牛気 (The LOHAS康城)

營業中

休息中

If you're a meat lover, Nabe Urawa 牛気 at The Lohas is a must-visit destination. This restaurant offers an exceptional dining experience with its all-you-can-eat grain-fed beef shoulder, priced at $198 per adult. Here's a closer look at their dinner menu: All-You-Can-Eat Grain-Fed Beef Shoulder The highlight of the menu is undoubtedly the grain-fed beef shoulder. This cut is tender, juicy, and packed with flavor. The all-you-can-eat option allows you to indulge in as much of this delicious beef a

難得今日放假，過去康城食個午餐，經過呢間舖頭，見入面可以食個簡單午餐，揀咗款午市打邊爐套餐，選擇咗一款有牛，有豬，有雞套餐，之後出邊嘅飲品任飲，前菜，沙律都係任食，另外仲有幾款熱食，味道都係唔錯，仲有啲湯同埋飯，之後仲有唔少得嘅丸類。同幾款蔬菜類。仲可以選擇啲韓式公仔麵，拉麵同埋烏冬，仲有綠茶麵，另外仲有即磨咖啡機，雪糕機，同埋棉花糖機，飲品方面都有唔少選擇，感覺上都係一餐豐富嘅午餐，牛，豬。質素都係唔錯，所以都係值得返轉頭再食👍。

昨晚為慶祝自己完成第100篇食評，特地選擇住家樓下的「牛氣」火鍋店作獎勵。這次選了最基本的 Level 1 放題，成人收費 $208，加一後是 $229，性價比相當不錯。主打牛肩肉任食，肉質不錯，油脂適中，不會過瘦或過肥。另有豬肉、雞肉可選，配上不同的火鍋醬料，口感豐富。我選了蕃茄湯底，酸甜開胃，湯色紅潤，不會過咸，非常適合打邊爐。火鍋配料種類多，有各式丸類、豆腐、時蔬、粟米等，亦提供壽司及多款熟食，如炸雞、炒麵等，無需等待即取即食。甜品方面有啫喱、布丁、蛋糕，更有自助軟雪糕機，簡單但有驚喜。飲品區提供汽水、果汁、熱茶等，任添飲。餐廳環境整潔，座位寬敞，職員服務有禮，補菜速度亦快。總括而言，「牛氣」的基本火鍋放題雖是最平級別，但選擇不少，味道有驚喜，是一間值得重訪的放題火鍋店！恭喜你 Daisy，真係愈寫愈有心得！準備第103篇未？

有位長髮女員工在我們距離還有三分鐘交枱時間時就已粗聲粗氣地說「你們時間已夠了」，但我見還有幾分鐘就想吃完還剩下的食物才離開。跟著我看見四周可能是因為將近關門的關係，還沒剩多少枱客。於是我便和她說「我還剩少許食物，你可以收拾其他東西先。」她有點不耐煩回應我「這樣我很難收的，萬一弄髒了你們便不太好。」我說「沒關係！你先收這些我們不要的東西吧！」說完後她便快手快腳執拾枱上物品，並將東西大力放在身旁的餐車盤上。不一會，她便晦氣地說了一句「這樣我很難執的，我不執了。」然後便走開了。我當時與友人目定口呆，看看時間還有兩分鐘才到交枱時間。在這事件上，我們亦只是不想浪費已煮好的食物，想食完便離開。而且那位長髮女員工給我的感覺是我們阻礙她下班，所以要趕我們走。最後，我們亦準時交枱離開。這樣的服務態度真令人不好受，如果真的因為到結束營業時間，可禮貌地向客人提出離開的要求，而不是趕客走。

呢間牛氣都幾抵, 尤其是如果你平日放假嘅話, 覺得最抵就係佢個定量放題！我有時都食唔到咁多嘢, 嗌佢個定量放題, 佢嘅份量就已經夠曬我食, 跟住佢仲有出面好多唔同嘅打邊爐食物, 樣樣都要少少, 咁真係夠曬飽了！值得推薦cp值高！

好耐冇去食自助餐，因為覺得食得唔多，質素高的自助餐好貴唔捨得；質素低價平，但唔好食。之前去過中環文華東方酒店食，買一送一，應該性價比高，但證明「沒有免費午餐」：生蠔偏瘦又有細少碎殼；燒羊肉好味但很快不再出了；燒牛肉太老；熱盤奇奇怪怪只想令你填飽肚子。連高質素酒店都要這樣求存，所以真係唔好再以為「一分錢可得二分貨」！一個月前去了任食火鍋，突發奇想，將不同時間叫來的牛肉排順，排完一看，想了一句說話：「想像好性感；現實很骨感」看了餐牌圖片無限想像，看到實物就回到現實。都係那句話：「大家都係揾餐晏仔食啫」

今晚去咗牛氣打邊爐，一行5人，揀咗人氣Lv4 set: 澳洲穀飼黑安格斯牛+SRF美國極黑牛放題＋海鮮放題。加多$10 兩種鴛鴦窩，湯底揀咗蕃茄湯 + 豬骨湯 。牛肉同蕃茄湯真係好絕配！任食嘅份量好抵食，啲牛又唔差，我比較鍾意食美國肩胛肉眼，脂肪比例高啲，林啲 。有啲人話豬好食過牛，我就覺得啲豬無乜脂肪所以偏鞋口，都係牛好食啲 。海鮮方面都唔差，尤其啲海蝦、無霉到！青口、帆立貝都新鮮 。其他魚肚、魷魚、墨魚滑就正常 。出面仲有自助bar放題，啲菜都幾好味，夠fresh，唔係又老又黃個啲 。仲有丸、響鈴、唔同種類嘅麵、人參湯、豆卜；甜品有雪糕、布甸等等 。飲品都有好多選擇 。整體黎講，呢個套餐嘅CP值好高，人均$385，食到勁飽 。

呢到係我長期飯堂之一。平時食開有牛小排嘅套餐，牛小排質素都唔差，雞肉新鮮豬肉都唔錯。湯底最鍾意食蕃茄同壽喜燒，麻辣都好正。二百幾蚊呢個價錢，嘢飲任飲丸菜任食，雪糕都唔Hea，真心抵食，啲菜都真係好新鮮，而家仲要變咗水耕菜，超級抵食！

呢間食過幾次，康城星期五晚上超多人等，一到7點就開始叫飛，試過等成個鍾都未到! 食過幾次之後， 我地已經有攻略咁食， 等我分享下攻略，今次試食最平價錢$198。首先係揀湯底， 我地認為最好味既係微辣牛骨湯底， 有少少辣， D食物浸完湯底之後非 常入味。其次我地會其中一個人出去拎丸類同菜， 另一人就會留守係自己座位手機落單點APPS內既 野食， 順便等待煲入面既湯滾起， 直到手機落單完個位就會出去拎熟食， 拎丸類同菜既人呢 個時候就可以落哂野食落煲度， 落哂野食就可以出去再拎醬料之類。蔬菜類有蘿蔔， 海帶， 鮮椎山，粟米，金菇，熟食方面有豚角煮同蘿蔔牛腩，蚊得好淋，好好 味，牛就可以食 SRF美國極黑牛，另外有珍珠米，有丸類，有沙律，有水果，有甜品，野飲就強 烈不推介朱古力!!直頭同水一樣!!總括黎講以打邊爐任食，不過不失，都滿足哂基本條件。

發覺佢出左lunch定食set 60mins(唔知幾時開始)，印象中以前係得lunch 減$40，唔係特別平好多，lunch又冇咁長時間食。平日lunch hour唔算多人，唔洗等位。不過定食ｄ肉就真係麻麻，但自助火鍋區的食物選擇多。驚喜位有任食日本蛋，唔洗另外加錢。沙律吧同自助火鍋區d菜都好新鮮，唔會發黃或者暗啞。甜品有糕點、棉花糖機（雖然唔見有人，但應該好岩小朋友）、雪糕（配料有d唔常見野 eg有無花果乾，都幾特別）。芒果紫米飯個芒果ok但飯太硬。熱食有章魚小丸子、燒賣魚旦、煮牛肉（同佢定食個牛差唔多）、碗仔翅都有（但比較淡味）。Overall，都ok如果想食好少少既肉要叫返好少少ge放題Set。

朋友生日想打邊爐🍲我哋就去咗附近嘅牛氣💕💕因為之前食過都覺得有保證所以今日又去咗食多次😋朋友生日職員仲特登整咗一個肥牛生日盤比佢😆好有驚喜呢🤣入到去已經有牛準備咗🫶🏻之後我哋就出去夾嘢食有好多唔同蔬菜蘿蔔粟米仲有熟食同埋甜品🍮行過樣樣都想攞樣樣都好吸引🤣好彩要忍住手攞啱自己嘅份量就夠之後一路傾偈，一路食兩個人都可以坐到卡位勁舒服有少量嘢食，都可以用QR code再落單非常方便嘢食種類好多，喺90分鐘裏面都食唔晒🤭成餐飯都食得好開心牛嘅種類都好足夠 啱晒我如果可以再長啲時間就好啦🙌🏻🙌🏻

今晚黎咗牛氣打邊爐，經過咁多次真係第一次食🤣星期五放工嚟Happy Friday，都真係好多人等位，攞咗飛喺門口度等咗成一個鐘咁濟🥲朋友話一定要食壽喜燒湯底，果然冇介紹錯！🥹湯底勁甜，配埋牛肉食，真係一流🤩今次我哋選嘅套餐係美國肩胛肉眼，每人大概HKD$300 (連加一)。我個人覺得好似比起出邊食火鍋放題貴啲啲🤔不過值得一試✨其他配料嚟講一般，我哋都係攞蔬菜，丸，餃子嗰啲，唔算太特別。如果話想食壽喜燒湯底，嚟呢度可以試吓👍🏻最後，想俾返少少comment，就係店員服務態度有少少唔太好，因為同行有一位大肚朋友，我哋都主動問大概仲有幾耐，佢都有啲唔耐煩話再等吓啦有咁多人(感覺冇嘗試協助)，不過我哋都明白真係太忙啦，可以理解嘅🙈

平時一直幫襯開，同兩個經理都好熟，琴日晚飯去有個新經理又hard sell 又冇禮貌，話明唔食海鮮都要推最貴個海鮮餐，不過除咗hard sell 之外其餘服務都照舊幾好。

今日夜晚嚟到康城嘅牛気🐮已經夜晚差唔多九點，但都係要等位～！都啱啱好趕到可以入去食飽飽🥰🥰🥰有一段時間無嚟，發現自選嘅食品種類都好多好吸引，特別係熟食💯💯💯章魚燒同豚角煮 都非常美味！！！用Qr Code 加單，上牛嘅速度都好快！今次就簡單輕食咗$228 set，都一樣唔失禮，非常滿足。飲品有好多款，不過我都飲唔到咁多😆仲可以拎日本蛋自製月見醬汁🥚🥚🥚🥚甜品好cute cute, 係肉球！仲見到趁着期間限定香港鴨仔降臨，店舖都好有心思咁放咗呢一啲嘅Decoration🐤🐤🐤🐤🐤🐤🐤🐤🐤總括來講，我覺得呢間店嘅體驗都好好嘢食嚟得快，店員服務態度都友善～

我和家人年初在將軍澳站分店食了好幾次和牛+海鮮放题,起初也不错的,但後來換了新的男經理,他的對客態度不似是一個經理要求的好服務,而是待慢客人,不是應該隨時要叫员工去留意客人的需要,而是叫幾次才應客一次,服務質素越來越差,又漏單,令到我和家人食得好不舒服!一肚氣!最近6月份轉到日出康城分店,該店的男女经理服務態度好好和非常友善,隨時留意客人的需要而即時提供好的服務,環境乾淨,食物新鮮和效率快,其他员工服務也好,令我和家人食得開心舒服,全店值得一讚!