影片
以上資料只供參考, 請與餐廳確認詳情
中午放飯得一個鐘，見到呢間新開就試吓1:05入座 ，寫完張單舉極手都冇人應。人手嚴重不足。終於到入咗單，估唔到只係為咗更漫長嘅等待😒😒叫碗酸辣粉，足足等咗20分鐘，1:30先有得食而且唔係淨係我一台上菜上得慢，我見對面學生枱，個學生哥都催咗幾次話趕時間返學遲到啦😢 我隔離個阿叔雖然冇出聲，但係我見佢都等咗有20分鐘。最終我食咗15分鐘就食完啦😑，但係酸辣粉，真係應該慢慢食，因為一辣到搶喉就容易咳。成個用餐感覺好難受🥲雖然食物味道係冇問題，但午市人手咁不足，要等咁耐先食到野。周圍有大排餐廳選擇，我就唔會再返轉頭食啦。
繼續閱讀
🍽️ 喺粉嶺中心位置隱蔽嘅小店，雖然啱啱開舖🎉，但睇返個價錢💰，應該係做開街坊生意🏘️。雖然出面對家有三哥👨👨👦👦，但係$32嘅酸辣小窩米線🍜，已經贏晒🏆。打工仔首選！！！加咗豬頸肉🥓，味道幾好，酸辣夠味，湯底濃郁，米線彈牙，豬頸肉嘅口感都唔錯，冇臊味。份量都算足，雖然唔係驚為天人，但係絕對值得一試。👌 比起隔離三哥，可能差啲特色，但係性價比高，下次想食酸辣嘅時候，會考慮再嚟。🤔推薦指數五粒星🌟🌟🌟🌟🌟
繼續閱讀