牛摩 (都會駅)

營業中

休息中

今次放工嚟食呢間牛摩，一直係我候選名單之內，因為佢嘅吉祥物牛摩仔實在太得意啦！所以湯底我特登揀博多美人骨膠原雞白湯，除了貪佢夠滋潤美顏，望住牛摩仔的造型啫喱溶化變成湯底感覺好治癒，雞白湯味道好濃郁，由於一人一鍋，男友點了港式番茄薯仔湯，酸酸甜甜十分醒胃。由於我們點了LV4特級牛小排（成人價錢$288）嘅任食套餐，連同其他LV1-3的阿古豚梅肉、精選牛肩胛及星級牛肌腹的所有火鍋配料都食到，都有超過30款之多，還未計出面任食的自助放題區的配料呢。先講特級牛小排，雖然好薄切，但油花分佈好靚，入口非常有牛味，肉質好軟嫩；牛肩胛油花相對較少，但肉質細嫩有彈性；至於阿古豚梅肉油花霜降部份多，入口仍帶有油脂甘甜，口感非常柔軟。其他火鍋配料太多就不逐一點評了，但個人最推薦是爽口的蟹籽墨魚滑，仲有海鮮類的大蝦、青口、帆立貝，全部都幾新鮮；仲有好多款炸物熟食，大胃王記得要食埋肉碎勁多的溫泉蛋牛摩飯，亦建議亦可以點多幾隻溫泉蛋，醮肉類一齊食更好食。自助放題區幾乎各式蔬菜及丸類均有，最驚喜係飲品區，罐裝汽水、茶類，甚至沙冰都有。最後係我最重視的甜品，除有北海道牛乳乳酪雪糕，仲有布甸、啫喱、糯米糍、麻糬、忌廉泡

二刷牛摩火鍋放題，之前係其他分店食過，今次見到屋企樓下開左間，又出左新肉---保樂肩，就去左一戰～食辣愛好者既我，今次叫左麻辣鴨血湯同關東風壽喜燒湯底，落單時店員好好咁介紹有咩set揀，最後都係揀番新出既set保樂肩第一次聽呢個肉名，店員好好咁同我地介紹左呢隻係咩肉～安格斯牛保樂肩原來即係安格斯牛肩部既肉，通常都有好多結締組織同埋脂肪，肉質會比較豐滿，一上碟已經睇到好明顯既大理石紋。因為多脂肪，食落都會比較嫩滑d，牛既味道好濃郁，呢個價錢試到唔同部位既牛肉，好抵 😛湯底推介兩者我會比較中意壽喜燒湯底，真心好飲壽喜燒湯底本身都係大路野，但佢同出邊其他餐廳既壽喜燒有d唔同，呢度係再甜多d，落埋其他肉同菜一齊煮泥食，其他野食都吸哂湯底既甜味，超正！由其係落油麥菜同娃娃菜，個湯底加哂分！麻辣鴨血湯既辣度剛剛好，如果可以再辣多d就更好～鴨血數量本身都好多，唔會有腥怪味。任叫肉類/配菜/熱食App裡面仲有好多唔同既肉類可以再揀，雞肉好嫩滑又唔會乾爭爭。最surprise係竟然仲有牛角飯，仲可以任加溫泉蛋，隻蛋既蛋黃味勁濃，撈飯/當醬汁都係好正！任叫小食我地仲叫左d炸物同枝豆，炸蠔好夠熱，超脆身，裡

最近已經懶到連打邊爐都情願出面食，慳返唔使洗碗，牛摩永遠係快靚正之選。特級牛小排雪花好靚，有一定厚度有牛味，大大塊食落好有滿足感。 最重要係全晚叫咗幾輪水準都好穩定，每次出品都好靚。阿古豚梅肉以我平時只食日本豬黎講，認證係高質嘅豬肉，食到豬肉嘅清甜。海蝦新鮮爽甜，蟹籽墨魚滑足料彈牙。炸物幾有水準，洋蔥圈、雞皮餃子、地瓜球同炸芝士都熱辣辣好夠脆，encore咗幾round炸芝士。 私心推介沙嗲湯底，配炸響鈴真係一流。

今日去左牛摩打邊爐，試咗佢哋嘅LV3阿古豚梅肉放題，CP值真係好高🤤環境方面，幾舒適，唔會太嘈，適合同朋友輕鬆聚吓。🍻 環境乾淨企理，服務員都好殷勤，加湯都幾快手👏🏻一人一鍋嘅設計，乾淨衛生，而且可以自己控制火候同埋食嘅速度，幾方便！👍 湯底方面，我哋揀咗麻辣鴨血同壽喜燒。🌶麻辣鴨血，夠晒惹味！鴨血滑溜，麻辣湯底香氣撲鼻，食落夠晒過癮！ 壽喜燒方面，🥚 湯底甜甜哋，好有日本風味🇯🇵，牛肉浸落去，吸收晒湯底嘅精華，入口嫩滑，鮮甜可口！ 配埋蛋汁一齊食，更加滑溜！重點係個豚肉！🐷 阿古豚梅肉，入口即溶，肥瘦適中，油脂豐富但唔會覺得膩，每一舊都充滿肉汁，鮮甜味美！😋 放題款式都幾多選擇，除咗豚肉仲有好多其他肉類、海鮮同蔬菜🥬，選擇多多，啱晒大食之人！嘩！仲有沙冰🍧、芝麻糊🥣同爆谷🍿？！ 呢個放題真係超乎想像！ 加分加分！💯原本已經覺得阿古豚梅肉放題同一人一鍋已經好抵食，點知仲有呢啲意想不到嘅甜品同小食！ 沙冰冰冰涼涼，打邊爐揀辣湯真係要飲冰！🧊 芝麻糊夠晒濃郁，甜而不膩！😋 爆谷鬆脆香口，啱晒做飯後甜品！🍿我食左２碟呀~~總括嚟講，牛摩嘅阿古豚梅肉放題性價比極高！💰 如果想食高質嘅豚肉放題，

上星期轉涼，好適合打邊爐～如果想平平哋又食到邊爐放題，就好適合去牛摩～雖然肉質唔算最高級，但CP值都幾高！我哋要咗精選牛肩胛套餐，晚市90分鐘都係$208咋😆肉類嘅選擇唔算多，但佢哋嘅牛肩胛同牛舌都ok，切得好薄，好容易熟又唔會膩～除咗牛肉之外，仲有豬肉雞肉同羊肉😚海鮮嘅種類都有幾款～魷魚圈唔錯！之後仲有幾款炸物可以選擇，外面自助區又有甜品，仲可以用雪糕機自己支雪糕DIY，又有菜可以拎，整體嚟講都幾抵😝

冬天就係會想打邊爐暖笠笠咁(雖然一年四季都想XD)可以每人一鍋同埋唔同湯底好開心揀咗港式特濃沙嗲湯同埋關東風壽喜燒湯，仲有一隻生蛋其他湯底都勁吸引…係門口猶豫咗一陣套餐就係LV2. 精選牛肩胛裝修好靚，每張枱都好闊坐得好舒服而且卡位仲有間板擋住，私隱度勁高牆上嘅卡通好可愛啊~但第一時間當然就衝出去拎野食先啦火鍋區有好多種菜蔬最特別係丸類有款貓貓肉球丸，係流心黑椒芝士丸唔止可愛仲好好食腐皮福袋入面係年糕，腐皮吸晒湯好甜而年糕夠晒煙韌依兩樣都必拎﹗首先一碟牛肩胛同埋湯一齊送上色澤好靚一淥就食得好夠牛味又唔韌最讚係湯底兩款都好夠味好濃港式特濃沙嗲湯有好多花生碎一齊，好香好惹味關東風壽喜燒湯夠甜，加埋生蛋黃點肉食超好味﹗蛋白當然比我地放入鍋內，變成甜甜地嘅蛋花一定要加公仔麵，超好食其他肉類、海鮮同炸物都係手機落單除咗牛肩胛仲有好多款野食有豚肉、雞外，仲有少見嘅牛舌、羊肉卷炸物每樣都好出色好好食，即炸即上枱飲品有好多種類，居然連生可樂都有而最估唔到就係，連甜品都超級出色﹗泡芺有兩種，淺色山嘅裡面係雪糕超好食……﹗芝麻糊好濃郁好好食仲可以自己裝軟雪糕，勁多配料可以加記得一定要預時間同胃比甜品﹗

之前已經食過牛魔，最近天氣凍，又再嚟食！晚市放題性價比真係高。 咁我揀左最抵食果個餐，有牛有豬有雞，好夠食！都係 178任食。叫咗個蕃茄薯仔湯同埋壽喜燒湯。 蕃茄薯仔湯好濃郁，好重蕃茄味，淥完啲肉可以唔使點豉油，直接食都得。 啲肉全部都好切得好薄，淥一淥就食得，正雞好滑身，有雞味，但係都要點豉油。 雖然我嗌咗最平嗰個餐，但其實牛嘅質素都唔差嘅。 我最鍾意係佢哋個溫泉蛋，個蛋黃啱啱好，少少實心，好香蛋味！用嚟配牛肉同豬肉都好好食。今日仲有皮蛋餡嘅牛丸，好特別嘅味道。仲有羅勒芝士流心丸，又係出面冇見過嘅丸，味道都幾得意好食。 呢度上菜都快，侍應加湯都加得好密。 今次仲有芝麻糊，唔太甜幾濃芝麻味，好食。冬天打邊爐真係好正。 同埋平平哋，又可以任食。 女仔食得唔太多嘅話，其實嗌最平嗰個餐已經夠。 因為牛嘅質素都OK。

冬天最愛打邊爐的我，今日嚟到調景嶺都會駅的牛摩呢度裝潢簡潔而不失溫馨座位寬闊舒服店內還播放着輕鬆的音樂😊因為一人一鍋的形式，我們選了博多美人骨膠原啫喱雞白湯和關東風壽喜燒湯底、LV.3阿古豚梅肉👍各款肉類質素都唔錯，LV.3就可品嚐到星級牛肌腹、精選牛肩胛、牛舌、羊肉卷、阿古豚梅肉等等，全部都好新鮮美味，另外還有不少熟食任點😋出面還有大量不同種類的蔬菜、菇類和丸類，連壽司都有提供👏仲有各種飲品，甜品和多種自製醬料✨最後還可以自己整雪糕添😄

This is a delightful spot that promises a hearty and interactive dining experience. From the moment I walked in, the inviting aroma of simmering broth set the stage for what turned out to be a memorable meal.The star of the show was undoubtedly the beef. The thinly sliced cuts were incredibly tender, marbled just right, and packed with flavor. Whether dipped in the rich, spicy broth or enjoyed with a tangy dipping sauce, each bite melted in my mouth, bringing a satisfying depth to the hotpot exp

牛摩 (都會駅) (將軍澳).LV5 M7和牛套餐.調景嶺任食火鍋嘅選擇好少，好彩有呢間牛摩係到呢排工作都比較攰，獎勵自己食靚啲嘅肉叫左個貴少少嘅套餐一入門口就揀定，我地要左壽喜燒同蕃茄湯底.叫任食最啱我就係每樣都可以試少少，呢到除左肉類，少量海鮮例如帆立貝，青口係用code落單，其他蔬菜，麵食，豆腐等就出面自取仲有沙律同壽司🍣另外佢有得拎蕎麥麵，個麵配上壽喜燒湯底勁夾！.飲品除左有好多罐裝，仲要有水果沙冰另外除左有個甜品櫃，仲有雪糕機可以自己唧，細細個已經好想玩呢部機！.牛摩 (都會駅) (將軍澳)將軍澳調景嶺景嶺路8號都會駅2樓K01A及039號舖

呢日黎到調景嶺呢間牛摩,佢做緊暑期最後一撃, 有A5和牛套餐全日半價!真係好抵食! 個餐圍番都係$259一個人, 如果要加埋任飲同埋甜品就一人加多$30, 我地見在場既食客都唔少揀左呢個餐, 我地都唔執輸, 揀左佢! 望入去都見到人地D和牛好靚!呢度係用QR CODE落牛肉同埋一D熟食, 出面就有好多唔同種類既飲品,有我最愛既無糖茶,仲要係台灣品牌~ 另外仲有氣水機同埋咖啡機! 仲有前菜/壽司同甜品可以拎,佢係有泡芙同埋北海道牛乳雪糕食, 真係好正! 出面仲有一D丸類同菜仲有麵類可以拎, 都幾多野揀同埋好新鮮, 如果得番好少店員都僧馬上補貨, 唔會食唔到~我地揀左要一個蘋果湯底同埋一個美人鍋, 真係岩哂食和牛, 食和牛個湯底唔需要太濃, 恰到好處仲更加食到和牛既香, 我地個餐仲包埋羊肉、豬肉同雞肉,但我地都掛住食和牛所以冇叫, 真係好抵食! 佢既熟食炸物都真係唔錯, 可以叫黎食下! 超滿足!

大優惠，A5和牛任吃居然買一送一還超高質‼️A5日本純種和牛$518(買一送一）油脂分佈剛剛好，牛肉味道超級濃郁，之後再翻叫的都有保持質素，買一送一價位很值得吃阿古豚梅肉朋友說豬肉很有名，果然味道不錯，肥瘦均勻，也有點豬肉的油脂香墨魚滑嘩，這個超級好吃，黑魚滑有加了有點脆脆的口感的墨魚粒，調味十分上隱，一直翻點這個外面有很多蔬菜和丸類，特別的是還有壽司飲品區＋$30 per head有不少健康飲品，還有一部果汁機，我超愛他的雪梨汁，超級清甜甜品有芒果雪糕，還有各種小糕點，泡芙和小杯裝的啫喱好好吃

今晚唔想煮飯，又想食牛，第一時間就諗到屋企附近牛摩，我最鍾意嘅一人一鍋。湯底有麻辣、蕃茄、豬骨、昆布雞白湯、壽喜燒，或者加$10長野蘋果湯、麻辣鴨血湯。我地揀左麻辣鴨血湯：越滾越麻辣同長野蘋果湯：出奇地好味，甜甜地，好清新嘅感覺自助區有唔少食物種類，有壽司前菜冷麵、有蔬菜、丸推介芫荽丸同麻辣丸幾特別、仲有朱古力爆谷同甜品，除咗自助區QR code落單都仲有好多嘢食，特別推介雞皮餃子，咬落去雞油滲出嚟包住肉餡非常惹味！我哋揀咗lv4極尚牛小排，可以食到lv1-4嘅阿古豚梅肉、牛肩胛、牛肌腹、牛舌、雞肉、羊肉片同海鮮（青口、魷魚圈、扇貝、海蝦）試左牛肩胛同牛肌腹，其實都好好食，肉味都好濃，但一食咗牛小排返唔到轉頭，好彩揀咗lv4牛小排，牛小排真心超好食，肉質超嫩，牛味更濃郁，不停encore最後二個人食咗十碟，牛摩真係非浪得虛名最後又係食甜品嘅時候啦，芒果雪葩，可以自己加唔同嘅配料，雖然好飽，但點都要食埋甜品先係完美句號！總結：牛摩性價比高，座位寬敞舒適，多不勝數嘅食物，鍾意食牛嘅可以一試

想食好嘢慰勞自己，<牛摩>竟然做買1送1 A5和牛放題，唔試唔得喺門口，店員請我哋揀湯底，2人同行，可選鴛鴦鍋或每人1鍋，我哋揀咗每人1鍋😎分別揀咗關東風壽喜燒同麻辣鴨血湯底，絕對係2個食落令人感到驕傲嘅選擇😂😂一坐低，當然立即落單嗌 A5 和牛，一叫叫4盤🤓 一叫即到🙌🏻A5 和牛 signature 霜降雪花紋好靚好靚💗淥幾秒，肉一轉色就食得，嗰種入口即溶同腍滑油香，真係令人好難忘💘 可以不停點不停食，爽 Y Y 到🤤壽喜燒湯底襯和牛，perfect match 唔駛講～ 湯底跟埋生雞蛋，營造正宗食法🫶🏻 驚喜嘅係和牛用麻辣鴨血湯底煮都好好食😍 A5 和牛果然係A5 和牛，喺辣湯底襯托下，一樣係咁鮮美，辣得過癮👍🏻 當然個湯底正亦應記一功除咗主角A5 和牛，其他放題食物都係意想不到咁高質😮 嘆住豐富嘅海鮮選擇，例如煮完仲係大大隻嘅廣島蠔、蟹籽墨魚滑、海蝦、半殼青口等，幸福感、豪華感，更上一層樓🌟其他精選牛肉：星級牛肌腹、極尚牛小排都係不得不提嘅高質美食，要牛味有牛味，要腍滑有腍滑，各有各正  忙住鯨吞A5 和牛時，都唔捨得錯過呢兩味😳牛摩飯魅力超凡，枱枱都嗌 牛肉燥

第一次光顧呢間牛魔，試吓窮吃火鍋。午市12:00-17:00有「定量肉 + 自助放題區」，揀咗個最經濟A餐星級牛腹肌 + 豚肉 ($89)叫咗個壽喜燒湯底，送埋雞蛋一隻。兩款肉類都好掂，不過，我主打係菇菜、丸類、無糖茶。自助放題區，有很多選擇，罐裝飲品、各款果汁、菇、瓜、菜、丸類、多款粉麵……..，醬料選擇多，衞生整潔，食到捧住個肚。找數後，吃埋煑好的食物，都冇被趕走。服務態度Ok，開始時，點菜上菜快。要求加湯，也好快手。食到差不多時間，都冇被提醒夠鐘或要求先埋單，唔知係咪平日人較少，但整體感覺舒服，$100有找的午餐吃到飽，真係抵到爛啦！