影片
開飯介紹
以即刨高質牛肉為題的日式火鍋放題專門店，放題設有不同級數的牛肉和海鮮，而自助區備有多款火鍋配料、飲品、甜品等可任飲任食。
繼續閱讀
營業時間
今日營業
12:00 - 22:30
星期一至五
12:00 - 22:30
星期六至日
11:30 - 22:30
公眾假期
11:30 - 22:30
以上資料只供參考, 請與餐廳確認詳情
有關獎賞計劃
食家推介
相關文章
今次放工嚟食呢間牛摩，一直係我候選名單之內，因為佢嘅吉祥物牛摩仔實在太得意啦！所以湯底我特登揀博多美人骨膠原雞白湯，除了貪佢夠滋潤美顏，望住牛摩仔的造型啫喱溶化變成湯底感覺好治癒，雞白湯味道好濃郁，由於一人一鍋，男友點了港式番茄薯仔湯，酸酸甜甜十分醒胃。由於我們點了LV4特級牛小排（成人價錢$288）嘅任食套餐，連同其他LV1-3的阿古豚梅肉、精選牛肩胛及星級牛肌腹的所有火鍋配料都食到，都有超過30款之多，還未計出面任食的自助放題區的配料呢。先講特級牛小排，雖然好薄切，但油花分佈好靚，入口非常有牛味，肉質好軟嫩；牛肩胛油花相對較少，但肉質細嫩有彈性；至於阿古豚梅肉油花霜降部份多，入口仍帶有油脂甘甜，口感非常柔軟。其他火鍋配料太多就不逐一點評了，但個人最推薦是爽口的蟹籽墨魚滑，仲有海鮮類的大蝦、青口、帆立貝，全部都幾新鮮；仲有好多款炸物熟食，大胃王記得要食埋肉碎勁多的溫泉蛋牛摩飯，亦建議亦可以點多幾隻溫泉蛋，醮肉類一齊食更好食。自助放題區幾乎各式蔬菜及丸類均有，最驚喜係飲品區，罐裝汽水、茶類，甚至沙冰都有。最後係我最重視的甜品，除有北海道牛乳乳酪雪糕，仲有布甸、啫喱、糯米糍、麻糬、忌廉泡芙等，仲有爆谷，但我已經食唔落，唯有下次嚟再試。
繼續閱讀
二刷牛摩火鍋放題，之前係其他分店食過，今次見到屋企樓下開左間，又出左新肉---保樂肩，就去左一戰～食辣愛好者既我，今次叫左麻辣鴨血湯同關東風壽喜燒湯底，落單時店員好好咁介紹有咩set揀，最後都係揀番新出既set保樂肩第一次聽呢個肉名，店員好好咁同我地介紹左呢隻係咩肉～安格斯牛保樂肩原來即係安格斯牛肩部既肉，通常都有好多結締組織同埋脂肪，肉質會比較豐滿，一上碟已經睇到好明顯既大理石紋。因為多脂肪，食落都會比較嫩滑d，牛既味道好濃郁，呢個價錢試到唔同部位既牛肉，好抵 😛湯底推介兩者我會比較中意壽喜燒湯底，真心好飲壽喜燒湯底本身都係大路野，但佢同出邊其他餐廳既壽喜燒有d唔同，呢度係再甜多d，落埋其他肉同菜一齊煮泥食，其他野食都吸哂湯底既甜味，超正！由其係落油麥菜同娃娃菜，個湯底加哂分！麻辣鴨血湯既辣度剛剛好，如果可以再辣多d就更好～鴨血數量本身都好多，唔會有腥怪味。任叫肉類/配菜/熱食App裡面仲有好多唔同既肉類可以再揀，雞肉好嫩滑又唔會乾爭爭。最surprise係竟然仲有牛角飯，仲可以任加溫泉蛋，隻蛋既蛋黃味勁濃，撈飯/當醬汁都係好正！任叫小食我地仲叫左d炸物同枝豆，炸蠔好夠熱，超脆身，裡面隻蠔大大隻又爆汁，係幾開胃同可以過下口癮。難得調景嶺開左一間任食放題，呢個價錢質素仲要唔差，個set多野食，飽住肚咁走，野飲仲要有好多選擇，仲要有生可樂，推介推介 🤩#台灣祭 #牛摩 #放題 #任食 #打邊爐 #優惠 #火鍋 #wagyumore #wagyumoreplus
繼續閱讀
最近已經懶到連打邊爐都情願出面食，慳返唔使洗碗，牛摩永遠係快靚正之選。特級牛小排雪花好靚，有一定厚度有牛味，大大塊食落好有滿足感。 最重要係全晚叫咗幾輪水準都好穩定，每次出品都好靚。阿古豚梅肉以我平時只食日本豬黎講，認證係高質嘅豬肉，食到豬肉嘅清甜。海蝦新鮮爽甜，蟹籽墨魚滑足料彈牙。炸物幾有水準，洋蔥圈、雞皮餃子、地瓜球同炸芝士都熱辣辣好夠脆，encore咗幾round炸芝士。 私心推介沙嗲湯底，配炸響鈴真係一流。
繼續閱讀
今日去左牛摩打邊爐，試咗佢哋嘅LV3阿古豚梅肉放題，CP值真係好高🤤環境方面，幾舒適，唔會太嘈，適合同朋友輕鬆聚吓。🍻 環境乾淨企理，服務員都好殷勤，加湯都幾快手👏🏻一人一鍋嘅設計，乾淨衛生，而且可以自己控制火候同埋食嘅速度，幾方便！👍 湯底方面，我哋揀咗麻辣鴨血同壽喜燒。🌶麻辣鴨血，夠晒惹味！鴨血滑溜，麻辣湯底香氣撲鼻，食落夠晒過癮！ 壽喜燒方面，🥚 湯底甜甜哋，好有日本風味🇯🇵，牛肉浸落去，吸收晒湯底嘅精華，入口嫩滑，鮮甜可口！ 配埋蛋汁一齊食，更加滑溜！重點係個豚肉！🐷 阿古豚梅肉，入口即溶，肥瘦適中，油脂豐富但唔會覺得膩，每一舊都充滿肉汁，鮮甜味美！😋 放題款式都幾多選擇，除咗豚肉仲有好多其他肉類、海鮮同蔬菜🥬，選擇多多，啱晒大食之人！嘩！仲有沙冰🍧、芝麻糊🥣同爆谷🍿？！ 呢個放題真係超乎想像！ 加分加分！💯原本已經覺得阿古豚梅肉放題同一人一鍋已經好抵食，點知仲有呢啲意想不到嘅甜品同小食！ 沙冰冰冰涼涼，打邊爐揀辣湯真係要飲冰！🧊 芝麻糊夠晒濃郁，甜而不膩！😋 爆谷鬆脆香口，啱晒做飯後甜品！🍿我食左２碟呀~~總括嚟講，牛摩嘅阿古豚梅肉放題性價比極高！💰 如果想食高質嘅豚肉放題，呢間絕對係一個好選擇！💯 下次一定會再encore！🥳
繼續閱讀
上星期轉涼，好適合打邊爐～如果想平平哋又食到邊爐放題，就好適合去牛摩～雖然肉質唔算最高級，但CP值都幾高！我哋要咗精選牛肩胛套餐，晚市90分鐘都係$208咋😆肉類嘅選擇唔算多，但佢哋嘅牛肩胛同牛舌都ok，切得好薄，好容易熟又唔會膩～除咗牛肉之外，仲有豬肉雞肉同羊肉😚海鮮嘅種類都有幾款～魷魚圈唔錯！之後仲有幾款炸物可以選擇，外面自助區又有甜品，仲可以用雪糕機自己支雪糕DIY，又有菜可以拎，整體嚟講都幾抵😝
繼續閱讀