牛一香港仔魚蛋粉專門店

營業中

休息中

嘩，啲野真係好好食呀！手撕雞有好多唔同味揀，有鹽焗、麻辣、芥末、蒜香等等等等，份量都好多，仲有呢到有准山麵，無乜地方會賣准山麵，對啲想食得健康嘅人黎講真係好fit！最緊要係啲伙計好好人，好有禮貌，好建議大家去食！

原本想去嗰間排長龍，行過呢間諗住食個快晚餐，店舖名係魚蛋粉，但有越南嘢食，又有淮山麵人。店面主要有個男人負青，落單係佢，收錢係佢，裝飯都係佢，炸雞翼同豬扒都有香茅味，但飯就硬咗啲，咁嘅價錢都無得投訴。

的確，牛一輸的，不過是慣性收視。自從上次幫襯後，便成為了牛一的常客。真的很為牛一不值。與此店非親非故，不過講魚蛋墨丸，佢比起大埔街市和䣓條街的什麼乜乜記做得更有魚味更有墨魚味，亦更有 heart ！一口魚蛋一口骨湯，完全是 comfort food 。即使是外賣回家，仍無損他的滋味。講牛腩，直頭頂呱呱。相信是全大埔最好吃的。牛腩入味香濃，火喉足但仍保有嚼感，胖瘦相間，好吃！而且$80 來說，份量算是非常足料的了。牛一，加油呀！雖然你只是小店，但憑努力，一定可以打倒慣性收視的！會繼續支持！！💪🏻🌟

特別為牛一寫食評，希望佢做得住！因為個魚湯太好味喇！每次經過牛一，都會和老公笑它大膽，竟然開在陳漢、苑記、蔡潤附近，唔知「訂」。早兩日睇果籽才知道牛一來頭不小，作為大埔友加魚湯 Big Fans ，當然要試試。首次幫襯，order 了一個淨魚蛋墨丸，外賣。回家一看個湯就知不得了！係呀媽平時買成斤幾兩斤魚仔熬出來的濃稠，而且香氣撲鼻，難怪餐牌寫明「真材實料」，鮮甜好好飲呀！魚蛋有魚味，也食得出有大地魚粉的香！未吃過咁有墨魚味的墨丸！比振興丸的墨丸更好吃！相逢恨晚！下次會試枱枱都食的手撕雞、魚麵和越南河！

早兩日下午, 去到食下午茶, 叫個靜雲吞, 居然給我七（7）粒, 就算唔系新年, 都吾老黎啦, 俾少一粒俾多一粒都冇問題，應該樓面是仔，收錢亞媽，廚房亞爸,一家人玩晒, 男人的好不禮貌, 錢照俾, 唔食啦，冇下次囉，下次叫靜乜乜, 要問淸楚有幾多粒，唔好事後俾人串（受氣）

麻辣手撕雞面淮山面第一次試 幾有特色 清面再加手撕雞嘅麻辣 相當唔錯 再加個香茅雞翼同拼盤 （蝦餅 春卷 魚餅）即叫即整 正而朋友叫左個淨墨魚丸 爽口彈牙 食到係新鮮手打做價錢唔貴 比起隔離陳漢記 平 好坐

地方夠大，又闊落坐得好舒服，唔會好逼。冷氣又足。野食好好味。鋪頭d員工好好人。唔會趕客咁款。抵讚份量都好大份。小食拼盤都好好味，有蝦餅，魚餅，春卷，絲網卷$68墨魚丸粉d墨魚好彈牙$32豉油王切腩片撈粗夠入味$38手絲雞淮山麵$38 涼拌夠爽快豬仔包 夠脆同埋好好！香茅豬扒，無影到，但好香口。淋係豬扒上面既蔥油好香。呀⋯⋯原來仲有玻璃樽既可口可樂。夠好喝見佢d下午茶都係$21起，好似好抵食。早餐都好款式。幾抵食！

食過幾次牛腩撈粗，雲吞河，份量OK味道都唔錯，雖然已經無一開始甘好食，可能轉左手，不過地方算乾淨&光猛，但唔明點解次次來都無乜人，希望唔好甘快執笠啦，員工服務都唔錯

唔明點解佢成日都冇乜客，其實D野幾好食，環境又新淨舒服，今晚自己一個坐左個卡位，食個牛腩飯，D牛腩又淋又大舊唔會碎晒咁，重點D米係食得出飯香味，配牛腩真好，有送個紫菜湯，不過就比較一般，另外加$9有杯咖啡，意外地唔係普通茶餐廳貨式，值得一讚。

好有heart的粉麵店，魚蛋好香完全唔係加粉味道，牛腩係一件件唔係碎濕濕；侍應話豉油自己炒咪試撈麵囉，同朋友食第一啖真係叮一聲，好味。老實說我勁少寫食評，但見佢地食物有水準又唔貴，堅係好食過隔離出晒明排長龍名牌大哥。呢間去親都有卡位坐👉🏽👈🏽，真心擔心佢撐唔住，咁我又冇得食喇。所以點都要寫篇撐場，難得有間坐得舒服（位寬冷氣凍）又食得開心。值得幫襯。

天氣凍，一條友食飯食咩好？辦完公事，經過一間叫牛一魚蛋粉店舖，入去試試。伙記話天氣凍，介紹我試試新近推出的梅菜扣肉飯和蜂蜜生薑茶，暖暖。想想 why not？ 竟然有驚喜，好耐冇食過，不覺得油膩，薑茶有好多薑絲，非常暖胃。值得一讚👍。下次再搵多幾個朋友來試試粉面和其他飲品。聽說凍咖啡仲好飲，不過今天太凍，下次下次😉😉

新年好多店都無開，見喱間新開就去試下，但失望而回。首先，入到去點左個魚蛋麵走青，最後無走到。同佢講我叫走青，佢幫我整走左淨番少少，佢就話有少少唔緊要啦。（雖然碗野係29蚊唔係咩高級茶餐廳，但寧願佢唔好講喱句） 之後佢比左個碗我自己整走食物方面，d 麵好普通，無特別爽口同彈性。魚片口感軟，完全無彈性，魚蛋好d,同普通魚蛋無咩分別。相比大埔其他粉麵，呢間係較遜色。