牛気 (東薈城名店倉)

營業中

休息中

90分鐘晚餐☺️湯底揀咗黑蒜豬骨湯，普普通通不過不失。但座位幾好坐，好闊落。食落覺得牛小排最好食👍🏻👍🏻豚肉同雞肉麻麻😊飲品選擇都好多，好滿意。食得好趕冇食到甜品🙈

門口金毛四眼同樓面肥啡髮職員服務態度好差。門口金毛四眼女仔，我以為我得罪左佢，臉無笑容，問佢可唔可以轉第二個位，第一句就話唔得，但嘅態度我以為自己食緊街邊大排擋。樓面肥妹仲利害，我同朋友出去整緊棉花糖，突然被stop，臉帶囂張得戚嘅表情話過左時間叫我乜都唔可以再拎，我手拎住棉花糖番埋位，誰不知岩岩煮好嘅蘿蔔同埋台上所有野，包括未用嘅濕紙巾同餐具都無晒。利害，手都無得抹。仲見到呢兩位職員邊講野邊望住我地兩個。好難唔知佢地講緊邊個。你唔比我食唔比我拎野我可以理解，但收野都唔好襯人離開左個位即刻收哂同埋連濕紙巾都收埋咁衰呀，如果你同朋友出街食飯受到咁嘅對待你會開心嗎？

雖然便宜，但不會再幫襯。60分鐘火鍋放題，以前沒有吃過這間，感覺自助吧食物選擇不多，丸類菜類都只有數款，不過也對得起這價錢。指定肉類中的牛肉口感十分一般。另外職員態度也麻麻，明明餐廳客人不多但好像一直想趕我們走。在職員提醒夠鐘後，我們想最後衝剌拿軟雪糕回來，但被職員「提醒」不可以夠鐘再拿食物回來，然後就在我地手上拿走了雪糕。雖然時間是到了，道理上他沒有錯，但軟雪糕職員拿走了也只能棄置。那少少的雪糕大大減低了我對這餐廳的印象分.... 相信職員的處理手法可以圓滑一點點。

今日揀左$258任食（牛小排），牛小排ok既，肥瘦均勻，但係佢好麻煩囉，每次要加肉都要叫個店員黎，但係店員又唔多嗌好多次先嗌到，又漏單，次次叫一碟肉要起碼10分鐘後先至有。平時出面食嘅任食火鍋通常都係用平板電腦落單方便好多，唔使下下叫佢。而個牛柳粒，酥到無朋友，我係牛魔王都覺得佢酥，酥到有D似加拿大味🤢出面揀既食物，款式唔算多，而雪糕🍦不是雪糕咁，似奶水雪葩。總之呢餐雖然未去到好難食，但好麻麻囉⋯⋯😤

<放題90 分鐘 味道唔錯 食得超趕>😂呢間牛気東涌分店 有唔同既邊爐餐 入枱時揀定湯底 可食90 分鐘 有唔同 level既牛肉任食選擇 我就點左308 蚊位 極上美國牛小排海鮮放題 😆牛豚雞肉 海鮮 喺叫 staff點 . 而出面吧枱有無數 丸菜腸 甜品 飲品點 其實係多選擇 所以食唔切 建議點 level 1 至3 . 既級別肉類 . 甘會划算 d . 如果再點到400 蚊嗰 d食得90 分鐘極唔抵食 😰🍴湯底點左黑蒜豬骨煲 🐷 估唔到個湯底都算幾濃 黑蒜味香 連埋牛肉食十分唔錯 韓式辛味泡菜鍋 🌶️ 以食得辣既人黎講完全唔辣 正正常常 la 🍴極上美國牛小排 肉質比較彈牙 脂肪少 牛肉味濃 🐂🍴嚴選美國牛肩肉 感覺有 d似靚既美國肥牛 肥瘦適中 肉質軟林 切得夠薄幾有彈牙口感 🐮 牛柳粒切得夠大粒 食落夠 juicy牛肉味濃 都好味🍴精選雞腿肉🐤 夠彈牙 但肉味唔夠 正常級別 特選豚肉 以豬肉黎講唔肥 肉質味濃 幾有口感 唔錯🐷🍴海鮮有大海蝦 夠彈牙 新鮮度中上🦐蜆肉冇沙彈牙 花膠夠大件有口感 仲有青口都夠新鮮😁🍴出面既熟食太多唔想多講 大體上就係有咖喱牛肉

最近疫情緩和，前幾日社交平台又見到牛気開左新鋪係屋企附近，於是約埋朋友一起來打邊爐地方寬闊，坐得舒服午市有-40蚊嘅優惠我哋就選咗牛小排套餐，牛小排厚薄適中，非常可口食物嘅選擇都好多，蔬菜同丸類，菇類幾乎我想食嘅都有。飲品方面，除咗汽水 茶同咖啡之外，今次仲多咗果汁機添！啱曬我呢d唔鐘意飲碳酸飲料嘅人防疫措施做得好，自助區域嘅嘢食都有用蓋冚住。同埋職員安排入座前都會幫客人量體溫，建議客人使用消毒搓手液，雖然疫情好咗好多，但係要做嘅防疫措施都做足曬，食嘢都安心好多下次會再來。

話說今日老母節，你地食咩呢？ 我就揀左同老母食90分鐘日式火鍋放題！ 由於新開每位都會減40元， 價錢算超值但食物質素呢？ 唔講咁多去相！首先，講下湯底！ 火鍋店沒有一人一鍋，所以我加左10元轉鴛鴦湯底番茄拼北海道昆布。 北海道昆布湯底唔算咸感覺上亦少味精，至少我食完無搏老命飲水！ 至於，番茄就咸左少少 但都可接受既！ 接下來就到， 「肉類」方面 我老母話d牛肉幾新鮮有牛肉味！ 到豚肉， 不過不失反而雞肉幾好岀奇地無雪味兼唔「鞋」值得推介！ 其他配料包括菜菇粟米等好新鮮幾好食既！ 但係有一個伏位就係d豆腐， 有酸叔味 食左一啖吐都吐唔切！ 由於太難食相都唔記得影sorrysorry!!熟食都有幾多款，我就喜歡這個冬菇蟹肉素翅味道唔算太咸 加d醋零舍醒胃甜品當然有雪糕 糖水等等！ 這間火鍋店不過不失，未算好好食！ 新張期內有優惠都值得推介既！ 小童或長者又再平d