牛皇莫

小妹平時工作係在1-2個月前約實出差工作地點，今次的屯門小冷水都唔例外，如果唔係因為做嘢根本就冇聽過呢個地方🤣🤣🤣。在約實嘅時候同組的地膽同事已經話「到時帶你哋去食牛皇莫啦，啲牛腩好出名！」，因為咁小妹與女同事因此期待咗成個月🥰👏🏻👏🏻👏🏻放飯時有地膽帶路，走到蝴蝶村「冬菇亭」的牛皇莫食晏，呢度白天做早餐、午餐、碟頭飯；晚上先做火鍋！牛皇莫本身出名午餐食崩沙腩、坑腩、金牌巴基斯坦咖喱，12點啱啱到崩沙腩已經賣晒啦，唯有叫仲有的一級坑睇腩嚕🤓地膽仲話食飯比食麵好食，可能麵食有啲鹼水味，於是全都要飯😆😋咖喱薯仔三寶飯（腩脷肚）金牌巴基斯坦咖喱嘅後勁好辣，配白飯食果然一流；金牌咖喱薯仔入晒味，本身牛腩牛肚同牛脷都好好食，配上咖喱別有一番風味👍🏻😋牛四寶湯飯（腩脷肚筋）金錢肚係白色新鮮美味；配上超級軟腍牛筋、超厚切牛脷、超級清甜白蘿蔔、超級甜美清湯底；普通牛腩肉質偏瘦有咬口🤤🤤😋一級坑腩搭普通腩飯（因為臨尾坑腩數量唔夠）坑腩口感好有層次😍肉汁鮮嫩牛皇莫由本港首席肥牛批發商，人稱「牛皇雄哥」— 莫先生主理。亦都一直堅持選用每日鮮宰「騸牯牛」牛腩，甘香味濃❣️ 晚上最出名的是火鍋，最近做緊優惠$888有足料牛尾鍋＋六款騸牯牛部位，牛肉部位的供應視乎當日情況而定。店內特別的是四人卡位張枱係正方形，超大張枱，估計原因是因為火鍋超大盤😆所以需要咁大張枱！今日咁早起身山長水遠入到嚟呢度的動力，就係為咗食呢一餐豐富嘅午餐🤤食過一次牛皇莫啲牛之後，真係返唔到轉頭㗎，到屯門價錢比港島平一半🤩有咩可能會抗拒呢（除非本身唔食牛就例外啦🫰🏻）…查看更多

入屯門，不單止為吃拉麵，久聞朋友口中一家位於屋邨冬菇亭內，抵食、質素不錯的清湯騸牯牛麵店，日間售賣牛腩麵和咖喱牛腩飯等廣東主食，深受愛牛街坊愛戴。夜晚搖身一變成為火鍋店，當然離不開馳名兼主打的騸牯牛肉。約好腳、帶備酒水，同來一趟「牛皇莫」火鍋夜，第一道是麻辣牛雙連 HK$68 作小食。牛雙連是牛胃中第三個間隔瓣胃，即是牛胃最厚的位置。那管東西南北，先吃為快！牛雙連口感脆爽嫩滑、惹味十足，果然是佐酒佳品。當晚主角是五指毛桃青木瓜牛尾鍋 + 六款騸牯牛部位  HK$888 (特價)。鍋底預先放入青木瓜和已經燜好的牛尾，然後徐徐注入五指毛挑青木瓜湯，侍應哥哥告知只要湯滾起，便可馬上開動品嚐牛尾，而青木瓜則需時煮腍。湯滾起，先嚐幾口五指毛挑青木瓜湯，湯韻清甜可口，以個人口味而言，稍為有點過鹹。每件牛尾都挺有份量的，入口牛尾皮富膠質、牛尾肉混合啫喱狀，非常腍軟與入味，基本那秘製醬油是用不著，原有的濃厚味道已經叫人吃得滿足，再呷一口酒，快活也！而不起眼的青木瓜也成了至愛。青木瓜吸收了五指毛桃湯的精華後，味道清鮮可口、爽軟交雜，更跟牛尾形成了一個完美的平衡。牛尾吃得七七八八，自選六款騸牯牛已裝好身出場，畫面和陣容也非常吸睛。事後朋友告知跟深圳火鍋店的擺盤相似，我沒北上的習慣，故見識不廣，見諒、見諒！我們自選六款騸牯牛分別是封門柳、頸脊、黑柏葉、腩頭、挽手及鮮牛脷。騸牯牛每款也非常新鮮，質量無庸置疑。獲得最多票數支持的，必然是牛肉味較濃郁的封門柳和油花均勻的頸脊！吃火鍋必要有牛肉，但又怎能沒有蔬菜，來個翠綠的油麥菜！隨後加添一個海鮮拼盤，鮮蝦、扇貝、桶蠔和鮑魚，吃得大滿足！街坊平民的冬菇亭也有著臥虎藏龍的騸牯牛，見識一番，要見識，記得要提早預訂啊！下次我想吃牛腩麵。…查看更多

係牛皇莫食過好多次牛肉，每一次食都係極高質素，極新鮮，有齊成只牛最刁鑽嘅靚部位。，個人最愛吃吊籠、肉眼邊、腩頭、挽手、 池板、腩心。基本上每個唔同部位都係極具特色，真係食極都唔會厭！…查看更多

11/2 永遠不會飽日記 📔香港篇章 - 牛皇莫 Mok's Beef Beef King 火鍋店隨著涼意籠罩香港，沒有什麼比一鍋熱氣騰騰的火鍋更能溫暖身心了。位於屯門的牛皇莫 Mok's Beef Beef King 火鍋店，以其招牌的騸牯牛聞名，而今年秋冬推出新品牛尾火鍋套餐。當牛尾湯底端上桌的那一刻，濃鬱的肉香瞬間瀰漫開來。湯底呈現深沉的焦糖色，燉煮得恰到好處，牛尾塊軟爛入味，幾乎一碰就脫骨。不過要注意－雖然湯底味道十足，但隱約的味精後味會讓你忍不住頻頻舉杯喝水。當然，這頓飯的主角還是騸牯牛。每天新鮮直送，牛肉片色澤鮮紅，脂肪分佈均勻。在沸騰的湯底中輕輕一涮，幾秒鐘後便變得柔嫩多汁。他們還提供特別牛肉Cut。餐廳的環境簡單樸實——明亮的燈光和功能性座位，顯然這裡的重點是食物，而不是裝潢。總結：環境： ⭐⭐⭐（實用但不精緻－帶上你的胃口，而不是相機。）食物： ⭐⭐⭐⭐（新鮮、分量足，味道令人滿足，但湯底的味精可能會讓你感到口乾。）…查看更多

朋友喺社交媒體網站 見到有人分享，所以膽粗粗嚟試，換來嘅係非常極之失望，終於明白點解唔需要等位，四個人嚟食，嗌咗個已經特價咗$588嘅牛拼盤 質素還可以啦，但完全唔值呢個價錢，每樣嘢都係得少少，再嗌咗碟菜加埋一碟好難食嘅牛丸，仲有個超油嘅油炸鬼，成為你$1300，大家都好似食咗一陣風落肚，但係都唔敢再嗌嘢食，因為如果要食得飽$2500都唔知落唔落到樓，都從來未食過一間咁差嘅打邊爐，都未試過打邊爐食唔飽，真係完全冇下次。…查看更多

環境舒服海鮮新鮮 牛肉好食 食左588牛肉拼盤連沙茶醬食好味服務好上菜都快Overall 滿意無限時 同朋友食飯聚會岩曬早到唔洗擔心 如果約食得晏又想食海鮮 留定會好啲 否則可能會賣曬肉眼邊唔建議 其他都好食…查看更多

讚-牛肉真係好精 刺身食法有牛味 打邊爐既唔同部位都鬆軟有肉既甜味 唔死韌 湯底煮既牛筋非常入味 海鮮好足料 蟶子鮮甜 花竹蝦夠爽夠味-價錢又唔算好貴 比印象中平左好多彈-餐前小食都係牛 坑腩既肉位柴左啲 牛舌就有啲偏腍左 少左啲嚼勁-洗手間要走返去商場…查看更多

清湯牛腩飯令人回味😋😋Lunchtime 時間比較短，聽講公司附近的牛皇莫好出名清湯牛腩飯，所以就去左試下啦😇😇環境就真係一般，坐位比較逼同細，唔算坐得好舒服。我地三人行都叫左清湯牛腩飯加凍檸茶小甜小冰😛😛 清湯牛腩湯同白飯係分開上既，半肥瘦牛腩肉質軟硬適中，牛味濃，有咬口，配上浸係清湯的羅白，羅白清甜，沒有澀味，夠稔，清湯有香濃牛汁，味道十分好！ 實在令人回味。😊反而凍檸茶唔夠茶味，檸檬🍋不是太新鮮！…查看更多

好日唔落樓下食早餐，薄到冇朋友，未食過這樣的咸牛治，唔識形容，早餐收三十一蚊，比D咁樣食物比人，咁我寧願你收貴D，比好D質素人地，，叫多個牛麵，麵質淋，飲品冇味，過去隔離果間食好過…查看更多

早排約咗個朋友入屯門冬菇亭打邊爐，呢個牛皇莫火鍋主打不同牛肉靚部位，餐廳環境都算大仲好鬆動，而且服務都非常開天氣開始熱，先叫枝冰凍大啤爽下先湯底我揀咗招牌湯嗲鍋底，個沙嗲調教得相當不陣，一上檯陣陣沙嗲香飄埋嚟，好香濃惹味唔會死鹹，用嚟烚牛肉簡正係我覺得最好味嚟得呢到當然要叫牛肉啦，我揀咗牛頸脊及牛腩頭，望落油脂都不錯，牛味濃香又夠嫩腍，另一款牛腩頭就好鬆化，同樣美味，整體食物水準相當高，今次食得好滿意…查看更多

一年365日都鍾意打邊爐嘅我，又去咗一間想食好耐嘅火鍋店，今次入到嚟屯門蝴蝶邨嘅冬菇亭，入面有間出名食𡃁牛𡃁火鍋餐廳入面環境都算大，今次被安排坐卡位，一嚟就先啤啤佢，我揀咗招牌沙嗲湯底，湯底濃郁沙嗲夠味，另外點了碟芫荽，好新鮮翠綠到主角出場喇，係牛頸脊牛腩頭雙拼，牛頸脊脂肪分布均勻，識落軟熟嫩滑牛味都出，另一款牛腩頭入口夠鬆化，同埋餐牌有教到，只需拖水5-6就要食喇，咁樣先食到剛好粉嫩又好食𡃁牛肉…查看更多

這餐廳的老闆莫師傅人工稱騸牯牛之父, 除了當買手和有自己的肉檔外, 也開了屬於自己的火鍋餐廳, 主打當然是自己入貨的騸牯牛. 騸牯牛是 1 歲以前閹割的黃牛, 閹割後激素變少, 牛會變胖, 口感更順滑, 甚至有人說會有一陣牛奶味的肉香. 午市不會打邊爐, 但還是有其他菜式用上他的牛肉, 例如是咖喱系列. 他的咖喱是巴基斯坦咖喱, 味道更香濃更辣, 較少椰奶味, 吃得出大量的洋蔥, 其香味和牛肉肉香很配合. 牛腩也升級為爽腩, 其肉質入口即溶, 上面的薄軟膠質比牛肉更易溶化, 非常順滑, 質素來說相當不錯, 內裏有大約八小塊, 以七八十元定價來說, 如果再多一兩塊更滿足. 至於夜晚打邊爐, 當然也想試, 但是路途實在過於遙遠, 還是看看朋友們能否約起來.…查看更多

強迫你叫貴既牛肉餐，又唔係特別好食，平果啲原來只係頭頭尾尾，仲要無得揀部位。叫左一碟牛，一碟菜，一碟其他野就成千蚊，都唔想再叫其他野食，個肚仲好餓，衰自己睇完網上 介紹又無睇餐牌就入左去，唔會食下一次。…查看更多

香港的冬菇亭唔多，位於屯門碼頭蝴蝶邨就有一間，裝飾企理，環境亦唔錯，趁天氣涼涼地，我地揀左牛皇莫打邊爐。🌟#牛筋份量十足，軟腍入味，味道亦清甜香口，牛味濃郁，好食。🌟#牛邊爪＋牛頸脊歡吃牛的朋友，必定找到你的心頭好。因為此餐廳有不同的牛肉選擇，歡吃牛的朋友，必定找到你的心頭好。今次揀左少見的部位，牛邊爪＋牛頸脊，份量剛好，味道清甜，肉質軟滑易入口，牛頸脊脂肪較少， 質感有咬口肉味，新鮮可口。🌟#海鮮拼盤：聖子皇＋蠔蠔中大隻，清甜爽口，海水味重，十分好食，可以Encore。海鮮份量唔算多，聖子皇爽口彈牙，正。🌟#雲吞＋魚皮餃＋蟹柳蟹柳就一般。雲吞爽口彈牙，有粒粒蝦肉在中間，很鮮甜，一咬開有濃濃鮮蝦味爆出來，魚皮餃煙韌很香口，不錯。🌟#蔬菜拼盤菜類算多，新鮮清甜，仲有粉絲，掛湯一流。食物質素唔錯，價格稍貴，服務周到，湯底就重口味左少少！…查看更多

剛剛4條友食完， 都唔知食到啲咩，屋邨打邊爐貴過商場名牌台灣火鍋舖，唔好成日話香港人唔撐香港餐廳，咁貴唔緊要，你比反啲相應嘅我大佬！ 未入去前係外面見到7點半晚市一個人都無，第一張台就係我地四丁友，一黎叫左一碟雙拼牛 638$ 又細碟 又唔好食。 個湯底 我呀媽煲啲湯 都濃過佢，12粒手打丸，其中鯪魚球丸係腥到想嘔！ 4條友 叫左一碟牛 一碟手打丸 一碟菜 一碟鴨血 一碟膳魚片 13xx!! 食左半個鐘就走左，又難食又貴。 未食既人 千其唔好去！…查看更多