牛牛台式鴛鴦火鍋

營業中

休息中

食左多年，每月都去食，門口2件冇品帶位，係時候講拜拜，加價168之後仲 大部分係下價食品， 餃子出完又冇， 水魷出完又冇，都唔知可以夾什麼食物食，食物質素又下降左，所以我食完走時，見到全條卡位空空是也，必有因，大家上去食不用訂位。

#旺角 #牛牛台式鴛鴦火鍋 朋友介紹，抵食又好食，$168任食，好多醬料，甜品，野飲同自取料，係菜少啲選擇，得3款，娃娃菜，同兩款菇，唔排除因為晏咗出去拎😄湯底叫咗#胡椒豬肚湯 ，好正，好胡椒，好多咸菜同豬肚，又唔腥😍👍👍👍仲叫咗#沙嗲湯底 ，呢個麻麻，無咩味🤷‍♀️啲任叫豬肉牛肉都幾靚，肥膏花紋均勻，係一次黎得3片，要不斷叫😂入面好多張枱，二人枱張枱又細咗啲，不過係卡位，所以都可以嘅

話說本身都有食開呢間，貪佢平得嚟質素又唔算太差。但係今日再去幫襯就非常失望 ，明明每次落單都叫三份，但係上菜都次次都得兩份，但都可以接受畢竟係放題任嗌。但去到埋單找錢嘅時候，我先拎咗紙幣，正伸手拎埋銀仔嘅時候，店員一嘢就合埋塊板光速離開叫佢都唔停，逼我俾咗$4貼士。雖然唔係多錢，但係以半強逼手法焗人俾貼士嘅行為個人認為極不可取。在此提醒各位準備去食嘅朋友，如果唔想無啦啦俾多啲錢，就記得找錢嗰陣要拎咗銀仔先！

嗰啲員工勁冇禮貌， 有個阿嬸仲黑口黑面好似殺咗佢全家咁， 有個帶住隻撈嘅問佢兩句仲串返你轉頭， 至於食物好多冇解凍好， 有啲仲會聞到少少臭臭地，個湯底都算ok嘅， 雪糕就真心建議唔好食， 見到佢哋做清潔嘅時候攞曬啲雪糕出嚟放喺一邊由得佢融之後放返落去， 另外就最重要係嗰啲叫番呢嘅牛同埋肉， 係人哋食淨咗攞返入去之後再攞返出嚟嘅，基本上去到就係畀錢買難受🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

不知所謂嘅職員！打電話十幾次無人聽，都算啦！終於有人聽電話，佢答一句就即刻cut線，再打去，又答一句就cut線，再打去直頭接線後Hold起電話，無視顧客，我黎過食左好多次，我好後悔幫襯左你哋咁多次！！我保證以後都唔會再嚟！！！

職員態度無禮而且極度惡劣，特別門口兩位，請增加對員工之培訓，今時今日咁既服務態度真係好差囉！另外傳菜大叔態度亦極之傲慢無禮，成碟肉飛落我地張枱到，請問這是應有的對待客人態度嗎？真是摸不透頭腦！永久黑名單，請都唔會再黎呢間野，野食已經麻麻地，仲慘係連應有待客之道都無，真可悲呀！

入左黎湯都未落d侍應就唔見曬 等左成十分鐘先落到單 一黎係唔彩你 一黎就望你一眼就行開 ，個皮蛋芫西鍋成個湯好大一陣泥土味一碟蝦一隻 舊幾水唔係貴但個態度真係仲差過街邊檔口 無下次

朋友介紹，話說平靚正🤔小編真是無🌶️不歡，還有無火鍋也不歡😂😂😂兩個星期先食完，今日又再吃火鍋😵😵😵不過這店真是。。。。3個字，平靚正😂老實講，經濟不好，每餐大魚大肉，也是不行😂如果要求唔高，這間真是CP值👍👍👍$296兩個人，真❤️超值不過不同時段收費也都不同，相差幾十塊錢吧，我也是去了才知道小編是差不多約4時去的，138/per，星期五，六，日假期及假期前夕每位加收$10不設加一收費，那就假期148/per真是超值😂😂😂凍櫃食品，包括［水尤，牛柏葉，丸類，菇類等。。。。凍櫃都夠凍，食物質素都保持存很好👍👍👍雖然飲品多是罐裝飲品，但款式都很多👍👍👍醬汁都算整齊整潔👌甜品種類都很多，不過甜品就真是媽媽地，但那麼平，還想點😂😂😂凍櫃火鍋配料大至上間間差不多，關鍵牛既質素，自己評估需要什麼喇這間點選海鮮，蝦，蜆，脆肉鯇，大魚頭都非常新鮮👍👍👍如果要求唔高，其實牛都👌 咁既價格還想怎樣，算好吧

༺ 牛牛台式鴛鴦火鍋 ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻∻ 呢一間牛牛台式鴛鴦火鍋免收加一之外❤️‍🔥，價錢親民🤤，又有質素👍🏻。 呢間任食火鍋店，裏面有牛🐂，羊🐑，豬🐖，雞🐓，海鮮🦑等等，好多選擇比大家選擇💕。湯底亦都有好多選擇🥘，素食主義者都可以去食💚。今次我哋叫左個芫荽皮蛋鍋🥘同沙爹鍋🥘，個鍋一嚟到就已經聞到有沙嗲嘅香味🤤，芫茜皮蛋鍋亦都見到有一個皮蛋係入面😍，兩個湯底味道都足料。而肉類方面亦都可以👌🏻，都新鮮同抵食。外面我都有好多唔同丸類🍢，麵類🍜同甜品🍧比食客自取，每次食完都好滿足💛。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻餐廳🛎：牛牛台式鴛鴦火鍋 (旺角)地址📌：旺角彌敦道593-601號創興廣場15樓營業時間⏰ ：星期一至日14.00-00.00 ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻

✅牛牛台式鴛鴦火鍋係旺角既火鍋店有唔少淨係創興廣場都有好幾間呢間牛牛專食台式火鍋我都食左好幾年了🤣真係好抵🤣假日都係$158一個人 免收加一 食足兩小時！平平地又想打邊爐真係唔錯既選擇！🔆火鍋 $158呢到食鴛鴦鍋係唔使另外收費既本身已經包左鴛鴦鍋🤣話明食台式火鍋 又點可以唔叫麻辣湯呢我覺得佢呢到既麻辣湯係幾好食 好香但又唔會太辣唔太食辣既朋友都食到啊👍🏻呢到係放題形式 會有4個凍櫃可以出去自由夾配料呢到既配料都幾充足🙌🏻 仲有大家呢排鐘意既鴨血，鵝腸🤪基本丸類，雞，少量海鮮仲有多款菜配料黎講我覺得種類好唔錯👍🏻牛，豬同魚，蝦既海鮮就要自己係張紙到叫既飲品方面有茶，汽水仲有啤酒添最特別係有得飲支裝汽水🥤 而家唔係好多地方有得飲lu~仲有雪糕同甜品櫃 不過我就覺得佢既甜品就唔太好食🤣所以集中食火鍋啦！味道: 3.3/5賣相: 3/5地址: 旺角彌敦道593-601號創興廣場15樓

我十分喜歡的台式火鍋🥰每次想食平平地食個火鍋放題都會嚟呢度食。呢度嘅湯底有好多 通常我都會叫一個麻辣湯同埋一個蔬菜湯呢度晚餐任食好抵食 百幾蚊就可以食兩個鐘佢枱面上會有紙仔俾你叫肉類同海鮮 而丸，蔬菜，響鈴，麵，餃子，飲品等等就可以喺出邊自助處拎。佢哋啲肉都唔錯 有齊牛豬雞羊 海鮮有魚 蝦同蜆😍每一次點完之後都好會到齊 特別推介係佢地嘅薯粉 每次最後都一定會食一碗薯粉🤪吸晒啲汁 超正食飽之後仲有好多雪糕同甜品比你揀🤩

已經食左好多次，次次都好評牛有質素，一定要試黑安格斯肉澡飯值得食一碗飲品多到嚇親杏汁湯底有驚喜好喜歡餐廳的安排，每枱擺定湯底自己加。L職員定時行一轉收碟依個價錢，仲要在旺角區，真係超值

用餐時間：普通星期1 1900-2100呢度鴛鴦湯底唔洗加錢，所以就試下麻辣搭沙爹。湯底同其他平價火鍋一樣都係偏淡。餐廳空間比較逼，坐落唔係好舒服。除左海鮮同肉類之外，其他野都係係自助區攞。選擇係幾多既，個人比較鍾意既材料係鴨血同埋午餐肉。雪糕有dreyers 大桶裝，亦都有細細地既杯裝雪糕。飲品有自製既飲品，亦都有外購既飲品，整體都算齊。甜品就係小杯裝嗰啲，不過我覺得平價放題店既甜品質素多數都係麻麻地，所以我就無食到。牛肉有3種，分別係牛梅花，牛小排，安格斯牛。個人覺得牛小排最好，其他兩種都係麻麻地，所以都係主要食牛小排。海鮮試左蝦，八爪魚，脆肉鯇。蝦同八爪魚淥完縮水到超細隻，個人唔推介。而脆肉鯇比較多細骨，我呢啲唔鍾意吐骨既人就唔會鍾意。最後埋單免加一係$474，3個人平均每人$158。作為一間平價放題黎講，我覺得佢哋係合格既，尤其係牛肉水準確實唔錯。

而家冇得去旅行又好想食台灣野點算？ ？嗰日就去咗食牛牛台式鴛鴦火鍋，三個人任食都只係$158，我哋就試咗個蕃茄湯同埋麻辣湯底，生茄湯有啲淡，有啲似屋企煲嘅湯，唔係好夠味但係麻辣湯底就夠辣！但係啲牛嘅質素同普通一般任食打邊爐冇乜分別，而且出去夾嘅餸好似都差唔多。我自己就覺得勝在飲品夠多，呢個價位應該有更好嘅選擇，但如果諗唔到食乜嘢，又好想打邊爐呢間都幾好嘅

天氣開始涼涼地，同朋友去牛牛食打邊，3個人任食每人都係158, 不過湯底好稀無咩味點肉同海鮮需要用紙落單，牛肉真心唔錯，D肉質係屬好既級別，特別係牛小排，呢個點左好多轉牛梅花即係多脂肪既牛肉，個人唔太好安格斯牛肉賣相好靚，脂肪分佈都好均勻，但食落口比較鞋三款之中，牛小排最正海鮮款唔算多，都係集中點蝦，新鮮唔算得上，但無雪味豬肉就好肥，唔推薦其他食物就係自己出去拎飲品款式好多，任飲的雪糕、都多款選擇，環境就比較一般般，三個人坐四人枱其實都有少少迫店員態度絕需要改善， 禮貌當然唔會有，服務態度絕對算得上唔友善，另外成日眼超超，唔係要你笑口常開，但都唔好黑口黑面(前提無得罪過你，都係客客氣氣交紙點野食而已)，咁既服務態度好趕客， 幫老細倒米。總的來說就只係牛小排最值，同埋任食無加一收費呢兩點要讚但要抵消呢兩個讚既原因係: 食物仲只係一般般，湯底亦好淡，滾咩落去都唔使旨意入味，要靠豉油調味，店員態度真係要改善啦, 同埋地下好油好"扇"腳，好易會仆親，呢樣店方都需要注意