牛品台式火鍋

【灣仔區】【牛品台式火鍋】喺銅鑼灣登龍街請美女朋友食飯，做生不如做熟，試返之前已經試過，幾高質嘅「牛品台式火鍋」。既然同靚女食飯，梗係試 $589 嘅「牛殿品」，係晚市無限時吃到飽套餐。湯底就試期間限定嘅「泡泡脆米龍蝦鍋」，上菜嗰陣已經勁香龍蝦味，好似有料。跟住侍應過嚟幫我哋嘅碗 fill 啲脆米，再斟個龍蝦湯底落去。撈埋真係幾正，啲脆米索晒個湯，勁鮮。個湯裏面仲有龍蝦，肉質鮮嫩㗎。然後仲即刻上埋每位一隻嘅「新鮮活鮑魚」同一碟「A5日本宮崎和牛」，前者爽口味濃，後者油香十足，都係高質素嘅。佢哋仲有好多肉類選擇，唔想食咁肥嘅話可以試「澳洲M9和牛肩胛肉」，一樣好正。而海鮮類我哋試咗「蜆」、「日本廣島蠔」、「鮮滑黑魚片」同「手工蝦滑」，都係好新鮮嘅，蝦滑都好正。蔬菜就梗係試翠綠嘅「水蓮菜」，台灣特產，食落都好爽口呀。小食試咗「台灣香腸」、「炸花枝丸」同「麻辣鴨血」，我覺得比坊間好多台灣菜都做得好，個鴨血偏辣，不過麻香好吸引，鴨血控必試。嘢飲方面有幾個大雪櫃裝住啲飲品，選擇非常多。而佢哋仲有自助甜品吧，可以任食豆花、綿綿冰、雪糕，太爽喇掛。之後仲試 $68 嘅「1664 Blanc 500ml」，埋單 $1296，呢個價錢食到龍蝦、鮑魚、和牛等，仲飲埋啤酒，都算合理㗎。。。（地址：銅鑼灣登龍街1-29號金朝陽中心二期 - Midtown 1樓）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am1591（地址：尖沙咀樂道32-34號1樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #牛品台式火鍋 #beefbang_hk #香港美食 #香港探店 #寶物餐廳分享 #香港 #香港生活 #香港打卡 #吃到飽 #火鍋 #藥饍 #養生火鍋放題 #足料火鍋 #台式 #1am1915 #1ambackup…查看更多

位於銅鑼灣登龍街的「牛品台式火鍋」，係一間主打台式火鍋任飲任食的餐廳🍲當晚點咗「牛殿品」吃到飽套餐，係無限時嘅火鍋放題火鍋配料區蟹棒、魚蛋、火鍋丸類及七彩繽紛的新鮮蔬菜源源不絕地供應熱食及炸物區滷水豬肚、百葉豆腐、滷肉飯、金華火腿燉雞湯、咖喱牛腩、炸薯角、麥樂雞、響鈴、老油條及七彩蝦片，總有一款啱你心水自助飲品各式各樣罐裝或支裝飲品自助任取，有糖或無糖，任君選擇櫻花蝦濃湯鍋店員推薦的期間限定「櫻花蝦濃湯鍋」，一上枱已經有滿滿的櫻花蝦香氣，湯頭滋味濃郁，微微辣日本宮崎縣A5和牛A5和牛脂肪雪花分布均勻，入口香軟，滿載牛脂香，好味道新鮮活鮑魚每位一隻呢個套餐每位會送一隻鮮活鮑魚，口感彈牙，鮮嫩甜美澳洲M9和牛肩胛肉和牛肩胛肉嘅雪花脂肪相比起宮崎牛少一點，肉味會更濃郁突出，好好食日本廣島蠔廣島蠔都幾鮮味，吸滿湯汁，正呀麻辣鴨血鴨血Q彈可口，好入味，都幾辣🌶️新鮮水果及自助甜品吧多款新鮮水果、飄雪黑糖綿綿冰、手工豆腐花、啫喱、芋圓珍珠及三款口味Häagen-Dazs雪糕…查看更多

同朋友食生日飯，放題是好主意，而牛品是我最近的高質之選。牛殿品 吃到飽套餐，品嚐到十多款肉類、海鮮、小食等。另外有1664任飲，好正！配炸物一流。另外讚好專頁有飲品送，西瓜烏龍奶蓋，鮮榨西瓜汁有淡淡烏龍茶香味，配濃厚奶蓋一流！自助飲品櫃有自家冷泡茶、汽水、果汁、果酒、啤酒等等。出面有蝦片、炸燒賣、雞塊、地瓜球等小食自取。另外公仔麵也有出前一丁、王子麵、韓國麵等個品牌。落單的小食有惹味的椒鹽粟米、好正的麻辣鴨血、炸花枝丸、彈牙椒鹽蝦，味道出色，可以重點幾次。座位好寬敞舒適湯底是元氣養生鍋，人蔘雞湯，好足料，湯底清甜重蔘香味。套餐每人送活鮑魚，相當鮮味彈牙。肉類色澤紅潤，可見肉質新鮮單是牛肉種類已有頂級美國肩胛肉、日本宮崎縣 A5和牛、澳洲M9和牛肩胛肉、加拿大頂級牛板腱、手切美國頂級封門柳、美國特級牛小排等。另外也有西班牙栗飼豬梅肉、羊肉、雞肉。手切美國頂級封門柳入口軟腍。頂級美國肩胛肉、加拿大頂級牛板腱、牛小排大塊有嚼口。日本宮崎縣 A5和牛、澳洲M9和牛肩胛肉入口即溶。全部牛肉肉味濃郁。海鮮有日本廣島蠔、蜆、海蝦，鮮甜無比，蜆入口無沙，配人蔘雞湯底好夾。甜品有自製雪花冰，加上芋圓、爆珠、水果、珍珠、布丁等，幾好玩。雪糕有Haagen Dazs，抹茶、士多啤梨等，連豆腐花也有，是晚好滿足捧著肚離開。…查看更多

今次我地去左銅鑼灣呢邊諗住食餐台式火鍋放題，呢間牛品之前尖沙咀都食過，最近原來出左個無限時放題，仲包齊曬本身120分鐘餐有既野，我地難得得閒就揀呢個餐啦😄牛殿品無限時放題（正價時段$589）青花椒和牛鍋湯底呢個口味既湯底香味比較少有，難得有呢個就揀左，青花椒按自己喜好份量落，味道好香，有台灣食到既感覺🫕呢個餐有日本A5宮崎和牛，牛既油花好靚，淥一淥就食得，有入口即溶既口感🐮海鮮類牛殿品送鮑魚一客，海鮮都好多款揀，有青口，廣島蠔，海蝦，黑魚片，蜆等等，其中我最欣賞就個蜆，無沙又大粒，味道鮮甜🦐🦪🐟台式小食另外仲有好多台式小食，鹽酥雞，台灣腸，藤椒魚皮，皮蛋豆腐，椒鹽粟米等等，多到數唔曬，我道最鐘意藤椒魚皮同椒鹽粟米🌽🐥自助區自助區仲有好多火鍋配料，丸類，菜類又係勁多款，熟食又有炸野，湯，飯等等，之後仲有水果同甜品，水果真係靚野，好甜好新鮮，甜品有自助式Haagen Dazs雪糕，同埋台式自助甜品bar，我都好欣賞個自助區👍🏻牛殿品特別有1664生啤任飲，唔飲酒既外面雪櫃都好多飲品選擇🍻呢個新餐我都好滿意，平時呢個價錢係第二度都食到呢個質素既野，但呢度勝在無限時，又有靚牛，同埋台式小食好齊，如果對牛唔係要求高既，平價餐都唔錯，因為自助區本身都多野食👏🏻…查看更多

呢間食過佢嘅午市係平靚正 選擇好多🔥夜晚出咗無限時放題幾啱我呢啲冇腦大食怪🤪 佢哋嘅海鮮同肉 到自助區嘅菜 小食 甜品都好高質‼️ 環境又靚 可以一戰✅牛殿品吃到飽套餐❣️元氣養生鍋靚嘅食材就費事叫個重口味嘅鍋啦 養生鍋喺呢度招牌🙆🏻‍♀️ 就咁飲都好濃郁 落咗啲藥材紅棗人蔘再煲埋隻雞飲落係甜甜地 感覺勁補🔥😚🌟新鮮活鮑魚❣️蝦/蜆/台灣墨魚仔鮑魚喺呢個餐限量每人一隻 質素超高‼️ 第一次見過清理得咁乾淨咁靚嘅鮑魚🙂‍↕️ 食落去當然好鮮好彈牙😝另外佢哋嘅海鮮種類好多 蜆好飽滿冇沙😙 蝦肉好結實🦐 墨魚好彈牙🐙🌟A5日本宮崎和牛❣️牛脷心托❣️澳洲M9和牛肩胛肉❣️手切美國頂級封門柳❣️加拿大頂級牛板腱A5和牛油花靚到好似壽喜燒會出現嘅肉 食落係勁軟嫩🐄另外嘅肩胛肉同封門柳都好濃肉味🙆🏻‍♀️ 牛脷就爽口薄切冇負擔👅🌟麻辣鴨血❣️藤椒魚皮❣️椒鹽粟米小食都唔錯 偷食咗番薯薯條同麥樂雞仲係脆嘅👍🏻 鍾意食辣嘅鴨血同魚皮都好入味夠辣🌶️🌶️ 椒鹽粟米就鹹甜鹹甜🌽🌟水蓮菜❣️手工蝦滑❣️其他配料選擇係多到有三個櫃🙂‍↕️ 完全唔怕你食😤 好多唔同嘅丸 有啲係爆漿包芝士 普通貢丸牛丸咩都有🥳 普遍都好正🤩想讚吓佢哋嘅冬菇同芋頭好好食👍🏻 菇類都好多好鮮同個湯好夾🙆🏻‍♀️ 菜選擇多又新鮮🥬🧅🌟柚香烏龍個餐可以每人送一杯春陽茶事嘅廢水🧋 醒目嘅當然唔會嗌珍珠奶茶咁飽啦😙 個柚香烏龍酸酸甜甜解膩開胃又可以食多啲🙂‍↕️🌟1664 Blanc 可以任飲好爽🤣 有啲酒鬼朋友一晚可以飲三四杯👄 呢度已經慳咗幾百蚊✅🍻🌟台式刨冰❣️Häagen-Dazs雪糕🌟豆腐花佢哋嘅甜品都好有心思🩷 佢哋部刨冰機真係超強 可以整到勁幼細嘅雪花冰🍧 體驗感十足🤣 再加上啲珍珠芋圓綠茶凍 完全媲美甜品舖✅Häagen-Dazs有Tiramisu味未食過都試咗🥳👍🏻有奶味咖啡味仲有啲蛋糕🍦豆腐花仲用木桶裝住自己𢳂 估唔到佢又滑又有豆味🥛…查看更多

今天要介紹的餐廳位於銅鑼灣，是一家任食火鍋既連鎖餐廳。 餐廳既坐位寬闊，坐得好舒服，聚餐同小聚都適合。現在餐廳做緊優惠，凡追蹤牛品台式火鍋社交媒體平台即贈送開心果奶綠或草莓益力多一杯！同埋食完嘢仲仲可以玩夾波波機，有機會中獎換coupon或者禮品。御品吃到飽套餐牛御品吃到飽套餐，主打食日本和牛同澳洲和牛任食，質素不錯所以主力叫呢兩款牛就可以。首先有日本宮崎縣A5和牛揀，餐切既大小厚度適合打邊爐，牛油花分布均勻，入口即化。鐘意食牛味重既朋友可選擇澳洲M9和牛，肉質細嫩，煮煮後仍保持柔軟。小食類小食類選擇豐富 ，大部分都台灣小食，今次食左鹽酥難、牛品牛三寶、皮蛋豆腐等全部都係高質。而醬料區選擇極多選擇，種類接近20款一定啱晒打邊爐愛好者。甜品區甜甜品亦有多款選擇，有 自助台式甜品仙草凍、配上好多配料例如綠茶愛玉、寒天、桃膠、鳳梨椰果等。亦有豆腐花同雪糕揀。牛品地址： 銅鑼灣登龍街1-29號, Midtown Soundwill Plaza II, Midtown 1樓交通：港鐵銅鑼灣站 A 出口, 步行約5分鐘…查看更多

行開銅鑼灣有間高質lunch 打邊爐➡️牛極品 (午市無限時吃到飽套餐)🐮🐮一入到去成個仙境咁，大部份配菜都係自助形式。第一樣見到就係雪糕Häagen-Dazs 無限裝，仲有可以自製台式芋圓糖水，配料非常齊全，珍珠，椰果，愛玉，紅豆，蒟蒻球。全部都係我最鍾意😍熟食嗰邊就有好多台式小食，滷肉飯、茶葉蛋、涼拌青瓜，鴨舌等等。仲有一個炸物區，有番薯條，麻糬波波，啱晒鍾意食香口嘢嘅小朋友。仲有好多選擇嘅蔬菜區同埋魚蛋牛丸墨魚丸任君選擇。主打肉類，就要喺Menu度叫，牛肉夠晒嫩滑又有肉汁，簡直食唔停。地點又好，方便時代廣場後邊，登龍街Midtown一樓，食飽咗仲可以行街。值得推介，附近返工嘅朋友仔lunch又多一個選擇，或者放假去開銅鑼灣不防一試😋…查看更多

趁住天氣涼涼地，就去左【牛品台式火鍋】食火鍋放題，今次就試左牛御品套餐、任食120分鐘，最高品質有澳洲M9和牛食。澳洲M9和牛：雪花分佈均勻，油脂甘香，輕輕一淥就食得，肉質鮮嫩入口即化，牛味濃郁，完全對得住個價錢！手工蝦滑：真材實料，咬落爽脆彈牙，仲食到一粒粒蝦肉，唔係淨係得粉漿，推薦必點！阿在伯高麗菜豬肉水餃：皮薄餡多，漲卜卜，高麗菜清甜爽口，豬肉餡鮮味，淥完都唔會散開，水準之作～各式火鍋丸：牛品嘅火鍋丸款式多又特別，有流心鹹蛋黃丸、芋頭貢丸同胡椒豬肚丸等，款款都有驚喜，同一般台式火鍋店嘅丸完全唔同！最特別仲有好多台式甜品同小食、刨冰都可以自己整。宜家仲可以夾波波，夾到必中獎！…查看更多

無限時晚市火鍋放題最早5pm入座，可以坐到10:30pm星期五六日公眾假期，仲可以食到11pm食足你五個半鐘/六個鐘一定飽🤣我揀咗個｢牛殿品吃到飽套餐｣✅日本宮崎縣A5和牛✅海鮮✅多款台式小食✅自助區任拎✅1664啤酒任飲‼️每位送鮮活鮑魚湯底揀左期間限定🦞泡泡脆米龍蝦鍋有龍蝦有海鮮湯底夠晒鮮味落脆脆飲啖湯又幾好味wo🤩🐮任食日本宮崎A5和牛雪花紋靚，肉質嫩滑，瘋狂落單叫多幾碟🤣另一款係澳洲 M9和牛牛味都出其他牛款有手切美國封門柳､牛脷心托軟嫩､加拿大頂級牛板腱､一口和牛等💁🏼‍♀️每位送一隻鮑魚新鮮彈牙海鮮有得揀廣島蠔､蜆､蝦、青口等等，全部大路款式，新鮮啱食台灣食品小食款式都好多我幾乎全部叫晒🤣🔸最正係麻辣鴨血，好麻好辣🔸大腸包小腸切開咗幾件，食到糯米煙韌再加香腸既juicy🔸黑糖糍粑炸得又脆又熱其他款可以揀五味墨魚仔､小酥肉､炸花枝丸､宜蘭蔥餡餅､藤椒魚皮､鹽酥雞、墨魚餅、台灣香腸、椒鹽蝦等等自助區最吸引嘅係好多甜品🔸綿綿冰 有成十幾款配料任加黑糖珍珠､芋圓､紅豆､紫米､西米､寒天等等見到連開心果碎同可樂糖都有🤣仲有台灣布甸、豆腐花、Haagen-Dazs雪糕、阿華田雪糕。。。冇限時就係爽‼️慢慢食唔洗急5:00pm入座可以食到10:30pm最啱一家人或者一班朋友過嚟食…查看更多

在銅鑼灣，如果想吃台式自助火鍋一定會來這裏中午還推出超長時間的放題-$170/$248價錢真係好抵食 兩點之後入座仲有九折就算我們一邊聊天一邊吃，也吃得很飽也不用趕時間牛肉的質素是這樣的🔽本人覺得是市面上最好的10%水平 安格斯肉質果然是有質素 就連西班牙黑毛豬也是好吃就算是五花的部位不會太肥 每一種 我們都有點 特別喜歡牛小排 和美國頂級牛肩胛 平時吃到這種牛肉的放題，最少都要三百幾一個人！-麻辣口味火鍋 也是跟台灣的一樣好吃湯底都一樣認真製作 也是這裏的特色吃得出用了很多材料！-自助區還有大量台灣小食鹽酥雞是即點即刻炸，台灣必吃的肉燥飯也是認真製作，用上台灣米 係夜市嘅味道肉類選擇豐富、甜品有刨冰 台式芋圓仙草愛玉想吃多少也可以自助選擇雪糕仲要係Häagen-Dazs 加分加分！食放題就會揀啲比較低糖的茶 不會浪費quota…查看更多

做完運動同班朋友食飯大家都十分肚餓 最好緊係任食朋友介紹去左銅鑼灣呢間任食火鍋餐廳冷氣好夠 而且坐得舒適枱與枱之間有相當的距離好適合朋友見面聚餐的好地方原來火鍋店有2間分店 十分方便上次朋友去過尖沙咀係樂道32-34號1樓今次銅鑼灣係金朝陽中心二期Midtown 1樓最新優惠仲有食晚市堂食follow FB IG等等送特飲開心果奶綠或草莓益力多一杯湯底今次叫左紅燒一品鍋湯底色呈深紅 入口香濃 帶有微微香氣味道似在台灣食牛肉麵的湯底口感豐富 涮肉涮菜都好夾而且湯底唔僧因為煮耐左而變過鹹或過淡一直可以保持穩定味道到尾係好唔錯火鍋配料區有魚蛋、多款火鍋丸類同埋好多蔬菜菜既種類都多 而且全部都好新鮮配料區整齊乾淨 補貨速度快熱食及炸物區有好多選擇而且全部都好有水準:滷水豬肚、百葉豆腐、滷肉飯、金華火腿燉雞湯、咖喱牛腩、炸薯角、麥樂雞、響鈴、老油條及七彩蝦片等等當中滷水豬肚滷得入味 口感軟淋咖喱牛腩炆得夠腍 咖喱香濃微辣過癮炸物方面 麥樂雞外脆內嫩 老油條吸湯一流 自助飲品各式各樣罐裝或支裝汽水及自家冷泡茶自助任取另外仲有奶蓋、果汁、果酒、啤酒等等可以自費加 新鮮活鮑魚每位一隻每位客人都會獲贈一隻鮮活鮑魚鮑魚入口鮮甜 新鮮彈牙 肉質緊緻 有誠意澳洲M9和牛肩胛肉雪花脂肪分佈均勻 入口油香四溢但唔覺得膩而且肉味濃郁 輕輕涮幾秒已經好好食加拿大頂級牛板腱 肉質結實有嚼勁牛味突出 肩胛肉好濃肉味牛脷托就薄切設計 涮一涮就熟 口感爽滑台式小食另外仲有好多台式小食 多到數唔晒鹽酥雞：外皮香脆 肉汁豐富 配埋九層塔更惹味台灣腸：煙韌有咬口 味道少少甜 好有台灣街頭風味藤椒魚皮：魚皮爽滑 藤椒香麻 食落開胃過足口癮椒鹽粟米：粟米外層香脆 鹹香味濃 令人停唔到口麻辣鴨血：鴨血Q彈可口好入味 食落少少辣配埋呢個紅燒湯底就是完美新鮮水果及自助甜品吧最後有多款新鮮水果、飄雪黑糖綿綿冰、手工豆腐花、啫喱、芋圓珍珠及三款口味Haagen Dazs雪糕等等做餐後果同甜品 大滿足…查看更多

最近天氣開始轉涼，啲風吹落嚟真係有啲寒意 🥶 最啱就係去打個邊爐暖吓身。早排就去咗牛品食佢哋嘅「牛極品」午市無限時吃到飽套餐，成人 $248 一位，又幾多嘢食喎！顧名思義，「牛極品」套餐主打各款牛肉。牛肉選擇有一口和牛、美國特級牛肩胛肉、美國特級牛小排、加拿大頂級牛板腱、精選美國牛胸腹，全部油花分佈平均，落鍋一煮就香噴噴。湯底方面，今次揀咗元氣養生鍋Xxxx湯底，味道濃郁又唔會太膩，另外餐廳仲有特別D嘅酸菜白肉鍋、黑蒜黃金鍋、紅燒一品鍋等等可以揀，選擇困難嘅大家去到有排玩。😂其他仲有台式小食，鹽酥雞、甜不辣、麻辣鴨血，等緊D牛熟嘅時候可以食住先。蔬菜、丸類、豆腐、粉麵同醬料當然都齊全。…查看更多

朋友工作取得好成績，特意吃火鍋放題慶祝。餐廳位於金朝陽中心，環境寬敞，座位舒適🥘 鍋底選了「黑蒜黃金鍋」湯底鮮甜，裡面有新鮮蛤蜊和健康黑蒜🥩 肉類拼盤品質不錯：· 美國特級牛小排：油花均勻，肉質軟嫩· 加拿大頂級牛板腱：口感紮實，肉味濃· 美國肩胛肉：肥瘦適中· 牛胸腹：油脂豐富· 紐西蘭羊捲肉：羊味溫和，怕羊騷的人也能接受· 西班牙豬五花：肥瘦分明，燙後不柴🍢 自助區選擇豐富：花茶及汽水· 蔬菜🥬丸類有忌廉粟米丸、貢丸等· 熟食豬腸、豬紅不錯· 炸物：炸蝦片、薯角同番薯條香甜，炸雞寶酥脆· 唯一缺點是炸午餐肉偏鹹，有待改進🍧 甜品區是亮點：Haagen-Dazs雪糕、焦糖布丁、雪糕糯米糍都很受歡迎，最特別的是自助刨冰機，可以自由搭配多款配料，喜歡冰涼的人不要錯過。…查看更多

牛品台式火鍋呢間火鍋店雖然QR Code點餐野食唔算多選擇，但係牛肉以呢個價錢嚟講真係好高質，「牛上品」火鍋任食套餐成人都係$170，有5款肉類選擇，「牛極品」火鍋任食套餐成人都係$240，有9款肉類選擇，兩種價錢嘅火鍋任食套餐都有丸類、蔬菜、小食、糖水及飲品等等超過80款比大家無限添加！我哋就揀咗「牛極品」火鍋任食套餐，湯底就揀咗「剝皮辣椒雞鍋」，湯底唔會好辣，仲有凡追蹤牛品台式火鍋社交媒體平台即贈送「開心果奶綠」或「草莓益力多」一杯！必食推介有：美國特級牛小排、頂級美國肩胛肉、加拿大頂級牛板腱、精選美國牛胸腹、紐西蘭羊卷肉、花雕酒雞件、麻辣鴨血、甜品芋圓（要快搶開心果碎）同開心果奶綠等等！2人總共價錢$546，有加一服務費！個人口味總評分：9/10@beefbang_hk   📌銅鑼灣登龍街1-29號金朝陽中心二期 - Midtown 1樓📌尖沙咀樂道32-34號1樓如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#牛品台式火鍋 #火鍋店 #火鍋放題 #銅鑼灣 #銅鑼灣好去處 #銅鑼灣美食…查看更多

前幾日天氣涼涼地，於是約朋友嚟到「牛品」食火鍋😋😋餐廳主打台式火鍋放題，提供不同地道特色湯底、多款高質牛肉同台灣直送火鍋配料，款式豐富！同朋友食得好滿足🔥🔥-🍲牛殿品無限時吃到飽套餐✨湯底揀咗新出的「泡泡脆米龍蝦鍋🦞」，湯頭濃郁鮮甜，加上爽彈的龍蝦同香脆的泡泡米，口感好豐富！！肉類方面，包括有日本宮崎縣A5和牛、澳洲M9和牛肩胛肉、手切美國頂級封門柳、加拿大頂級牛板腱等～當中至愛「日本宮崎縣A5和牛🐂」！肉質軟嫩juicy，滿滿油脂香🤤🤤海鮮方面，包括有活鮑魚(每位一隻)、海蝦、日本廣島蠔同蜆等，全部都好新鮮！特別係「日本廣島蠔🦪」，蠔肉肥美飽滿，咬落仲會爆汁！！小食方面，包括有鹽酥雞、台式甜不辣、黑糖糍粑、五味墨魚仔、炸地瓜丸等，味道都唔錯！！另外自助區有多款火鍋配料、熟食、甜品、雪糕、飲品可以任食任飲～仲可以自整刨冰🍧，自行加入配料同雪糕，好玩又好味👍🏻👍🏻飲品方面，除了可以任飲1664生啤🍻，而家只要like「牛品」IG，即送「開心果奶綠」/「草莓益力多」一杯！！…查看更多