牛奶冰室 (錦綉花園)

终于让我吃上了啊麻婆豆腐饭 就是为他而来！赤酱浓油超级浓稠的包裹住了豆腐和米饭，🍚软嫩的豆腐让米饭直接吸溜吸溜就全滑进嘴里了，太下饭了！！蒜香蜜汁叉烧煎半焗双蛋饭 三个大鸡蛋和厚实的叉烧肉看着就很壮观，🥩叉烧的油脂、咸甜的酱汁、丝滑的蛋液，三重风味配合得很绝妙，在口中是咸鲜焦脆💥还有蛋挞味道也不错，喜欢重口味的可以冲…查看更多

葱油公仔麵唔得，少甜凉粉冰無味，酸辣湯粉失口感，要注意枱面和店內衛生，其他區內嘅牛奶冰室都接受到，嘗試過跑馬地和大埔店都覺滿意，希望下次再去時會改善好，若果保持現狀就肯定會失客。…查看更多

下午去牛奶冰室吃下午茶，等了廿幾分鐘飲品未有，再追侍應先有杯檸茶，望杯檸茶幾深色喎！問完杯飲品隨即上左碟煎雞蔥油麵，食入口係完全冇味，最後要自己加胡椒粉食，而全部野最正常算係份西多士。我之前黎過幾次，呢間分店唔知點解出餐係等好耐，今次見隔離枱叫炸雞翼，到我地埋左單都未上枱。另外想講我係手機落完，隔離臺先叫人寫單，叫嘅item 有幾項相同；但居然隔離仲快過我地喎。出餐冇俾餐具，嗌個阿姐但叫極都又理人～…查看更多

去錦繡花園探朋友，約埋一齊喺商場食下午茶。呢個商場環境清幽，圍繞住一大個湖景，偶然仲可以見到黑白天鵝，非常 relax.食肆選擇唔係太多，今日試咗牛奶冰室，值得推介嘅係黑糖牛乳涼粉，黑糖唔會太甜，奶味亦啱啱好。杯凍檸茶雖然唔見檸檬片，但係用檸汁調配，非常醒神👍🏻…查看更多

早上想安安靜靜食個早餐！店內有成10個店員講嘢嘈生晒！又講普通話又話好憎香港快啲副11號返上大陸，仲有個純廣東話女士話「我都做多2日唔做啦，入面啲人做唔切咪由得啲人等囉！橫掂啲人咁鍾意等！」大佬我唔鍾意等㗎！個牛肉麵吹咗2-3次先有得食啊我仲有一碗麵，廚房整整到好豐富、足料，一去到啲女待應手上，佢哋好大聲咁講：「嘩，咁大碗餵豬啊！？」 係咪失常到一個點？痴線大陸女人無人想聽你哋高談闊論！可以傾偈但顧及吓住客感受啦！DLLM…查看更多

很久無入黎，今日揸車入黎探朋友：呢間午餐/下午茶食物質素絕對有保證👍晚餐就未試過😅今日推介不是食物，係我掛住：沒有檸檬的檸檬茶～用檸檬蓉～檸檬味亦一樣充足～茶味亦很香～甜味剛好不太甜～三者能夠共存配合👍直得一讚，低我掛住你，唔知幾時又會再入黎？好大可能要係其他分店食！…查看更多

今天和太太到錦綉花園教會聚會，由於未吃午餐的關係，所以便隨意走了一間餐廳吃下午茶，看到這家冰室十分之多人爆滿及有人排隊，相信必定不會太差。等了一至兩張枱輪到我們坐下了。由於太肚餓的關係，坐下後我們立即點了十分邪惡的香蔥雞扒公仔麵及奶醬紅豆西多士。雞扒炸得十分香脆，加上香蔥的香味使整個公仔麵十分好吃，不用5分鐘我們兩個便張整碟公仔麵清光了。然後吃上甜點奶醬紅豆西多士也是炸得十分之香脆，基本上我們吃完兩個下午茶我們也同時間表示不夠吃。但可惜時間關係不能再點了。…查看更多

今日老遠去咗錦繡花園試咗呢一間裝修都幾靚嘅茶餐廳，叫咗經典西多士、花生醬多士，仲叫埋菠蘿冰同凍檸茶。第一樣想講嘅d野飲而唔係野食，仲要係凍檸茶而唔係菠蘿冰，因為呢間野嘅凍檸茶竟然係攪醉咗嘅檸檬，真係有驚喜。杯菠蘿冰都唔錯，懷舊feel，跟餐加$8 ok啦。跟住想講個經典西多士，佢係用三塊薄多士去整，中間搽咗花生醬，食落去唔會比用厚多士整嘅西多差，個廚師真聰明。花生醬多都係三層，不過略嫌花生醬太慳家，影響咗個整體感覺，如果搽多啲花生醬應該會再好味啲。…查看更多

如非外賣不要堂食，常餐要求多次（30分鐘以上）都未煮，樓面只顧外賣單，現場多檯堂食完全無嘢上檯，催單無人跟進，就算之後應左，叫廚房都係無進展出前一丁煮30分鐘？無下次食唔到比唔到食物同抵食評分…查看更多

叫咗個豬扒意粉凍奶茶，一個外賣等咗27分鐘都有，入去追一追，好似爭佢錢咁，趕返我出嚟之前試過兩次堂食，態度已經勁差，所以今次諗住外賣可能會好啲，結果一樣咁衰 ，唔會再幫襯…查看更多

員工態度差，講一句野系得埋來，以後吾會再幫襯！！！！！！！！！食餐飯好受氣！！！！！！我又冇咩不合理要求！真系比錢搵氣受！如果真系忙我都可以理解，但明明我先叫，人地比我早上，等左30分鐘去問，只系話未得，問多句就罵我，跟住45分鐘，我問都未問就開始罵我…查看更多

開張到而家為止平均每一個星期都至少幫襯一至兩次、由初頭食物保持水準、都近呢兩個月員工不單止冇禮貌食物質素每況愈下、唔知道佢公司係咪想執埋呢間😵‍💫今日嗌個菠蘿有下午茶、嗰件牛油就嚟單薄個把刀🤬實在覺得難接受所以問過阿姐可唔可以加多少少牛油?! 個阿姐仲覺得好似聽緊乜嘢驚天大新聞咁嘅樣,然後正氣凜然咁樣答我話個牛油係得咁多㗎咋⋯⋯我強忍着冇爆粗、然後直接同佢講唔好玩啦這個塊牛油播到咁⋯⋯堅持重複三次之後佢終於肯攞多份牛油過嚟…查看更多

經常嚟呢度食下午茶，分別試過厚切豬扒勁香蔥油飯同麻酸辣雞扒米線，仲有瑞士雞翼撈即食麵厚切豬扒勁香蔥油飯 ($53)超級無敵多蔥，每一啖都食到蔥香，十分過癮😋豬扒厚切啖啖肉，唔多筋，又唔肥👍🏻麻酸辣雞扒米線 ($47)湯底夠麻辣，仲夠晒酸，雞扒外皮煎得脆卜卜，雞肉都算嫩。配料有芫荽、脆米，口感豐富。最特別係有兩條響鈴，浸一浸湯再食。好香口。瑞士雞翼撈即食麵配蒜香多士、牛乳炒滑蛋 ($48)我食得最多係呢個下午茶，每樣都做得幾好食，尤其是個瑞士雞翼，煮到好稔身，好易咬開，醬汁微甜，雞翼嫩口。算係比較受歡迎嘅茶餐，有時想食都已買晒。…查看更多

今日又要叫外賣自取，嗌咗個蔥油雞扒飯，嘩大到呢成個碗咁大塊，仲有推介佢嘅涼粉冰，佢用黑糖個喎！真係好好味塊雞扒又Juice蔥油又夠香，呢個真係值得推介比大家試吓！…查看更多

再次光臨錦綉花園，然後試吓嗰度唯一一間茶餐廳，牛奶冰室，感覺乾淨都算寬躺，裝修以白色為主，都幾舒服，不過個冷氣好凍，服務員話係中央冷氣，所以冇得搞，外邊又好熱，裏面有勁凍，好容易病。食物方面，我估佢哋出餐只係加工，由中央廚房過嚟，味道一早已經調好，味道好濃偏鹹，而且選擇好少，價錢又唔係平，講真如果光顧連鎖式經營餐廳，去對面嘅大家樂仲好，選擇又多，價錢又平，座位空間又大，因為大家都係連鎖式經營，味道都其實差不多統一，所以牛奶冰室性價比唔係好高。…查看更多