牛奶冰室 (新葵興廣場)

嚟咗葵興做嘢見附近冇乜嘢食就食間搵穩陣陣嘅，叫咗個巨人雞扒勁香蔥油飯，真係誇張到不得了！一上枱，嘩，成個碟都畀塊雞扒遮住晒，真係超大塊，大過我塊面！咬落去個皮「咔嚓」一聲，炸得金黃酥脆，但入面啲雞肉一啲都唔鞋口，好嫩滑，仲有肉汁添，火候控制得啱啱好。重點係可以加十蚊要多三隻太陽蛋，補充蛋白質嚟講真係抵到不得了。三隻煎蛋煎到少少燶邊，個蛋邊脆脆地，正到爆！篤穿蛋黃，啲蛋汁流落啲白飯度，撈埋啲甜豉油，簡直係無得頂。個份量十足到呢，我咁大食都差啲食唔晒，夠晒抵食。因為控制緊飲食所以就同夥記講咗唔要蔥油，，但係淨係蛋汁加豉油都已經非常好食🤟🏼如果你係大胃王，或者想搵啲夠晒鑊氣、食完飽足一日嘅平民美食，呢個飯絕對係首選，誠意推薦！…Read More

今次去咗一間茶餐廳食早餐，真係好滿足！首先講下個牛肉公仔面，湯底濃郁，牛肉片鋪滿碗面，麵質彈牙，吸滿咗湯汁，食落好滋味。搭配個煎蛋同多士，煎蛋半生熟，流心效果超正，多士烤得香脆，牛油同糖漿嘅味道剛剛好，甜而不膩。旁邊仲有碟春卷，炸得金黃酥脆，內餡飽滿，咬落去聽到「咔嚓」聲，好過癮。環境就係典型嘅茶餐廳風格，簡潔企理。服務員上菜速度都幾快，態度唔錯。價錢都幾親民，性價比高。整體嚟講，呢間茶餐廳嘅早餐真係唔錯，下次有機會會再嚟試其他嘢食。…Read More

辛勞一個早上，送完屋企人上機場巴士，想要一個豐富早餐。葵興商場除左x心，扶手電梯再上有好多其他餐廳。這間牛奶冰室光猛，好多人食早餐，今日就呢間。餐牌有多款早餐選擇，我揀左茶記A餐的火腿濃湯牛乳，炒滑蛋，丹麥酥包。牛乳湯底濃郁，光滑的細通粉配火腿絲，係由細食到大的風味。之前食過有些茶記係用螺絲通粉，有坑嘅通粉，或者火通係一片片上，雖然都係火腿通，但是感覺奇怪。無糖鮮奶麥皮，健康之選，麥皮可以潤腸，加上鮮奶已經好好味。滑蛋上面哂咗少少香草，金黃色炒蛋，蛋本身已經夠咸，不用再放鹽了。丹麥酥包，牛油香味濃郁，可以一片片撕下來食，比平時的方包更加好味。配上熱飲熱咖啡和熱可可，成個人都暖曬，舒緩一下緊張的情緒。…Read More

難得週末無節目，同媽媽去葵興行下，記得惠康上面改變咗好多，以前銀行同酒樓已經冇咗，依家變左gym room 同幾間食肆，望左一輪，我哋就選擇咗最多人嘅牛奶冰室。入到去剛好兩點三四，店員忙碌地上菜寫單，找不到下午茶菜單，便問問店員索取。第一眼就見到西多士，好吸引。阿媽點左個黑糖漿雪糕西多士 $43配熱咖啡。黑糖漿加去雲呢拿雪糕，可以填補左maple糖漿的甜味，如果夾埋雪糕食，一冷一熱，感覺好得意，這樣的西多士好味。我就點左一口豚肉蔥油撈麵 $45配菠蘿冰。豚肉切到一舊一舊，可以分兩口食，蔥油撈公仔麵一讚，蔥花保持鮮嫩綠色，公仔麵軟硬適中。菠蘿冰，以前茶餐廳的菠蘿冰係一粒粒罐頭菠蘿再加冰，呢一杯一送上嚟係全杯黃色的，飲落去就係打碎的菠蘿汁。味道其實更加出色，但是他的冰底有一半，雖然個杯都大，但係唔見得好多，下次可以叫小冰。枱角有廣告，爆炸拉絲菠蘿包$15，我們又點來試試，菠蘿包鬆軟，外皮好脆，中間似係奶皇包的醬，甜甜的。幸好是share來食，一個人吃哂未免太飽。價錢比起其他大集團可能貴10左右，但係比較起上來牛奶冰室質量好又大份，CP值較高。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…Read More

是日路經新葵興廣場嘅牛奶冰室，適逢晚飯時間，於是和友人決定入內用膳。晚餐～～支竹蘿蔔牛腩煲沙嗲肥牛粉絲煲晚餐跟白飯+飲品牛腩燜到軟稔，支竹蘿蔔好入味，沙嗲味香濃，肥牛配料算多，當中有菠蘿，清甜味中和辣味，整體不錯…Read More

今日叫咗個外賣早餐火腿通粉奶茶都幾大杯，味道都唔差點知食食吓個火腿通粉發現入面有隻蚊滋Omg 不過我都冇打去投訴直接比食評算除咗蚊滋之外，其他其實啲嘢食好食希望有待改善…Read More

牛奶冰室 (葵涌)某日收工好想食炒飯沒什麼選擇下去了牛奶冰室用QR落單但入到去挺多款都完售了連最想食的炒飯也完售了但已經進店了只好點餐吧🥲蒜香蜜汁叉燒蔥油飯 $67（半焗流心美極煎雙蛋 +$8）-最後因為想食煎蛋就加了$8食雙蛋 貴了一點但隻蛋又確實挺大隻又流心又香 蜜汁叉燒相當厚而且算嫩 味道算不錯 只是不是我喜愛的蜜汁味黑糖牛乳涼粉冰 +$9-普普通通牛奶冰室 (新葵興廣場) (葵涌)葵涌興芳路166-174號新葵興廣場3樓4號舖…Read More

我係葵興街坊，呢間野基本上次次order完之後就要無限等，完全唔知廚房做乜。叫個沙嗲牛肉即食麵早餐都等左半個鐘有多(仲要叫呀姐睇睇先有，乜沖個麵都要咁多功夫，真係大開眼界！)，當時間野都唔full，仲有好幾張4人吉枱。奉勸冇返咁上下空閒時間都唔好入，只會激死。我都見過外賣員等到發火，D呀姐採你都傻。不過起碼呢間野堂食唔會催你走，因為你個早餐可能要預成個鐘先等到佢出餐俾你。…Read More

今日透過網上外賣平台訂咗"牛奶冰室"嘅晚餐，原本諗住幫老豆慶祝父親節，想省返煮飯嘅負擔。點咗咖喱牛坑腩飯同家鄉蓮藕馬蹄煎肉餅配白飯，希望有個開心嘅晚飯時光。首先，咖喱牛坑腩飯的咖喱真係辣到令人頂唔順，但除咗辣之外，就完全冇其他味道。牛肉本身嘅質地尚可，但都冇咖喱味，感覺好似食兩樣完全分離嘅食物。至於家鄉蓮藕馬蹄煎肉餅，鹹到冇朋友，而且仲非常油膩，食多幾塊已經覺得好飽。米飯呢，真係大失所望。飯竟然焗到溼溜溜，口感非常難受，好似食緊一盤糊狀嘅嘢咁。我哋家人都不太滿意呢次晚餐體驗。其實今次會訂呢間餐廳，係因為網上外賣平台有40%嘅折扣，覺得折扣吸引先試吓。不過今次體驗真係令我哋失望，下次都不會再訂呢度。覺得價完全唔dim，真係"貼錢買難受"。總括嚟講，如果你同我一樣被網上外賣平台嘅折扣吸引，不如三思而後行，試吓其他選擇，避免同我哋一樣失望。…Read More

剛才睇左兩篇食評，一個話等左9個字，一個話等左25分鐘，你哋太睇少呢間分店了，我叫個午餐等左一個鐘呀dllm, 催左兩次D職員愛理不理hea左你就算，等到把幾火行入去出餐位，個阿姐嫌我佐Q住佢先幫我跟，呢班大帝遲早換Q哂佢哋先得…Read More

我等咗九個字都未送到啊，我吹咗四次喇，social credit -100，完全冇理過我囉，啲侍應都唔知係咪聾咗，等咗成粒鐘終於送到既時候跟住有條蟲喺入邊囉！！叫佢幫我收返換過碟，又等咗勁耐，之後我同佢講咗n次要取消，喺度扮聽唔到，話好快就到，最尾終於取消咗，好啦諗住終於可以離開，點知買單嘅時候諗起就火滾！我個friend俾咗$200佢，佢叫我哋等一陣等一陣，等咗勁耐佢都未找返啲錢俾佢，又話冇散紙，但係又幫隔離枱埋單，擺明玩嘢啦！佢好似唔打算找返啲俾咁囉！…Read More

叫了三個早餐，等咗二十五分鐘，催咗個阿姐幾次，完全無視你，只有繼續等。另一個員工只拿外賣出counter 放在一邊，唔知自己做乜就走人，唔叫，又唔理你，根本管理不善，冇系統，服務又差，唔會再有等二次幫襯。…Read More

其他人等5分鐘就可以入去，而且仲要係兩個人。問嗰個water係咁迴避問題，等咗半個鐘都仲未入到去，不斷係咁俾兩個人嗰啲入先憑乜嘢？已經好早攞咗飛？係咁俾啲兩個人入點會有四個人位？大佬我都趕時間㗎？憑咩？人哋遲過我哋禁飛，人哋就可以入先？9588…Read More

今日來吃呢間牛奶公司，每次想食都見到佢大排長龍，所以就放棄，今日因為遲咗收工，見到冇乜人，可能過咗晚餐時間啦，即刻入嚟試佢兩個餐，第一個係咖哩魚柳飯，光到佢嘅魚都係超大塊，仲要係三大塊，超抵！呢個咖哩都好香，應該係馬拉咖哩，都比較辣，入面還有焗過嘅薯仔，然之後再一杯熱檸水，佢同平時嘅熱檸水不同，平時嘅就係一片片嘅檸檬加熱水，呢個應該係冷榨檸檬汁加熱水，冇咗嗰種檸檬皮嘅澀味，第二個係勁香薑蔥鯇魚煲，都係大件夾抵食魚到超多，鯇魚走油，再用薑蔥爆香，放落嘅煲仔度，賣相都好有食慾，唔怪得佢咁多人排隊呢。下次試迷其它先，呢2個餐都超飽！…Read More

與同事lunch一起叫了外賣，一心想試下拉絲菠蘿包。點知外賣等到無哂影，12點30分落單1點半先有得拎。實在令人無語。仲要個拉絲菠蘿包一d都唔拉絲，仲要好樣衰，入面一灘水咁，叫拉屎菠蘿包就差唔多…Read More