牛奶冰室 (御海灣商場)

營業中

休息中

之前試過牛奶冰室既菠蘿油，覺得唔算好特別。但上次去既時候食唔到最招牌既芝士菠蘿包，所以我地決定再比多次機會佢，今次終於食到喇，而結果係成功幫牛奶冰室平反架！🌟 爆漿拉絲芝士菠蘿包 $18菠蘿包超級大個，賣相幾靚架！佢個菠蘿皮唔算厚，但配埋有流心芝士餡，就變左好夾，唔會太膩。芝士真係值得一讚，一切開就非常流心，仲有拉絲效果，味道夠香濃！每日有限度供應，賣晒就無架啦！

位置：在屯門泳池輕鐵站旁的私人樓宇地下，Peloton Cafe旁邊。環境：分室內和室外，而室外是是不可用餐廳餐具，只可用外賣，而室內有卡座和吧台，以白色階磚作牆身配淺色木枱，整體簡潔大方，是舒服的！服務：我是第一次光顧，以為可以點餐到室外享用，怎知買完食物後被收加一，才說室外是外賣，之後想改又說不能改單據，所以即使室內吃都不會退錢！那麼是否代表客人吃完想再吃都不能夠？因為不可以改單？根本就是籍口！我從未見過如此1元都想賺到盡的餐廳，吃完今次無下次！午市：有套餐等於沒有套餐，因為不論喝甚麼都要加錢。巨人雞扒🥩勁香蔥油飯$54份量算大，尤其是雞扒，比我的手掌更大，表皮煎得香口，邊緣位置會有點硬，整體是嫩滑多汁，而香蔥油飯則會會有少少油膩感，所以我都吃不完。爆漿拉絲🍍菠蘿包🍞 $18菠蘿包上層牛油皮焗得好酥脆，一刀切開就會流心，芝士可以做到拉絲效果！味道是半甜半鹹，層次豐富，用來作下午茶一流！食物是不錯，但定價進取，服務不清晰，不想再來了！

今日本身開開心心去御海灣食野見到有間牛奶冰室都好似幾多人等就入左去試下叫左一份常餐(炒蛋多士+雞翼撈公仔麵)同雞扒撈公仔麵我地14:40落單等左三十分鐘，發現唔對路咁岩隔離枱話有個餐唔係佢原來我份常餐一直比錯隔離枱好喇終於有得食份常餐普通到唔普通我自己都煮到個瑞士汁雞翼撈公仔麵好似豉油撈麵咁好難食到我食完成個餐已經15:30了，但我男友個雞扒撈公仔麵都未到一直舉手 個侍應扮睇唔到最後嬲嬲地舉手大嗌埋單個侍應九秒九應你：好啊，出面埋丫錢又識收，野食等左成粒鐘都未有後來先知，點解店外咁多人原來全部都係等外賣，我走時聽到有幾個等外賣既人話佢地等左九個字都未有結論，大家唔好去幫襯除非你忍到食一個餐等一個鐘

下午同姐妹同仔仔過黎食TEA，叫左兩份下午茶餐，賣相好吸引。紅豆鍊奶多士、炸雞脾薯條。之後仲叫個拉絲芝士菠蘿包，真係好邪惡呀，但又真係好好食。之前諗過想叫，但好快會賣晒架！爆漿芝士

點左個「香煎豬蔥油撈麵」嚟到數咪得嗰六粒蔥花搵個侍應可唔可以俾多少少蔥油佢竟然答話「今日啲蔥油一早用晒啦🤷🏻‍♀️」我話點解落單時同我講 無哂蔥油😲佢竟然答話「依家豬扒同面冇小道俾你喎😒」就係因菜名而點黎食無哂材料係咪應該一早同客人講客人有權選擇其他食物😔😔

話說依家轉咗做freelance，成日都要走嚟走去，呢日就同男友係屯門區做嘢，咁啱經過見到有間茶記環境幾唔錯，而且都幾多人食，所以就揀咗呢間嚟食我哋個Lunch~ 「牛奶冰室」位於御海灣商場地下，室內室外都有座位，店內環境好新淨，裝修時尚雅緻，坐得幾舒服~ 🧡爆漿拉絲菠蘿包（$18）芝士控必食！菠蘿包外皮焗得好酥脆，一刀切開超爆漿，芝士一湧而出，仲可以到拉絲，視覺效果一流！味道都好唔錯，半甜半鹹，層次豐富，用嚟做下午茶一流！ 🧡厚切豬扒勁香蔥油飯（$54）豬扒大塊厚身，煎得香口，勁多香蔥，調味適中，唔會過鹹，撈飯食超正！Lunch $54跟埋野飲，價格相宜，係一個中上嘅茶記蔥油豬扒飯！

同朋友仔在這間食午餐。厚切豬扒勁香蔥油飯$54豬扒大件厚身，肉質都算腍，而且同個名一樣勁多蔥！因為香蔥油飯關係會有少少油膩感，與朋友分享就剛剛好。麻酸辣牛肉炸響鈴米線 $48米線夠晒麻味，個人覺得大概是某連鎖米線鋪的3少辣程度，牛肉是肥牛片，大大碗米線夠晒飽！最後朋友推薦必食的爆「芝」心菠蘿包！$18切開菠蘿包內裏芝心流晒出嚟！如小瀑布般湧出，芝士迷必定鍾意❤️這種芝心好似奶黃那種流心，有少少奶香味芝士，好正！不過亦同樣一人食會有油膩感，所以最好同朋友分享「芝」味

食物味道是不錯，但是每次拿回来的外带都是錯掉的，不是錯掉麵底，就是食物根本不是下單的，或是餐饮錯掉，而且下单的是贵的，收到的是便宜点的！他们的服务生都不知怎么看訂單的！

經過見到御海灣開咗幾間新餐廳👍🏻但求方便快捷🏃🏼‍♀️🏃🏼‍♀️所以揀咗呢一間茶餐廳寶貝女叫左個全日常餐 五香肉丁即食伊麵 $48配牛乳炒滑蛋同蒜香牛油多士小朋友嘅反應係最真實嘅🙊佢食碗麵食咗唔夠一半就皺眉頭🙈問我唔食得唔得❓我就拎左碗麵試左啖佢係屬於維持生命嘅麵我真係未食過無味嘅五香肉丁麵仲有炒滑蛋係鞋嘅、蒜香牛油多士無蒜香味😵我叫嗰碟係巨人雞扒勁香蔥油飯 $54呢款正常好多雖然蔥油唔夠香但雞扒肉質都算嫩滑嘅整體可接受，有得揀不會再幫襯睇個賣相好似好好食㗎！睇落去個炒滑蛋好似好滑裡面鞋到小朋友都吐出嚟🙈問我係咩嚟嘅，笑死‼️

你屋企附近有牛奶冰室嗎？雖然係鏈鎖式經營 但質素卻係超水準爆漿拉絲波蘿包$18 必食見到個樣就開心哂同平時見既好唔同 扁扁的好cute 一切開滿滿芝士漿爆出來以為咁就完一拉開 仲有煙韌拉絲 好正最好4個人share 冇咁膩 超多蔥豬扒飯$56只係食蔥都得 多到呢唔洗爭 豬扒仲要好似手掌咁大牛腩河$52不過不失半流心蛋叉燒飯$56有成5，6塊半肥瘦叉燒因唔食未熟蛋叫左煎蛋🍳都唔會好老 飯又好有咬口下次會再食！📌 御海灣店📌 新界荃灣沙咀道328號寶石樓328廣場地下6-7號舖

tea time行過見都多人食就試下都要等2～3張枱坐bar枱望出去算舒適，有自然光有out door area 有好多人帶狗過嚟食野叫個下午茶撈麵食下，加紅豆冰啲野嚟到都心知不妙個樣頽到一個點叫咗葱油雞扒撈公仔麵難食！唔算係雞扒下話，雞塊煎得乾又鞋個麵冇味，求其落匙甜鼔油落去比你自己撈就算冇葱油香味紅豆冰啲紅豆好甜，雪糕係沙冰咁, 好弱菠蘿油唔好食，個菠蘿皮好奇怪，整到好薄又唔脆i cannot understand why there are so many people queueing up for this! ？？？？ 黑人問號

今日已是第二次幫襯，叫左兩個常餐外賣在室外座位食，食物分別係五香肉丁麵/蒜蓉牛油多士/牛奶炒滑蛋/茶走，瑞士雞翼撈麵/蒜蓉多士/牛奶炒滑蛋/凍檸茶。12:01 出單，12:40 先有，仲要漏左 1 份多士+炒蛋。中途已經問過點解甘耐，但無人會理你同答你，直至等到 12:30 發覺唔對路，要入去大聲小到有人應我，先知原來根本其中 1 份餐漏左單🤬🤬🤬 仲要唔好意思都無句，服務差，食物差👎🏻👎🏻👎🏻👎🏻👎🏻

踢波之前去呢間新嘅茶餐廳諗住食個西多士！有普通嘅，紅豆煉奶，同埋雪糕西多士三種。揀咗雪糕西多士享受下冰火嘅感覺！黑糖漿味道濃郁，多士略嫌乾咗少少，雪糕係比較多水份，有啲似雪苞芭。但整體來說都好食嘅。連熱飲盛惠$38。價錢公道。環境裝修唔錯，連天花啲喉都做得好企理。見隔離啲多士同埋煉奶紅豆都好吸引。可以下次試吓佢啲正餐如何。

明顯是另一間鋪運來的翻熱食物，連白飯都係十足十飛機餐，差劣。咖哩腩得6粒排骨size，廚房質素差勁，因而食品選擇甚少，價錢不合理，乾炒牛河只見油不見牛，最好食竟然係果幾塊餐肉，可笑。

泳池區不嬲都冇啖好食，開係Chicken Factory隔離嘅牛奶冰室的確為小區帶來好消息，食物質素有返咁上下，分量合理，價錢亦都比較貼地，唯獨始終受範圍所限，堂食唔能夠容納太多客人，所以門外經常有一條人龍，整體上服務員都比較親切。有一建議，希望佢哋嘅檸茶或者檸水能夠用上真正檸檬🍋， 而唔係用預先條配的檸檬汁，味道過酸, 怪怪的，這是較為可惜。