牛欄牛什粉麵

行過路過見到呢間粉麵舖入去試吓，似乎內容都係以牛為主，我就叫咗一碗牛雜河，望到佢張枱係冇乜調味料，冇紅醋？非常驚訝😥我未食過一間係冇醋供應，但係竟然有魚露，似乎呢啲啱泰國越南食店多啲😓，碗湯底非常之淡，基本上係冇用過任何嘢去烹調，牛雜份量一般，個碗就好大好似係汪洋大海咁飄浮俾我見到嘅牛雜，河粉係一般，食開牛雜因為比較肥膩，都想用啲醋去中和下，可惜呢一間係冇，再加上冷氣欠奉，熱上加熱，成個過程都非常痛苦，我用光速食完碗河粉即刻走人，一次冇下次…查看更多

幫襯左好多年，爸爸都好鐘意食！湯底好夠味，都好香芹菜味，雖然今日再幫襯已加價了，但啲料依然合理同算大舊，唔會好薄片👍🏻如果下午茶時段2點至6點幫襯，仲會送可樂或豆漿一杯…查看更多

其實都幫襯咗都好多年,不過係最近再開返OpenRice A/C先至寫下牛欄。我通常都係去食牛三寶、牛脷、雲吞、水餃哩幾樣...個人認為哩幾年整體味道偏差唔係好大,但係始於香港大部份食材都係容易價格上升,所以牛三寶、牛脷哩類食材都有相應嘅體積變化...當然係變細件咗...而雲吞、水餃就仍然味道偏差唔大...當然同從前嘅一眾廣東雲吞嗰類味道就一定有分別。雖然,唔係特別好食,但係一到中午放飯就仍然會有好多人幫襯。…查看更多

想食牛腩麵就一定過黎荃灣呢間，係荃灣黎講麵算有小名氣，地點上唔近地鐵，西鐵會近少少，但麵隔涉，門口有標位可以揸車過黎食 。最鍾意食呢到牛三寶，可以一次過滿足哂3個願望—牛腩、牛根、牛肚！份量好夠，好足料，啲牛一啲都唔馬虎，好有牛味，牛根超林，好似食緊滿滿嘅骨膠原咁，牛腩半肥肥，都係好林，唔太痴牙，我鍾意！金錢肚又係我最愛，所以牛三寶可以初次黎嘅朋友試試佢，我都介紹左個由天水圍過黎嘅朋友試！食開元朗咁多間咁出名食牛腩麵，佢都大讚好味～咁就知咩料啦。 跟手叫多碟菜心，無乜特別。仲有啲煮耐左少少。又係好林🤣…查看更多

放假出荃灣Aeon，記錯開門時間，唯有周圍行吓。去望完泰興餅店(熱香餅漢堡12:00先有），回程途中忽然落大雨，冇帶遮又未食早餐，走咗入去牛欄牛什粉。一行入舖，亞姐就話未開門🤚🏼，心諗：「你未開始喺門口棟個牌吖！」正要轉身離開，煮麵師傅叫我坐低，仲問我食乜。本身諗住食碗腩河，見你咁好人，就肥腸牛腩雙拼啦！可惜係師傅話冇肥腸，最後只係一碗普通的腸腩河。碗麵冇乜驚喜之處，普普通通正常牛腩粉，但就比亞姐觸碰到我神經。原來佢哋開11:00！爭4分鐘趕走個客?!可能以後都唔會幫襯喎？叫個客坐低等幾分鐘，其實會唔會係更好的處理方法？飲食業始終係先享服務後享食物，有時好難怪人北上都唔留港消費！食完剛巧停雨，快快比錢走人。是日消費：腩腸河$53…查看更多

午飯時間好想食牛肚，又吾想食連所店，聽講荃灣有間專做牛什既餐廳，一於去試下先😋呢間餐廳一到lunch時間就好多人等位，好彩早少少去到，吾駛點等位一坐低姐姐好好招呼，幫手抹多次枱，見枱枱客都叫牛腩河，原本淨係諗住食牛肚既我都即時變隻併試埋呢度個牛腩係咪真係甘好食，我點左個“牛腩牛肚麵”，賣相幾好wor! 🤩⭐️牛腩牛肚麵雙併麵黎講，牛腩份量算多，吾會好瘦，岩岩好，牛腩有d肥先好食👍牛肚入味清洗得乾淨，雖然食完會有少少口渴，但呢個價錢食到甘正既牛腩，下次都會再encore!…查看更多

牛欄牛什粉麵已經有好多年放工我常常來吃的，每日很多人等位，坐位不多，很多街坊買外賣回家吃。午餐時段完全迫爆，不竟價錢便宜又好味的店不多。老字號街坊店五香牛雜好入味又軟綿綿，件數比普通粉麵店多有金錢肚只少4件，牛肺2件，牛膀1件，牛粉腸2件，牛大腸2件……是一間良心商家幼麵相當爽口彈牙也是重點湯很香喝後沒有發渴每次會先喝湯才開始吃另外有自家豆槳，味道都不錯可樂有罐裝和樽裝選擇，我選罐裝因為容量多些如果人多可以選腐乳通菜，牛三寶都相當好吃！:)…查看更多

✨五香牛三寶（牛腩，牛肚，牛筋）呢個係+HK$8配伊麵，伊麵真係勁好食，好香(>^ω^<)牛肉方面幾清甜，好有牛香 冇蘇味！✨魚三寶（墨魚丸，魚旦，魚皮餃）呢碗係配米線。見到湯底係有啲嚇親，點解咁鬼清湯。。忍唔知加左辣醬先有返少少味。呢三個「魚」之中，墨魚丸最正 最好食，想食多幾粒添！魚蛋同餃子就普通啦，冇乜特別。想講講 我對啲員工有啲反感。我第一次黎食 自然冇可能咁快就知自己食咩，係咁催我地落單 真係好煩。第二 我真係唔知某張二人檯係冇得平排坐，態度平和啲話我知咪得囉，洗唔洗咁惡😗…查看更多

呢間牛欄應該都開左好耐下，不過位置唔近地鐵站，會少啲人留意到。所以今次都會想小試一下！今日一去到已經好爆，滿坐。不過好快都有位，樓面姐姐都好幫手。一去到就叫碗三寶麵，即係牛腩、牛筋、牛肚，應該算啦特色野。賣相就一定唔算好，不過牛腩入味，牛筋都好林，牛肚都算爽口，麵底都彈牙，係個湯底胡椒味有啲重，我個人略嫌覺得有啲太咸。來得粥麵店，點都要試吓個魚皮。佢比我想像中大碟，而且都好脆！佢唔係好似幫間有一啲粥麵店，用有骨嘅魚去炸，第一般打邊爐嗰一種，我個人覺得好食！最後整返杯豆漿作結，只係有少少甜，算係太重糖水。…查看更多

😇今日係享和同主子配藥後，打算叫外賣回家食，突然之間好想食雲吞麵，於是就去牛欄試吓啦⋯⋯入咗去冇咩人，好快就有得拿啦❣️滿心期待😚雲吞麵，因為太耐冇食…..點知出事，一夾起粒雲吞，啲皮就爛咗，餡同皮完全分離，心諗一定係預先整好啦，唉😮‍💨⋯⋯可能依家唔夠人手啦，所以就整定係度☹️⋯⋯個湯底都唔得，好普通，食唔到有大地魚味….牛雜麵，份量非常足夠，大大件，一啲都唔小家，佢哋話幾好食😋抵讚辣椒油👍，好香又唔會好辣！配粉麵食一流！…查看更多

叫左牛什泡飯 外賣翻到去先見到原來比左牛腩泡飯記憶中牛腩貴啲，但我想食牛什😂😂🤣食落牛腩幾淋身 但湯底真係唔掂🤔完全無牛湯味 係好普通好普通嘅湯車仔麵腩湯麵勁好多少失望左…查看更多

平日返工Lunch周不時都會嗌外賣，今次想介紹另一間我公司嘅外賣大熱之選「牛欄牛什粉麵」！每逢嗌親呢間外賣就會特別多人join，連平時較少嗌外賣嘅同事都會join埋一份，特別深受男同事喜愛~ 粉麵鋪門市喺荃灣廣場附近，餐廳裝修同普通港式粉麵舖一樣，環境望落都幾乾淨，不過外賣返公司食更舒適。 🧡香菇貢丸湯河（$36）湯粉如果就咁食會稍為清淡，但如果加咗佢個炸蒜同辣椒醬就變得超級美味！個炸蒜絕對係精華，加少少落去成個粉都變得超香口！辣椒醬偏辣，加少少就夠，加咗辣會越食越過癮！ 🧡五香牛三寶撈麵（$50）牛三寶有牛腩、牛肚、牛根，燜得好腍，好重牛香！個麵底都好香韌，鐘意食牛腩牛雜嘅朋友仔可以一試~…查看更多

今晚專誠揸車去荃灣買水餃同雲吞返屋企打邊爐，平日都有幫襯開。今晚去到買完之後問阿姐攞辣椒油，佢入完一個膠抔仔，諗住問佢攞多個，點知個阿姐寸過碼頭姑尼話：嗰杯仔入滿晒啦喎，跟手佢隨手攞起第二個膠杯然後話：唉俾埋你啦，俾埋你啦！呀大姐，幫襯你兩舊水，攞D辣椒油都要受你氣，咁嘅態度真係唔會再有下次囉！…查看更多

位於荃灣-沙咀道的 牛欄牛什粉麵 , 其寶號在區內名字響噹噹 , 但對區外的朋友來說 , 就可能比較陌生 , 所以都應該算是隱世吧 ~據聞 , 老闆家族本身就有經營牛肉檔 , 所以餐廳的牛肉十分新鮮 , 質素肯定有保證Menu ~凍檸檬茶 : 檸檬夠味道又不苦澀, 茶底香濃夠味 ~五香牛腩拼魚皮餃河粉：腩汁湯底味道濃郁鮮甜 ; 牛腩炆得軟腍 . 肉質豐腴且帶有濃厚的五香味 ; 魚皮餃包得扎紮實實 , 肉餡味道鹹香 ; 河粉的麵質滑溜亦富有米香 , 讚 ~老實講 , 💛 嘅牛什粉麵舖真的不多 , 各位如果經過 , 就要好好懲罰佢 ~本篇完 ~…查看更多

是夜恰巧有事要到荃灣宜家傢私附近，路過此店，心想來一碗麵也許不錯，只是要事在前，假如辦完事後未關門就來。完事後十一點左右，門未關，也未見師傅清檔，是可以用餐的訊息。點了牛三實米粉。一般不點米粉，由於在家太易煮，但相較之下比較健康。一般也不點牛三寶，除非我心已有底。牛三寶即燒味飯四寶，切頭切尾拼出來的，但既然以牛自誇，也許可以冒險。應該因漏單之緣，十分鐘上枱，時間方面還是可以接受，中途有樓面詢問然後跟單的。米粉，其實要做得差頗難，我就不評了。湯頭，偏淡，猶幸所下味精不多，作為點綴的腩汁味亦淡。三寶即腩，肚，根。牛腩用料算有要求，新鮮貨，有肥膏，肉香，夠淋，雖然是瘦位，仍然不鞋口，唯五香味不足，調味頗寡口，其實試過湯頭我就知道大概如此。牛肚和牛根，對我來說火喉尚欠，但也有人喜歡有咬口，所以取其平衡，貨靚同樣調味清淡。最後以辣油點綴，可惜只是普通叫貨貨色。整體而言，價錢稍貴，以荃灣一區，雙併粉麵25元都有兩三間，然而此店有其優點，路過不妨一試。…查看更多