可能係調景嶺最好食嘅火鍋放題牛摩最近推出咗一個新套餐，任食卜卜蜆 x 特選牛肉火鍋套餐可以任意享用包括卜卜蜆，多種肉類，海鮮，熟食等超過30款美食，亦可享用自助放題區嘅蔬菜，麵食，飲品及甜品。套餐亦都提供咗二人同行嘅優惠，午市套餐有第二位半價優惠，平均每位價格約$220夜晚市亦有第二位77折優惠，平均每位價格約$290。而點選任何級別火鍋放題的客人亦可付費升級卜卜蜆火鍋。牛魔嘅調味料專區有超過10種不同口味嘅調味料和配菜可以比客人自由組合今期亦都設有麻辣專區，滿足各位好辣之人。今次我哋點選咗卜卜蜆湯底以及沙嗲湯底。卜卜蜆湯底上枱嘅時候已經有滿滿嘅卜卜蜆卜卜蜆基本上都冇沙，而且食落好新鮮，建議可以煮一陣個鍋等卜卜蜆嘅鮮味入哂湯，再飲碗湯先至開始淥其他嘢。肉類方面，有4牛2豬1雞1羊揀，包保揀到你鍾意食嘅肉。特別推薦極品牛肉眼，雪花色靚唔會過肥唔會太瘦，入口口感軟滑，配埋喺沙嗲湯底煮，濃濃嘅沙嗲味同牛肉鮮味簡直係絕配。熟食方面，佢有提供一口芝士，雞軟骨，鹽酥雞，炸雞塊同埋雞皮餃子等等特別推薦雞皮餃子，雞皮煎到剛剛好，唔會太乾，但係有香脆口感，一咬落去係滿滿嘅汁所以記得要吹吹先好食，唔係真係會淥親個口。同時牛魔亦都提供唔同種類嘅飯，例如滷肉飯同埋牛摩獨有既牛摩飯，口感有啲似免治牛肉加紫菜拌飯牛肉味濃之餘，配埋紫菜又有啲解膩嘅感覺，所以唔小心就真係會成碗食晒，因為真係易入口又好味。自助區有超過20款蔬菜，仲有一啲丸，腸仔提供俾顧客，仲有壽司提供。而且亦都提供接近10種甜品，包括今次提供咗烏龍桃味嘅軟雪糕配上脆片，朱古力片，棉花糖，紅豆醬，聰明豆，爆珠等等嘅topping，可以自製自己鍾意嘅甜品類型。而自助區亦提供各種各樣嘅飲品，包括有罐裝汽水，紙包果汁，無糖茶，樽裝水，水果味沙冰，咖啡飲品以及新鮮果汁，依家仲可以落單點台式仙草奶茶，包保可以滿足你唔同嘅需要。所以話有咁多選擇，真係適合一家大細，朋友聚會，慶祝活動，唔同類型嘅聚會，都可以嚟到牛摩用餐…查看更多
