牛奶冰室 (新城市廣場三期)

週六早上在新城市廣場搵嘢食，商場少有餐廳在早上開門，除了快餐店，這間是不錯的選擇。餐廳的裝修光鮮亮麗，座位之間都闊落，亦有卡位，客人亦可以自己倒水喝。早餐的選擇是一般的港式早餐，特別的是有煎焗蛋選擇。火腿米粉，米粉麵質剛剛好，湯底是忌廉湯，味道配合得宜。炒蛋的份量不及煎焗蛋，煎焗蛋煎得微微燶邊的口感，但蛋白仍然嫩滑。沙爺牛肉麵的麵底是伊麵質感，感覺像福字伊麵，口感十分好，牛肉很入味，是早餐必選。檸茶可以選擇水吧預先為檸檬榨汁，比較特別，但酸度未夠。…查看更多

叫左碟小炒肉，發現疑似曱甴既蟲屍體係上面，就同職員講，個職員拎走碟野，轉個頭同我地講係薑絲，成碟拎返黎畀我地食。頂個客都同你講係蟲，你硬係要話係薑絲畀人食，仲要係成碟野係無薑絲既，搵都搵個好D既理由啦！咁我地就叫佢煮過碟，之後所謂第二碟，第一勁多油，第二D青椒淋哂，第三加左D豆豉落去掩飾，肯定拎返第一碟有蟲既落去返煮拎畀人食，之後我老婆食完嘔哂出黎，我而家一路肚痛一路打字。想問可唔可以畀D良心呀，趕收工都唔係咁呀，奉勸各位唔好嚟呢間食！…查看更多

今天途經這茶餐廳見人龍，看見牆上的海報，原來今天出了一個優惠。$76 的賀國慶二人套餐好抵食。～芝士火腿肉醬焗通粉熱騰騰焗起的又怎會不好吃呢？拉絲芝士加入肉醬和火腿絲非常惹味，配爽口通粉吃，確實不錯。～雪菜肉絲炆米肉絲米粉加入了醬油和雪菜來炒，惹味又爽口。～五香脆雞翼（2隻）新鮮炸起的雞翼外皮脆卜卜，內裏肉質仍嫩，非常好吃。😋～紅豆冰紅豆冰加入了黑糖，味道獨突可口，紅豆軟硬適中。這個二人套餐果然不錯，二人分享剛好。…查看更多

平時食開牛奶冰室都係叫 嫩雞煨米線 正正常常啦 咁今次lunch time諗住試下新野啦 嗌左個 「蒜香蜜汁叉燒煎半焗流心蛋飯」見menu張圖 靚靚仔仔咁 點知 等又等得耐 嚟到我只能用失望黎形容 實物已經唔係嗰回事 隻蛋唔係燶邊 啲叉燒都稱唔上係叉燒 只係啲叉燒汁撈豬肉 完全冇燒 冇煎 冇半焗嘅感覺，明白圖片只供參考 但都唔應該係咁樣囉 價錢唔係平 淨係個飯都$69 加埋杯凍檸茶 $72 比啲咁嘅野我 係咪過份左？…查看更多

朝早10點幾去買早餐外賣，普通火腿通粉加炒蛋多士等咗差唔多半個鐘先有得攞。落單俾左錢之後等咗20-25分鐘都未有，我請門口果位staff跟進吓，講咗兩次佢都完全無視我(扮聽唔到咁樣)。再等多陣我話不如cancel張單啦我真係等唔切，佢先拎我張單入去俾其他同事。我終於拎到個餐之後，發現叫炒蛋，但俾錯太陽蛋，但照食費事又等多半個鐘。食物味道係正常嘅，同普通冰室差唔多，但等候時間同員工態度真係唔得。…查看更多

9點37分叫餐，到10點20分才出齊。廚房出餐混亂，有時做呢張枱，有時做那張枱，追邊張做邊張。樓面人手不足，逐個餐送去餐枱，為何不是用手推車或托盤一次過送幾個餐（可能都是因為出餐慢，再等嘅時候原本放在出餐窗的餸菜會變冷）。此等現象已維持了好幾個月。畀客人追餐的員工承受重大心理同生理壓力。如果唔再解決問題，幾好生意幾好嘅員工，對提升生意額嚟講都係徒勞。點解唔考慮用送餐機械人或者廚房加人手做菜？廚房面積太細加唔到人？如果係嘅話，未能善待員工的老細並不是成功的生意人。…查看更多

🍛蒜香蜜汁叉燒煎半焗流心蛋飯真係封神級！叉燒肥瘦勻稱，蒜香同蜜汁完美融合，咬落軟嫩帶微焦香。煎半焗流心蛋用鑊氣逼出蛋香，戳開瞬間金黃蛋液爆漿，同粒粒分明嘅米飯拌勻，醬汁濃郁到每啖都掛滿飯粒，一口入魂完全唔誇張，必點到無得輸！🍍冰火菠蘿包酥到一拎就掉渣，熱辣辣酥皮夾住冰涼厚切牛油，咬落「咔嚓」聲伴住牛油慢慢融化，甜鹹交織又熱又冰嘅幸福感，經典到成爲茶餐廳戰鬥機，冇食過真係走寶！☕凍鴛鴦港奶靈魂所在，咖啡香同茶味平衡得剛好，甜度洽到好處，冰塊鎮住濃郁口感，飲落順滑帶微甘，成餐飯收尾一流，簡直係港味靈魂擔當！…查看更多

早餐時段來，丹麥多炒蛋食曬 ，嘢飲飲曬，個通粉都未嚟， 廚房同樓面嘅速度都超級慢， 食物質素又唔係特別好， 已經唔係爆場， 個速度都可以慢成咁， 慢活嘅人可以過嚟食嘅，好差既一間茶餐廳…查看更多

首先，魚片的味道簡直令人失望，超級難食而提到湯底簡直係災難 。食咗兩啖冇辦法繼續落去唯有浪費食物。酸菜完全冇酸味只有一點鹹。如果想減肥可以過嚟試試，會食到完全冇胃口。…查看更多

叫個豆腐火腩飯，豆腐同火腩居然是凍的。廚房連少少翻熱功夫都不做。 向問店員查問，店員竟然話幫你拎去廚房返熱。之後，再無店員跟進。咁嘅食物質素同服務態度，不會再幫襯。 ——————————————————————————————…查看更多

我哋嗌咗四樣嘢一盅湯、鹹魚雞粒炒飯、魚香茄子煲（附送白飯）同埋一杯黑糖牛奶紅豆冰碗湯已經係成餐最好食嘅嘢熱辣辣又足料又好味諗住應該其他嘢食差唔多結果其他真係令到我哋超失望個鹹魚雞粒炒飯係唔鹹㗎。。。食咗十幾啖入邊得一兩啖有少少鹹魚、先有返個種鹹魚雞粒炒飯應有嘅風味但係就咁食真係又油又乏味個炒飯入面啲菜係西蘭花框搞到好似食緊廚餘咁🥹 好硬好哽胃不過佢已經好過個魚香茄子煲魚香茄子煲正常會少少辣/feel 到有鍋氣總之就香口啦但係呢個魚香茄子煲食落去係又油又冇乜味啲豬肉粒好似肉餅咁樣 一pat pat食咗幾啖冇再食落去 真係頂唔順杯紅豆冰仲算正常嘅但係成餐都係食個懵咁勸大家都唔好嚟食啦…查看更多

之前都聽過依間野既新聞。所以勇敢去一試。只可以話：果然名不虛傳。叫咗個楊州炒飯、蔥油叉燒飯加隻「半焗流心」蛋同常餐叉燒通。首先、楊州炒飯似西炒飯多啲。啲飯唔夠乾身。火腿多個叉燒。冇咩蛋。蔥油叉燒飯d蛋唔係流心既。蔥油啲蔥花太大粒。叉燒最唔掂，似燒烤叉燒多啲，醃咗太耐，完全唔似燒味叉燒。最估唔到係個叉燒通，竟然係最遲上。味道一般。只係可以話唯一好處就係平啲。不過行遠少少可以考慮間「紅X」，性價比高好多。…查看更多

平時好少寫食評一向幫趁開呢個集團，覺得佢既食物質素ok，價錢合理。不過佢所有分店既茶餐都有一個好大既問題，就係熱奶茶極熱，仲要唔知點解，佢哋一向用不鏽鋼保溫杯裝所有既熱飲，莫講話係廿分鐘食完既早餐，就算係晚餐，有時食完哂啲嘢食，杯熱飲仲係熱到飲唔到。有次趕住走又唔想嘥嘢，同店員要幾粒冰降溫，但係又俾人白眼。沙田乾淨企理既茶餐廳不多，好想支持吓，可惜呢間嘢又係咁。仲要嗰陣幫趁已經唔多人，但係上餐速度極慢。所以好希望管理層可以睇到呢篇文章，奶茶唔好熱到滾水咁，個不鏽鋼保溫杯，最好就換咗佢。…查看更多

樓面鴛鴦，咖啡完全唔識分！所謂叉燒飯汁只係美極！全熟煎蛋煎到燶晒！ 咁嘅茶餐廳唔知點解仲會有人幫襯？ 已經好多投訴報道，但係都可以仲有人幫襯真係好神奇！ 呢啲餐廳只係內地人去幫襯中覺得好好食添😂…查看更多

新城市廣場三期竟然開咗牛奶冰室，呢啲茶餐廳以前冇乜可能喺新城市廣場佔一席位，於是即刻嚟試吓早餐時段至到11:30 ，裝修環境冇乜可以挑剔食品：🍴正常早餐配搭一粉麵，加煎蛋多士，加飲品🍜❌個即食麵，質地差到一個點，不吃也罷所以今次轉食通粉，通粉質地偏硬，不過份量好足，湯入邊仲有啲菜絲，感覺良好啲，而且味精好低🍳❌煎蛋部份都係失敗，煎熟蛋完全係硬嘅燶嘅，比起某啲專攻煎蛋嘅餐廳真係好失色🍞炒蛋可以，另外嗰塊多士個麵包不錯，甜甜的麵包一絲絲🍜❌另一敗筆，沙爹牛肉麵，牛肉碎濕濕，冇沙爹醬🥲🍹❌飲品，凍飲失敗，榨檸汁檸茶，完全𣎴是那種味道不過比起隔離商場嘅茶餐廳，我仍會選擇牛奶冰室，但…充飢不錯，尋香港道地茶餐廳味道…不可…查看更多