牛奶冰室 (屯門時代廣場北翼)

營業中

休息中

茶餐廳一般都好穩陣 尤其集團式但呢個雪菜肉絲炆米真係好難食 $44 完全無雪菜味 好少好少肉絲同雪菜而且有陣炸過魚嘅油味（我老公就話唔覺）米粉有啲似粉絲 一團團咁因為係下午茶 份量少啲明白 但真係好難食 係難食 唔係唔好食 我老公係咩都食嘅 佢就話唔好食小朋友叫左個蛋牛治配黑糖紅豆冰$25.9真係好抵食 咸牛肉份量ok 杯飲品佢地飲得好開心 紅豆好多 黑糖味好香另加左個炸粟米$10 不過不失 可以試下嘅但小朋友話下次唔洗啦 無咩特別 。

叫左全日餐金銀蒜花甲魚肉春卷煲仔湯粉絲，圖片題示有煲，餐名都有「煲仔」，最後上餐先得知以湯碗載，會唔會有誤導之嫌？湯唔係好熱，大失所望，價錢都唔係便宜，連凍飲接近65蚊，但春卷得2條，仲要係蚊型size，食2啖就食完1條，花甲正常份量，成件事對唔住個價錢，同一價錢已經可以去連鎖米線店食過橋米線，短期內唔會再幫襯，性價比極低。

今日好攰，冇咩胃口想食得清淡啲又肚餓，所以叫咗鹹蛋芥菜湯飯其實餐牌選擇不多 環境都算整潔座位唔算好窄，都有空間行星期日好多人食 都排咗好耐隊先入到去就咁睇份量都算正常同足料肉片同菜的比例都恰當都好滿鹹蛋就大大粒而且係壓扁咗，所以唔會爛雖然肉片份量都算多，但都偏薄身同細塊湯都偏清淡，其實冇咩鹹蛋味但如果想食得清啲就可以選擇依個

今日約左朋友係屯門市中心食早餐，開始時大家都無咩主意，最後入咗牛奶冰室，時間大約8點半，餐廳都唔算好多人，仲有好多位。餐廳以手機落單，都幾方便，我叫咗✔️牛扒早餐，當中有煎牛扒、炒蛋、丹麥多士、栗米及腸仔，飲品凍杏霜。而我朋友就叫咗✔️濃湯火腿通粉早餐、當中有火腿通粉、炒蛋及丹麥多士，飲品凍檸茶。整體食物質量尚算OK。但牛扒有少少筋位切唔開及凍檸茶太酸。食物質量唔差，且份量足夠，以埋單88元嚟講，算可以接受。另外，送餐有D亂，我建議待應們要加強培訓一下😁。

今日經過見到有位就入座吃早餐早餐點選咗: 🌟蕃茄肉碎濃湯米粉拼炒蛋多士蕃茄湯底濃郁又有蕃茄粒，味道不錯！可惜美中不足～多士炒蛋送到嚟不夠熱其他都中規中矩⋯⋯環境：🌟🌟🌟🌟服務：🌟🌟🌟抵食：🌟🌟🌟🌟衞生： 🌟🌟🌟

常餐既薑絲牛肉湯通粉 天氣寒冷底下食有埋暖胃既感覺。湯底清爽鮮美，牛肉嫩滑入味，通粉Q彈有嚼勁。薑絲的辣香和牛肉的鮮味相互融合，增添了湯的層次感。湯中的牛肉片細嫩多汁，好味。整碗湯粉熱氣腾腾，香氣四溢，給人一種溫暖和滿足的感覺。這道湯粉簡單卻美味，是一道受大眾喜愛的美食選擇。

黎到屯門玩，趕時間食個快餐下午茶食肉獸既我叫左個香煎雞蔥油撈麵，一上黎就好香蔥油味，雞係已經切開左一塊塊，食落好香口，但如果係塊雞扒咁上會更加滿足，另外個麵底偏硬身，食起上黎好爽呢個下午茶好滿足☺️

是日剛剛做完嘢去醫肚見呢度有位又仲有下午茶餐就搵個位坐低手機自助下單📲下午茶餐坦白嚟講選擇並不算多今次選了「蔥油雞扒拌麵」+凍奶茶貌相一般普普通通蔥油雞扒味道雖偏淡但不太油膩麪嘅口感不太淋也不太硬啱啱好中規中矩嘅下午茶間唔中食下也不錯！

我和朋友行完街攰攰哋，想坐低食下嘢休息下，有個friend 話去牛奶冰室，咁我哋冇意見，叫左一個炸鷄翼餐，一個奶醬多士餐，2個炸魚柳薯條餐，嘢飲配咖啡奶茶，魚柳多油又不香脆！炸鷄翼幹爭爭難食！多士，奶茶，咖啡合格。

叫咗個晚餐。白飯係硬啊。同佢職員講，佢換咗個叮叮飯俾我。咁大間茶餐廳食叮叮飯。二人晚餐$171。以後唔會再去超級伏。現在茶記幾時轉左，唔煲飯係用叮叮飯。求其茶餐廳都唔會用到叮飯啦

野食入面有小昆蟲，職員仲笑笑口，野飲追極都唔到，要鬧先到，仲要黎錯，完全唔知點做野，都冇流程條理，門口麵包部仲要客人自己拎野食入去坐位，混亂到不得了，唔會再幫襯

行到攰，是但搵左間餐飯食晚飯，見呢度既扒餐係鐵板上，價錢又平，所以入左黎試扒餐有跟是日餐湯同餐包，今次係蘑菇湯，而餐包係兩片蒜蓉多士，其實食完呢兩樣都已經覺得有啲飽😅叫左一份鐵板雜扒餐 $83，一份鐵板牛扒餐$108，兩者都係跟薯菜，醬汁方面揀左黑椒汁雜扒餐有雞翼、雞扒、豬扒、腸仔，份量真係好多，最後都食唔哂。肉類醃得幾好，肉質都嫩滑，而且配有粟米同四季豆，真係大件夾抵食牛扒餐相對上份量就冇咁大，但其實都夠食，牛扒肉唔鞋，肉汁多，一樣配有粟米四季豆以呢個價錢黎講真係抵食👍🏻

焗鴛鴦扒飯味道普通，芝士係唔識完全溶曬六十幾既晚餐包熱飲算正常既價錢。可惜味道欠佳。環境唔錯，可能多位，晚市時段大約坐滿全場一半，服務態度尚算可以，店員亦都樂意幫忙

已經唔係第一次俾錯，煩死，成日睇錯單，好心如果成日睇錯張單就唔好咁打，直接改炒蛋，上次直程比錯個面，味道其實冇問題，唔係話唔想食流心蛋，但真係食唔到想嘔，下次都唔係好想再食依間野

外賣一個蜜汁叉燒勁香蔥油飯等了20分鐘，滿心期待回到家裏很餓了，吃了兩口飯，一口叉燒。怎麼一陣陣燶味？？才打開飯廳燈，一看…只見一塊塊被煎燶的叉燒和一堆黑色的飯(被鼓油浸滿的飯)香蔥呢？完全沒有香蔥…一粒蔥也沒有。最後補充多句，真的很難吃。氣得我要拍照上來打食評