板電腦上啲食物之外，出面都有個自助吧俾你拎野食😋😋飲品花款都多，不過罐裝飲品就冇飲管提供😅咁啲食物方面，澳洲和牛（下圖右邊）雖然講不上係雪花pattern，但食落一啲都唔普通😚鬆化嫩滑，食多幾輪都冇問題！呢個西班牙黑豚（上圖左邊）比個澳洲和牛更加俾到驚喜我，每塊都充滿雪花，比牛肉更加鬆化，直情可以講係入口好快融化，而且充滿油脂香味🤤🤤之後都決定主打個🐷肉了🥴🥴我都嗌埋特產牛肉同極選牛肉睇吓，豐儉由人😂😂大家睇圖可以睇到分別😂😂海鮮方面，有魷魚，帶子，青口同蝴碟蝦係任食

早幾日食完韓國菜，又心思思想再食結果係openrice 搵到呢間距離西鐵朗屏站不遠的韓式湯底火鍋我地選了$188的套餐，90分鐘放題形式湯底有最基本的豬骨濃湯（不用加錢）另外可以選擇+$20要別的韓式湯底例如大醬湯底、泡菜辣湯底等，我就選了海膽海帶湯底（可以再+$30變兩款湯底的）食物方面，套餐內的豬，牛，海鮮可以在桌上的pad自己點食物會在運輸帶送過來（好似元氣高速線咁）飲品，蔬菜，丸類，粉麵就用職員提供的器皿去自行選取值得一提的是，蔬菜種類比起一般餐廳特別例如，有皇帝菜（小編最愛的，好少放題會見到）羽衣甘藍，萵筍，秋葵等另外仲有熟食提供，有炸餃子，薯條，韓式炒粉絲，韓式炒年糕飲品方面，除左韓式飲品，港式一樣有罐裝，紙包，樽裝都有種類多之如，更有誠意，有罐裝可樂plus, 仲有汽水機俾你自由選擇，成本之高，係可口可樂而非百事另外一提，全店一半是4人卡位座，一半是5人以上的大table, 食得很舒適，同埋係明火火鍋，不是電子的、所以傳熱快，溫度平衡最後甜品有雪糕機，有乳酪雪糕同抺茶雪糕其實要食有返少少質素的火鍋放題，都要over $200, 所以牛知己可以稱得上是物超所值

牛知己 (元朗)元朗安寧路38號世宙商場地下26-27號舖食呢間餐廳前 已經十分期待首先呢間係主打韓牛 有別於其他餐廳 呢到係要黎邊爐而其他係要黎韓燒 所以好特別服務黎講呢到無得輸 采用全自動落單及上菜湯底要左韓國泡菜湯 酸辣適中 而且好開胃牛肉線條好靚 咬落好彈口最出色係佢有得叫帆立貝叫左勁多粒 不過要搵番就麻煩左d丸類啊 菜類都係自己去拎菜好新鮮 豆腐好滑 勁正美中不足無墨魚丸小食方面 拎左好多次餃子因為太出色 加上係餃子殺手薯條就淋哂啦 不過換得好快 調味料方面 佢有好多種可以任你溝 蒜蓉醬就最岩我最後飲品都唔差 相比出面 有2個大雪櫃

今次近近地約左fd係元朗世宙打邊爐，朗屏西鐵站行5分鐘左右就到，交通非常方便。呢間半自助嘅火鍋店牛知己，牛豬雞海鮮落單一律用ipad，飲品雪糕小食自己拿。海鮮表現最好，無腥味，無論帶子定蝦都非常爽口。牛肉肥肉方面較多，豬肉夠薄，快熟。雖然話小食選擇少，但勝在精。無論係麥樂雞定炸餃子都非常好味，皮夠脆，麥樂雞有落椒鹽調味，又唔會重手。餃子係泡菜肉餃，泡菜味唔會重到搶哂隻味。雪糕都係另人眼前一亮，搽茶味道非常濃郁，但奶味不足，整體感覺乳酪雪糕更好。乳酪味重，奶味足夠，入口有回香。店員非常nice，會講解各樣唔同嘅特別之處，又會同我地講笑，見我地唔記得拿碟牛落來，會主動行埋來拿，又會主動問洗唔洗加湯，服務窩心。

牛知己韓式火鍋放題收工返到入元朗見到呢間門面精美嘅牛知己韓湯火鍋放題店舖，忍唔住畀佢吸引到， 於是就決定試試晚市韓湯火鍋套餐90分鐘放題 套餐分唔同嘅價錢，可以因應自己嘅喜好選擇你想食嘅套餐店舖嘅裝潢新淨環境舒適， 而且地方仲好闊落唔會好迫夾除咗肉類之外，店入面仲有自助吧， 自助吧提供火鍋配料、火鍋醬汁、熟食、飲品 ，仲有我最鍾意嘅雪糕添火鍋配料嘅選擇都唔少㗎 鍾意食幾多就幾多而且嘢飲都係任飲架， 除咗有紙包飲品、罐裝飲品、奶茶咖啡、仲有汽水機，種類繁多坐低咗之後店員同我哋講只要喺Facebook like佢個page， 就可以每人送一份1++韓牛牛丸同牛筋丸兼且仲可以食多三十分鐘添美國極選牛肉，西班牙豚肉呢兩款肉比較突出，肉味香濃又唔會韌， 個人覺得美國極選牛肉同海膽海帶湯比較夾， 西班牙豚肉就同韓式泡菜湯比較配合由於款款湯底都好似好吸引咁，於是我哋就揀咗鴛鴦湯底，可以試多幾種唔同嘅味道吖嘛， 左邊係韓式泡菜湯， 右邊就係海膽海帶湯， 湯底都好足料呀而我地呢個套餐可以追加四種海鮮， 紐西蘭半殼青口、原隻白魷魚、帆立貝、蝴蝶蝦， 海鮮配埋個韓式泡菜湯底非常惹味，而蝴蝶蝦都非常彈牙1++

星期6係屋企附近做完個FACIAL, 就早早拉男友去食個EARLY DINNER .平時比較少行元朗嘅呢邊, 原來已經悄悄地旺起來而且開左勁多餐廳添.環境方面就都幾舒適嘅, 見到嘅全部都係卡位.卡位中間都會放一個牛嘅公仔(應該係呢間餐廳嘅吉祥物).另外有一個賣點, 就係佢每行之間都會有2條自動傳送軌道, 係PAD落單後, 佢會好快速自動送到你枱旁邊.坐低首先職員會講解任食嘅SET, 分別有5個, $168 - $388不等, 同樣都係限時90分鐘咁初次試, 我地就揀左個$188嘅, 選擇雖然唔多, 但係算足夠.幾個SET分別唔同嘅就係牛嘅產地.最貴嘅$388就係韓牛喇.餐廳係全自助形式. 醬汁, 配料, 飲品, 甜品都可以自己拎嘅.雖然係自助形式, 都整體都算係整齊企理.自取嘅好處就係, 你食到幾多拎幾多, 冇咩局限.分別有蔬菜類, 丸類, 至少都各有十多款可以自己選擇.除此以外, 仲有少量熟食, 太餓等唔切嘅都可以頂住先.有泡菜, 中華沙律, 炒飯, 炸餃子, 麥樂雞, 留意到REFILL嘅速度都非常快, 食左幾轉都係熱同新鮮嘅, 呢樣值得一讚.除左有紙包, 罐裝飲品, 另外仲有汽水

朋友新居入伙，本打算去BBQ慶祝下，奈何天雨關係，只好取消。正當煩惱緊要食咩既時候，屋主就醒起樓下新開左間火鍋店，正好可以解決我地呢班擦得之人。 自助飲品區 除左有罐裝野飲之外仲有自助汽水機，緊有一款岩你心水蔬菜區亦有不少選擇：豆卜、大蔥、玉米、秋葵...可算應有盡有呢度既特別之處係用上韓式湯底，於是我地就揀左呢個韓式大醬湯，味道濃郁，唔會太咸。安格斯牛小排，切記唔好灼太耐，十秒就好，入口即溶，牛味勁濃貌美如花黑豚肉👍🏼 去骨雞腿，啖啖肉，油脂極少 海鮮拼盤有青口、魷魚、蝦，食唔出半點雪藏味 除左一般既海膽丸、芝士丸、蟹籽同貢丸之外，仲有大大粒魚旦，彈牙到傻最後不得不提以下呢個香芋乳酪雪糕，奶味激濃，仲可以加自己喜愛既配料，如果唔係已經飽到上心口，我肯肯定會食到杯，讚讚讚

今日有黎元朗食好西😁😁😁，首先黎牛知己整返個任食火鍋！依間火鍋店係主打韓式火鍋嘅，我地點左特級美國牛肉餐，除咗牛肉個餐仲有豚肉，五花肉，雞俾肉可以無限追加。湯底可以四選一，我哋要左鴛鴦湯底 (+$30): 牛骨湯同埋泡菜湯。呢度點餐後所有追加肉都會有一架自動送餐車送過嚟，拎完之後按就自動返番轉頭，好鬼死得意😆😆😆 牛肉我哋一共食咗六碟，牛味算濃🐂 雞肉好推介，非常滑溜， 煮耐咗都唔會鞋 😋除咗肉類仲有好多自選配料任揀，唔正!同嘅丸類，例如龍蝦丸、海膽丸、蟹子丸、芝士丸...... 而蔬菜類亦都好多選擇，有羽衣甘藍，皇帝菜，生菜同秋葵!!!🌿☘🍀另外仲有啲小食比大家任食中華沙律、辣芽菜、泡菜同埋麥樂雞😋😋😋喺d野食未恰熟果陣可以食住小菜先👍👍兩款湯底都唔會太濃味，我自己就比較鍾意牛骨湯，因為比較能夠帶出肉類嘅鮮味，點小小醬油就已經好好食。最後仲有甜品，有抹茶雪糕同frozen yogurt🍨🍧同埋豆腐花。搽茶雪糕🍦🍦🍦超好食， 抹茶味夠濃而且好滑溜，忍唔住食咗兩碗，嘻嘻😜😜😜。依度嘅侍應姐姐仲好熱情，好鍾意同你傾計介紹下d野食同埋講吓笑，成餐飯都好歡樂，絕對可以再黎☺☺☺

日式/韓燒/打邊爐放題就食得多啦，韓式火鍋放題又試過未??今日係元朗私人屋苑附近發現尼間餐廳，主打韓式湯底火鍋，非常滋味，適合一大班人一齊去烚下烚下。五點至七點有早鳥優惠，叫個特級套餐$158可以食足個半鐘。每張枱都有一部tablet，方便落單。幾新奇既係，食物會係一盤盤咁係枱旁邊經軌道運過黎，省減侍應捧野食既時間。湯底有4款，叫左韓牛牛骨湯，白白既湯好濃郁，滾起後唔會太油膩，一開頭飲幾啖補補鈣，又補下骨膠原。仲可以揀富有韓國特色既泡菜湯，大醬湯，或者海帶湯。肉類任叫既肉類有美國殼飼牛肉，西班牙豚肉，西班牙五花肉，雞肉。另外加錢叫左一份安格斯小牛排。安格斯小牛排質素果然高，入口即溶。牛肉，豚肉，雞肉每份都有好多片，好適合慢慢品嚐，肉質都幾嫩滑。 海鮮仲有海鮮可以任叫，好似墨魚仔，青口，蝴蝶蝦。湯夠熱，滾幾下好快就熟，好鮮甜。打邊爐唔少得既丸類同蔬菜，可以自己去夾，種類非常多。 尼度都有飲品櫃，都唔少得lotte既蘆薈同忌廉牛奶。自助雪糕機到最後例牌都係唧番杯乳酪雪糕先夠喉。整體，用輸送帶送食物，方便。而且有tablet落單，唔駛成日揮手叫侍應落單。而且食物質素唔錯，有韓式湯底揀，夠新穎

星期日晚約左朋友食飯,我地黎左元朗,方便幾位元朗人 去左牛知己,鋪面好靚座位寬敞 坐得好爽4個湯底選左海膽海帶湯好香海帶味 好多唔同嘅肉丸同埋菜類 ，底下都有個標籤寫咗名，可以自己挑選。有好多唔同嘅肉丸， 同埋其他蔬菜， 咁我就挑選左各樣一啲啦 ，多啲選擇，均衡飲食。 醬料區嘅design好靚， 你可以自己一個自己鍾意嘅混醬， 去配合唔同嘅肉類進食！ 呢個就係我自製嘅醬料啦！ 豉油辣椒加蒜頭 ，非常之好味！講明係牛嘅放題點少得有呢個特級美國穀飼牛肉！ 每一片都好似紙咁薄， 叫一碟呢就有八片！ 牛奶好易熟嘅 ，一放入水滾兩滾， 就煮出一片超滋味嘅牛肉啦！除咗食牛佢都仲有其他嘅肉類 ，例如有呢個特級西班牙豚肉， 都好好味㗎！ 最後呢仲有啲個西班牙五花肉， 要咩肉類都有！ 當然唔少得最普遍嘅雞肉啦！ 呢個係我喺自選區挑選嘅菜式， 揀咗生菜， 龍蝦丸， 蟹柳， 南瓜，金針菇等等。喺自選區嘅菜式全部都可以任食 ，好爽呀！煮熟咗嘅雞， 可以配上呢個麻醬， 又或者係點樣呢個自製嘅醬油，滋味無窮，雞嘅口感好嫩滑！ 仲有墨魚仔同蝴蝶蝦㖭！ 自選嘅菜式有好多啦！有個種唔同嘅魚蛋肉類蟹柳！ 各有各滋味！甜品

餐廳環境不錯, 食品種類不是太多, 但精. 有啲食品一般放題餐廳無或唔多, 飲品都好多樣化.湯底味道好濃, 今次選的牛骨湯底肉質係新鮮,比較喜歡豬肉, 有肉味, 菜有羽衣甘藍,萵筍,蟲草花有長州大魚蛋,多種麵食, 飲品都好多品種, 還有豆腐花大滿足＿